Sezoni i pestë i “Stranger Things” ka arritur një sukses të jashtëzakonshëm në Netflix.

Ajo ka mbledhur 60 milionë shikime në vetëm pesë ditë nga premiera dhe duke u renditur menjëherë i pari në listat e titujve më të shikuar.

Ky debutim tejkalon çdo serial në gjuhën angleze në javën e parë dhe zë vendin e tretë në përgjithësi, pas sezoneve të njohura të hitit korean “Squid Game”.

Sezoni i katërt, i publikuar në 2022, kishte regjistruar rreth 22 milionë shikime në debutim, duke treguar se sezoni i pestë e tejkaloi ndjeshëm vetveten. /A.Z/UBT News/

Eurovision po përballet me një nga momentet më të ndërlikuara në historinë e tij, ndërsa të enjten pritet një vendim që mund të përcaktojë fatin e edicionit të ardhshëm.

European Broadcasting Union (EBU) do të diskutojë rregulla të reja për të kufizuar ndikimin politik dhe promovimin e tepërt, pas polemikave për pjesëmarrjen e Izraelit në konkursin e vitit 2026.

Katër televizione publike, nga Sllovenia, Irlanda, Spanja dhe Holanda — kanë paralajmëruar bojkot nëse Izraeli lejohet të konkurrojë, duke shprehur shqetësime për situatën humanitare në Gaza, ku numri i viktimave palestineze raportohet mbi 70,000.

Një bojkot i tillë mund të ndikojë seriozisht në audiencën prej 150 milionë shikuesish dhe të rrezikojë marrëdhëniet me sponsorët.

Ekspertët e quajnë situatën moment vendimtar për Eurovisionin.

Paul Jordan, studiues i konkursit, paralajmëron se votimi për pjesëmarrjen mund të jetë i pashmangshëm, Ben Robertson nga ESC Insight thekson se mungesa ose prezenca e Izraelit mund të nxisë bojkot masiv ose izolim të konkursit.

Burime të brendshme sugjerojnë se Gjermania mund të tërhiqet nga transmetimi, ndërsa Austria, vendi mikpritës, mbështet pjesëmarrjen e Izraelit. KAN, transmetuesi izraelit, e konsideron debatin të padrejtë dhe thekson respektimin e rregullave.

Vendimi i së enjtes pritet të përcaktojë jo vetëm pjesëmarrësit, por edhe të ardhmen e Eurovisionit si një event jopolitik. /A.Z/UBT News/

Katy Perry dhe i dashuri i saj, Justin Trudeau, u panë të hënën në Tokio, duke shkaktuar sërish bujë pasi u përqafuan publikisht.

Trudeau iu bashkua këngëtares gjatë ndalesës së saj në Japoni për turneun botëror, dhe së bashku kanë ngrënë drekë në një restorant lokal.

Kjo është një prej daljeve të tyre të para si çift zyrtar, që pas konfirmimit publik të marrëdhënies pasi lidhja u bë e njohur në tetor, gjatë një shfaqjeje kabareje në “Crazy Horse” në Paris.

Paparacët i kapën kur po largoheshin nga restoranti, duke dokumentuar takimin dhe duke konfirmuar për publikun statusin e tyre si çifti më të ri që tërheq vëmendje.

Në çdo rast, dukshëm marrëdhënia ka nisur të bëhet pjesë e diskutimeve globale për jetën private të personazheve. /A.Z/UBT News/

Prada njoftoi se ka përfunduar blerjen e markës luksoze Versace, një markë që grupi italian e ka dëshiruar prej kohësh.

Prada ka nënshkruar një marrëveshje përfundimtare në prill për të blerë Versace nga Capri Holdings me një çmim rreth 1.3 miliardë euro (1.51 miliardë dollarë), pas dështimit të shitjes së Capri Holdings te Tapestry për shkak të shqetësimeve nga autoritetet antitrust.

Lorenzo Bertelli, djali i pronarëve të Pradës, Miuccia Prada dhe Patrizio Bertelli, tha në nëntor se do të bëhet kryetar ekzekutiv i Versace, pasi të përfundojë procesi i integrimit. Ai shtoi se Prada ka pasur interes për këtë marrëveshje për disa vite.

“Ka pasur kontakte gjatë periudhës së COVID-it, ishin zhvilluar biseda edhe para shitjes së Capri te Tapestry. Kur marrëveshja dështoi për shkak të problemeve antitrust, ne u rikthyem dhe përpiqemi ta përshpejtojmë procesin,” tha Bertelli.

Versace, e themeluar më 1978 nga Gianni Versace në Milan, do të bashkohet me dy markat kryesore të grupit Prada, Prada dhe Miu Miu, duke shënuar një ndryshim të rëndësishëm strategjik për shtëpinë e modës italiane.

Bertelli, i cili ka mbështetur fuqishëm blerjen, theksoi se Versace përmbush dy kushte kyçe: nuk është i rrezikshëm financiarisht dhe ka vlerë të lartë, duke qenë një nga markat më të njohura botërore.

Në mars, disa javë para njoftimit të marrëveshjes, Donatella Versace u tërhoq nga posti i drejtoreshës kreative pas gati tre dekadash në rol.

Dario Vitale, ish-drejtor i dizajnit te Miu Miu, e mori postin e drejtoreshës kreative. /A.Z/UBT News/