Kosova ka filluar përgatitjet për parakualifikimet evropiane për Kupën e Botës 2027 në basketboll Dardanët nisën misionin nën udhëheqjen e përzgjedhësit të ri, Jean-Denys Choulet i cili i prezantua të hënën.

Stërvitja e parë ka shkuar shumë mirë, ku të gjithë basketbollistët po japin maksimumin, derisa atmosfera është shumë e mirë në kampin Dardan. Të mërkurën në mëngjes u bashkuan edhe basketbollistët e Trepcës, Dardan Kapiti, Mikaile Tmusiq dhe Erjon Kastrati.

Gjithashtu përgatitjeve do t’i bashkohet Dominic Artis, i cili do të jetë një armë shumë e fortë për Kosovën për dy ndeshjet si mysafire. Dardanët në muajin nëntor do të zhvillojnë dy ndeshje si mysafirë. Më 21 nëntor do të ndeshen me Zvicrën dhe më 24 ndaj Irlandës.

Kosova ka një fitore dhe një humbje. Sfidat e fundit do të jenë në shkurt të vitit të ardhshëm, kur do të presim Zvicrën dhe Azerbajxhanin.

Bledian Krasniqi, një mesfushor i FC Zurichut, ka vendosur të luajë për Kombëtaren e Kosovës, duke refuzuar mundësinë për të luajtur për Zvicrën, për të cilën ka qenë pjesë e grupeve të ndryshme të moshave deri tani. Sipas raportimeve të gazetës zvicerane Blick, Krasniqi, i lindur në Zvicër nga prindër kosovarë, ka filluar tashmë procedurat për të marrë pasaportën e Kosovës dhe do të luajë për këtë kombëtare në të ardhmen.

Krasniqi, që është 23 vjeç, është një futbollist i rëndësishëm për ekipin e Zurichut dhe ka marrë këtë vendim pas një shqyrtimi të kujdesshëm. Ai nuk ka luajtur ende për ekipin e parë të Zvicrës dhe nuk pritet të ketë mundësi të luajë për ta në të ardhmen, pasi tashmë ka zgjedhur të përfaqësojë Kosovës. Ky vendim e bën atë një futbollist tjetër shqiptar që zgjedh të luajë për Kosovën, pas Amir Shaipit, i cili gjithashtu ka debatuar dhe ka luajtur për Kosovën pas një karriere të gjatë në grupmoshat e Zvicrës./UBTNews/

Kombëtarja e Kosovës po përgatitet intensivisht për ndeshjen e rëndësishme kundër Rumanisë, në kuadër të Ligës së Kombeve. “Dardanët” zhvilluan sot seancën e fundit stërvitore në Kampin Nacional në Hajvali përpara nisjes për në Bukuresht, ku do të përballen të premten mbrëma me Rumaninë për vendin e parë në Grupin 2 të Ligës C.

Mesfushori Muharrem Jashari dhe Lindon Emërllahu kanë shfaqur besim të fortë në aftësitë e ekipit, duke deklaruar se skuadra është e përgatitur dhe nuk i frikësohet kundërshtarit. Ekipi ka analizuar me kujdes lojën e rumunëve, duke ndërtuar një strategji të përshtatur për sfidën që i pret.

Megjithatë, Kombëtarja e Kosovës po përballet me sfida në aspektin e lëndimeve. Donat Rrudhani, pas një dëmtimi gjatë stërvitjes së fundit, është larguar nga grumbullimi dhe nuk do të jetë i gatshëm për ndeshjet e nëntorit. Ai i bashkohet listës së të lënduarve ku përfshihen edhe Milot Rashica, Bersant Celina, Ermal Krasniqi, Leart Paqarada dhe Emir Sahiti. Me këtë, numri i lojtarëve të munguar ka arritur në gjashtë, duke përbërë një sfidë për trajnerin Franco Foda dhe ekipin.

Skuadra do të udhëtojë nesër drejt Bukureshtit, ku pritet të zhvillojë stërvitjen e fundit në prag të përballjes së 15 nëntorit. Pas sfidës me Rumaninë, Dardanët do të ndeshen të hënën me Lituaninë në stadiumin “Fadil Vokrri” në Prishtinë, në ndeshjen e fundit të grupit, e cila do të jetë gjithashtu vendimtare për renditjen finale./UBTNews/