Të rinjtë dhe talentet e reja të fushës së filmit, aktrimit, produksionit dhe industrive kreative patën mundësinë të njihen nga afër me perspektivat e zhvillimit profesional në industrinë ndërkombëtare të filmit, gjatë sesionit informues Hollywood Meets Kosovo, të mbajtur në UBT.

Në kuadër të këtij sesioni u prezantua programi “Hollywood 101”, i cili po ofrohet në Kosovë përmes bashkëpunimit të UBT-së me Catalyst Story Institute, institucion amerikan i fokusuar në zhvillimin e talenteve dhe përgatitjen profesionale për industrinë e filmit dhe televizionit.

Gjatë takimit, pjesëmarrësit u njohën me mënyrën e funksionimit të industrisë së Hollywood-it, mundësitë e karrierës dhe kompetencat që kërkohen për t’u bërë pjesë e produksioneve filmike dhe televizive në nivel ndërkombëtar.

Programi “Hollywood 101” zgjat 13 javë dhe përfshin një gamë të gjerë temash praktike, duke nisur nga struktura e industrisë së filmit dhe televizionit, zhvillimi i projekteve dhe proceset kreative, deri te audicionet, intervistat, dokumentacioni profesional, kontratat dhe aspektet e biznesit të industrisë.

Pjesëmarrësit do të njihen gjithashtu me rregullat e sigurisë në set, strukturën e buxheteve, pagesat dhe terminologjinë profesionale të përdorur në produksionet filmike dhe televizive.

Një rëndësi e veçantë iu kushtua mundësive të specializimit profesional. Pas përfundimit të programit, pjesëmarrësit mund të orientohen në fusha të ndryshme të industrisë kreative, përfshirë aktrimin, skenarin, regjisë, kinematografinë, montazhin, animacionin, produksionin, menaxhimin e biznesit dhe profesionet teknike të produksionit.

Në kuadër të bashkëpunimit parashihen edhe mundësi për mentorim dhe rrjetëzim profesional, ndërsa talentet më të dalluara mund të kenë mundësi të përfitojnë edhe nga iniciativa dhe grante zhvillimore të lidhura me partnerët e projektit.

Përmes kësaj nisme, UBT synon të krijojë ura të reja ndërmjet talenteve të reja në Kosovë dhe industrisë ndërkombëtare të filmit, duke u ofruar atyre njohuri praktike, orientim profesional dhe mundësi për të zhvilluar karrierën në një prej industrive më dinamike dhe konkurruese në botë.

Aplikimet për programin “Hollywood 101” janë të hapura, duke u ofruar të rinjve të interesuar mundësinë për të nisur një rrugëtim të ri profesional në industrinë kreative.

Në një kohë kur siguria ushqimore përbën një nga sfidat më kryesore globale, UBT ka hapur aplikimet për programin Master në Shkenca dhe Teknologji të Ushqimit, duke ofruar 20% bursë studimi përmes skemës “Engaged Scholarship” për të gjithë kohëzgjatjen e studimeve.

Bursa vlen për një sere profesionistësh të fushës, përfshirë teknologët e ushqimit, nutricionistët, infermierët, kontrollorët e cilësisë, inspektorët ushqimorë dhe laborantët ushqimorë.

Programi është i ndërtuar sipas standardeve të universiteteve më të avancuara evropiane dhe synon përgatitjen e kuadrove udhëheqëse për tregun e punës. Përmes punës praktike në laboratorë modernë, studentët trajnohen në kontrollin e cilësisë, inxhinierinë e përpunimit, kiminë e mikrobiologjinë ushqimore, si dhe zhvillimin e produkteve inovative në përputhje me legjislacionin dhe normat ndërkombëtare.

Përveç komponentës teoretike dhe praktike, ky program vë fokus të veçantë te kërkimi shkencor dhe zgjidhja e problemeve reale me të cilat përballet industria ushqimore sot. Studentët aftësohen për të analizuar parametrat dietikë, për të optimizuar linjat e prodhimit industrial me eficiencë energjetike dhe për të garantuar qëndrueshmëri mjedisore në çdo fazë të përpunimit të ushqimit.

