Joe Jonas ka folur për pasiguritë që ndjeu kur u përpoq të dilte sërish në takime pas divorcit nga Sophie Turner, madje duke zbuluar se një varg nga partnerja e tij e re frymëzoi këngën e tij të re “Only Love”.

Në një intervistë me TalkShopLive, këngëtari 35-vjeçar dhe ish-anëtar i Jonas Brothers foli për procesin e krijimit të albumit të tij solo “Music for People Who Believe in Love”, i cili publikohet të premten, më 23 maj.

“Në atë kohë po dilja me dikë dhe fillova të eksploroja idenë e ridaljes së një lidhjeje. Ishte vërtet e frikshme dhe stresuese“, pranoi Jonas. “Dashuria merr forma të ndryshme dhe unë po rizbuloja se çfarë do të thotë kjo“.

Jonas ishte i martuar me Sophie Turner nga 2019 deri në divorcin e tyre më 2023. Së bashku patën dy vajza, Willa e Delphine. Pas divorcit, pati një lidhje me modelen Stormi Brie, me ndarjen e tyre që ndodhi në qershor 2024.

Siç tha ai, vajza me të cilin po dilte gjatë periudhës kur u frymëzua për “Only Love” i’a kishte minimizuar shqetësimet me humor, duke i thënë: “Hajde, është thjesht dashuri”. “E dëgjova dhe thashë me vete, ‘Kur e thua kështu…’ Dhe shkruam një këngë për të ”, tha Jonas. “Dua të them, nuk ishte asgjë e rëndësishme – por për mua ishte, dhe për personin tjetër gjithashtu. Por është në rregull të marrësh një rrezik dhe të provosh përsëri, të ekspozohesh emocionalisht.”

Siç zbuloi ai, e kishte shkruar këngën me qëllimin për ta interpretuar me vëllezërit e tij në grupin Jonas Brothers. Por kur filloi ta dëgjonte përsëri, e kuptoi se e lidhte shumë fort me historinë e tij personale.

Selena Gomez duket se po dërgon një mesazh paqeje, mes thashethemeve të vazhdueshme në rrjet për një konflikt të supozuar me Hailey Bieber.

Këngëtarja e “Lose You to Love Me” pëlqeu një postim në Instagram më 20 maj, ku njoftohej se linja e kujdesit për lëkurën “Rhode” e Hailey Bieber do shitet në rrjetin e dyqaneve Sephora. Ky veprim u interpretua nga fansat si një shenjë se Selena po i jep fund thashethemeve për një grindje mes saj dhe modeles.

Por, nuk mbaron me aq. Së fundmi, Selena ka publikuar në InstaStory një citat nga autorja Abbie Wiggins:

“Ti ke rëndësi. Zëri yt ka rëndësi. Zemra jote ka rëndësi. Ti vlen shumë më tepër sesa mendon.”

Krahas këtij citati, Gomez shtoi:

“Ti e di kush je dhe unë po të mbështes.”

Ky postim erdhi pak momente pasi Justin Bieber kërkoi ndjesë publike ndaj bashkëshortes së tij për komentet nënçmuese që i kishte bërë gjatë një debati.

Hailey dhe Selena prej vitesh janë në qendër të vëmendjes për shkak të marrëdhënieve të tyre me Justin Bieber, por të dyja kanë dhënë shenja për të treguar se duan t’i japin fund dramave.

Nga ana tjetër, në një intervistë për Vogue, Hailey Bieber mohoi zërat se martesa e saj me Justin është në krizë, duke theksuar:

“Çdo mëngjes zgjohem me familjen time të bukur, djalin tim, miqtë e mi. Jam e rrethuar nga njerëz që më njohin dhe më duan, dhe që unë i dua po aq shumë.”

JJ, artisti austriak që triumfoi në Eurovision këtë vit në Bazel, ka ndezur debat pas thirrjes publike për përjashtimin e Izraelit nga edicioni i ardhshëm i festivalit, i cili do të mbahet në Vjenë.

