Aktualitet

Falsifikimet e certifikatave të vaksinimit

Published

4 years ago

May 14, 2021

Betim Gashi

Certifikata e vaksinimit kundër virusit Corona, do të mundësojë udhëtimin më të lehtë. Por ndërkohë kanë filluar edhe falsifikimet e shumta. Autoritetet thonë se do të ndërmarrin masa.

Falsifikimi i dokumenteve të vaksinimit kundër virusit Corona është shndërruar në një temë preokupimi për autoritetet e sigurisë në Gjermani, por ky problem është lënë shumë pas dore nga politika. Kryetari i autoriteteve për luftën kundër kriminitalitetit (BDK), Sebastian Fiedler, deklaroi për gazetën “Handelsblatt”: “Problemi ekziston tashmë dhe do të mbetet aktual për një kohë të gjatë, pasi me një vaksinim të plotë lirohesh nga kufizimet e të drejtave themelore ose, në të ardhmen, do të kesh përfitime për lëvizjen e lirë”. Ndaj edhe ata që refuzojnë vaksinimin do të jenë të interesuar të kenë këtë dokument për t’i ikur detyrimet e karantinimit.

Fiedler akuzon politikanët se kanë dështuar në këtë drejtim. Ai e konsideron problemin efalsifikimit të të dhënave tëvaksinimit si një “shembull tipik i një dukurie të re të parashikueshme”.

Kryetari i Sindikatës së Policisë Gjermane (DPolG), Rainer Wendt, gjithashtu konsideron se kartat e vaksinimit mund të falsifikohen lehtë. Policia e ka shumë të vështirë t’i njoh dokumentet e falsifikuara, “nëse kjo nuk është bërë në mënyrë shumë të dobët”, dekalaroi ai për gazetën “Neue Osnabrücker Zeitung”.

Deutschland Symbolfoto Impfass und Eintrittskarte Eventim

Kërkohet qasje në bazën e të dhënave për policinë

Ndaj Wendt kërkon që oficerëve të policisë, policëve kufitarë dhe kontrolluesve komunalë t’u jepet qasje në bazën e të dhënave të vaksinimeve të Institutit Robert Koch (RKI). Deri më tani, këto të dhëna janë raportuar në mënyrë anonime nga qendrat e vaksinimit, por kjo duhet të ndryshojë, kërkoi ai. “Të dhënat duhet t’i transmetohen RKI-së në tërësi. Do të thotë, duhet të kenë emrin, të dhënat personale dhe datën e vaksinimit dhe të ruhen atje në mënyrë që të mund të shihet qartë se kush dhe kur është vaksinuar e kush jo.” Këto të dhëna më pas mund të vihen në dispozicion të autoriteteve të kontrollit në internet për një periudhë kalimtare, në mënyrë që shërbimet e sigurisë të mund të hetojnë drejtpërdrejt, nëse dikush vërtet është vaksinuar apo jo, tha Wendt.

Prej ditësh në Gjermani personave të vaksinuar ose shëruar nga sëmundja Covid-19 u janë kthyer disa të drejta, të cilat më parë kanë qenë të kufizuara. Për këta persona nuk ka më kufizime të kontakteve apo të lëvizjes, ata trajtohen si personat që kanë bërë një test me rezultat negativ.

Prej të dielës së kaluar, në Gjermani kanë hyrë në fuqi rregullat për futje në këtë vend, për personat që kthehen nga pushimet. Personat e vaksinuar dy herë ose të shëruarit nga sëmundja Covid-19 nuk kanë nevojë të bëjnë teste dhe të futen në karantinë – përveç nëse vijnë nga një zonë me variante të reja të virusit Corona.

Bota

Drogonte gruan dhe ftonte burra ta abuzonin, dënohet “përbindëshi” në Francë

Published

17 minutes ago

November 26, 2024

UBTnews

Prokurorët francezë kërkuan dënimin maksimal prej 20 vitesh burg për ish-bashkëshortin e Gisele Pelicot, i cili pranoi se e kishte droguar dhe dhunuar atë, edhe përmes njerëzve të tjerë kur ajo kishte qenë e pandërgjegjshme.

Kryeministri francez Michel Barnier vlerësoi Pelicot për “kurajën e pabesueshme.” Ai njoftoi se qeveria do të lëvrojë fonde shtesë në mbështetje të viktimave të dhunës në familje dhe se do të ketë një procedurë të thjeshtësuar për të dorëzuar ankesat për këto lloj krimesh.

