Teknologji

Firma koreane planifikon 2.5 miliardë dollarë në impiante të reja të paneleve diellore në Xhorxhia

Nga kompania thonë se është investimi më i madh diellor në historinë amerikane.

Published

2 years ago

on

Një prodhues i paneleve diellore i Koresë së Jugut njoftoi të mërkurën se do të investojë më shumë se 2.5 miliardë dollarë për të ndërtuar fabrika në Xhorxhi. Nga kompania thonë se është investimi më i madh diellor në historinë amerikane.

Qcells, një njësi e Hanwha Solutions, parashikon se do të përmbushë rreth 30% të kërkesës totale të paneleve diellore në Shtetet e Bashkuara të Amerikës deri në vitin 2027, përfshirë edhe prodhimin e komponentëve të paneleve diellore që zakonisht prodhohen jashtë Shteteve të Bashkuara.

“Derisa kërkesa për energji të pastër po vazhdon të rritet në nivel kombëtar, ne jemi gati t’i shtyjmë mijëra njerëz të punojnë duke krijuar panele diellore plotësisht të prodhura nga Amerika”, deklaroi CEO i QCells, Justin Lee.

Presidenti amerikan, Joe Biden tha se kjo është “fitore për punëtorët, konsumatorët dhe klimën”. Ai tha se përmes saj do të ofrojnë vende të mira pune, do të reduktojnë varësinë e Amerikës nga vendet e tjera për komponentët diellorë, do të ulin koston e paneleve diellore dhe do të ndihmojnë në uljen e emetimeve të karbonit./UBTNews/

Related Topics:
Continue Reading

Automobilizëm elektrikë

VW po e zhvillon “bishën” Golfin GTI plotësisht elektrik

Published

2 hours ago

on

June 3, 2025

By

Volkswagen Golf GTI i parë elektrik është duke u zhvilluar dhe shefi ekzekutiv i Volkwagenit, Thomas Schafer, premton se do të jetë “veturë bishë”.

VW do të vazhdojë të përditësojë Golfin deri në fund të dekadës, në të cilën pikë arrin në versionin elektrik, bazuar në arkitekturën krejtësisht të re SSP.

“Jam shumë i kënaqur me progresin”, tha Schafer.

GTI do të jetë me tërheqje me rrotat e përparme, pavarësisht se versioni i tij më i afërt elektrik – ID.3 GTX –  ka një motor prej 322 kuaj fuqi që vë në lëvizje rrotat e pasme. Është rreth 60 kuaj fuqi më tepër se versioni i sotëm i GTI-së 2.0 litra benzinë turbo.

Golf R i parë elektrik – që po ashtu po planifikohet – do të ketë kapacitetin të vijë me një tjetër fuqi, me tërheqje që aplikohet në të katër rrotat.

ID.2 GTI, i shfaqur në formën e konceptit, do të vendosë standardin për Golfin GTI elektrik të së ardhmes, ka thënë Schafer.

Puna digjitale në Golf GTI elektrik po merr formë, përpara se makina të kalojë në fazën e prototipit fizik.

“Ne e dimë se si duket automjeti dhe mund të qëndrojmë virtualisht në të”, tha Schafer.

Continue Reading

Teknologji

Microsofti do të investojë 400 milionë dollarë në inteligjencën artificiale në Zvicër

Published

21 hours ago

on

June 2, 2025

By

Microsofti do të investojë 400 milionë dollarë në Zvicër për zhvillimin e inteligjencës artificiale, raportoi të hënën Reuters.

Kompania amerikane e teknologjisë njoftoi investimin në një takim të ministrit zviceran të Ekonomisë, Guy Parmelin, dhe nënkryetarit të saj, Brad Smith, në Bern.

Kjo kompani që punëson 1,000 persona në Zvicër, nuk dha detaje se sa vende pune do të krijojë investimi.

Paratë do të përdoren për të zgjeruar dhe përmirësuar katër qendrat e saj të të dhënave pranë Gjenevës dhe Cyrihut, duke iu përgjigjur kërkesës në rritje për shërbime të inteligjencës artificiale dhe informatikën në Zvicër.

