Lajmet

ENEMO dërgon ekspertë ndërkombëtarë për të vëzhguar zgjedhjet në Kosovë

Pesë ekspertë ndërkombëtarë do të vëzhgojnë zgjedhjet lokale të 17 tetorit.

Published

on

Rrjeti Evropian i Organizatave Monitoruese të Zgjedhjeve (ENEMO) ka dërguar pesë ekspertë ndërkombëtarë për të vëzhguar zgjedhjet lokale të 17 tetorit pas akreditimit zyrtar nga Komisioni Qendror Zgjedhor i Kosovës(KQZ).

ENEMO ka bërë të ditur se ekipi kryesor tashmë gjendet në Prishtinë dhe do të vëzhgojë raundin e parë të zgjedhjeve dhe raundin e dytë, në komunat ku mund të ndodh që të ketë raund të dytë.

Poashtu IEOM i ENEMOs planifikon që në ditën e zgjedhjeve të monitoroj procedurat e votimit dhe të numërimit në një numër të limituar të vendvotimeve.

Në këtë mënyrë IEOM i ENEMOs synon që ta rris integritetin dhe transparencën e procesit zgjedhor.

“Me vëzhgimin e zgjedhjeve lokale në Kosovë të vitit 2021, IEOM i ENEMOs synon të rris integritetin dhe transparencën e procesit zgjedhor dhe të kontribuojnë në përmirësimin e besimit të publikut në rezultatet zgjedhore. Misioni do të vëzhgoj mjedisin politik dhe atë të fushatave, aktivitetet e organeve drejtuese të zgjedhjeve, fondet e fushatave, regjistrimin e kandidatëve dhe votuesve, reportazhet e zgjedhjeve të mediave, zgjidhjen e mosmarrëveshjeve zgjedhore dhe të gjitha aspektet e tjera kyçe të zgjedhjeve. IEOM i ENEMOs do të vlerësojë përputhshmërinë e të gjithë procesit zgjedhor me standardet ndërkombëtare dhe legjislacionin përkatës vendor”, thuhet në komunikatën e ENEMOs.

Për të pasur informacionet e vërteta misioni i ENEMOs do të mbajë mbledhje me të gjithë akterët kyç vendor apo institucional.

“Gjatë procesit të vëzhgimit, në mënyrë që të marrim informacione të qarta dhe të vërteta, misioni i ENEMOs do të mbaj mbledhje me të gjithë aktoret kyç vendor apo internacional. Këtu përfshihen kandidatët dhe partitë politike, organizatat e shoqërisë civile, organet drejtuese të zgjedhjeve, përfaqësuesit e autoriteteve shtetërore, ambasadat, organizatat internacionale, mediat, etj. Bazuar në vëzhgimin e përfunduar dhe mbledhjeve të mbajtura, misioni do të publikoj një Deklaratë të Gjetjeve dhe Konkluzioneve Preliminare një ditë pas çdo raundi zgjedhor. Një Raport Final, i kompletuar me vlerësimin final dhe me rekomandime potenciale, do të publikohet përafërsisht dy muaj pas zgjedhjeve”, potencon ENEMO.

Ky është Misioni Vëzhgues Zgjedhor Internacional i katërt i ENEMOs në Kosovë, dhe misioni vëzhgues i 37 i ENEMOs në total që nga krijimi i këtij rrjeti në vitin 2001.

Misioni Ndërkombëtar i Vëzhgimit të Zgjedhjeve i ENEMOs në zgjedhjet lokale të 17 tetorit 2021 në Kosovë mbështetet financiarisht nga National Endowment for Democracy (NED).

ENEMO është një organizatë internacionale joqeveritare që përfaqëson një rrjet prej 21 organizatash civile joqeveritare kombëtare nga 17 vende të Evropës Qendrore dhe Lindore dhe Azisë Qendrore, përfshirë dy vende të Bashkimit Evropian. ENEMO ka miratuar Deklaratën e Parimeve të 2005 për Vëzhgimin Ndërkombëtar të Zgjedhjeve të vitit 2005 dhe Deklaratën e Parimeve Globale për Vëzhgimin dhe Monitorimin Jopartiak të Zgjedhjeve nga Organizatat Civile.

Lajmet

Gjykata Themelore konfirmon se ka pranuar kërkesën nga Prokuroria Speciale që ta urdhërojë Kurtin të paraqitet për intervesitim

Published

on

By

Prokuroria Speciale e Republikës së Kosovës (PSRK) ka dorëzuar në Gjykatën Themelore kërkesën që kryeministri Albin Kurti, të paraqitet në PSRK për të dhënë dëshminë në cilësinë e dëshmitarit lidhur me rastin e rezervave shtetërore.

Lajmin e ka konfirmuar, Mirlinda Gashi, zëdhënëse e Gjykatës Themelore në Prishtinë, e cila pohoi se janë në shqyrtim të kërkesës.

“Konfirmojmë se Gjykata Themelore në Prishtinë – Departamenti Special ka pranuar kërkesën në fjalë nga Prokuroria Speciale e Republikës së Kosovës, e njëjta është duke u shqyrtuar nga gjykata”, konfirmoi Gashi.

