Premier League dhe klubet e saj kanë refuzuar të përshtatin kalendarin për edicionin e ri të Kupës së Botës për Klube, i cili do të mbahet nga 15 qershori deri më 13 korrik në SHBA. Drejtori sportiv i Premier League, Tony Scholes, deklaroi për “The Telegraph” se kompeticioni është imponuar nga FIFA dhe nuk ka marrë mbështetjen e klubeve.

Sipas tij, ndryshimi i kalendarit për të akomoduar këtë turne do të ishte i pamundur, pasi sezoni tashmë është shumë i ngjeshur, ndërsa UEFA ka shtuar ndeshje shtesë në formatin e saj të ri. Ai theksoi se Manchester City, si pjesëmarrës, mund të luajë deri në 10 ndeshje shtesë këtë vit, duke e bërë të vështirë menaxhimin e ngarkesës për lojtarët.

Premier League nuk ka ndërmend të bëjë lëshime dhe qëndron kundër këtij kompeticioni, duke theksuar se shëndeti i lojtarëve duhet të jetë prioriteti kryesor./UBTNews/

Rei Manaj mund të ndërrojë skuadër në këtë dritare të merkatos. Edhe pse futbollisti ka rinovuar pak kohë me parë kontratën e tij me Sivaspor deri në verën e vitit 2026, mundësia e largimit ekziston ende në ditët e fundit të merkatos që është ende e hapur në Turqi.

Mediat turke bëjnë të ditur se klauzola prej 4 milionë eurosh që i është vendosur në kontratë futbollistit shqiptar, e bën opsion interesant edhe për klubet kryesore në Turqi. Dhe një prej tyre, u është kthyer kontakteve me Sivasporin për të bërë të mundur një transferim.

Bëhet e ditur se Trabzonspori, i cili kërkon të rikthehet ambicioz në kampionatin turk, e sheh Manajn si një sulmues që mund ta ndihmojë në fazën ofensive. Kongolezi Benza mund t’i largohet gjatë verës, pasi ka tërhequr vëmendjen e klubeve të mëdha ndërkombëtare, ndaj Manaj shihet si një zëvendësues i rëndësishëm në repartin e avancuar, të cilit do i duhet kohë për t’u përshtatur ndaj do të nevojitet të integrohet që tani në skemat e ekipit.

Mbetet të shihet se si do të rrjedhin ngjarjet në ditët e fundit të merkatos në Turqi, por emri i Manajt ka filluar të qarkullojë përsëri në portalet që i kushtohen lëvizjeve të lojtarëve.

Pas paraqitjes së Hakan Çalhanoglu në derbin e Milanos, trajneri Simone Inzagi ka shprehur dyshime për formën e mesfushorit turk. Edhe pse Çalhanoglu kërkoi të ishte titullar dhe u aktivizua nga minuta e parë, performanca e tij në një ndeshje me intensitet të lartë nuk i ka bindur drejtuesit e ekipit.

Për ndeshjen e nesërme ndaj Fiorentinës, e cila është një takim i prapambetur i javës së 14-të në Serinë A, Inzagi ka vendosur që Kristjan Asllani të jetë titullar nga minuta e parë. Ndërkohë, Çalhanoglu do të aktivizohet vetëm gjatë zhvillimit të ndeshjes, me mundësi për të hyrë më vonë në lojë.

Ndeshja mes Interit dhe Fiorentinës do të zhvillohet nesër mbrëma në Firence dhe do të nisë në minutën e 16:00.