Lajmet

Fakte interesante për Rusinë

Një vështrim mbi Rusinë, që mbase nuk e keni menduar më parë.

Published

on

Çfarë ju vjen në mendje kur mendoni për Rusinë? Tundra? Dëbora? Ndoshta. Ka edhe një tjetër vështrim mbi Rusinë, që mbase nuk e keni menduar më parë. Duke pasur parasysh se është vendi më i madh në botë, ka shumë pak diversitet brenda kufijve të saj. Nuk është vetëm borë e akull. Disa fakte vërtet interesante për Rusinë, që (ndoshta) nuk i dini.

Liqeni Baikal përmban më shumë se një të pestën e ujit të pijshëm, jo të ngrirë, në botë. Rusia zotëron një të katërtën e ujit të pijshëm, jo të ngrirë, në botë.

Në fakt, emri i Sheshit të Kuq nuk ka fare të bëjë me komunizmin. Buron nga fjala “krasnyi”, që do të thotë “i bukur”

Moska është qyteti më i madh në Evropë me 13 milionë njerëz. Londra vjen e dyta me 8 milionë.

Të gjithë e dinë se Rusia është e madhe. Sa e madhe? Për të dhënë një ide, Rusia ka më shumë zona orare se çdo vend tjetër … 11 gjithsej.

Sistemi më i ngarkuar i metrosë në Evropë mund të gjendet në Moskë, me mesatarisht 6 milionë banorë në ditë.

Në Gadishullin Kamçatka në Rusinë Lindore, mund të bësh ecje mes vullkaneve. Klyuchevskaya Sopka është vullkani më i lartë aktiv në Evropë dhe Azi.

Si vendi më i madh në botë, Rusia përmban 10% të tokës së punueshme të planetit.

Lumi Vollga është lumi më i gjatë në Evropë.

Në Soçi, klima është në fakt subtropikale. Dhe me malet e Kaukazit në sfond, mund të shkosh për plazh në mëngjes dhe për ski në pasdite.

Vetëm 80% e popullsisë është etnike ruse. Në Rusi ka më shumë se 160 grupe të ndryshme etnike.

Rusia ka luajtur një rol të madh në eksplorimin e hapësirës. Në fakt, rusishtja dhe anglishtja janë dy gjuhët zyrtare të Stacionit Hapësinor Ndërkombëtar.

Pas Shteteve të Bashkuara (46 milionë), Rusia vjen e dyta për numrin e imigrantëve në botë (12 milionë). Shumë prej tyre janë nga vendet ish-sovjetike.

Më shumë se 100 gjuhë fliten brenda kufijve të Rusisë. Dhe republikat ish-sovjetike? Shumë prej tyre kanë gjuhët e veta zyrtare.

Rusia ka rezervat më të mëdha energjetike dhe minerale në botë. Ajo i siguron Evropës shumicën e naftës dhe gazit.

Mund të jetë e vështirë të besohet, por Rusia ka edhe një shkretëtirë. Ajo gjendet pranë Detit Kaspik.

Me rezervat më të mëdha pyjore në botë, Rusia është quajtur “mushkëria e Evropës”. Është e dyta vetëm pas Amazonës, për sasinë e dioksidit të karbonit që thith.

Për t’ju dhënë një ide të madhësisë së Rusisë, ajo shtrihet nga Bashkimi Europian në njërën anë, deri pothuaj në anën tjetër të Alaskës. (Në një moment, SHBA dhe Rusia ishin vetëm 4 km larg.)

Megjithëse popullsia e saj ra pas shpërbërjes së BRSS, shkalla e lindjeve dhe shkalla e imigracionit të Rusisë tani ka kaluar vendet e tjera evropiane.

Rusia ka 15 qytete me një popullsi prej mbi 1 milion banorësh. Kjo është kryesisht për shkak të një popullsie mjaft të urbanizuar.

Rusia (Bashkimi Sovjetik) ishte vendi i parë që dërgoi një njeri në hapësirë (Yuri Alekseyevich Gagarin) dhe vendi i parë që dërgoi një satelit në hapësirë (Sputnik I). Ishte gjithashtu vendi i parë që ulej në Hënë (Luna 9), Venus (Venera 9) dhe Mars (Mars 3). / Bota.al

Lajmet

Zyrtari policor goditet me veturë në Zubin Potok

Published

on

Një zyrtar policor ka pësuar lëndime pasi është goditur nga një veturë gjatë një kontrolli në Zubin Potok.

Sipas raportit të policisë, rasti ka ndodhur më 21 tetor, rreth orës 16:25, kur njësiti policor ishte në pikë kontrolli. Gjatë tentimit për ta ndaluar një veturë, drejtuesi i saj është larguar me shpejtësi duke goditur një nga zyrtarët policorë.