“Fondet e lëvruara nga qeveria për emergjencat mjekësore janë rritur këtë vit me rreth 7 milionë euro. Sikurse e dini, që prej vitit të kaluar viktimat e dhunës në familje kanë të drejtën për mbështetje financiare në mënyrë që të ndërrojnë vendstrehim dhe të mbulojnë shpenzimet e përditshme. Ndërkohë, nga fundi i vitit 2025, gratë do të mund të bëjnë ankesat nga çdo spital francez apo qendër urgjence,” deklaroi Barnier.

Gjyqi ka tërhequr vëmendje ndërkombëtare dhe e ka kthyer Gisele Pelicot në një ikonë të aktivistëve që luftojnë dhunën seksuale.

Duke mbajtur banera dhe tym lejla, aktiviste të shumta performuan një vallëzim të llojit “Haka,” ndërsa në gjykatën e Avinjonit mbahej procesi.

Bota

Trump i shpall luftë drogës dhe karteleve: Masa ndaj Kinës e Meksikës!

Published

38 minutes ago

November 26, 2024

UBT NEWS

Në një deklaratë të fundit, Donald Trump ka njoftuar masa të ashpra ndaj Kinës, Meksikës dhe Kanadasë për të luftuar trafikun e drogës dhe emigracionin e paligjshëm në Shtetet e Bashkuara të Amerikës. Ai ka premtuar se do të vendosë tarifa të reja që në ditën e parë të presidencës së tij.

Pas ceremonisë së inaugurimit të tij më 20 janar 2025, Trump ka theksuar se do të firmosë një urdhër ekzekutiv që do të vendosë tarifa 25% për të gjitha mallrat që vijnë nga Meksika dhe Kanada, me qëllim që të ushtrojë presion mbi këto dy shtete për të luftuar trafikun e drogës, veçanërisht fentanilin dhe emigracionin ilegal. Ai ka shtuar se këto masa do të mbeten në fuqi deri sa këto shtete të bëjnë përpjekje më serioze për të frenuar këto probleme.

Një tjetër masë e rëndësishme që Trump ka njoftuar është vendosja e një tarife shtesë prej 10% për të gjitha produktet që vijnë nga Kina, deri sa ky vend të marrë masa më të ashpra për të bllokuar kontrabandën e fentanilit sintetik opioid, që është një nga shkaqet kryesore të krizës së drogës në SHBA.

Trump ka theksuar se lufta ndaj karteleve të drogës është një prioritet dhe ka njoftuar se nuk do të hezitojë të përdorë ushtrinë amerikane për të mundësuar shkatërrimin e këtij aktiviteti kriminal. Gjatë fushatës së tij zgjedhore, ai ka kërcënuar Meksikën dhe Kinën me tarifa deri në 100% nëse është e nevojshme për të luftuar më efikasht trafikun e drogës dhe emigracionin e paligjshëm.

Kjo politikë e Trump është pjesë e përpjekjeve të tij për të mbrojtur kufijtë e SHBA-së dhe për të adresuar problemet që lidhen me rritjen e përdorimit të drogës dhe rritjen e numrit të emigrantëve të paligjshëm që hyjnë në vend. Ai theksoi se është koha që këto shtete të paguajnë për problematikat që ata kanë krijuar, dhe se lufta ndaj trafikut të drogës është një prioritet kombëtar.

Bota

Izraeli e bombardon Bejrutin, teksa liderët e tij pritet të vendosin për armëpushim

Published

48 minutes ago

November 26, 2024

UBTnews

Sulmi e bëri ndërtesën rrafsh me tokën në lagjen Basta në qendër të Bejrutit. Ky ishte sulmi i dytë në ditët e fundit në pjesën më të banuar të qytetit.

Nuk është raportuar për viktima deri më tani.

Zëdhënësi i ushtrisë izraelite, Avichay Adraee, la të kuptohej se do të ketë më shumë sulme, duke thënë se janë lëshuar urdhra për rreth 20 ndërtesa në periferitë jugore të Bejrutit, si dhe një paralajmërim për qytezën jugore Naqoura, në të cilën ndodhet selia qendrore e misionit paqeruajtës të OKB-së, UNIFIL.

Sulmi në Bejrut ndodhi pak orë para se kabineti i sigurisë i Izraelit të mblidhej për të votuar një marrëveshje për armëpushim, e cila u ndërmjetësuar nga Shtetet e Bashkuara, dhe ka për qëllim t’i japë fund luftës mbi njëvjeçare mes Izraelit dhe grupit militant libanez, Hezbollah.

Hezbollahu, i cili e kontrollon Libanin jugor, është shpallur organizatë terroriste nga Shtetet e Bashkuara, ndërsa Bashkimi Evropian e ka vendosur në listën e zezë krahun e tij të armatosur, por jo edhe partinë e tij politike.

Ndër çështjet kryesore që kanë penguar marrëveshjen ka qenë kërkesa e Izraelit për ta pasur të drejtën për të vepruar, nëse Hezbollah i shkel detyrimet e tij.

