Aktualitet

Familja e vëllezërve Menendez kërkon lirimin e tyre për vrasjen e prindërve

Published

2 years ago

on

Çështja e vëllezërve Menendez u bë një nga gjyqet kriminale më të bujshme në dekada, kur të dy u arrestuan në vitin 1989 për vdekjen e Kitty dhe Jose Menendez.

Familja, miqtë dhe një avokat i vëllezërve u mblodhën të mërkurën para një gjykate në Los Angeles për të kërkuar lirimin e tyre, duke argumentuar se djemtë duruan abuzime të tmerrshme seksuale nga duart e babait të tyre dhe ata nuk janë një kërcënim për shoqërinë.

Por jo çdo i afërm dëshiron që ata të lirohen. Një avokat i xhaxhait të tyre tha se vëllezërit “gjakftohtë” meritojnë të qëndrojnë në burg.

Përgjigja vjen teksa prokurori i qarkut të Los Angeles po shqyrton prova të reja në këtë çështje në lidhje me abuzimin e supozuar dhe nëse kjo mund të garantojë një rigjykim ose të lejojë një dënim më të lehtë. “Nëse ato do të ishin motrat Menendez, ato nuk do të ishin në paraburgim. ”, tha Anna Maria Baralt, mbesa e Jose Menendez, në konferencën.

Zonja Baralt po i referohej mënyrës sesi viktimat meshkuj të sulmeve seksuale trajtoheshin dhe konsideroheshin nga shoqëria dhe sistemi i drejtësisë tre dekada më parë, diçka që edhe prokurorët e kanë pranuar.

Vëllezërit dolën në gjyq në vitin 1993 dhe pranuan se qëlluan prindërit e tyre me një armë gjahu, por ata argumentuan se e bënë këtë për vetëmbrojtje pas shumë vitesh abuzimi emocional, fizik dhe seksual nga babai i tyre.

Prokurorët argumentuan se vëllezërit planifikuan në mënyrë metodike vrasjen e prindërve të tyre – ndërsa çifti shikonin TV – në mënyrë që ata të mund të trashëgonin pasurinë e tyre shumë milionëshe.

Çështja shkoi në një rigjykim pasi juria u bllokua.

Në gjyqin e dytë në 1995, shumica e provave në lidhje me abuzimin e dyshuar seksual nuk u lejuan të paraqiten. Një juri i shpalli të dy vëllezërit fajtorë për vrasje të shkallës së parë dhe ata u dënuan me burgim të përjetshëm pa mundësinë e lirimit me kusht.

Motra e Kitty Menendez, Joan Anderson VanderMolen, në moshën 92-vjeçare, ajo tha se veprimet e nipërve të saj ishin “tragjike”.

“Ata ishin thjesht fëmijë” të cilët u “brutalizuan në mënyrat më të tmerrshme”.

Kur ata dolën në gjyq, argumentoi ajo, “e gjithë bota nuk ishte gati të besonte se djemtë mund të përdhunoheshin, ose se të rinjtë mund të ishin viktima të dhunës seksuale“.

Por sot, “ne e dimë më mirë” dhe “një juri sot nuk do të jepte kurrë një dënim kaq të ashpër“.

Por një avokat i vëllait të Kitty Menendez, Milton Andersen, tha: “Veprimet gjakftohtë të vëllezërve Menendez shkatërruan familjen e tyre dhe lanë një gjurmë pikëllimi që ka vazhduar për dekada.

“Jose u qëllua gjashtë herë, dhe Kitty u qëllua dhjetë herë, duke përfshirë një të shtënë në fytyrën e saj.”

Në fillim të këtij muaji, Prokurori i Qarkut të Los Angeles, George Gascón mbajti një konferencë shtypi duke njoftuar se zyra e tij po rishqyrtonte çështjen dhe mundësinë e njërit prej dy skenarëve: dënimin e vëllezërve ose rigjykimin e tyre. Gjetjet dhe vendimi i zyrës së tij do të publikohen në një seancë dëgjimore në fund të nëntorit

Zyra e z. Gascón lëshoi ​​një deklaratë të mërkurën në mbrëmje, duke thënë se ndërsa prokurorët nuk mund të flasin publikisht për rastin, “ju lutemi ta dini se zyra jonë është e përkushtuar ndaj një procesi të plotë dhe të drejtë dhe po eksploron çdo rrugë në dispozicion të zyrës sonë për të siguruar që drejtësia të shërbehet“.

