Sport

FIFA kërkon të ndryshohet fanella e Uruguait

FIFA kërkon që kombëtarja e Uruguait të përgjysmojë yjet që mban në fanellë.

Published

5 years ago

August 5, 2021

Betim Gashi

FIFA kërkon që kombëtarja e Uruguait të përgjysmojë yjet që mban në fanellë dhe palët janë gati të nisin një betejë të mirëfilltë ligjore për këtë çështje. Vendi i Amerikës së Jugut, ka në stemën e tij dhe të vendosura në vende të ndryshme në fanellë katër yje për të treguar triumfet më të mëdha të kombëtares, kur ka qenë numri 1 në botë duke fituar trofetë e rëndësishëm. Dy i përkasin Botërorëve 1930 dhe 1950, ndërsa dy të tjerët i përkasin Lojërave Olimpike.

Para se të zhvillohej Botërori i parë, ishin Lojërat Olimpike ato që tregonin se cila skuadër ishte më e mira në botë, në betejën për medaljen e artë.

Futbolli ishte sport olimpik që në fillimin e shekullit të kaluar dhe në ato turne të parë, Uruguai triumfoi dy herë, në vitet 1924 dhe 1928. Kjo është arsyeja pse uruguaianët vendosin 4 yje në fanellën e tyre.

Tani FIFA u kërkon që të përgjysmojnë yjet, duke mbajtur vetëm ato dy të Kupës së Botës, ndërsa Uruguai pretendon se mund të mbajë të katërt për sa kohë që nuk ka një rregull fiks për historinë para fillimit të Botërorëve. Kjo është arsyeja pse përplasja do u drejtohet gjykatave sportive.

Sport

KV Ulpiana triumfon ndaj KV Forcës

Published

1 hour ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

2 hours ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

6 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

7 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L