Kuriozitete

Fiton Botërorin e fjalëve spanjisht, ndonëse nuk e flet gjuhën

Published

1 year ago

on

Më shumë se 150 garues nga 20 shtete të ndryshme morën pjesë në Granada të Spanjës muajin e kaluar në Kampionatin Botëror të lojës së fjalëve “Scrabble” në gjuhën spanjishte.  Lajmet për fituesin e turneut bënë bujë në gjithë Spanjën, pasi Nigel Richards nuk flet fare gjuhën spanjishte, shkruan “The Guardian”. 

“Një poshtërim i  jashtëzakonshëm” ishte mënyra sesi një prezantues i lajmeve e përshkroi ngjarjen këtë javë, ndërsa një raport tjetër e etiketoi si “kulmi i absurditetit”. 

Por, për ata që e kanë ndjekur Richardsin, një zelandez me banim në Malajzi i njohur si Tiger Woodsi i “Scrabble”, arritja duket e përshtatshme.

“Ky është dikush me aftësi shumë të veçanta dhe të pabesueshme. Ai është një person i talentuar”, ka thënë Benjamin Olaizola për “Cadena Ser”. Ai doli i dyti pas Richardsit në turneun në Spanjë.

“Ne po flasim për një zelandez që ka fituar shumë kampione në gjuhën angleze – të paktën pesë prej tyre”, tha Olaizola.

Titulli spanjoll nuk ishte hera e parë që Richards tregoi aftësitë në lojën e fjalëve “Scrabble” në gjuhë të cilat nuk i flet. Ai në vitin 2015 fitoi botërorin në gjuhën frënge ndonëse nuk ishte në gjendje të fliste apo kuptonte frëngjisht.

Ai thuhet se mësoi përmendësh të gjithë fjalorin “Scrabble” të frëngjishtes për nëntë javë.

“Ai nuk flet fare frëngjisht – thjeshtë mësoi fjalët”, tha shoqja e tij Liz Fagerlund për “New Zealand Herald”.

Ai në vitin 2018 fitoi sërish turneun frankofon. Richards shihet si lojtari më i mirë i të gjitha kohërave në këtë lojë, ai luan mbi tre dekada në këtë lojë.

Related Topics:
Continue Reading

Kuriozitete

25 emrat më të shpeshtë në botë – Muhameti e Maria nuk lëshojnë udhë!

Published

2 weeks ago

on

January 1, 2026

By

Emrat e njerëzve ndryshojnë me kohën, i përshtaten asaj. Mirëpo, në gjithë botën, janë disa emra që nuk ndryshojnë shumë. Mund të ketë trende të emrave të rinj, por ata të moçmit vazhdojnë e dominojnë.

Dhe këtë e tregon më së miri një listë prej 25 emrave më të përhapur në botë, ku emrat Muhamet për burrat dhe Maria për gratë vazhdojnë ta mbajnë primatin – me diferencë të lartë nga emrat e tjerë.

  1. Muhammad – 133,349,300
  2. Maria             – 61,134,526
  3. Jose – 29,946,427
  4. Wei -17,145,807
  5. Ahmed -14,916,476
  6. Yan -14,793,356
  7. Ali -14,763,733
  8. John -14,323,797
  9. David -13,429,576
  10. Li -13,166,162
  11. Abdul -12,163,978
  12. Ana -12,091,132
  13. Ying             -12,047,080
  14. Michael -11,471,765
  15. Juan -11,372,603
  16. Anna -11,350,336
  17. Mary -11,303,767
  18. Jean             -11,024,162
  19. Robert -10,170,794
  20. Daniel             -10,026,181
  21. Luis             -9,757,245
  22. Carlos             -9,618,779
  23. James             -8,807,695
  24. Antonio -8,659,274
  25. Joseph -8,630,833

Continue Reading

Kuriozitete

Pajisjet shtëpiake që nuk duhen ndezur kurrë njëkohësisht

Published

1 month ago

on

December 16, 2025

By

Ndezja njëkohësisht e pajisjeve me konsum të lartë elektrik mund të duket praktike, por në realitet përbën një rrezik serioz për instalimet elektrike shtëpiake.

Çdo pajisje tërheq amperazh të caktuar dhe kur disa prej tyre punojnë paralelisht, rrjeti mund të mbingarkohet.

Siguresat shërbejnë si mbrojtje, por në instalime të vjetra ose kur përdoren kabllo zgjatëse, ekziston rreziku real i mbinxehjes, shkrirjes së prizave dhe madje zjarrit. Kabllot zgjatëse janë veçanërisht të rrezikshme, pasi nuk janë të dizajnuara për pajisje me fuqi të lartë.

Pajisje si frigoriferët, mikrovalët, tosterët, aparatet e kafesë, ngrohëset dhe kondicionerët nuk duhet të ndajnë të njëjtën prizë.

Kur këto rregulla injorohen, telat mund të mbinxehen dhe të shkaktojnë zjarre të fshehta brenda mureve.

Këshilla është të shkëputen pajisjet nga priza kur nuk përdoren dhe të shmanget përdorimi i kabllove zgjatëse për pajisje të fuqishme.

Kjo rrit sigurinë në shtëpi dhe ul edhe shpenzimet e energjisë elektrike. /A.Z/UBT News/

Continue Reading

Kuriozitete

Letra e fundit e Mary Stuart rikthehet në ekspozim pas dekadash

Published

1 month ago

on

December 12, 2025

By

Letra e fundit e Mary Stuart, Mbretëreshës së Skocisë, e shkruar pak orë para ekzekutimit më 8 shkurt 1587, do të ekspozohet vitin e ardhshëm në Muzeun e Perthit.

Dorëshkrimi, që ruhet në Bibliotekën Kombëtare të Skocisë dhe rrallë shfaqet për arsye konservimi, do të jetë i ekspozuar për tre muaj – periudha më e gjatë e ekspozimit në dekada.

Letra katërfaqëshe, drejtuar Mbretit Henri III të Francës, përmban reflektimet e saj para vdekjes, pretendimin për kurorën angleze, përkushtimin ndaj fesë katolike dhe kërkesën për shpërblimin e shërbëtorëve të saj.

Ekspozita do të shoqërohet me aktivitete dhe materiale të tjera historike, përfshirë dorëshkrime nga AK Bell, si poema e Robert Burns dhe fragmente nga drama e Liz Lochhead.

Letra do të jetë e hapur për publikun nga 23 janari deri më 26 prill 2026. /A.Z/UBT News/

 

Continue Reading

Kuriozitete

Një grua në Spanjë pushohet pse shkonte herët në punë

Published

1 month ago

on

December 11, 2025

By

Një punonjëse 22-vjeçare në Spanjë u pushua nga puna për shkak se paraqitej 40 minuta para orarit zyrtar.

Ajo kishte punuar më herët për dy vjet dhe ishte paralajmëruar 19 herë për të respektuar orarin 07:30.

Kompania e akuzoi gjithashtu për shitjen pa autorizim të një baterie të përdorur.

Gjykata e Alicantes vendosi në favor të punëdhënësit, duke argumentuar se problemi ishte mosrespektimi i rregullave, një shkelje e rëndë sipas Kodit të Punës spanjoll.

Punonjësja mund të apelojë në Gjykatën e Lartë në Valencia. /A.Z/UBT News/

Continue Reading

Të kërkuara