Lajmet

Fondi i pasurisë së Norvegjisë humb 174 miliardë dollarë gjatë këtij viti

“Tregu është karakterizuar nga rritja e normave të interesit, inflacioni i lartë dhe lufta në Evropë”…

Published

on

Fondi sovran i pasurisë së Norvegjisë, më i madhi në botë, pësoi një humbje prej 1.68 trilionë korona norvegjeze ose 174 miliardë dollarë në gjysmën e parë të 2022.

Kthimi nga investimi i fondit prej 1.3 trilion dollarësh ishte negativ prej 14.4 për qind për periudhën janar-qershor, shkruan Reuters.

“Tregu është karakterizuar nga rritja e normave të interesit, inflacioni i lartë dhe lufta në Evropë”, tha në një deklaratë, shefi ekzekutiv Nicolai Tangen i Norges Bank Investment Management, i cili operon fondin.

“Aksionet e teknologjisë kanë ecur veçanërisht dobët me një kthim prej minus 28 për qind”, tha ai.

I themeluar në vitin 1996, fondi investon të ardhura nga sektori i naftës dhe gazit të Norvegjisë dhe mban aksione në më shumë se 9,300 kompani në mbarë botën, duke zotëruar 1.3 për qind të të gjitha aksioneve të listuara.

Vlera e saj prej 1.3 trilion dollarësh është afërsisht e barabartë me madhësinë e ekonomisë meksikane, e 16-ta më e madhe në botë, sipas disa masave.

Të gjithë sektorët në të cilët investon fondi shënuan kthime negative në gjysmën e parë, përveç energjisë, ku kthimet ishin 13% ndërsa çmimet u rritën pas pushtimit rus të Ukrainës.

Bankat qendrore i kanë rritur në mënyrë agresive normat e interesit këtë vit për të luftuar inflacionin, duke çuar në rritjen e kostove të huamarrjes dhe uljen e marzheve të fitimit për korporatat.

Në total, 68.5 për qind e fondit është investuar në aksione në fund të qershorit, me 28.3 për qind në të ardhura fikse, 3.0 për qind në pasuri të paluajtshme të palistuara dhe 0.1 për qind në infrastrukturën e energjisë së rinovueshme të palistuar.

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara