Kulturë

Ermal Meta, koncert në “Air Albania” më 17 shtator

Për të ndjekur koncertin – falas – qytetarët duhet të regjistrohen.

Published

5 years ago

on

/ATSH/ Do të jetë qielli i Tiranës, i cili do të përshëndesë Tribù Urbana në stadiumin e ri “Air Albania” në një festë të madhe, më në fund me muzikë live për të kremtuar rilindjen e për të përkujtuar 30-vjetorin e rënies së regjimit në Shqipëri dhe fitimin e lirisë, njoftoi sot ambasada e Italisë në Tiranë.

Një qiell, në të cilin kanë ndriçuar edhe Stelle Cadenti të Ermal Metës, aty ku Tommaso Stanzani shpalos artin e tij si balerin duke i dhuruar një elegancë të rrallë videos që shoqëron këngën e re solo, e cila u propozua për transmetim në radio në 10 Gusht: www.youtube.com/ëatch?v=l8BSy4fyBBë

Tingujt e këngës “UNO” të Albumit Tribù Urbana interpretuar gjatë Kampionatit Evropian të Futbollit, të cilat shoqëruan sukseset e arritura nga kombëtarja jonë duke krijuar një atmosferë magjike falë bashkimit të zërave të cilat, “nga rrugicat e Athinës në qendër të Dublinit”, tani kalojnë nëpër Tiranë.

Krahas Ermal Metës, protagonisti tjetër i madh është ky album i ri që “bën të ngrihen njëherazi duart lart”, po të njëjtat duar “që kapen fort pas qiellit këtë natë” duke bërë të lëvizë ajri, jeta, të lëvizin këmbët dhe zemra me këngët e përmbledhura në Tribù Urbana, publikuar në Mars dhe që menjëherë zuri vendin e parë në klasifikim, si në format CD ashtu edhe në disk.

Por jo vetëm; një koncert që do të përshkojë etapat e shumta domethënëse të karrierës artistike të Ermal Metës, sepse tani ka ardhur çasti të luhet muzikë, të këndohet e të oshëtijë zëri nga shkallët e stadiumit “Air Albania”, strukturë e re e ndodhur në qendër të Tiranës që mirëpret një koncert për herë të parë.

Promovues e bashkëprodhues të këtij eventi madhështor janë Ambasada e Italisë në Tiranë, Bashkia Tiranë, Federata Shqiptare e Futbollit dhe vetë Mescal.

Për të ndjekur koncertin – falas – qytetarët duhet të regjistrohen në linkun https://bileta.t-ticket.al/biglietteria/listaEventiPub.do duke nisur prej datës 25 Gusht.

Vendet janë në dispozicion deri në plotësimin e kapacitetit të diktuar nga rregulloret kundër COVID-19 në fuqi në Shqipëri.

Related Topics:
Continue Reading

Lajmet

Biblioteka Kombëtare e Kosovës ‘Pjetër Bogdani’ ka njoftuar hapjen e një ekspozite fotodokumentare me rastin e shënimit të Ditës së Çlirimit të Kosovës.

Published

8 hours ago

on

June 10, 2026

By

Ekspozita mban titullin “KFOR and Kosovo +25” dhe është organizuar në bashkëpunim me organizatën britanike Heartstone, duke sjellë një pasqyrë vizuale mbi zhvillimet në Kosovë gjatë më shumë se dy dekadave të fundit.

Në fokus të ekspozitës është edhe roli i KFOR në vendosjen dhe ruajtjen e paqes në Kosovë pas vitit 1999.

Hapja e ekspozitës do të bëhet më 12 qershor 2026 , në orën 16:00, në hollin e ekspozitave të Bibliotekës Kombëtare të Kosovës në Prishtinë./A.K/

Continue Reading

Lajmet

Lule Elezi bëhet anëtarja e parë shqiptare e Shoqatës Frédéric Chopin në Varshavë

Published

10 hours ago

on

June 10, 2026

By

Pianistja e njohur kosovare Lule Elezi është zgjedhur anëtare e rregullt e Shoqatës Frédéric Chopin në Varshavë, duke u bërë artistja e parë shqiptare që pranohet në këtë institucion prestigjioz.

