Sport

​EURO 2024 sjell risi edhe në VAR

Published

on

Tifozët në Euro 2024 do të marrin informacion më të detajuar mbi vendimet e gjyqtarëve të asistuar me video (VAR) se më parë, thanë organizatorët e UEFA-s të mërkurën.

Kreu i komitetit të arbitrave të UEFA-s, Roberto Rosetti, tha se ekranet në stadiumet në të gjithë Gjermaninë do të ofrojnë “shpjegime teknike” të thirrjeve VAR në mënyrë që të përmirësojnë të kuptuarit e spektatorëve.

Një nga kritikat e ndryshme të teknologjisë VAR që nga prezantimi i saj ka qenë vështirësia që tifozët kanë për të kuptuar pse merren disa vendime.

Pas asistencës me video, shpjegimi teknik i vendimit do të shfaqet në ekranet gjigante të stadiumeve”, shpjegoi Rosetti në një konferencë shtypi në Allianz Arena, përpara hapjes së turneut të premten. Rosetti ofroi një shembull të llojit të informacionit që do t’u jepet fansave pas një konsultimi me VAR duke thënë:

Penallti, lojë me dorë, numri nëntë i Gjermanisë e preku topin me dorën e majtë, e cila ishte në një pozicion të panatyrshëm, mbi supe dhe duke u larguar nga trupi i tij”, tha ai.

Në Kupën e Botës për Femra 2023, zyrtarët u njoftuan shikuesve vendimet verbalisht përpara se të rifillonin lojën.

Rosetti tha se gjyqtarët do të jenë në gjendje të japin shpjegime për kapitenët e skuadrave që ata janë duke arbitruar, por lojtarët e tjerë që sfidojnë vendimet ose kërkojnë informacion do të ndëshkohen. /UBTnews/

Lajmet

Arsenal- Atletico Madrid, derbi i së martës në Champions

Published

on

Gara në Ligën e Kampionëve vazhdon me ndeshjet e xhiros së tretë të fazës së ligës, ku sot janë nëntë ndeshjet e para të xhiros së tretë, kurse vëmendja do të jetë në stadiumin “Emirates” në Londër.

Nga ora 21:00 takohen Arsenali dhe Atletico Madridi, në ndeshjen më interesante të së martës.

Arsenali ka fituar dy ndeshjet e para, njëjtë si Bayerni, Real Madridi, PSG-ja, Interi e Qarabagu. Skuadra e Mikel Artetas në xhiron e parë fitoi 2:0 në udhëtim tek Athletic Bilbao, ndërsa në të dytën fitoi po me 2:0 ndaj Olympiacosit.

Skuadra e Diego Simeones, Atletico Madridi, në xhiron e parë humbi 3:2 nga Liverpooli, ndërsa në të dytën e shkatërroi, 5:1, skuadrën gjermane, Eintracht Frankfurt.

Arsenali është në moment të mirë edhe në Premier League. Pas xhiros së tetë udhëheqë në tabelë me 19 pikë. Në fundjavë “topçinjtë” fituan 1:0 ndaj Fulhamit.

“Ishte një fillim i mahnitshëm i edicionit për ne. Por gjëja më e rëndësishme është se si përfundon kampanja. Është mirë që jemi në moment pozitiv. Ekipi është plot me besim dhe ne jemi në ecuri të mirë. Por na pret rrugë e gjatë. Gjëja e mirë është që në aspektin mental jemi gati për ndeshje dhe që të japim më të mirën”, ka thënë mesfushori i Arsenalit, Mikel Merino.

Trajneri i Arsenalit, Mikel Arteta, foli me respekt për Simeonen dhe punën që e ka bërë ai tek Atletico.

Ndërkohë, Simeone ka theksuar se në Londër kanë udhëtuar për fitore.

“Kemi ardhur me shpresë për ndeshje të madhe dhe për të siguruar fitoren që na duhet. Synojmë fitore në udhëtim në Ligën e Kampionëve. Do t’i qasemi ndeshjes me intensitetin që e meriton”, ka theksuar Simeone.

Të martën janë edhe disa ndeshje të tjera interesante:

Nga ora 18:45, Barcelona e pret Olympiacosin dhe llogarit në fitore tjetër.

Në termin të njëjtë zhvillohet ndeshja mes Kairat Almatyt dhe Pafosit qipriot.

