Sport

Ernest Muçi prezantohet te Legia Varshava

Published

6 years ago

February 24, 2021

Betim Gashi

Sulmuesi shqiptar Ernest Muçi, është zyrtarizuar tek klubi i njohur polak, Legia Varshava.

19 vjeçari që konsiderohet si një nga lojtarët më të talentuar të brezit të ri në Ballkan, nënshkroi kontratë me Legian deri më 30 qershor 2025.

Ernest Muçi është pjesë e Shqipërisë U21, ndërsa në kampionatin polak ka kaluar nga Tirana, ku në 60 ndeshje kishte shënuar 18 gola. Lojtari është shfaqur i lumtur me kalimin në klubin polak.

“Legia është një klub i shkëlqyeshëm dhe një mundësi e shkëlqyer për mua. Duhet ta tregoj veten mirë këtu dhe të jem versioni më i mirë i vetvetes. Legia ka një bazë stërvitore të shkëlqyeshme, unë gjithashtu pashë stadiumin, pashë lojtarët që përfaqësojnë një nivel të lartë”, ka thënë fillimisht Ernest Muçi për ueb faqen e klubit polak.

“Po përballem me një mundësi të re dhe megjithëse është një sfidë e vështirë, ndjej se jam gati”, ka thënë Ernest Muçi për ueb faqen e klubit.

Lojtari ka nënshkruar një kontratë që 4.5 vite me Legian.

Up Next

Liga e Kampionëve vazhdon sot me dy ndeshje interesante

Don't Miss

Heroi i Chelseat, Giroud: Ne luajtëm kundër Atleticos për të fituar

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/