Ka nisur aktivitetin në kuadër të festivalit ndërkombëtar të dijes “Global UBT Fest 2021”, Akademia Ndërkombëtare Verore e Fakultetit Inxhinieri e Ndërtimit dhe Infrastrukturë në UBT, me pjesëmarrës të shumtë të cilët po marrin njohuri dhe përvoja profesionale nga ekspertë të ndërtimit dhe infrastrukturës.
Profesori Ahmet Bytyqi ka nisur ligjëratën rreth teknologjisë dhe shoqërisë, ku ka diskutuar me të pranishmit në mënyrë të përgjithësuar rreth kësaj teme, teksa profesori Feti Selmani shpjegoi rreth koncepteve të gabuara në inxhinierinë e strukturave, çështje që zgjoi shumë interesim tek pjesëmarrësit.
Profesori Ibush Luzha ka vazhduar ditën e parë të Akademisë Ndërkombëtare Verore të Fakultetit Inxhinieri e Ndërtimit dhe Infrastrukturë, duke diskutuar me të pranishmit rreth standardizimit, ndërkaq Nehat Koqinaj foli më shumë rreth sistemit të menaxhimit emergjent në Kosovë, sistem ky i domosdoshëm dhe i nevojshëm për çdo shoqëri të botës.
Për integrimin e një inxhinieri nga Kosova dhe mundësitë e punësimit në Gjermani, foli vet Dardan Jashari, ish-student i Fakultetit Inxhinieri Ndërtimore dhe Infrastrukturë në UBT, i cili ushtron profesionin e inxhinierit në shtetin e Gjermanisë, falë studimeve në UBT dhe diplomës që është e barasvlefshme me atë të Gjermanisë, teksa Dardan Jashari me të pranishmit ka shtrirë diskutimin edhe rreth përgatitjes së dokumentacionit të nevojshëm për një projekt në Gjermani, e që është i pranueshëm nga autoritetet përgjegjëse atje.
Akademia Ndërkombëtare Verore e Fakultetit Inxhinieri Ndërtimore dhe Infrastrukturë në UBT do të vazhdojë aktivitetin edhe ditëve të ardhshme me tema dhe diskutime interesante dhe të frytshme, të cilat synojnë zgjerimin e njohurive dhe aftësive të studentëve, të rinjve dhe profesionistëve të sektorit të ndërtimit.
Edhe një lajm i shkëlqyer nga Lisbona. UBT ka nënshkruar një marrëveshje të rëndësishme me Nova University, respektivisht kampusin më të madh të teknologjisë në Portugali!
Marrëveshja u nënshkrua në hapësirat e UNINOVA e para në renditjen e menaxhimit të fondeve për projektet H2025 të Kërkimit dhe Zhvillimit.
Rektori i UBT-së, Prof. Dr. Edmond Hajrizi dhe Dekani i NOVA School of Science and Technology, Prof. Dr. Jose Julio Alferes dhe në prani të Drejtorit të Depertamentit për Marrëdhënie me Jashtë, Prof. Dr. Ricardo Jardim-Gonçalves, firmosën marrëveshjen e bashkëpunimit që përqendrohet në fusha të rëndësishme si kërkimi shkencor, zhvillimi teknik, trajnimi i avancuar dhe partneritetit për qasje në fondet e BE-së për arsimin e lartë, me theks projektet Smart4Health dhe Digital Health.
Kjo marrëveshje bashkepunimi do të hapë mundësi të reja për studentët tanë dhe do të forcojë edhe më tutje lidhjet tona ndërkombëtare.
Jemi të emocionuar për këtë hap përpara në rrugën drejt ekselencës dhe inovacionit. Rektori Hajrizi uron të gjithë stafin akademik dhe studentët e UBT për këtë arritje.
Sulmuesi turk, Kenan Yildiz është gati për përballjen e madhe të Ligës së Kampionëve mes Real Madridit dhe Juventusit.
Yildiz që mban fanellën me numrin 10 te bardhezinjtë, foli për emocionet e tij në një intervistë për faqen zyrtare të UEFA-s, ku pranoi se është i motivuar nga pritshmëritë që ka publiku, por shtoi se nuk i pëlqejnë krahasimet.
“Jam vetvetja. Nuk dua të krahasohem me askënd.”, tha Yildiz.
Lidhur me ndeshjen në stadiumin Santiago Bernabeu, ai u shpreh:
“Është fantastike. Çdo fëmijë ëndërron të luajë në atë stadium. Tani kjo ëndërr është bërë realitet. Shpresoj të zhvillojmë një ndeshje të madhe.”/S.K/KP/
Shefi i Barcelonës, Deco, thotë se nuk ka gjasa të shtojë lojtarë në skuadrën e tyre në janar dhe këmbëngul se ata do ta blejnë vetëm nëse detyrohen të shesin një lojtar gjatë merkatos së dimrit.
“Nuk e shoh nevojën për afatin kalimtar të janarit për momentin. Asnjë lojtar nuk ka kërkuar të largohet.”, ka thënë Deco.
Deco komentoi gjithashtu edhe për figurën e Lamine Yamal.
“Shpesh kemi tendencë të përqendrohemi te individualizmi, por është skuadra që fiton. Po flasim për një lojtar shumë të pjekur, një lloj tjetër lojtari që mund të përcaktojë një epokë. Duhet ta lëmë të qetë”, tha ai.
“Konteksti i tij ishte i ndryshëm; ai iu bashkua një ekipi që tashmë ishte fitues, me lojtarë të moshës 25 dhe 26 vjeç, dhe rritja e tij ka qenë më normale dhe progresive”, shtoi ai./S.K/KP/
Me synim për rritjen e efikasitetit në punën e policëve të lagjes, Drejtori i Përgjithshëm i Policisë, Gazmend Hoxha ka ndarë 19 vetura të reja Hybride, për mbulimin e zonave sektoriale, në të gjitha drejtoritë rajonale.
Lajmin e ka bërë të ditur Policia e Kosovës përmes një komunikate zyrtare.
“Përmbushja e objektivave të Strategjisë së Policimit të drejtuar nga Inteligjenca dhe Policimit në Bashkësi, si dhe forcimi i qasjes proaktive ndaj kërkesave të qytetarëve tashmë mundësohet më lehtë dhe më shpejt, falë pajisjes me automjete zyrtare”.
“Kjo edhe një herë dëshmon përkushtimin e menaxhmentit të Policisë për një qasje gjithnjë e më proaktive ndaj komunitetit, për forcimin e bashkëpunimit dhe komunikimit me qytetarët, si dhe për rritjen e mëtejme të besueshmërisë dhe transparencës institucionale”, shkruhet tutje në komunikatë./EO