Vendimi është bërë i ditur nga Shoqata Frédéric Chopin në Varshavë, pas një serie koncertesh solistike të suksesshme të Elezit në qytete të ndryshme të Polonisë, ku ajo ka interpretuar vepra të kompozitorit të njohur Frédéric Chopin.

Në reagimin e saj, Elezi ka shprehur mirënjohje për drejtoreshën e përgjithshme të shoqatës, Ewa Sławińska, dhe bordin drejtues, duke theksuar se ky emërim është rezultat i angazhimit të saj artistik dhe paraqitjeve të shumta në Poloni.

Sipas saj, ky vlerësim përbën një kurorëzim të punës së saj shumëvjeçare në interpretimin e veprave të Chopin-it në aktivitete të organizuara nga kjo shoqatë në qytete të ndryshme polake.

Continue Reading

Lajmet

Fazıl Say dhe Filharmonia e Kosovës sonte në koncertin përmbyllës të Chopin Piano Fest

Published

11 hours ago

on

June 10, 2026

By

Prishtina do të mirëpresë sonte një nga ngjarjet më të rëndësishme muzikore të vitit, me koncertin përmbyllës të edicionit 2026 të festivalit Chopin Piano Fest.

Në skenën e Klan Arenës do të ngjitet pianisti i njohur turk Fazıl Say, i cili do të performojë së bashku me Filharmoninë e Kosovës, nën dirigjimin e maestro Aurélien Azan Zielinski.

Koncerti, që nis në orën 19:30, pritet të sjellë një mbrëmje të veçantë artistike, duke kurorëzuar programin e festivalit me interpretimin e njërit prej pianistëve më të vlerësuar në skenën ndërkombëtare.

Për publikun kosovar, kjo paraqitje përfaqëson një mundësi të rrallë për të ndjekur nga afër virtuozitetin e Fazıl Say, i njohur për interpretimet e tij të jashtëzakonshme dhe kontributin në muzikën klasike bashkëkohore.

Koncerti përmbyll një tjetër edicion të suksesshëm të Chopin Piano Fest, festival që prej vitesh sjell në Kosovë emra të njohur të muzikës klasike nga mbarë bota./A.K/

Continue Reading

Lajmet

Kosova shënon 148-vjetorin e Lidhjes së Prizrenit dhe 27-vjetorin e Çlirimit me aktivitete përkujtimore

Published

13 hours ago

on

June 10, 2026

By

Kosova do të shënojë 148-vjetorin e Lidhjes Shqiptare të Prizrenit dhe 27-vjetorin e Çlirimit të vendit me një agjendë të gjerë aktivitetesh përkujtimore dhe festive, që përfshijnë homazhe, ekspozita, koncerte dhe veprimtari shkencore.

Aktivitetet kanë nisur me ceremoninë për Lidhjen Shqiptare të Prizrenit në kompleksin historik në Prizren, ndërsa programi qendror do të zhvillohet më 12 qershor me homazhe në Prekaz, te varret e figurave të njohura kombëtare dhe në monumentet e dëshmorëve në Prishtinë.

Në kuadër të shënimeve do të hapet edhe ekspozita “KFOR and Kosova 25+” në Bibliotekën Kombëtare, do të mbahet pritja shtetërore dhe koncerti festiv “Liria na Bashkon” në Gjakovë me ansamble nga Kosova, Shqipëria dhe Maqedonia e Veriut.

Më 25 qershor parashihet edhe një ligjëratë përkujtimore për akademikun Rexhep Qosja në Bibliotekën Kombëtare, me rastin e 90-vjetorit të lindjes së tij.

Institucionet e Kosovës theksojnë se përmes këtyre aktiviteteve synohet nderimi i ngjarjeve dhe figurave që kanë shënuar historinë kombëtare dhe rrugëtimin drejt lirisë./A.K/

Continue Reading

Të kërkuara