 

Related Topics:
Continue Reading

Lajmet

SHBA: Kosova të veprojë shpejt për sigurimin e furnizimit me energji

Published

9 hours ago

on

June 4, 2026

By

E Ngarkuara me Punë e Shteteve të Bashkuara të Amerikës në Kosovë, Anu Prattipati, ka deklaruar se Kosova nuk po arrin t’i përmbushë kërkesat në rritje për furnizim me energji elektrike dhe se në të ardhmen do të varet gjithnjë e më shumë nga vendet fqinje.

Në një editorial të publikuar së fundmi, Prattipati theksoi se Kosova duhet t’u bashkohet projekteve amerikane të gazit natyror që janë planifikuar në rajonin e Ballkanit, duke vlerësuar se ato mund të ofrojnë një burim të qëndrueshëm energjie për vendin.

Sipas saj, gazi natyror i lëngshëm amerikan (GNL) do të ndihmonte në diversifikimin e burimeve energjetike, do të plotësonte kapacitetet vendore dhe do të forconte partneritetin ekonomik ndërmjet Kosovës dhe Shteteve të Bashkuara.

“Kosova nuk po arrin t’i përmbushë kërkesat në rritje për furnizim me energji. Në të ardhmen e parashikueshme, përderisa çmimi dhe kërkesat për energji vazhdojnë të rriten, Kosova do të varet gjithnjë e më shumë nga fqinjët e saj”, ka shkruar Prattipati.

Ajo paralajmëroi se Kosova duhet të veprojë shpejt për t’u bërë pjesë e këtyre projekteve, pasi mundësia për përfshirje po ngushtohet.

Sipas saj, vonesa në marrjen e një vendimi mund të bëjë që furnizimet amerikane me gaz natyror të lëngshëm të orientohen drejt vendeve të tjera, duke e lënë Kosovën si të vetmin vend në Ballkanin Perëndimor pa qasje në GNL-në amerikane.

Prattipati theksoi se administrata e presidentit Donald Trump ka prioritet uljen e varësisë së Evropës nga energjia ruse dhe ftoi Kosovën të ndërtojë një partneritet afatgjatë energjetik me Shtetet e Bashkuara.

“Ne e nxisim Kosovën të hyjë në partneritet afatgjatë energjetik me Amerikën përmes GNL-së për të siguruar të ardhmen e saj energjetike. Së bashku, ne mund të forcojmë sigurinë energjetike dhe t’i rrisim ekonomitë tona krah për krahu”, ka deklaruar ajo.

Continue Reading

Lajmet

ASK: Çmimet e banesave dhe shtëpive më të larta se në vitin 2025

Published

12 hours ago

on

June 4, 2026

By

Çmimet e pronave të banimit në tremujorin e parë të vitit 2026 janë rritur për 5.3 për qind krahasuar me tremujorin e parë të vitit të kaluar, sipas Indeksit të Çmimeve të Pronave të Banimit (IÇPB) të publikuar nga Agjencia e Statistikave të Kosovës (ASK).

Ndërkaq, krahasuar me tremujorin e katërt të vitit 2025 çmimet e pronave të banimit shënuan rritje prej 2.4 për qind.

Sipas ASK-së në rajonin e Prishtinës, çmimet e pronave të banimit u rritën me 1.4 për qind në tremujorin e parë të vitit 2026, krahasuar me tremujorin e parë të vitit 2025.

Ndërsa në rajonet e tjera të vendit, çmimet e pronave të banimit u rritën për 12.3 për qind në tremujorin e parë 2026, krahasuar me tremujorin e parë 2025.

Continue Reading

Lajmet

Oda e Avokatëve kundërshton tarifën e Prishtinës prej 1,000 euro për zyrat e avokatisë

Published

14 hours ago

on

June 4, 2026

By

Oda e Avokatëve të Kosovës ka kundërshtuar propozimin e Komunës së Prishtinës për vendosjen e një tarife vjetore prej 1,000 euro për zyrat e avokatisë, duke kërkuar përjashtimin e plotë të profesionit të avokatit nga kjo kategori tarifimi.