Zgjerimi do t’u shërbejë klientëve ekzistues dhe të rinj dhe do të lejojë që të dhënat të mbeten brenda kufijve zviceranë – kërkesë e rëndësishme për sektorë si kujdesi shëndetësor, financat dhe qeveria.

Microsoft do të zgjerojë gjithashtu bashkëpunimin me kompanitë e vogla dhe të mesme dhe do të shtojë përpjekjet e trajnimit për të ndihmuar njerëzit të përdorin inteligjencën artificiale dhe mjetet digjitale.

Continue Reading

Teknologji

WhatsApp-i përditëson opsionet e Statusit

Published

23 hours ago

on

June 2, 2025

By

Aplikacioni i njohur për mesazhe, biseda zanore dhe video, së shpejti do t’u mundësojë përdoruesve të publikojnë kolazhe, muzikë dhe stikera të rinj në kuadër të Statusit në WhatsApp.

Funksioni i Statusit në WhatsApp funksionon si Stories në Facebook. Përdoruesit ndajnë tekst, fotografi ose video në statusin e tyre, i cili zhduket pas 24 orësh. Që nga marsi, përdoruesit kanë mundësinë të shtojnë pjesë të këngëve në status, të zgjedhin këngë nga biblioteka muzikore e aplikacionit WhatsApp.

Këto fragmente muzikore mund të jenë deri në 15 sekonda kur publikohen bashkë me fotografi, dhe deri në 60 sekonda kur publikohen me video.

Tani videot mund të konvertohen në stikera, dhe është e mundur të shtohet prekje muzikore në status. Përdoruesit mund të ndajnë këngën si status të veçantë. Funksioni i ri Layout u lejon përdoruesve të krijojnë kolazh me deri në gjashtë fotografi dhe ta ndajnë atë si status, me një format të personalizuar.

Stikeri i ri me emrin “Add Yours” do t’i ftojë ndjekësit të përfshihen në statusin e përdoruesit duke “përgjigjur” me fotografitë e tyre. Fotot tani mund të konvertohen në stikera, të cilëve mund t’u ndryshohet madhësia dhe forma para se të shtohen në status.

Sipas Metës, funksionet e reja të statusi fillojnë të shpërndahen tek përdoruesit së shpejti, do jenë të disponueshme në WhatsApp gjatë muajve të ardhshëm.

Continue Reading

Teknologji

Apple dhe Google i nënshtrohen ligjit të ri në Teksas, që hyn në fuqi më 1 janar

Published

1 day ago

on

June 2, 2025

By

Guvernatori i Teksasit, Greg Abbott ka nënshkruar ligjin me të cilin kompanitë si Apple dhe Google, u kërkohet të verifikojnë moshën e përdoruesve të dyqaneve të tyre online të aplikacioneve.

Ligji do të duhej  të hynte në fuqi më 1 janar 2026, do kërkojë pajtimin e prindërve për marrjen apo blerjen e aplikacioneve për përdoruesit nën 18-vjeç, shkruan Reuters.

Utah është shteti i parë amerikan që ka marrë një vendim të ngjashëm më herët gjatë këtij viti, kurse anëtarët e Kongresit amerikan gjithashtu kanë zbuluar ligjin federal.

Një tjetër projektligj i Teksasit, i miratuar nga Dhoma e Përfaqësuesve e Teksasit dhe që pret një votim në Senat, do të kufizonte aplikacionet e mediave sociale për përdoruesit mbi moshën 18 vjeç.

Agjencia vëren se kufizimet e moshës dhe pëlqimi prindëror për aplikacionet e mediave sociale janë një nga fushat e pakta me konsensus të gjerë në SHBA.

Një sondazh dy vjet më parë zbuloi se 81 përqind e amerikanëve mbështesin kërkesën që prindërit t’u lejojnë fëmijëve të krijojnë llogari në mediat sociale me pëlqimin e prindërve, dhe 71 përqind janë në favor të verifikimit të moshës para përdorimit të mediave sociale. /Telegrafi/

Continue Reading

Të kërkuara