Kryeministri Edi Rama ka mbajtur fjalimin e tij në rrjetin social facebook në rubrikën “Sy më sy”, teksa mes shumë çështjeve që ka pikasur, ka folur dhe për organizimin e një eventi që Shqipëria do të presë liderët evropianë.

“Më 15 maj do pres liderët e 47 vendeve dhe 8 të tjerë të organizatave të mëdha ndërkombëtare, nga Bashkimi Evropian tek NATO që do vijnë të tërë në Shqipëri”, tha ai.

Më pas Rama ka ironizuar faktin kur qytetarët shprehin ankesat e tyre që në vendin tonë jetesa nuk është nënivelin e duhur, por në këtë vend të ashtëqujtur “i shkatërruar”, liderët do vijnë përsëri.

“Në këtë vend ku nuk ka bukë, vriten njerëzit rrugave, ku nuk ka ujë, nuk ka drita, ku është shkatërrim, do vijnë të gjithë këta këtu. Dhe në datën 15 në darkë do jemi me liderët e BE-së ku Shqipëria do të jetë mikpritësja. Do diskutojmë për të ardhmen e përbashkët këtu në Shqipëri. Siç nuk ua ka marrë mendja shumë shqiptarëve deri përpara se të isha unë në detyrë, në datën 16 maj do të kemi Komunitetin Politik Europian, ku Shqipëria do të ketë fjalën kyçe në hapjen e evenimentit. Këtu do jem unë në datë 15-16.

Edhe në datën 11 maj këtu do jem prap. Doni apo s’doni Ramën apo qeverinë e PS, kjo është njëra anë e medaljes, tjetra anë është “tharja e kënetës”. Në fund fare prap PS do jetë në krye të vendit”, ka deklaruar Rama.

Malë Gashi ushtrues i detyrës së komandantit të brigadës së Zjarrfikësve në Komunën e Prishtinës ka dhënë detaje të reja për zjarrin e shkaktuar në disa lokale në Prishtinë.

Gashi tha se te Tregu i Gjelbër janë përfshirë gjashtë lokale që mbajnë produkte të ndryshme si pemë e perime, kafiteri dhe një nga to me pajisje elektronike.

Sipas tij ekipet kanë reaguar shpejtë duke prerë zjarrin dhe duke mos i lënë mundësi për shpërndarje.

Gashi shtoi se nuk ka persona të lënduar por dëmet materiale konsiderohen të mëdha.

“Ora 05:45 minuta është pranuar informata për zjarr tek Tregu i Gjelbër ekipet menjëherë kanë dal në vendin e ngjarjes është parë që janë përfshirë gjashtë lokale që mbajnë produkte të ndryshme si pemë e perime por ka pas edhe kafiteri, qebaptore dhe ka qenë një lokal me pajisje elektronike. Ekipet kanë reaguar shumë shpejt në mënyrë shumë profesionale është bërë prerja e dyanshme e zjarrit për të mos lënë mundësi për shpërndarje”, tha Gashi duke bërë me dije se është hërët për tu ditur shkaktarët e zjarrit.

Edhe njëri nga pronarët që iu është djegur lokali Rexhep Avziu pronar i kafiterisë, ka thënë se dëmi i shkaktuar nga zjarri është afërsisht deri në 15 mijë euro.

“Dëmi është 15 mijë euro afërsisht”, tha ai.

Për zjarrinnë rrugën “Ilaz Ahushi”, në Prishtinë edhe policia e Kosovës.

Zëdhënësja e policisë për rajonin e Prishtinës Flora Ahmeri ka thënë se zjarrfikësit dhe policia janë duke u marrë me rastin derisa nuk raportohet për persona të lënduar.

Policia e Kosovës ka njoftuar se në fshatin Banjskë të Zveçanit një grua dhe burri i saj janë kanosur në vazhdimësi nga tre persona të dyshuar.

Sipas policisë raportohet se të dyshuarit kanë kërkuar nga viktimat që të largohen nga fshati, derisa me vendim të prokurorit rasti po trajtohet në procedurë të rregullt.

“Dyshohet se viktima F.Sh dhe bashkëshorti i saj M.S kosovar, janë duke u kanosur në vazhdimësi nga 3 të dyshuar m/s kosovar. Të dyshuarit raportohet se kanë kërkuar nga ankuesja dhe bashkëshorti i sajë që të largohen nga fshati. Me vendim të prokurorit rasti vazhdon të trajtohet në procedurë të rregullt”, thuhet në njoftimin e policisë.

Zyrtarët amerikanë e kanë bërë të qartë angazhimin e tyre ndaj Aleancës Veri-Atlantike përfshirë praninë e SHBA-së në Evropë dhe se parandalimi dhe mbrojtja e NATO-s duhet të mbeten të fuqishme, ka bërë të ditur një zyrtar i NATO-s.

Në një përgjigje me shkrim thuhet se si pjesë e kësaj, SHBA e ka bërë të qartë gjithashtu pritjen e saj që aleatët e NATO-s të bëjnë më shumë, të investojnë më shumë dhe të prodhojnë më shumë në mbështetje të sigurisë sonë të përbashkët.

NATO po përshtatet vazhdimisht me një mjedis në ndryshim. Kjo është pjesë e asaj që duhet për të qëndruar gati. Angazhimi ynë për stabilitet në të gjithë Ballkanin Perëndimor është i palëkundur.

KFOR-i vazhdon të zbatojë mandatin e tij, bazuar në Rezolutën 1244, për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme, dhe në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë, në rolet e tyre përkatëse si reagues të sigurisë. Shtetet e Bashkuara vazhdojnë të luajnë një rol themelor brenda KFOR-it, përmes kontributit të saj të gjatë, i cili aktualisht arrin në mbi 600 trupa,” ka thënë zyrtari i NATO-s.