

Lajmet
Francë: Zhduken 26 të mitur pasi u shpëtuan nga anija Ocean Viking
Kjo sipas autoriteteve lokale.
Published
2 years agoon
By
UBT newsKëshilli në departamentin jugor të Var tha se prokurorit publik i ishte thënë se 26 nga 44 të rinjtë nën moshën e plotë ligjore në qendër kishin ikur.
“Tre nga 44 të miturit tashmë kishin ikur… pasi ishin marrë në kujdes”, tha presidenti i departamentit Jean-Louis Masson për gazetën Le Figaro. “Mëngjesin e së enjtes janë zhdukur edhe 23 të mitur të tjerë”, shtoi ai.
“Kjo ishte e parashikueshme për ne”, i tha AFP-së, Christophe Paquette, zëvendësdrejtor i përgjithshëm përgjegjës për solidaritetin në këshillin e departamentit Var.
Ai shpjegoi se shumica e 26 të miturve ishin eritreanë që “nuk qëndrojnë kurrë” sepse “kanë objektiva specifike në vendet e Europës veriore” si Holanda, Luksemburgu, Zvicra apo Gjermania, ku duan të bashkohen me familjet apo të afërmit e tyre.
“Misioni ynë është t’i mbrojmë ata dhe jo t’i ndalojmë”, shtoi Paquette, duke theksuar se departamenti kishte “raportuar largimin e tyre”.
Të miturit e arratisur “u sollën në mënyrë shembullore, u larguan duke na falënderuar”, këmbënguli ai.
“Fenomeni i arratisjes së të miturve të pashoqëruar është i shpeshtë, për shumë arsye, lidhjet familjare në një vend tjetër evropian për shembull”, u tha gazetarëve prokurori publik i Toulon, Samuel Finielz.
“Ofrimi i strehimit është një fazë e mbrojtjes së fëmijëve që nuk mund të konsiderohet si izolim”, shtoi ai.
Muajin e kaluar, anija e shpëtimit e bamirësisë “Ocean Viking” shpëtoi 234 emigrantë, përfshirë 57 fëmijë, ndërsa ata u përpoqën të arrinin në Catania në Siçili pasi kaluan Mesdheun nga Afrika e Veriut.
Por Italia refuzoi të lejonte ankorimin e anijes për tre javë, duke e detyruar anijen të lundronte në Francë.
Qeveria franceze e quajti Italinë “të papërgjegjshme” dhe “çnjerëzore” që nuk ndihmoi anijen, duke akuzuar qeverinë italiane të krahut të djathtë për “shkelje të besimit”.
Parisi u përgjigj duke thënë se do të refuzonte të merrte 3,500 azilkërkues nga Italia që do të pranonte sipas një plani evropian të “solidaritetit” për ndarjen e emigrantëve.
Kryeministrja italiane Giorgia Meloni, e cila u zgjodh duke premtuar se do të ndalonte fluksin e emigrantëve midis Afrikës dhe Italisë, u përgjigj duke e përshkruar reagimin e Parisit si “të pakuptueshëm dhe të pajustifikuar”.
Sherri u duk se u qetësua vetëm të hënën pas bisedimeve midis presidentëve italianë dhe francezë Sergio Mattarella dhe Emmanuel Macron./UBTNews/

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.
Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.
“VRASJE NË TENTATIVË. Rr. Vëllezërit Gërvalla, Pejë 22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.
Aktualitet
Seanca konstituive vazhdon të premten në ora 10:00
Published
13 hours agoon
April 23, 2025
Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.
Ai tha se seanca do të vazhdojë sërish më 25 prill në ora 10:00.
“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpitet për të premtën 25 prill në ora 10:00”, tha Dehari.
Aktualitet
Burimet e Vatikanit zbulojnë detaje të momenteve të fundit të Papës
Published
13 hours agoon
April 23, 2025
Burime nga Vatikani kanë dhënë më shumë detaje për momentet e fundit të Papës.
Bëhet e ditur se të hënën në mëngjes, Papa u zgjua rreth orës 6 të mëngjesit dhe ishte mirë për të paktën një orë.
Por rreth orës 7 të mëngjesit, njësia mjekësore e Vatikanit mori një telefonatë urgjente nga apartamenti i tij në Casa Santa Marta.
Zyrtarët e Vatikanit konsideruan një transferim urgjent në Spitalin Gemelli në Romë dhe burime policore kanë konfirmuar se kanë marrë një kërkesë urgjente për shoqërim policor nga Vatikani pas orës 7 të mëngjesit, shkruan Skynews.
Mësuam më herët sot se infermierja personale e Papës Massimiliano Strappetti e pyeti atë përpara paraqitjes së tij të së dielës së Pashkëve nëse mendonte se mund ta menaxhonte atë.
Papa kishte insistuar se ishte në rregull. Më pas, Papa e falënderoi dhe i tha: “Faleminderit që më ktheve në shesh”.
Më pas ai kaloi një pasdite “të qetë” të së dielës dhe shijoi darkën e tij, bëhet e ditur nga Vatikani.