“Vetura e dyshuar nuk është arritur të ndalohet”, thuhet në raportin 24-orësh./S.K/PK/

Continue Reading

Lajmet

Nora Gjakova në mesin e kampioneve botërore e olimpike në Romë

Published

on

Kampionia olimpike nga Kosova, Nora Gjakova, po merr pjesë në Akademinë e Federatës Ndërkombëtare të Xhudos (IJF) që po mbahet në Romë të Italisë.

Siç shkruan Federata e Xhudos në Kosovë, Gjakova ka përfunduar me sukses pjesën teorike të shkollimit dhe tashmë po ndjek pjesën praktike të trajnimit, përkrah kampioneve të tjera botërore e olimpike, nën udhëheqjen e Daniel Lascau.

Kjo akademi ka për qëllim licencimin dhe ngritjen profesionale të trajnerëve të xhudos në nivel ndërkombëtar./S.K/EO/

Continue Reading

Lajmet

Skandal në Maqedoninë e Veriut, klubi shqiptar suspendohet nga të gjitha ligat!

Published

on

Një skandal i rëndë ka shpërthyer në basketbollin vendor, pasi Federata e Basketbollit të Maqedonisë së Veriut ka marrë vendim që të suspendojë nga të gjitha ligat klubin shqiptar KB “Shkupi”.

Sipas reagimit të klubit, arsyeja zyrtare e këtij vendimi është borxhi financiar i klubit në vlerë prej 590.000 denarësh.

Megjithatë, drejtuesit e klubit theksojnë se situata është pasojë e mosmarrjes së mjeteve të premtuara nga Ministria e Sportit, fonde të cilat KB “Shkupi” duhej t’i merrte me kohë për të mbuluar obligimet e veta financiare.

Ajo që ka tronditur opinionin sportiv është fakti se për suspendimin e klubit ka votuar edhe anëtari shqiptar i bordit, duke ngritur pikëpyetje serioze mbi mbrojtjen e interesave të sportit shqiptar dhe të vetë klubit që përfaqëson një traditë të gjatë në basketbollin e Shkupit.

Me këtë vendim, KB “Shkupi” përjashtohet nga të gjitha aktivitetet zyrtare të Federatës, gjë që pritet të shkaktojë pasoja të mëdha për lojtarët, trajnerët dhe komunitetin sportiv shqiptar në vend.

Ky zhvillim ka ngjallur reagime të ashpra në opinion, ku kërkohet urgjentisht rishikimi i vendimit dhe ndërhyrja e institucioneve përkatëse për të shmangur një dëm të pariparueshëm për sportin shqiptar në Maqedoninë e Veriut./S.K/EO/MK/

Continue Reading

Lajmet

Pesë raste të dhunës në familje gjatë 24 orëve të fundit

Published

on

By

Brenda 24 orëve janë raportuar pesë raste të dhunës në Familje, e ku të gjitha viktimat janë gra. Katër nga to raportohet për dhunë psikike e fizike nga bashkëshortet, ndërsa në Fushë Kosovë, nëna u sulmua nga e vajza e saj.

Është arrestuar e dyshuara femër kosovare, pasi që ka sulmuar nënën e saj. Viktima ka pranuar tretman mjekësor, ndërsa e dyshuara me vendim të prokurorit është dërguar në mbajtje”, thuhet në raport.

Në Prishtinë janë raportuar dy raste.

Është raportuar se viktima femër kosovare ka pësuar dhunë nga  i dyshuari mashkull kosovar. I dyshuari është arrestuar dhe nga ai është konfiskuar një armë me pesë fishekë. Me vendim të prokurorit i dyshuari është dërguar në mbajtje”, njofton Policia e Kosovës.

Ndërsa në rastin tjetër, viktima thuhet se ka pësuar edhe lëndime.

Është raportuar se viktima femër kosovare ka pësuar dhunë nga  i dyshuari mashkull kosovar. Viktima ka pësuar lëndime trupore, ndërsa i dyshuari është arrestuar dhe me vendim të prokurorit është dërguar në mbajtje”, thuhet në raportin 24 orësh.

Një person në Podujevë u arrestua për dhunë psikike ndaj bashkëshorte, por pas intervistimit ai u lirua në procedurë të rregullt.

Është arrestuar i dyshuari mashkull kosovar, pasi që ai ka ushtruar dhunë psikike ndaj bashkëshortes së tij viktimës femër kosovare. Pas intervistimit, me vendim të prokurorit i dyshuari është liruar në procedurë të rregullt’, bëhet e ditur në raportin policor.

Ndërsa në Lipjan një shtetas palestinez ka ushtruar dhunë fizike ndaj bashkëshortes së tij.

Është arrestuar i dyshuari mashkull shtetas Palestinez, pasi që ka ushtruar dhunë fizike ndaj bashkëshortes se tij viktimës femër shtetase Palestineze. Pas intervistimit, me vendim të prokurorit i dyshuari është lirohet në procedurë të rregullt”, thuhet në njoftim nga Policia e Kosovës./EO

Continue Reading

Të kërkuara