Lajmet

Finlanda është e përgatitur për ndërprerjen e furnizimit me gaz nga Rusia, thotë ministri

Finlanda tha më 28 prill se nuk do t’i bindet kërkesës së Rusisë që pagesat e gazit të bëhen në rubla.

Published

on

Finlanda është e përgatitur për mundësinë që fqinji i saj lindor, Rusia të ndërpresë furnizimet me gaz, tha një ministër i Qeverisë për Reuters, para vendimit të vendit nordik nëse do t’i bashkohet NATO-s.

Qeveria finlandeze tha më 28 prill se nuk do t’i bindet kërkesës së Rusisë që pagesat e gazit të bëhen në rubla, gjë që mund të çojë në ndërprerjen e furnizimit me gaz nga Rusia këtë muaj, siç ka ndodhur në Poloni dhe Bullgari.

Operatori shtetëror finlandez i gazit Gasum do t’i përgjigjet këtë muaj një letre mbi pagesat e rublave nga Gazprom i Rusisë. Një burim i njohur me këtë çështje i tha Reuters se afati i fundit për të dhënë përgjigje është 20 maji.

Vendi gjithashtu do të njoftojë javën e ardhshme nëse do t’i bashkohet NATO-s, aleancës perëndimore të mbrojtjes, gjë që për të cilën Rusia është kundër. Kjo ka shtuar frikën se Rusia mund të përpiqet ta shantazhojë atë duke ndaluar dërgesat e gazit.

“Finlanda është e përgatitur për mundësinë që dërgesat e gazit nga Rusia të përfundojnë”, tha për Reuters, Ministri i Çështjeve Evropiane të Finlandës, Tytti Tuppurainen.

Tuppurainen tha se masat që Finlanda ka marrë për të përgatitur përfshijnë ruajtjen e burimeve alternative të energjisë dhe qeveria gjithashtu njoftoi së fundmi se do të marrë me qira një terminal lundrues LNG me Estoninë.

Rreth 60-70% e gazit të përdorur në Finlandë e ka origjinën nga Rusia. Megjithatë, ajo përbënte pak më shumë se 5% të konsumit total të energjisë të vendit vitin e kaluar, treguan të dhënat paraprake të Statistikave të Finlandës, me naftën, biomasa me bazë druri dhe energjinë bërthamore që janë burimet kryesore të energjisë.

Shumica e gazit natyror përdoret në prodhimin industrial, tha eksperti i tregjeve të gazit, Heikki Lindfors i grupit të interesit finlandez të Energjisë.

“Pjesa e gazit në konsumin total të Finlandës është e vogël në përqindje, por përdoret nga sektorë industrialë në të cilët nuk mund të zëvendësohet lehtësisht”, tha ai, duke shtuar se disa kompani mund të përfundojnë me ndërprerjen e prodhimit të tyre.

Përdoruesi më i madh është industria kimike e Finlandës, e cila përfshin aktivitetet e rafinimit të naftës të grupit energjetik Neste në Porvoo.

Shefi Ekzekutiv në largim i Neste, Peter Vanacker, i tha Reuters javën e kaluar se testet për të parë nëse grupi mund të përdorte lëndë djegëse alternative si propani për të zëvendësuar gazin ishin të suksesshme.

“Ne mendojmë se jemi mjaft të gatshëm për këtë”, tha Vanacker, duke iu referuar mundësisë që dërgesat ruse të përfundojnë.

Industritë pyjore të Finlandës janë përdoruesi i dytë më i madh i gazit natyror. Prodhuesi kryesor i kartonit dhe pulpës Metsa Group, tha se po kërkonte alternativa ndaj gazit.

“Në praktikë, alternativa ndaj gazit natyror rus është kryesisht gazi natyror i lëngshëm ose nafta”, tha ai për Reuters.

Grupi pyjor UPM tha se tashmë kishte zëvendësuar gazin natyror rus me LNG në të gjitha njësitë e tij./UBTNews/

Lajmet

Albulena Haxhiu shkon në Institut të Mjekësisë, thotë se po renovohet për herë të parë që nga 2005

Published

on

By

Ministrja në detyrë e Drejtësisë, Albulena Haxhiu, ka shpërndarë fotografi nga objekti i Institutit të Mjekësisë Ligjore, i cili është në renovim.

Ajo ka thënë se renovimi është në vlerë prej rreth 1 milion euro.

Sot nga afër përcjellëm punimet e renovimit të objektit të Institutit të Mjekësisë Ligjore. Për herë të parë që nga viti 2005 po bëhen renovimet në objektin e Institutit të Mjekësisë Ligjore, në vlerë prej rreth 1 milion euro.  Shpreh mirënjohjen time për secilin që ka kontribuar në jetësimin e këtij projekti madhor dhe aq të rëndësishëm. Renovimi po realizohet në përputhje të plotë me standardet më të larta profesionale dhe teknike, me qëllim të krijimit të kushteve moderne për punë, si dhe ofrimin e shërbimeve më cilësore në fushën e mjekësisë ligjore.”

Continue Reading

Lajmet

Prokuroria kërkon paraburgim për të dyshuarit për vrasjen e policit Lika

Published

on

By

Prokuroria e Ferizajt i ka kërkuar të martën gjykatës të urdhërojë një muaj paraburgim për gjashtë të dyshuarit e arrestuar një ditë më parë në lidhje me vrasjen e rreshterit të Policisë së Kosovës, Muhamed Lika.

Të dyshuarit, të cilët u identifikuan nga prokuroria vetëm me inicialet H.B., R.M., V.Ç., E.L., Sh.K., dhe D.G., vijnë nga Kaçaniku në jug të Kosovës.