Gjithashtu, mjedisi interaktiv, stafi akademik me përvojë ndërkombëtare dhe rrjeti i gjerë i partneriteteve u mundësojnë studentëve përfitimin e kompetencave të nevojshme për pozita drejtuese e ekzekutive në sektorin publik dhe privat, si dhe për vazhdimin e studimeve të doktoraturës.

Për më shumë informata mbi aplikimin dhe përfitimin e bursës prej 20%, të gjithë të interesuarit mund të drejtohen pranë hapësirave të UBT-së apo faqeve zyrtare të këtij institucioni.

UBT ka hapur thirrjen për studentët e nivelit Bachelor të Fakultetit Menaxhment, Biznes dhe Ekonomi për pjesëmarrje në programin e mobilitetit Erasmus+ në Institutin Politeknik të Beja-s (IPBeja) në Portugali. Mobiliteti do të zhvillohet gjatë semestrit të pranverës për vitin akademik 2026/2027.

Përmes këtij programi, studentëve u ofrohet mundësia të ndjekin studimet në Shkollën e Teknologjisë dhe Menaxhimit në IPBeja, duke fituar përvojë ndërkombëtare akademike dhe kulturore në rajonin e Alentejos.

Kandidatët që plotësojnë kriteret do t’i nënshtrohen procesit të intervistimit përpara nominimit zyrtar.

Afati i fundit për aplikim është data 23 tetor 2026, në orën 17:30, ndërsa të gjitha informatat shtesë mund të merren përmes postës elektronike në [email protected].

UBT është bërë një nga destinacionet më të kërkuara akademike nga të rinjtë nga trojet shqipfolëse, duke mirëpritur çdo vit maturantë dhe studentë nga Shqipëria, Maqedonia e Veriut, Lugina e Preshevës, Mali i Zi dhe vise të tjera shqiptare. Për ta, zgjedhja e UBT-së nënkupton një mundësi për të studiuar në Kosovë, si dhe një mundësi për t’u bërë pjesë e një ekosistemi akademik me standarde ndërkombëtare, mundësi globale dhe lidhje të fuqishme me tregun e punës.

Në 25-vjetorin e themelimit, UBT e ndërton këtë rrugëtim mbi një kombinim të cilësisë akademike, kërkimit shkencor, inovacionit, teknologjisë dhe ndërkombëtarizimit, të dëshmuar përmes rangimeve prestigjioze, akreditimeve dhe vlerësimeve ndërkombëtare.

Rangime ndërkombëtare që dëshmojnë cilësinë dhe ndikimin

Një nga dëshmitë më të fundit është Times Higher Education (THE) Impact Rankings 2026, ku UBT është pozicionuar në grupin institucioneve më të mira në botë për ndikimin në zhvillimin e qëndrueshëm. Në krahasimin rajonal, UBT është renditur si institucioni akademik më i lartë ndër institucionet e përfshira nga Kosova, Shqipëria dhe Maqedonia e Veriut.

UBT është vlerësuar në të 17 Objektivat e Zhvillimit të Qëndrueshëm të Kombeve të Bashkuara, duke dëshmuar ndikimin e tij në fusha që shkojnë përtej arsimit – nga kërkimi shkencor dhe inovacioni, te shëndeti, barazia, energjia e pastër, zhvillimi ekonomik dhe angazhimi me komunitetin.

Në SCImago Institutions Rankings 2026, UBT është renditur si institucioni më i mirë në Kosovë për kërkim shkencor, ndërsa në Webometrics është pozicionuar si institucioni më i mirë privat i arsimit të lartë në Kosovë dhe në hapësirën shqipfolëse, si dhe i treti në hapësirën shqipfolëse për citimet e publikimeve shkencore.