Në një njoftim për media, bëhet e ditur se kryetari i Odës së Avokatëve të Kosovës, Besnik Berisha, ka marrë pjesë në dëgjimin publik të organizuar nga Komuna e Prishtinës lidhur me Draft-Rregulloren për tarifa, ngarkesa dhe gjoba komunale.

“Në emër të Odës së Avokatëve të Kosovës dhe të qindra avokatëve që ushtrojnë profesionin në kryeqytet, Kryetari Berisha kundërshtoi propozimin për vendosjen e tarifës vjetore prej 1,000 euro për zyrat e avokatisë, duke kërkuar përjashtimin e plotë të profesionit të avokatit nga kjo kategori tarifimi”, thuhet në njoftim.

Sipas OAK-së, avokatia nuk mund të trajtohet si veprimtari tregtare, pasi ajo ka rol kushtetues në garantimin e të drejtës për mbrojtje, qasje në drejtësi dhe proces të rregullt ligjor.

“Avokatia nuk është veprimtari tregtare dhe nuk mund të trajtohet njësoj me bizneset komerciale. Avokati është bartës i një funksioni të domosdoshëm për realizimin e të drejtës kushtetuese në mbrojtje, qasje në drejtësi dhe proces të rregullt ligjor”, theksohet në qëndrimin e OAK-së.

Po ashtu, gjatë diskutimit është vënë në pah se vendosja e një tarife të tillë do të krijonte precedent të gabuar për profesionet e drejtësisë.

“Vendosja e një tarife të tillë ndaj avokatëve është në kundërshtim me natyrën dhe rolin kushtetues të profesionit, ndërsa trajtimi i tyre si kategori biznesi për qëllime fiskale krijon precedent të gabuar”, ka deklaruar kryetari Berisha.

OAK vlerëson se çdo barrë financiare ndaj avokatisë reflektohet drejtpërdrejt te qytetarët, duke rritur kostot dhe duke vështirësuar qasjen në drejtësi.

Në fund, OAK ka kërkuar nga Komuna e Prishtinës që avokatia të përjashtohet nga kjo rregullore dhe ka paralajmëruar se argumentet e saj do të dorëzohen edhe me shkrim në kuadër të procesit konsultativ.

Continue Reading

Lajmet

Izraeli dhe Libani arrijnë marrëveshje për armëpushim, bisedimet vazhdojnë në qershor

Published

17 hours ago

on

June 4, 2026

By

Izraeli dhe Libani kanë rënë dakord për zbatimin e një armëpushimi, ka njoftuar Departamenti Amerikan i Shtetit. Marrëveshja është e kushtëzuar me ndërprerjen e plotë të sulmeve nga grupi Hezbollah dhe respektimin e kushteve të tjera të dakorduara mes palëve.

Njoftimi vjen pasi përleshjet vazhduan edhe këtë javë. Sulmet izraelite në jug të Libanit vranë të paktën nëntë persona, ndërsa Hezbollahu lëshoi raketa drejt veriut të Izraelit, duke vënë në provë armëpushimin e pjesshëm të arritur më herët.

Sipas deklaratës amerikane, palët riafirmuan se e ardhmja e marrëdhënieve mes Izraelit dhe Libanit duhet të përcaktohet nga dy qeveritë sovrane, duke kundërshtuar çdo ndërhyrje nga aktorë shtetërorë apo joshtetërorë.

Marrëveshja u arrit pas rundit të katërt të bisedimeve të ndërmjetësuara nga SHBA-ja në Uashington dhe përfshin largimin e operativëve të Hezbollahut nga zona që shtrihet nga lumi Litani deri në kufirin me Izraelin. Gjithashtu, SHBA-ja do të ndihmojë në krijimin e zonave ku kontrolli do t’i kalojë ekskluzivisht Forcave të Armatosura të Libanit.

Palët pritet të takohen sërish më 22 qershor, me synimin për të arritur një marrëveshje gjithëpërfshirëse dhe më të qëndrueshme për sigurinë në rajon.

Continue Reading

Të kërkuara