Aktualitet

Franca thotë se vrau të dyshuarin kryesor për vrasjen e punonjësve të ndihmës në Niger

Ai ishte i dyshuari kryesor për vrasjen e gjashtë punonjësve të ndihmës dhe dy udhërrëfyesve.

Published

3 years ago

December 21, 2021

UBT news

Soumana Boura, një udhëheqës i të ashtuquajturit Shteti Islamik në Saharanë e Madhe, u vra në një sulm me dron, kështu deklaroi sot ushtria franceze.

Ai ishte i dyshuari kryesor për vrasjen e punonjësve francezë të ndihmës në gusht të vitit 2020 në vendin e Afrikës Perëndimore, tha ministria franceze e mbrojtjes.

Ushtria franceze tha se Boura u vra më 20 dhjetor në një sulm ajror të kryer nga forcat anti-terroriste “Operation Barkhane” në veri të Tillabéri, në veriperëndim të Nigerit.

Militanti ishte i dyshuari kryesor për vrasjet në gusht të vitit 2020 të gjashtë punonjësve të ndihmës dhe dy udhërrëfyesve të tyre lokalë, ndërsa ata ishin në një vizitë. Grupi xhihadist kishte marrë përgjegjësinë për vrasjet.

Koloneli Pascal Ianni, zëdhënësi i shtabit të përgjithshëm të ushtrisë franceze, i tha AFP-së se Boura kishte filmuar ekzekutimin e tetë viktimave në gusht dhe kishte mbikëqyrur publikimin e pamjeve./UBTNews/

Aktualitet

Parashikimi i motit për sot

Published

22 hours ago

May 1, 2025

Albina Zeneli

Sot mbi vendin tonë pritet të mbaj mot pjesërisht i kthjellët.

Temperaturat minimale do të sillen nga 10°C deri në 18 °C.

Edhe nesër, me datë 2 maj do të mbajë mot pjesërisht i ngjashëm me temperatura nga 10 deri në 20°C. /UBT News/

Aktualitet

Aksident trafiku në Klinë të Ulët, një e vdekur dhe katër të lënduar

Published

2 days ago

April 30, 2025

Albina Zeneli

Një aksident trafiku ndodhi sot në rrugën rajonale Mitrovicë – Skenderaj, pikërisht në fshatin Klinë e Ulët.

Policia e Kosovës njoftoi se në aksident u përfshinë dy vetura, ku si pasojë e lëndimeve të pësuara humbi jetën viktima një femër rreth 65 vjeçare, ndërsa u lënduan edhe katër persona të tjerë, të cilët u dërguan për mjekim në Spitalin Rajonal të Mitrovicës.

Aktualitet

Punëtorët e KEK-ut protestojnë më 1 maj

Published

2 days ago

April 30, 2025

Albina Zeneli

Sindikata e Re e Korporatës së Energjisë së Kosovës njoftoi për organizimin e një proteste më 1 Maj, Ditën Ndërkombëtare të Punëtorëve, për të kërkuar paga më dinjitoze dhe kushte më të mira pune për punëtorët e sektorit energjetik.

Protesta do të mbahet të mërkurën, në ora 12:00, në sheshin “Skënderbeu” në Prishtinë.

Në njoftimin e bërë publik, Sindikata thekson se puna e tyre përmban lodhje ekstreme, rrezik të përhershëm dhe sakrificë të përditshme, duke theksuar se “kjo punë nuk ka para që mund ta paguajë”.

Për të ilustruar realitetin e vështirë, sindikata ka shpërndarë edhe një fotografi të një punëtori me fytyrë të mbuluar nga pluhuri i zi, simbol i kushteve të rënda në të cilat punojnë minatorët dhe teknikët e KEK-ut.

“Protestojmë për një pagë dinjitoze dhe respekt për punën tonë”, thuhet në thirrjen publike, ku organizatorët ftojnë qytetarët dhe përfaqësuesit sindikalë të solidarizohen me kërkesat e tyre.

Aktualitet

Zhduket një person në Shtime

Published

2 days ago

April 30, 2025

Albina Zeneli

Një person është raportuar i zhdukur në Shtime tash e dy ditë.

Sipas njoftimit nga Policia, babai i viktimës ka raportuar në polici të hënën pasdite se djali i tij është larguar nga shtëpia dhe nuk është kthyer më.

Rasti vazhdon të hetohet.