Po ashtu, UBT është renditur lart në WURI – World University Rankings for Innovation, në një platformë ku vlerësohen universitetet për inovacion dhe ndikim, krahas emrave të njohur ndërkombëtarisht si Harvard, MIT, Oxford dhe Stanford.

Në GreenMetric World University Rankings, UBT është pozicionuar ndër 250 universitetet më të mira në botë për veprimet ndaj ndryshimeve klimatike, duke e lidhur zhvillimin akademik me qëndrueshmërinë mjedisore.

Akreditime dhe njohje prestigjioze ndërkombëtare

Një tjetër dëshmi e rëndësishme e standardeve ndërkombëtare të UBT-së është akreditimi nga British Accreditation Council (BAC). Në vitin 2026, UBT u bë institucioni i parë dhe i vetëm në Kosovë dhe në rajon që mori këtë akreditim prestigjioz për një periudhë katërvjeçare. Procesi i vlerësimit përfshiu programet akademike, cilësinë e mësimdhënies, infrastrukturën, menaxhimin institucional, shërbimet për studentët dhe mekanizmat e përmirësimit të vazhdueshëm.

Në vitin 2026, UBT ka zgjeruar edhe më tej profilin e tij ndërkombëtar përmes njohjeve të reja, përfshirë akreditimin nga International Federation of Sports Medicine (FIMS) dhe njohjen e cilësisë nga AESOP – Association of European Schools of Planning për fushën e planifikimit hapësinor dhe urban.

Çmime që e vendosin UBT-në në hartën globale të arsimit

Përveç rangimeve dhe akreditimeve, UBT është vlerësuar edhe me çmime ndërkombëtare për inovacion, sipërmarrje dhe angazhim shoqëror. Ndër to veçohet çmimi “European Young Entrepreneurial University of the Year” nga Triple E Awards, ndërsa në edicionin e fundit të Global Triple E Awards, UBT u shpall “Engaged University of the Year”. Në të njëjtin vlerësim, Rektori Prof. Dr. Edmond Hajrizi u shpall “University Leader of the Year – Runner up”, duke u renditur ndër liderët më të vlerësuar globalisht në arsimin e lartë.

UBT është gjithashtu anëtar i ACEEU – Accreditation Council for Entrepreneurial & Engaged Universities, rrjet global që lidh institucione të arsimit të lartë të angazhuara në sipërmarrje, inovacion dhe ndikim shoqëror.

Një institucion që nuk njeh kufij

Këto rezultate i japin një dimension të ri zgjedhjes së UBT-së nga maturantët e trojeve shqipfolëse. Përtej afërsisë gjeografike dhe gjuhës së përbashkët, UBT ofron një përvojë akademike që synon t’i lidhë studentët me standardet, teknologjitë dhe mundësitë e një bote gjithnjë e më globale.

Me mbi 50 programe Bachelor dhe Master, më shumë se 200 laboratorë modernë, Parkun Shkencor, Inovativ dhe Teknologjik, një rrjet prej 240 partnerësh ndërkombëtarë dhe një ekosistem të gjerë të kërkimit, inovacionit dhe bashkëpunimit ndërkombëtar, UBT ofron mundësi për zhvillim akademik dhe profesional në një mjedis të orientuar nga e ardhmja.

Nga teknologjia, inxhinieria dhe biznesi, te arkitektura, drejtësia, shëndetësia, sporti, mediat, artet, gjuhët dhe shkencat sociale, studentët mund të zgjedhin nga një gamë e gjerë programesh të lidhura me kërkesat e tregut të punës dhe profesionet e së ardhmes.

Me një histori 25-vjeçare, rangime ndërkombëtare, akreditime prestigjioze, çmime globale dhe një ekosistem të ndërtuar rreth arsimit, shkencës dhe inovacionit, UBT vazhdon të ndërtojë një destinacion ku të rinjtë nga Ulqini, Presheva, Tetova, Shkupi, Kukësi, Shkodra, Tirana dhe qytete të tjera të trojeve shqipfolëse mund të studiojnë, zhvillohen, lidhen me botën dhe ndërtojnë të ardhmen e tyre.