Edhe produktet e qumështit mund të ngrihen, dhe kryesisht të mos e ndryshojnë teksturën dhe shijen. Zbuloni se cilat janë truket për ngrirje të duhur të produkteve të qumështit.
Në këtë mënyrë do ta zgjasni afatin e qumështit, djathit dhe produkteve të tjera, por disa prej tyre nuk ka kuptim të ngrihen, sepse pas shkrirjes nuk do ta kenë të njëjtën shije.
Truket që funksionojnë:
Ai reagon mjaft mirë ndaj ngrirjes. Atë mund ta “paketoni” në shishe plastike dhe ta vendosni në ngrirës.
E shkrini në frigorifer. Nëse e keni ngrirë qumështin e papërpunuar të pavluar, më së miri është ta vendosni (të shkrirë) në një tigan në shporet (në temperaturë mesatare) dhe të lihet të vlojë. (Bëni kujdes, qumështi është “mashtrues”, – ai mund të vlojë shpejt).
Mos e pini qumështin derisa të shkrihet, yndyrat dhe pjesa e lëngshme nuk shkrihen në të njëjtën kohë, po të shkrihej qumështi do mbetej vetëm një përzierje e bardhë e holluar me ujë. Vetëm lëreni të shkrihet ngadalë dhe përzieni para se ta përdorni. Ai do ta ketë të njëjtën shije sikurse kur e keni blerë.
Djathërat
Edhe djathërat mund t’i ngrini lehtë, bëni kujdes me shkrirjen. Në qoftë se përdorni djathë të fortë e doni ta përdorni në ushqimin ku duhet të shkrihet, vetëm vendoseni të ngrirë, në salca dhe supa. Atë mund ta imtësoni edhe të ngrirë mbi pica a ndonjë ushqim tjetër dhe vetëm e lini në furrë për disa minuta.
Nuk do duhej ta shkrini në frigorifer, sidomos djathërat e forta, se fillojnë të shpërbëhen, nëse e shkrini në temperaturë dhome, e vendosni në frigorifer për një orë ose dy para se ta përdorni. Ai do të jetë pothuajse i njëjtë si kur e keni blerë. Djathërat tjerë do t’i shkrini në frigorifer, si djathi i dhisë, krem djathi.
Ato mund t’i konsumoni pa ndonjë përgatitje të veçantë kur të shkrihen. Djathi i shtëpisë reagon në mënyrë të ngjashme me qumështin. Duhet ta keni parasysh që shtrihet kur ngrihet, bëni kujdes në çfarë do ta vendosni kur ta vendosni në frigorifer, opsioni më i mirë janë enët plastike.
Lëreni atë të shkrihet në frigorifer.
Gjalpi
Nuk ka asgjë më të thjeshtë. Vetëm vendoseni në ngrirës, dhe më pas nxirreni të shkrihet në frigorifer apo vetëm përdoreni një pjesë (sikurse në gjendje të shkrirë), dhe pjesën tjetër kthejeni në frigorifer. (Nëse gjalpi është në ulje çmimi, blijeni në sasi më të madhe dhe ngrijeni).
Ajka
Për këtë produkt të qumështit nuk rekomandohet ngrirja. Kur e shkrini në frigorifer mund ta hani pa ndonjë rrezik, por ajo do të jetë e shpërbërë dhe krejtësisht ndryshe. Më së miri është që ngrirjen e ajkës ta anashkaloni dhe atë ta përdorni të freskët.

Marcus Rashford ‘nuk dëshiron’ të luajë sërish nën drejtimin e Ruben Amorimit

A përplaseni me objekte e mavijoseni lehtë? Mund t’ju mungojë një nga këto lëndë ushqyese

Pse nuk është e sigurt të vozisni me goma dimri gjatë verës?

BE-ja gjobit Apple dhe Meta me 700 milionë euro

Studimi: Lotët ndihmojnë në diagnostifikimin e Parkinsonit

Mbrëmje vendimtare në “Fadil Vokrri”: Prishtina në kërkim të biletës për finalen e Kupës së Kosovës

23 prilli – Dita Ndërkombëtare e Librit

Uthulla e mollës, shëruese nëse përdoret për çdo ditë

Tentimvrasja në Pejë, i dyshuari në arrati
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT