Lajmet

EUROPOL kap punonjësin e Ministrisë së Brendshme të Maqedonisë për falsifikimin e monedhave në Prishtinë

Published

on

EUROPOL dhe autoritetet e Kosovës dhe Maqedonisë së Veriut kanë arrestuar në Prishtinë një punonjës të Ministrisë së Brendshme të Maqedonisë së Veriut, i dyshuar për prodhimin e monedhave të falsifikuara të 2 eurove në një periudhë dyvjeçare.

Sipas komunikatës për media të EUROPOL, arrestimi është realizuar pas një planifikimi të përpiktë të autoriteteve të dy vendeve, me mbështetjen e Eurojust dhe koordinimin operacional të EUROPOL. Në Maqedoni të Veriut, gjatë operacionit janë kontrolluar disa lokacione ku janë sekuestruar aparatura për prodhimin e valutës së falsifikuar dhe mijëra monedha të montuara.

Personi i arrestuar, i identifikuar si punonjës i Ministrisë së Brendshme të Maqedonisë së Veriut, është njoftuar për aktivitetet e tij përmes një përpjekjeje të koordinuar për shkëmbimin e inteligjencës mes autoriteteve.

Operacioni hetimor ka qenë rezultat i një bashkëpunimi të ngushtë mes Prokurorisë Speciale të Kosovës dhe Prokurorisë Themelore në Shkup, me mbështetjen e Policisë së Kosovës, Qendrës Hetimore të Prokurorisë Publike në Shkup dhe Ministrisë së Brendshme të Maqedonisë së Veriut. Ndihma e rëndësishme e EUROPOL ka përfshirë analiza të inteligjencës, koordinim operacional dhe asistencë teknike për sigurimin e kapjes së suksesshme të të dyshuarit.

Monedhat e sekuestruara gjatë operacionit do të vlerësohen për të përcaktuar shkallën e prodhimit të tyre të falsifikuar, në krahasim me monedha të legitimit të çuar jashtë qarkullimit./UBTNews/

Lajmet

Kurti: Shtesat për gratë lehona rriten nga 170 euro në 325.9 euro

Published

on

By

Kryeministri në detyrë Albin Kurti bëri të ditur se shtesat e për gratë lehona rriten nga 170 euro në 325.9 euro. Vendimin e kumtoi në mbledhje sotëm të Qeverisë së Kosovës.

Do të dalim me lajme shumë të mira, sepse qeveria e mirë del me lajme të mira. Po e nisim lajmin e mirë për nënat e reja. 70 mijë nënë të reja kanë përfituar nga shtesat. Sot do të miratojmë rritjen nga 170 euro në 325.9 euro. Kjo përbën një rritje të dyfishtë. Lajmi tjetër i mirë është për nënat lehona të punësuara. Përveë 70 për qind të pagës që marrin nga punëdhënësi për shtatë muaj, për tre muajt e tjerë për lehonat e punësuara, do të përfitojnë mbështetje edhe për tre muaj të tjerë 319.5 euro nga qeveria”, deklaroi Kurti.

Continue Reading

Lajmet

​Osmani takon ambasadorin e Mbretërisë së Bashkuar, diskutojnë për zhvillimet aktuale

Published

on

By

Presidentja e vendit, Vjosa Osmani, ka pritur në takim ambasadorin e Mbretërisë së Bashkuar në Kosovë, Jonathan Hargreaves.

Në takim u diskutua për zhvillimet e fundit politike në vend, përfshirë situatën e krijuar nga moskonstituimi i Kuvendit të Kosovës, si dhe për raportet bilaterale ndërmjet dy vendeve, njoftoi Presidenca përmes një njoftimi në Facebook.

Presidentja Osmani dhe Ambasadori Hargreaves theksuan rëndësinë e vazhdimit të bashkëpunimit të ngushtë ndërmjet Republikës së Kosovës dhe Mbretërisë së Bashkuar në fusha me interes të përbashkët, si mbrojtja, sundimi i ligjit dhe zhvillimi ekonomik”, thuhet në njoftim.

Vendi është zhytur në një ngërç politik pasi që Kuvendi nuk po bëhet, rrjedhimisht as qeveri të re nuk mund të ketë, shkruan KosovaPress.

Seanca konstituive ka nisur më 15 prill dhe deri tash të gjitha përpjekjet kanë dështuar.

Tutje, sipas njoftimit, Osmani aty theksoi rëndësinë e thellimit të partneritetit strategjik ndërmjet Republikës së Kosovës dhe Mbretërisë së Bashkuar “veçanërisht në fushën e mbrojtjes dhe sigurisë, si garanci për paqen dhe stabilitetin në vend dhe në rajon”./KosovaPress

Continue Reading

Lajmet

​Sot, tentimi i 27-të për konstituimin e Kuvendit

Published

on

By

Deputetët e zgjedhur do të mblidhen për herë të dytë brenda 24 orëve, në vazhdimin e njëzet e shtatë të seancës konstituive, e cila nuk po gjen fund që kur ka nisur më 15 prill.

Njëzet e gjashtë vazhdimet e deritanishme nuk sollën progres sa i përket zgjidhjes së kreut të legjislativit.

Vazhdimi i seancës konstituive do të jetë nga ora 11:00 dhe ajo mbahet sot për shkak të festës së Kurban Bajramit ditën e premte.

Lëvizja Vetëvendosje, Guxo dhe Alternativa po këmbëngulin që Albulena Haxhiu të jetë kryetare e re e Kuvendit, por ministrja në detyrë e Drejtësisë nuk po gjen 61 votat e nevojshme.

Gjykata Kushtetuese ende nuk ka kthyer përgjigje për kërkesën e parashtruar nga Aleanca për Ardhmërinë e Kosovës mbi mënyrën e fshehtë të votimit të kreut të ri të Kuvendit sikurse po kërkojnë Lëvizja Vetëvendosje, Guxo e Alternativa përmes krijimit të një komisioni për mbikëqyrjen e votimit./KosovaPress

Continue Reading

Lajmet

Princi Harry distancohet më shumë nga familja mbretërore, dëshiron të ndryshojë mbiemrin në Spencer

Published

on

Princi Harry thuhet se e ka konsideruar seriozisht ndryshimin e mbiemrit të tij në Spencer, si një homazh për nënën e tij, Diana, dhe ndoshta si një shenjë e një ndarjeje përfundimtare me familjen mbretërore, raportojnë mediat britanike.

Një zbulim ky që i shton një kapitull të ri dhe të papritur sagës komplekse midis Dukës së Sussex dhe Pallatit Buckingham. Sipas gazetës britanike Daily Mail, thuhet se Princi Harry i kërkoi këshilla xhaxhait të tij, Charles Spencer, për të adoptuar mbiemrin e nënës së tij, Diana, shkruan A2 CNN.

“Harry foli drejtpërdrejt me xhaxhain e tij, Charles Spencer, gjatë një vizite të rrallë në Mbretërinë e Bashkuar, duke i kërkuar këshilla se si ta përvetësonte ligjërisht mbiemrin e nënës së tij”, i tha një mik i ngushtë i princit, gazetës britanike Daily Mail.

Duket se përgjigjja e xhaxhait nuk la vend për entuziazëm: “Ata patën një bisedë shumë miqësore dhe Charles Spencer e këshilloi të mos ndërmerrte një hap të tillë”, tha burimi, duke nënvizuar se ndërlikimet ligjore do të kishin qenë shumë të shumta, raporton A2 CNN.

Princi Harry do të kishte dashur ta zëvendësonte mbiemrin Mountbatten-Windsor, atë që u ishte caktuar fëmijëve Archie e Lilibet në certifikatat e tyre të lindjes, me një Spencer më “identifikues”. Një zgjedhje plot kuptim, jo ​​vetëm personal, por edhe simbolik, i cili megjithatë nuk u materializua.

Mbiemri Mountbatten-Windsor, i zgjedhur më 1960 për pasardhësit e drejtpërdrejtë të Mbretëreshës Elizabeth II dhe Princit Philip, mbetet një simbol i trashëgimisë mbretërore edhe sot. Për Princin Harry, ky emër nuk është i mjaftueshëm për të treguar historinë se kush është ai, apo nga vjen.

Marrëdhënia e Harry-t me të atin, Mbretin Charles III, dhe vëllanë William mbetet e largët. Pika e kthesës, ishte lamtumira me familjen mbretërore më 2020, e ndjekur nga botimi i autobiografisë Spare më 2023. Që atëherë, pavarësisht disa përpjekjeve për qetësim, marrëdhëniet familjare kanë mbetur të ngrira.

Continue Reading

Të kërkuara