Lajmet

Fjalitë në intervistë që ua sigurojnë kandidatëve ofertën e punës

Mos e humbisni durimin dhe vazhdoni më tutje për t’i mësuar ato që bëjnë “mrekulli”:

Published

3 years ago

November 25, 2021

UBT news

A e dini që ka fraza të cilat bëjnë “magji” në intervistat e punës? Janë këto fjalitë që i impresionojnë punëdhënësit, pavarësisht se për çfarë pozite dhe industrie po intervistoheni.

Mbase gjatë përgatitjes tuaj përpara se të shkoni në intervistë të punës, i keni përsëritur pa pushim disa fjali që keni menduar që janë më të mirat për t’i thënë gjatë intervistës, por përsëri nuk keni të sigurt, nëse janë të duhurat.

Mos e humbisni durimin dhe vazhdoni më tutje për t’i mësuar ato që bëjnë “mrekulli”:

“Isha shumë i/e ngazëllyer kur mësova për këtë pozitë”

Nëse keni shkuar në intervistë dhe thjesht përgjigjeni në çdo pyetje që jua bëjnë, jo vetëm që nuk do të lini përshtypje të mirë, por do të lini përshtypje të keqe, duke e ndërprerë aty çdo lidhje me kompaninë. Për ta bindur punëdhënësin që jeni shumë të interesuar duhet të shfaqni entuziazëm në përgjigjet tuaja. Madje, nuk është aspak turp që të jeni i hapur, duke i shtuar kësaj fraze edhe një fjali si “Më pëlqen që të krijoj përmbajtje për klientët pikërisht në këtë hapësirë dhe me të njëjtin ekip!”.

“Kjo punë më përputhet shumë me përvojën dhe kualifikimet e mia dhe ja pse”

Njëra nga qëllimet e rekruterëve është gjetja e dikujt për t’u përshtatur në kultura dhe detyra pa shumë probleme në atë pozitë. Kjo do të thotë që duhet të të jeni të përgatitur mirë me kërkesat dhe kushtet e punës dhe keni aftësi për të ekzekutuar. Gjatë intervistës së punës e keni mundësinë që t’i thoni gjërat që nuk keni pasur mundësi t’i përmendni në letër motivuese.

Prandaj, kur e thoni këtë është shumë e rëndësishme që ta keni gati një “tregim” i cili e shpjegon përvojën tuaj. Zgjidhni ngjarje që i hedhin në pah aftësitë dhe pikat tuaja më të forta!

Pashë që puna kërkon e di shumë mirë përdorimin e softuerit X. Unë e përdora këtë softuer në dy punët e mia të kaluara, kështu që jam shumë rehat me të gjatë përdorimit. Madje edhe kam trajnuar punonjës të rinj kur kanë filluar punën atje. Të njëjtën mund ta bëj edhe këtu.”

“Kam lexuar për këtë projekt në ueb-faqen tuaj”

Punëdhënësit janë në kërkim të punonjësve të informuar. Me këtë fjali ju tregoni që keni hulumtuar paraprakisht dhe jeni shumë të interesuar që ta zini atë vend pune. Kështu që, hulumtoni jo vetëm në faqen e internetit të kompanisë, por edhe në rrjetet sociale, apo storjet në mediume të ndryshme.

“Më lejoni që t’jua një kohë kur e kam zgjidhur një problem të tillë”

Bazuar në një gjetje të Asociacionti Nacional të punëdhënësve dhe kolegjeve, zgjidhja e problemeve është njëra ndër aftësitë e buta që të diplomuarve të rinj të kolegjit u mungon më shumë. Por edhe, kur vendosni të tregoni që jeni problem-zgjidhës, tregoni atë me shembuj. Edhe këtu ka dallim. Mënyra më e mirë është që të hulumtoni për kompaninë dhe të shihni se me çfarë sfidash përballet kompania, pastaj shpjegoni sesi keni zgjidhur probleme të ngjashme në të kaluarën.

“Kam lexuar në faqen tuaj të internetit që jeni duke u bërë gati për ta lansuar një produkt të ri, por nuk ka shumë media që po flasin për këtë. Në punën time të vjetër pata punuar për të nxjerrë një produkt të ri në treg. Atë kohë pata qenë i përfshirë në krijimin e njoftimeve për shtyp dhe sigurohesha që ta ketë mbulim të mjaftueshëm mediatik. Do të doja të ndaja atë që mësova me ekipin tuaj dhe të ndihmoja produktin tuaj të ri të ekspozohej më shumë.”

“A mund ta qartësosh?”

Kur gjatë gjithë kohës e tundni kokën në shenjë pohimi, intervistuesi mund të mendojë që nuk po e dëgjoni vërtetë dhe gjithçka që po bëni është ta prisni radhën tuaj për të folur. Duke bërë pyetje të tilla pasuese gjatë intervistës, tregoni që jeni plotësisht të angazhuar në bisedë. Pra, nuk po e humbni kohën e tyre

Përmendni emrin e intervistuesit

Një mënyrë e mirë për të krijuar lidhje me intervistuesin është që ta përmendi emrin e intervistuesit dy deri në tri herë gjatë intervistës. Duket që nuk ka ndonjë rëndësi, por do të thotë shumë. Intervistuesit janë gjithmonë intuitivë në krijimin e kimisë në mes të personave.

Bota

Ish-udhëheqësi i Hezbollah do të varroset të dielën

Published

2 days ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

2 days ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.