Fituesi në fuqi i Ligës së Kampionëve, Paris Saint Germaini nuk pritet të ketë punë të lehtë ndaj Bayer Leverkusenit në Gjermani. Leverkuseni është nënkampion i Gjermanisë.

Fitore në udhëtim synojnë edhe dy skuadrat e mëdha italiane.

Kampioni i Italisë, Napoli, luan në Holandë ndaj PSV-së, ndërsa Interi luan në Belgjikë ndaj Royale Union.

Ndërkohë Manchester City i Pep Guardiolas është mysafir i Villarrealit në Spanjë.

Copenhagen- Dortmund dhe Newcastle United-Benfica janë ndeshjet tjera sonte./S.K/EO/

Continue Reading

Lajmet

​Yildiz: Nuk më pëlqen të krahasohem me Del Pieron

Published

on

Sulmuesi turk, Kenan Yildiz është gati për përballjen e madhe të Ligës së Kampionëve mes Real Madridit dhe Juventusit.

Yildiz që mban fanellën me numrin 10 te bardhezinjtë, foli për emocionet e tij në një intervistë për faqen zyrtare të UEFA-s, ku pranoi se është i motivuar nga pritshmëritë që ka publiku, por shtoi se nuk i pëlqejnë krahasimet.

“Jam vetvetja. Nuk dua të krahasohem me askënd.”, tha Yildiz.

Lidhur me ndeshjen në stadiumin Santiago Bernabeu, ai u shpreh:

“Është fantastike. Çdo fëmijë ëndërron të luajë në atë stadium. Tani kjo ëndërr është bërë realitet. Shpresoj të zhvillojmë një ndeshje të madhe.”/S.K/KP/

 

Continue Reading

Lajmet

​Deco: Nuk sjellim lojtar të rinj në janar

Published

on

Shefi i Barcelonës, Deco, thotë se nuk ka gjasa të shtojë lojtarë në skuadrën e tyre në janar dhe këmbëngul se ata do ta blejnë vetëm nëse detyrohen të shesin një lojtar gjatë merkatos së dimrit.

“Nuk e shoh nevojën për afatin kalimtar të janarit për momentin. Asnjë lojtar nuk ka kërkuar të largohet.”, ka thënë Deco.

Deco komentoi gjithashtu edhe për figurën e Lamine Yamal.

“Shpesh kemi tendencë të përqendrohemi te individualizmi, por është skuadra që fiton. Po flasim për një lojtar shumë të pjekur, një lloj tjetër lojtari që mund të përcaktojë një epokë. Duhet ta lëmë të qetë”, tha ai.

“Konteksti i tij ishte i ndryshëm; ai iu bashkua një ekipi që tashmë ishte fitues, me lojtarë të moshës 25 dhe 26 vjeç, dhe rritja e tij ka qenë më normale dhe progresive”, shtoi ai./S.K/KP/

Continue Reading

Lajmet

​Ish-lojtari i Real Madridit pëson goditje në tru

Published

on

Ish-futbollisti holandez, Royston Drenthe, ka pësuar një goditje në tru dhe aktualisht ndodhet nën kujdes mjekësor në spital.

“Të premten e kaluar, Royston Drenthe pësoi një goditje në tru. Ai po trajtohet dhe është në duar të sigurta. Familja e tij kërkon paqe dhe privatësi gjatë kësaj periudhe, për t’i mundësuar shërimin e plotë,” thuhet në njoftimin e klubit në Instagram.

Drenthe, i cili u konsiderua një prej talenteve më premtues të futbollit holandez, nuk arriti të përmbushte pritshmëritë pas transferimit te Real Madridi. Gjatë karrierës së tij ai ka luajtur në Spanjë, Angli, Rusi, Turqi dhe Emiratet e Bashkuara Arabe, ndërsa futbollin aktiv e përfundoi në Holandë në vitin 2019.

Lajmi është konfirmuar edhe nga FC Der Rebellen, ekipi i ish-lojtarëve profesionistë ku bën pjesë edhe 38-vjeçari.

Pas tërheqjes nga futbolli, Drenthe iu përkushtua muzikës dhe prej vitit 2023 punon si komentator në kanalin holandez Ziggo Sports./S.K/KP/

Continue Reading

Të kërkuara