Sipas propozimit, mijëra trupa libaneze dhe paqeruajtës të OKB-së do të vendoseshin në jug, dhe një panel ndërkombëtar i kryesuar nga Shtetet e Bashkuara do ta mbikëqyrte zbatimin e marrëveshjes nga të gjitha palët.

Ministri i Mbrojtjes i Izraelit, Israel Katz, tha se ushtria do ta sulmojë Hezbollahun nëse forca paqeruajtëse e OKB-së, e njohur si UNIFIL, nuk ofron “zbatim efektiv” të marrëveshjes.

“Nëse ju nuk veproni, ne do të veprojmë, dhe me forcë të madhe”, tha ai, duke folur me të dërguarën speciale të OKB-së, Jeanine Hennis-Plasschaert.

Shefi i diplomacisë i Bashkimit Evropian, Josep Borrell, tha se “nuk ka asnjë justifikim” për Izraelin që të refuzojë zbatimin e një armëpushimi me Hezbollahun, grupin militant dhe partinë politike që kontrollon shumicën e jugut të Libanit.

Borrell tha se të gjitha shqetësimet e sigurisë të Izraelit janë adresuar në marrëveshjen e ndërmjetësuar nga Shtetet e Bashkuara dhe Franca.

Konflikti midis Izraelit dhe Hezbollahut shpërtheu një vit më parë kur grupi i mbështetur nga Irani filloi të hidhte raketa në veri të Izraelit në mbështetje të grupit militant palestinez Hamas – i shpallur organizatë terroriste nga Shtetet e Bashkuara dhe Bashkimi Evropian – në fillim të luftës në Gaza.

Në muajt e fundit, konflikti është përshkallëzuar, pasi Izraeli është duke e bombarduar pareshtur jugun e Libanit, periferitë jugore të Bejrutit dhe Luginën Beka, duke vrarë shumë nga udhëheqësit kryesorë të Hezbollahut dhe duke dërguar trupa tokësore përtej kufirit.

Nga ana e tij, Hezbollah ka hedhur raketa më thellë brenda Izraelit.

Operacioni i zgjeruar i Izraelit i ka zhvendosur më shumë se 1.2 milion njerëz, sipas qeverisë libaneze, e cila thotë se më shumë se 3.760 njerëz janë vrarë dhe më shumë se 10.000 janë plagosur gjatë një viti luftimesh.

Raketat e Hezbollahut kanë vrarë të paktën 50 njerëz në Izrael, më shumë se gjysma e tyre civilë, sipas autoriteteve izraelite.

Bota

Rusia dëbon një diplomat britanik

Published

1 hour ago

November 26, 2024

UBTnews

Rusia njoftoi më 26 nëntor se ka marrë vendim që të dëbojë një diplomat britanik, të cilin e akuzon për spiunazh.

Shërbimi i sigurisë federale, (FSB), tha se diplomati, fotografitë e të cilit u publikuan nga mediat ruse, qëllimshëm kishte ofruar informacione të rreme kur kishte hyrë në Rusi.

“Në të njëjtën kohë, FSB-ja ruse ka gjetur shenja të diplomatit në fjalë duke kryer punë të inteligjencës dhe subversive që kërcënojnë sigurinë e Federatës Ruse”, u tha në njoftim.

Zyra britanike për Punë të Jashtme ende nuk ka reaguar, e as Ambasada brinake në Moskë.

Agjencia e lajmeve, TASS, citoi zëdhënësen e ministrisë të Jashtme ruse, Maria Zakharova, të ketë thënë se MPJ-ja ruse e ka ftuar në takim ambasadorin britanik.

Sipas FSB-së, diplomati britanik kishte shkuar në Rusi për të zëvendësuar një nga gjashtë diplomatët e Mbretërisë së Bashkuar që u dëbuam në herët gjatë këtij viti, të cilët po ashtu u akuzuan nga autoritetet ruse për spiunazh.

Raportet mes Britanisë dhe Rusisë janë përkeqësuar shumë që kur Moska nisi pushtimin e Ukrainës. Britania ka vendosur një sërë runde të sanksioneve ndaj Rusisë dhe i ka ofruar armë Ukrainës.

Moska ka thënë se javën e kaluar, Ukraina për herë të parë e ka sulmuar Rusinë me raketa lundruese britanike, Storm Shadow. Presidenti rus, Vladimir Putin, ka thënë se Ukraina ka përdorur edhe raketat amerikane, ATACMS, duke thënë se sulmet me këto armë bërthamore ishin arsyeja që Moska sulmoi Ukrainën më 21 nëntor me një raketë të re balistike hipersonike me rreze të mesme veprimi.