

Lajmet
Fermerët në Spanjë kërcënojnë me protesta
Protestuesit dolën në rrugët e qyteteve Sevilla dhe Zamora këtë javë për t’u ankuar se kostot e tyre janë rritur ndjeshëm.
Published
1 year agoon
By
Betim GashiFermerët në Spanjë, prodhuesi më i madh në botë i portokajve dhe vajit të ullirit, nisën protestat të pakënaqur me rregulloret burokratike evropiane, rritjen e kostove të prodhimit dhe importin e ushqimeve më të lira nga Maroku fqinj, ndaj sot u pritën nga ministri Luis Planes që situata të mos përshkallëzohet.
Protestuesit dolën në rrugët e qyteteve Sevilla dhe Zamora këtë javë për t’u ankuar se kostot e tyre janë rritur ndjeshëm që nga shpërthimi i luftës në Ukrainë në shkurt 2022, i shoqëruar nga një thatësirë e madhe që ka shkatërruar fushat e tyre.
“Po bëhet e padobishme ta bësh këtë”, tha 48-vjeçari Antonio Gracia në fshatin Montesusin, në Spanjën verilindore. Ai kujdeset për 400 lopë, të cilat i ushqen me misër vendas dhe ushqime të tjera, por për prodhimin e tyre ka nevojë për plehra dhe lëndë djegëse, të cilat janë rritur në mënyrë drastike.
“Në të njëjtën kohë, BE-ja na thërret për ndotjen e vendit me pesticide dhe na vendos rregulla të shtrenjta”, shton ai. Ai thotë se vajzave të tij, 12 dhe 16-vjeçe, i ka rekomanduar që të mos merren me bujqësi, që edhe ato të largohen nga fshati 150 banorë si shumë të rinj para tyre.
Përfaqësues të tre sindikatave bujqësore u takuan në Madrid me ministrin kompetent Luis Planes nga i cili kërkuan që të ndalonte importin e produkteve më të lira nga Maroku fqinj, nëse nuk plotësojnë standardet në fuqi në Bashkimin Evropian.
Ata kundërshtuan gjithashtu nënshkrimin e marrëveshjes së shpallur të tregtisë së lirë ndërmjet BE-së dhe bllokut të vendeve të Amerikës së Jugut MERCOSUR, si dhe kërkuan kompensim më të lartë monetar për shkak të rritjes së kostove të prodhimit dhe thatësirës.
Ata gjithashtu kërkojnë lehtësimin e rregulloreve të vendosura nga BE për fermerët, si pjesë e Politikës së Përbashkët Bujqësore Evropiane (CAP), me qëllim mbrojtjen e mjedisit.
“Për shkak të burokracisë së komplikuar, shumë nuk kanë marrë ende stimujt në para”, tha Pedro Barato, president i sindikatës ASAJA, duke folur në TVE.
Ministri Planes tha se në Bruksel do të kërkojë të ndryshojë CAP në përputhje me interesat e fermerëve spanjollë.
Ai sulmoi Komisionin Evropian, duke thënë se tani, pas protestave në Francë, ka vendosur të ndryshojë disa rregulla që më parë nuk i ka dashur.
Të mërkurën, Brukseli propozoi eliminimin e detyrimit për të lënë një pjesë të tokës djerrë gjatë vitit 2024, pra jashtë përdorimit derisa të rikthehet pjelloria e tokës. Ministri spanjoll beson se ky propozim erdhi “shumë vonë”.
Ai vuri në dukje se ndryshimet e CAP, të cilat do të përfshijnë të 27 vendet, duhet të miratohen para fundit të prillit, kur do të mbahet seanca e fundit e Parlamentit Evropian para zgjedhjeve për atë institucion.
Lajmet
Lindsay Lohan trondit moderatorët me arsyen kryesore pse ajo e do jetën në Dubai
Published
2 hours agoon
July 31, 2025By
UBT News
Lindsay Lohan po e adhuron jetën në Dubai.
