Lajmet

Ekzekutimet në Iran ngjallin shqetësim ndërkombëtar

Në një numër të përditësuar të vdekjeve, IHR tha se 481 protestues janë vrarë.

Published

on

Grupi i Iranit për të Drejtat e Njeriut (IHR) me bazë në Oslo, ka thënë në fillim të kësaj jave se të paktën 109 protestues tani në paraburgim janë dënuar me vdekje ose përballen me akuza që mund të kenë dënim me vdekje.

Në një numër të përditësuar të vdekjeve, IHR tha se 481 protestues janë vrarë, përfshirë 64 të mitur, që nga fillimi i trazirave, përcjell UBT News.

Deklarata e shefit të OKB-së për të drejtat e njeriut është qortimi i fundit nga komuniteti ndërkombëtar.

Shtëpia e Bardhë dënoi të hënën ekzekutimet e së shtunës, duke thënë se Shtetet e Bashkuara qëndruan me vendet e tjera që kërkojnë ndalimin e dënimeve me vdekje.

“Ne bashkohemi me partnerët në mbarë botën duke bërë thirrje për një ndërprerje të menjëhershme të këtyre abuzimeve. Irani do të mbahet përgjegjës”.

Ministrja e Jashtme kanadeze Melanie Joly njoftoi një raund të ri sanksionesh mbi “shtypjen brutale të zërave të guximshëm iranianë”.

Bashkimi Evropian dhe disa vende evropiane, duke përfshirë Austrinë, Belgjikën, Britaninë, Danimarkën, Francën, Gjermaninë, Holandën dhe Norvegjinë thirrën diplomatët iranianë në shenjë proteste.

Të hënën, Papa Françesku denoncoi dënimet me vdekje, duke thënë se ai “vetëm nxit etjen për hakmarrje”.

Ai theksoi se të gjithë kishin “të drejtën e jetës” dhe “kërkuan respekt më të madh për dinjitetin e grave”.

Irani ka fajësuar forcat e huaja armiqësore për trazirat dhe udhëheqësi suprem i vendit, Ayatollah Ali Khamenei, tha të hënën se autoritetet ishin marrë “seriozisht dhe në mënyrë të drejtë” me ata që ishin të përfshirë në “trazira”./UBTNews/

Lajmet

UBT organizon punëtori përgatitore në kuadër të projektit ndërkombëtar COWEB

Published

on

By

Në kuadër të projektit ndërkombëtar COWEB, i mbështetur nga programi Erasmus+, Fakulteti Menaxhment, Biznes dhe Ekonomi në UBT organizoi një punëtori përgatitore me studentët pjesëmarrës në këtë iniciativë të rëndësishme ndërkombëtare.

Punëtoria u udhëheq nga Dekani i Fakultetit MBE, Prof. Muhamet Gërvalla, në bashkëpunim me profesorët Gonxhe Beqiri, Engelbert Zefaj dhe Kestrim Avdimetaj, dhe kishte për qëllim përgatitjen e studentëve për prezantimin virtual të planeve të tyre të biznesit më datë 4 qershor, përpara një komisioni vlerësues ndërkombëtar. Studentët kanë punuar për pesë javë me radhë në mënyrë virtuale, së bashku me bashkëmoshatarë nga vendet e Bashkimit Evropian dhe Ballkanit Perëndimor, duke zhvilluar ide inovative për shërbime turistike digjitale.

Propozimet e tyre janë të orientuara drejt objektivave të “Shtegut Trans Dinarik”, një rrugë ndërkombëtare për biçiklistë që kalon nëpër territorin e Kosovës, nga Vërmica deri në Kullë. Këto projekte synojnë të ofrojnë zgjidhje digjitale që përmirësojnë përvojën turistike dhe nxisin zhvillimin e qëndrueshëm të turizmit në rajon.

Projekti COWEB – që fokusohet në konceptin e Mësimit me Bashkëpunim Virtual (Virtual Collaborative Learning) – ka nisur në vitin 2023 dhe tashmë ka hyrë në fazën përmbyllëse. Në këtë projekt marrin pjesë 10 universitete nga 7 vende të ndryshme, përkatësisht 3 nga Bashkimi Evropian dhe 4 nga Ballkani Perëndimor.