Kryeministri Kurti është ftuar si dëshmitar nga Prokuroria që të japë versionin e tij lidhur me rastin e rezervave shtetërore për të cilin të dyshuar janë afaristi Ridvan Muharremi dhe zyrtarët e Ministrisë se Tregtisë dhe Industrisë, Irfan Lipovica dhe Hafiz Gara.

Prokuroria kishte ftuar tri herë me radhë kryeministrin Albin Kurti për intevstim, por i njëjti nuk është përgjigjur thirrjeve të prokurorisë.

Kurti kishte deklaruar se prokurorët duhet të shkojnë dhe ta intervistojnë atë në zyrën e kryeministrit, duke deklaruar se këtë praktikë e kanë bërë edhe më herët prokurorët.

Continue Reading

Lajmet

Një vrasje në tentativë, arrestohet i dyshuari në Prishtinë

Published

on

By

Një vrasje në tentativë ka ndodhur gjatë ditës së djshme në Prishtinë, për këtë rast policia ka arrestuar një të dyshuar.

Policia e Kosovës ka sekuestruar edhe një pistoletë me disa fishekë lidhur me ketë rast.

Prishtinë 19.07.2024 – 01:21. Lidhur me rastin, është arrit të identifikohet dhe të arrestohet një i dyshuari mashkull kosovar dhe gjatë kontrollit të veturës i është gjetur dhe sekuestruar një pistoletë me 18 fishekë. Me vendim të prokurorit i dyshuari është dërguar në mbajtje”, thuhet në raportin 24 orësh të policisë.

Ndërsa, sipas policisë për një rast vrasje në tentativë që kishte ndodhur në Prizren, më 29 janar të këtij viti, ka arritur dje të arrestoi të dyshuarin dhe pas intervistimit me vendim të prokurorit, është dërguar në mbajtje.

Continue Reading

Lajmet

Thaçi mungon edhe në konferencën për ecurinë e çështjes, ZPS-ja thotë se s’do thërrasin dëshmitarë pas 4 prillit

Published

on

By

Në Dhomat e Specializuara të Kosovës (DhSK) në Hagë, Zyra e Prokurorit të Specializuar (ZPS) njoftoi se pas 4 prillit 2025 nuk do të thërrasë asnjë dëshmitar në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit. Kjo u bë e ditur të mërkurën nga prokurori Matt Halling në konferencën për ecurinë e çështjes në këtë rast.

4 prill është data e fundit e parashikuar. Nuk do thërrasim asnjë dëshmitar pas kësaj date. Brenda 15 prillit do të dorëzojmë mocionet e fundit me shkrim, provat jogojore. Kjo është data që planifikojmë. Nuk do kemi dëshmitarë tjerë pas datës 4 prill”, tha Halling.

Ndërsa, prokurori James Pace njoftoi se për javën tjetër i kanë dy dëshmitarë për të dëshmuar dhe ata janë W4745 dhe W2766. Ai tha se për muajin mars e kanë një dëshmitar që do ta thërrasin. Kurse, shtoi se do të japin përditësime për dëshmitarët të tjerë që janë planifikuar për mars sapo të kenë përditësimet ata vetë.

I vetmi dëshmitar i konfirmuar për bllokun e marsit është dëshmitari 04403”, tha ai, duke shtuar se planifikojnë të thërrasin edhe dëshmitarë të tjerë por që nuk i kanë konfirmuar ende për shkak të problemeve me sigurimin  e tyre, bashkëpunimin me shtetet e treta, e tjera.

Një kërkesë sipas Rregullës 153 që parasheh pranimin e dëshmive të dëshmitarëve me shkrim, prokurori tha se do ta dorëzojnë brenda kësaj jave ku përfshihen katër dëshmitarë, dy prej të cilëve i ka kundërshtuar mbrojtja. Pace tha se kanë mbetur vetëm 20 dëshmitarë që disa prej tyre do të kërkohet që të trajtohen sipas Rregullës 153, 155 etj.

Tre të akuzuarit janë prezent në sallën e gjyqit përmes video-lidhjes, ndërsa Thaçi nuk është i pranishëm ashtu si edhe dje për arsye shëndetësore. Fillimisht, Rexhep Selimi u kyç në seancë duke njoftuar se ka probleme me përkthimin në gjuhën shqipe.

Më falni që po ndërhyj, por nuk kemi përkthim shqip”, tha Selimi.

Si rrjedhojë kryetari i trupit gjykues, Charles Smith III i tha se do ta zgjidhin këtë çështje, gjë e cila edhe ndodhi./BetimipërDrejtësi/

Continue Reading

Lajmet

Personi i gjendur pa vetëdije në vendin e punës, ndërron jetë në QKUK

Published

on

By

Një person është gjetur pa vetëdije në vendin e punës, derisa ka vdekur gjatë trajtimit në Qendrën Klinike Universitare të Kosovës (QKUK).

Sipas policisë rasti ka ndodhur pasditen e së martës në Graçanicë. Më tej thuhet se me vendim të prokurorit trupi i pa jetë është dërguar në Institutin e Mjekësisë Ligjore për obduksion.

“Graqanicë 18.02.2025 – 20:38. Raportohet se në vendin e punës është gjetur pa vetëdije viktima mashkull kosovar, i cili është dërguar në QKUK, ku më vonë ka vdekur. Me vendim të prokurorit trupi i pa jetë është dërguar në IML për obduksion”, thuhet në raportin e Policisë së Kosovës.

Continue Reading

Të kërkuara