Kronikë e zezë

Ferizaj, arrestohet 22-vjeçari që kërkohej për lëndim të rëndë trupor

Bëhet e ditur se arrestimi i tij ka ndodhur rreth orës 12:10.

Published

on

Policia e Kosovës ka arrestuar në Ferizaj personin e tretë, të dyshuar për lëndim të rëndë trupor të një 25-vjeçari më 30 korrik të këtij viti.

Në komunikatën për media bëhet e ditur se personi i tretë i arrestuar është një 22-vjeçar me inicialet I. R.

Bëhet e ditur se arrestimi i tij ka ndodhur rreth orës 12:10.

“Policia e stacionit në Ferizaj me datën 30.07.2023, rreth orës 22:45 kishte pranuar një informacion se në fshatin Manastirc të Ferizajt ishte një rast i lëndimit trupor. Policët e rendit e më pas hetuesit e stacionit, kanë dalë në vendin e ngjarjes dhe nën autorizim të prokurorit kujdestar nga Prokuroria Themelore në Ferizaj i kanë nisur hetimet. Nga hetimet e para është mësuar se, tre persona pas një mosmarrësveshje i shkaktojnë lëndime trupore personit M.SH ( M/K) i moshës 25 vjeçar, i cili për ndihmë mjekësore dërgohet në Qendrën Emergjente në Ferizaj, e më pas për tretman të mëtutjeshëm mjekësor dërgohet në Qendrën Klinike Universitare në Prishtinë”, thuhet në komunikatë.

Policia fillimisht kishte arrestuar të dyshuarin E.R ( M/K) i moshës 17-vjeçare, i cili pas intervistimit nga policët hetues, me vendim të prokurorit kujdestar nga Prokuroria Themelore në Ferizaj ishte dërguar në mbajte për 24 orë, ndërsa dy ditë me vonë policia kishte arrestuar personin e dytë D.R ( M/K ) i moshës 16-vjeçare, i cili pas intervistimit nga hetuesit policorë është liruar për procedurë të rregullt hetimore.

Ndërsa i arrestuari i sotëm është shoqëruar në stacionin e Policisë në Ferizaj dhe pas intervistimit nga policët hetues, me vendim të prokurorit të rastit është ndaluar në mbajtje për 48 orë për procedura të mëtejme hetimore.

Lajmet

Një person humb jetën pasi ra në hapësirën e liftit në Fushë Kosovë

Published

on

Policia e Kosovës ka njoftuar se gjatë ditës së djeshme një person humbi jetën pasi ra në një hapësirë të liftit nga një lartësi prej 3 metrash në Fushë Kosovë.

Policia ka dhënë detaje shtesë rreth inicdentit, ku bëri të ditur se trupi i pajetë u identifikua në vend të ngjarjes dhe vendim të prokurorit trupi i pajetë dërgohet në IML për obduksion.

“Rr. Agron Rrahmani, Fushë Kosovë 22.10.2025 – NN. Raportohet se viktima mashkull kosovar, ka rënë nga një lartësi prej 3 metrash të një objekti në ndërtim, në pjesën për vendosjen e liftit. Në vendin e ngjarjes kanë dalë njësitë përkatëse, ndërsa me vendim të prokurorit trupi i pajetë dërgohet në IML për obduksion”, thuhet në raportin 24-orësh të policisë./S.K/EO/

Continue Reading

Lajmet

Arrestohet i dyshuari për lojëra fati, kapen edhe armë, thikë e fishekë

Published

on

Një person është arrestuar mbrëmjen e së mërkurës në Pejë, pasi i njejti përveq se luante lojëra fati, gjatë bastisjes në atë lokal është gjetur dhe konfiskuar një armë me pesë fishekë, një thikë dhe tre telefona.

Sipas raportit të policisë, ngjarja ka ndodhur në rrugën “Binak Qela” në Pejë.

“Në vendin e ngjarjes kanë qenë edhe inspektorët komunal të cilët kanë mbyllur lokalin pasi nuk ishte biznes i regjistruar. Me vendim të prokurorit i dyshuari është liruar në procedurë të rregullt”, thuhet në raportin 24-orësh të policisë./S.K/PK/

Continue Reading

Lajmet

Pesë kinezë hyjnë ilegalisht nga Serbia në Kosovë, arrestohet shoqëruesi i mitur

Published

on

Një person i mitur shtetas i Serbisë është arrestuar në fshatin Seqisht në Han të Elezit. Sipas raportit të Policisë së Kosovës, i njëjti dyshohet se ka përcjellë pesë shtetas kinez në drejtim të Maqedonisë së Veriut të cilët dyshohet se kishin kaluar ilegalisht kufirin nga Serbia në Kosovë. 

Me vendim të prokurorit i dyshuari është dërguar në mbajtje për 24 orë, kurse 5 shtetasit kinezë janë depërtuar në Serbi.

Fsh. Seqishtë, Hani i Elezit 21.10.2025 – 20:20. Është arrestuar i dyshuari i mitur -shtetas i Serbisë, pasi i njëjti nga njësitet policore është ndaluar derisa ishte duke përcjellë pesë shtetas kinez në drejtim të RMV-së, të cilët dyshohet se kishin kaluar kundërligjshëm kufirin nga Serbia në territorin e Republikës së Kosovës, për të vazhduar në drejtim të RMV-së. Me vendim të prokurorit i dyshuari pas intervistimit është dërguar në mbajtje për 24-orë, ndërsa 5 shtetasit kinezë janë kthyer-depërtuar në Serbi”, thuhet në raportin e Policisë së Kosovës./S.K/KP/PK/

Continue Reading

Lajmet

Vazhdon seanca gjyqësore për vrasjen e 26 vjeçarit në Prizren

Published

on

Në Gjykatën Themelore të Prizrenit, sot ka vazhduar shqyrtimi gjyqësor për vrasjen e 26-vjeçarit, A.Th.

Dëshminë e tij pritet të bëj edhe mjeku ligjor në rast. Të dyshuarit janë E.A dhe H.B.

Kujtojmë se 26-vjeçari A.Th humbi jetën pasi u godit me thikë nga një person, në qytetin e Prizrenit dhe u hodh në rrugë nga një veturë në lëvizje.

Ai vdiq në Qendrën Klinike Universitare të Kosovës, pasi nuk arriti t’u mbijetonte plagëve të marra, në korrik të vitit të kaluar./S.K/KP/

 

Continue Reading

Të kërkuara