Ylli i “Freakier Friday” zbuloi në “Live with Kelly and Mark” se arsyeja kryesore pse i pëlqen të jetojë në qytet është se i ofrohet njëfarë privatësie që të famshmit nuk e kanë në vende të tjera, veçanërisht në Hollywood.
“Është larg Hollywood-it dhe unë jetoj një jetë shumë normale”, tha Lohan. “Nuk kam asnjë shqetësim se nuk mund të shkoj të ha në këtë vend sepse dikush do t’i bëjë një foto djalit tim. Dhe thjesht, ndihem shumë e sigurt.”
“Nuk kanë fotografë atje?”, pyeti prezantuesja Kelly Ripa , të cilës aktorja iu përgjigj: “Jo, nuk është e ligjshme. Nuk mund të bësh një foto të dikujt tjetër nëse je në një restorant. Duhet ta pyesësh personin, gjë që është një ndryshim i madh nga këtu.”
«Kjo është e pabesueshme», tha Ripa e tronditur.
Lohan u zhvendos në Dubai më 2014 dhe atje takoi bashkëshortin e ardhshëm, Bader Shammas. Çifti ndezi thashetheme për një romancë në shkurt të vitit 2020 dhe u martua në vitin 2022. Më shumë se një vit më vonë, ata mirëpritën fëmijën e tyre të parë së bashku, djalin Luai, 2 vjeç.
Bota
Gjysma e tokës në Evropë e prekur nga thatësira, vendet më të goditura
Published
3 hours agoon
July 31, 2025By
UBT News
Një valë e re thatësire ka përfshirë Evropën dhe rajonin e Mesdheut, me 52% të tokës të prekur në fillim të korrikut, sipas të dhënave të Observatorit Evropian të Thatësirës. Kjo është përqindja më e lartë e regjistruar ndonjëherë për këtë periudhë që prej 2012.
Evropa Lindore është më e prekur, me Kosovën, Serbinë dhe Bullgarinë që përjetojnë ndikimin më të madh, në disa zona deri në 100% të territorit.
Në Bullgari, thatësira ka shkaktuar ndërprerje të furnizimit me ujë për mbi 156 mijë banorë.
Në Hungari, 47% e tokës është në nivel paralajmërimi, në Mesdheun Lindor, si në Armeni (95%) dhe Turqi (77%), situata është rënduar edhe nga zjarret.
Në Siri, thatësira kërcënon prodhimin e grurit, duke vënë në rrezik ushqimor mbi 16 milionë njerëz, ndërsa Perëndimi i Evropës përjeton një situatë më të përzier, Franca, Britania dhe Italia kanë raportuar rritje të ndjeshme të tokës së prekur, ndryshe nga Spanja dhe Portugalia, ku përqindjet mbeten minimale.
Kjo valë e re ngre sërish alarmin për ndikimet e ndryshimeve klimatike dhe pasojat e tyre në sigurinë ushqimore dhe furnizimin me ujë.
Lajmet
Komisioni Koordinues i ICMG-së viziton Kosovën për përgatitjet e Lojërave Mesdhetare
Published
4 hours agoon
July 31, 2025By
UBTnews
Komisioni Koordinues i Komitetit Ndërkombëtar të Lojërave Mesdhetare (ICMG), i kryesuar nga anëtari i Komitetit Ekzekutiv, Julian Pace Bonello, realizoi një vizitë zyrtare në Prishtinë nga 27 deri më 29 korrik, në kuadër të përgatitjeve për organizimin e Lojërave Mesdhetare “Prishtina 2030”.
Gjatë qëndrimit dyditor në Kosovë, delegacioni i ICMG-së, i shoqëruar edhe nga sekretari i përgjithshëm i këtij institucioni, Iakovos Filippousis, zhvilloi takime me drejtuesit më të lartë të sportit dhe institucioneve vendore. Ata u takuan me presidentin e Komitetit Olimpik të Kosovës, Ismet Krasniqi, sekretarin e përgjithshëm Besim Aliti dhe nënpresidentin Milaim Kelmendi, si dhe me përfaqësues të Qeverisë së Kosovës, përfshirë ministrin në detyrë të Financave, Hekuran Murati, dhe zëvendësministren për Kulturë, Rini dhe Sport, Daulina Osmani. Gjithashtu, takim u zhvillua edhe me kryetarin e Komunës së Prishtinës, Përparim Rama.