Muhamed Lika u vra natën e 1 prillit në shkallët e ndërtesës ku jeton në Kaçanik, derisa po kthehej në banesën e tij nga puna.

Ai u vra pasi u qëllua mbrapa shpinës nga një i mitur, i cili veproi në bashkëkryerje me pesë të dyshuarit e tjerë, rreth mesnatës së 1 prillit pak pasi kishte hyrë në ndërtesën ku jeton, tha prokuroria.

Që të gjashtë të dyshuarit u arrestuan të hënën gjatë një operacioni të gjerë policor në Kaçanik dhe u dërguan në mbajtje për 48 orë.

Drejtori i Policisë së Kosovës, Gazmend Hoxha dhe kryeprokurori i Prokurorisë Themelore në Ferizaj, Burim Çerkini, thanë gjatë një konference për media në Ferizaj se dyshimet e para janë se motivet e vrasjes kanë të bëjnë me punën e rreshterit si zyrtar policor.

Dyshimet e tona të deritanishme janë se vrasja e rreshterit tonë ka ndodhur për shkak të detyrës së tij zyrtare. Megjithatë, motivet do të qartësohen edhe pas intervistimit të personave të dyshimtë dhe pas ekzaminimit të dëshmive të gjetura. Kjo mbetet të vërtetohet”, tha Hoxha.

Hoxha dhe Çerkini thanë se disa prej tyre kanë të kaluar kriminale dhe se Lika kishte punuar në zgjidhjen e disa rasteve ku ata dyshoheshin për vepra penale.

“Disa nga të arrestuarit kanë pasur të kaluar kriminale dhe kanë qenë të arrestuar në të kaluarën për raste në lidhje me prirje ekstremiste”, tha Hoxha.

Policia kreu bastisje në nëntë lokacione në Kaçanik dhe në një fshat të Klinës të hënën, duke sekuestruar dy vetura, telefona mobilë, disa laptop, një armë zyrtare, maska, tyta armesh dhe fishekë./REL/

Continue Reading

Lajmet

Gatishmëria për emergjenca, AME hap javën e aktiviteteve

Published

on

By

Agjencia e Menaxhimit Emergjent ka hapur javën e aktiviteteve, ku janë ekspozuar pajisjet e zjarrfikësve, ekipit të barrierave dhe ekipit për shuarjen e zjarreve malore nga toka.

Drejtori i AME-së, Genc Metaj tha se misioni i tyre është udhëheqja dhe koordinimi i përpjekjeve shtetërore në parandalim, gatishmëri, reagim dhe rimëkëmbje në rastet e emergjencave.

Qëllimi ynë është që të ndikojmë në vetëdijesim dhe ndërgjegjësim, që të jemi afër qytetarëve, të promovojmë rolin dhe rëndësinë e agjencisë, të njësive profesioanle të zjarrfikjes dhe shpëtimit, strukturave të mbrojtjes, shpëtimit dhe ndihmës, si dhe masat që duhet të ndërmerren në rast të fatkeqësive, e veçanërisht të fokusohemi në parandalimin e tyre”, deklaroi ai.

Continue Reading

Lajmet

KDI: Kosova ka bërë përparim të moderuar në zbatimin e obligimeve të Procesit të Berlinit

Published

on

By

Kosova ka bërë përparim të moderuar në zbatimin e Planit të Veprimit për Tregun e Përbashkët Rajonal të Procesit të Berlinit.

Kështu thuhet në raportin e Institutit Demokratik të Kosovës (KDI), i cili u publikua të martën.

Hulumtuesja në KDI, Violeta Haxholli, tha se fokusi i raportit është në fushën e digjitalizimit dhe agjendës së gjelbër.

Sipas saj, në kuadër të agjendës së reformave evropiane, Kosova ka bërë përparim në zhvillimin e rrjetit 5G si pjesë e agjendës digjitale 2030, mirëpo shtoi se duhet angazhim më i madh në kuadër të agjendës së gjelbër.

Si mangësi ajo përmendi mungesën e aftësive digjitale, sidomos në sektorin e arsimit.

Në anën tjetër, ajo tha se Kosova ka vendosur objektivat për energjinë dhe klimën deri në vitin 2030, ku përfshinë rritjen e pjesës së energjisë së ripërtërishme deri  32 për qind dhe reduktimin e gazrave serë deri në 16.3 për qind.

Te pjesa e digjitalizimit mund të them se ka pasur progres në përmirësimin e infrastrukturës dhe konektivitetit. Kosova ka arritur një shtrirje të internetit 100 për qind që e tejkalon edhe mesataren e BE-së. Ky është zhvillimi më pozitiv nga pjesa e digjitalizimit, ndërkaq pjesa e siç kemi marrë obligime dhe që kërkohet nga BE-ja që Kosova  të bëjë përpjekje për të zbatuar edhe teknologjinë 5G që është duke zhvilluar por duhet edhe tutje. Hap tjetër pozitiv është miratimi i Strategjisë së Agjendës Digjitale i cili ngërthen shumë aspekte të zhvillimit digjital dhe objektivave që Kosova ia ka vendosur vetës për të arritur tutje në avancim drejt zhvillimit digjital të vendit… Kosova ka vendosur objektivat për energjinë dhe klimën deri në vitin 2030, ku përfshinë rritjen e pjesës së energjisë së ripërtërishme deri  32 për qind dhe reduktimin e gazrave serë deri në 16.3 për qind. Ka miratuar edhe ligje që duhet të vijnë në Kuvend dhe të miratohen sa më parë, po ashtu janë edhe marrëveshje që duhet të ratifikohen në Kuvend”, tha ajo.

Continue Reading

Të kërkuara