Ky aktivitet është një tjetër dëshmi e përkushtimit të UBT-së ndaj përfshirjes në projekte ndërkombëtare, si dhe ndaj promovimit të ndërmarrësisë, inovacionit dhe zhvillimit të qëndrueshëm turistik, duke ofruar mundësi të reja për studentët e saj në një kontekst ndërkombëtar dhe bashkëkohor.

Continue Reading

Lajmet

Bislimi takon Peter Sorensen në Bruksel

Published

on

By

Zëvendëskryeministri në detyrë i Kosovës, Besnik Bislimi ndodhet në Bruksel për takime në kuadër të dialogut për normalizimin e raporteve me Serbinë.

Sipas zëdhënësit të BE-së ai është në takim me të dërguarin e posaçëm të BE-së për dialog, Peter Sorensen. Zëdhënësi i BE-së ka thënë se të martën pritet edhe takimi me shefin e delegacionit të Serbisë, Petar Petkoviq pasi takimet janë thirrur në nivel të kryenegociatorëve.

Burimet diplomatike në Bruksel thonë se nuk presin ndonjë zhvillim dramatik duke pasur parasysh situatën aktuale politike në Kosovë.

Kjo është hera e parë që kryenegociatorët nga Kosova dhe Serbia janë thirrur në Bruksel prej kur Sorensen është emëruar si i dërguar i posaçëm për dialog, post në të cilin më herët ishte Miroslav Lajçak.

Vazhdimin e dialogut e kishte paralajmëruar gjatë vizitave të saj në Kosovë dhe në Serbi edhe Përfaqësuesja e lartë e BE-së për politikë të jashtme dhe të sigurisë, Kaja Kallas.

BE-ja ndërkohë përsëritë se marrëveshja për rrugën drejt normalizimit të raporteve si dhe aneksi i Ohrit për implementim mbeten në fuqi dhe palët duhet t’i zbatojnë.

 

Continue Reading

Lajmet

Kryeziu-Hyseni: Qëllimi i opozitës është vazhdimi i bllokadës në Kuvend

Published

on

By

Deputetja e Lëvizjes Vetëvendosje, Arbëreshë Kryeziu-Hyseni, ka thënë se qëllimi i partive që deri tani kanë qenë në opozitë është vazhdimi i bllokimit të Kuvendit.

Pas dështimit për herë të 25-të të konstituimit të Kuvendit, ajo tha se partitë tjera parlamentare për herë të 17-të nuk morën pjesë në votim për formimin e komisionit verifikues për votimin e fshehtë të kryeparlamentares.

Sipas saj, një gjë e tillë është kundër aktgjykimit të Kushtetueses të vitit 2014.

Ne si LVV në vazhdimësi kemi thënë që ky është qëllimi i partive opozitare në Kuvend, vazhdimi i bllokadës dhe pamundësimi i konstituimit të Kuvendit të Kosovës duke mos marrë pjesë 17 herë radhazi në një komision që lejon procedurën e fshehtë. Këtë procedurë mund t’i nënshtrohen secili deputetë me votë, ndërkaq kemi një numër të deputetëve që nuk marrin pjesë në votim. Kjo është shkelje e Kushtetutës”, theksoi ajo./KosovaPress/

Continue Reading

Lajmet

Selektori i Serbisë: Në Shqipëri do të bëheshin dy milionë tifozë po t’i zinte stadiumi

Published

on

Selektori i Serbisë, Dragan Stojkoviq është i vetëdijshëm për interesimin e madh për ndeshjen ndaj Shqipërisë, që zhvillohet të shtunën në Tiranë.

“Dy milionë. Dy milionë të interesuar më kanë thënë se janë të interesuar, po t’i zinte stadiumi”, tha Stojkoviq në konferencën që është duke u mbajtur ende.

Ai nuk pret të ketë telashe në Tiranë. Ka përmendur “miqtë e futbollit” me të cilët e organizojnë së bashku Evropianin U21 në vitin 2027.

Stojkoviqi pret atmosferë të zjarrtë në tribuna, por ka thënë se ndeshja vendoset në fushë.

 

Continue Reading

Të kërkuara