Në një intervistë për mediat ndërkombëtare, JJ u shpreh i zhgënjyer që Izraeli lejohet të marrë pjesë në një konkurs që pretendon të jetë “politikisht neutral”.

“Do të doja që Eurovision-i në Vjenë të mbahej pa praninë e Izraelit”, tha ai për El País.

Kritikat e tij vijnë në një kohë kur Unioni Evropian i Transmetimeve përballet me presion në rritje, pasi disa vende – përfshirë Belgjikën, Spanjën dhe Gjermaninë – po kërkojnë më shumë transparencë lidhur me mënyrën e votimit në garë, veçanërisht në raport me përfshirjen e Izraelit në një periudhë të tensionuar politike dhe humanitare.

JJ vuri në pikëpyetje ndershmërinë e sistemit të votimit, duke e cilësuar si jotransparent dhe duke bërë thirrje për reforma që do t’i jepnin më shumë besueshmëri garës. Në sfond të kësaj kritike qëndron një debat më i gjerë që ka përfshirë audiencën dhe institucionet mediatike në Europë, që ndajnë të njëjtin shqetësim: a mund të jetë vërtet Eurovision apolitik, kur në skenë lejohet një shtet i akuzuar për krime të rënda ndaj civilëve?

Tani, me Vjenën si mikpritëse të Eurovision-it 2026, sytë janë nga EBU: do të dëgjojë zërat kritikë apo do të vazhdojë në rrugën e saj pa ndryshime?

Fundjavat janë koha ideale për t’u çlodhur dhe për t’u rikuperuar nga lodhja e javës.

Megjithatë, ora kur zgjohemi gjatë fundjavave mund të ndikojë ndjeshëm në energjinë dhe humorin tonë. Ja disa këshilla për të vendosur një orar ideal zgjimi që balancohet mes pushimit dhe produktivitetit.

Dëgjoni trupin tuaj

Fundjavat janë një mundësi për të dëgjuar nevojat e trupit tuaj. Nëse jeni shumë të lodhur, mund të jetë e shëndetshme të flini pak më gjatë se zakonisht. Mos e teproni—gjumi i tepërt mund të prishë ritmin cirkadian dhe të shkaktojë ndjenjë letargjie.

Zgjohuni në të njëjtën orë si gjatë javës

Nëse është e mundur, përpiquni të mbani një orar të qëndrueshëm zgjimi edhe në fundjavë. Kjo ndihmon trupin tuaj të ruajë një ritëm të rregullt dhe përmirëson cilësinë e gjumit gjatë gjithë javës. Një ndryshim prej 1–2 orësh nga ora juaj normale e zgjimit është i pranueshëm.

Ora ideale për t’u zgjuar

Nëse zgjoheni në 07:00, fundjava është mundësi për të zgjatur gjumin deri 08:30–09:00. Për ata që ndihen më energjikë dhe produktivë herët, zgjimi rreth orës 07:30 edhe në fundjavë është optimal. Nëse preferoni një qasje më relaksuese, zgjohuni rreth 08:00–09:00, duke i dhënë kohë trupit të rigjenerohet.

Kujdes me zgjimin vonë

Të zgjohesh pas orës 10:00 mund të prishë ciklin e gjumit e ndikon në ndjesinë e energjisë gjatë ditës. Për më tepër, mund të jetë më e vështirë të bini në gjumë herët të dielën, duke e bërë më sfiduese nisjen e javës së re.

Shfrytëzoni kohën e lirë në mëngjes

Një mëngjes i qetë në fundjavë mund të jetë koha e duhur për aktivitete relaksuese, si joga, leximi, ose një shëtitje me qenin tuaj. Këto aktivitete do t’ju ndihmojnë të nisni ditën me energji dhe pozitivitet.

Ora më e mirë për t’u zgjuar në fundjavë varet nga rutina dhe nevojat personale, por një rregull i përgjithshëm është të mbani një balancë mes pushimit dhe disiplinës. Zgjimi mes orës 07:30–09:00 është ideal për shumicën e njerëzve.