Diskutimet u përqendruan në sfidat aktuale dhe themelimin e Komitetit Organizues të Lojërave “OCMG Prishtina 2030”, që do të përbëhet nga përfaqësues të Komitetit Olimpik të Kosovës, Qeverisë dhe Komunës së Prishtinës. Komiteti do të drejtohet nga presidenti i KOK-ut, Ismet Krasniqi.
Qeveria e Kosovës konfirmoi edhe një herë përkushtimin e saj për organizimin e suksesshëm të kësaj ngjarjeje madhore dhe garantoi mbështetjen financiare për realizimin e projekteve të parapara në dosjen e kandidaturës.
Ndërkohë, kryetari i Prishtinës, Përparim Rama, garantoi mbështetjen institucionale për të gjitha projektet që ndërlidhen me qytetin, në mënyrë që kryeqyteti të jetë i gatshëm të presë mbi 15 mijë mysafirë gjatë zhvillimit të Lojërave.
Në përfundim të vizitës, u bë e ditur se Komisioni Koordinues i ICMG-së do të paraqesë një raport për progresin dhe rekomandimet nga kjo vizitë në mbledhjen e Komitetit Ekzekutiv të ICMG-së, që do të mbahet më 28 nëntor 2025 në Portimao të Portugalisë.
KosovaPress
Një ditë më pas, më 29 nëntor, gjatë Asamblesë së Jashtëzakonshme të Përgjithshme të ICMG-së, Komiteti Organizues “Prishtina 2030” do të prezantojë planin kryesor të Lojërave dhe ecurinë e përgatitjeve para familjes së gjerë mesdhetare sportive.
Lajmet
ZRRE-ja paralajmëron ankesë ndaj Gjykatës Komerciale pas pezullimit të tregut të lirë të energjisë
Published
4 hours agoon
July 31, 2025By
UBTnews
Kryesuesi i bordit të Zyrës së Rregullatorti për Energjie (ZRRE), Ymer Fejzullahu, bëri të ditur se do ta parashtrojnë ankesë ndaj Gjykatës Komerciale pas pezullimit të tregut të lirë të energjisë.
“Vendimi nuk është shfuqizim. Nuk është i ekzekutueshëm menjëherë. Është aktgjykim që kemi të drejtë ankese edhe 15 ditë”, tha Fejzullahu.
Gjykata Komerciale e Kosovës pezulloi vendimin e Zyrës së Rregullatorit për Energji (ZRRE), që parasheh daljen e bizneseve në tregun e liberalizuar të energjisë elektrike.
Masa e pezullimit do të vlejë derisa Gjykata të marrë një vendim përfundimtar për këtë çështje. Në aktgjykimin e publikuar më 30 korrik, lidhur me padinë e ngritur nga kompania Proex kundër ZRRE-së, Gjykata Komerciale vendosi që të anulojë njoftimin e lëshuar nga ZRRE-ja më 12 mars, përmes së cilit njoftonte kompanitë për dalje në tregun e lirë, duke e cilësuar si të kundërligjshëm.

Lindsay Lohan trondit moderatorët me arsyen kryesore pse ajo e do jetën në Dubai

31 korrik – Dita Botërore e Rojtarëve të zonave të mbrojtura

Çka është “ecja japoneze” që po këshillojnë ekspertët e shëndetit?

Gjysma e tokës në Evropë e prekur nga thatësira, vendet më të goditura

Xhaka i entuziazmuar për transferimin: Ka qenë një pritje e gjatë, por tani jam këtu dhe mezi po e pres!

Sheqeri në pije më i dëmshëm sesa në ëmbëlsira

Komisioni Koordinues i ICMG-së viziton Kosovën për përgatitjet e Lojërave Mesdhetare

Messi rikthehet me asistime vendimtare: Më duhet të luaj, jo të pushoj

ZRRE-ja paralajmëron ankesë ndaj Gjykatës Komerciale pas pezullimit të tregut të lirë të energjisë
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit