Kulturë
Ekspozitë në përkujtim të Holokaustit në Lindje të Mesme
Një ekspozitë në përkujtim të Holokaustit do të mbahet për herë të parë në Lindje të Mesme.
“Na përkujton ne se karakteri i pashembullt i Holokaustit do të ketë përgjithmonë kuptim universal”, deklaroi Kathrin Meyer, sekretari i përgjithshëm i Aleancës Ndërkombëtare të Përkujtimit të Holokaustit.
Ekspozita “Ne kujtojmë” në Muzeun e Kryqëzimit të Qytetërimeve në Dubai tregon dëshmitë e dorës së parë të mbijetuarve të Holokaustit dhe u hap për publikun muajin e kaluar.
Rabbi Elie Abadie, rabini i vjetër i Këshillit Hebre të Emiratave, thotë se kjo ekspozitë e re e përhershme është jashtëzakonisht e rëndësishme pasiqë asgjë e ngjashme nuk është organizuar ndonjëherë në rajon.
“Ndonëse shumica në Lindje të Mesme e dinë se ku ka ndodhur Holokausti, nuk flasin shumë për të e as nuk mësojnë shumë rreth saj. Tani rajoni po flet hapur për këtë dhe përmes kësaj ekspozite po përkujtojmë çfarë ka ndodhur dhe kjo dëshmon se populli e njeh historinë”, deklaroi ai.
Ai thotë se Holokausti ndodhi gjithashtu në një shkallë më të vogël në vendet e Lindjes së Mesme në vitet 1940, ku hebrenjtë arabë në Libi, Tunizi dhe Irak u persekutuan për shkak të mësimeve të frymëzuara nga nazistët.
Sipas tij, ideologjitë e Hitlerit arritën përtej Evropës dhe se ishte e rëndësishme për ata që jetojnë ose udhëtojnë në këtë rajon të jenë të vetëdijshëm për këtë.
Në këtë ekspozitë shfaqet arti i prodhuar nga civilizime dhe kultura të ndryshme përgjatë shekujve. Misioni është për t’i edukuar dhe për të rritur ndërgjegjësimin për Holokaustin në mesin e 200 kombësive të ndryshme të Dubait.
Ekspozita me një dhomë, e cila qëndron pranë gjashtë galerive të tjera të muzeut, ju çon nëpër ngjarjet që ndodhën deri, gjatë dhe pas Holokaustit, përmes syve të njerëzve që e përjetuan atë.
Nazistët vranë më shumë se gjashtë milionë hebrenj gjatë Holokaustit, së bashku me miliona të tjerë përfshirë personat me nevoja të veçanta, LGBT, disidentët politikë, dhe minoritetet etnike dhe religjioze./UBTNews
Mbrëmjen e 2 tetorit, Teatri i Tetovës mirëpriti shfaqjen teatrale “Art”, një nga veprat më të njohura dhe të vlerësuara të teatrit bashkëkohor.
Premiera filloi në ora 19:00 duke ofruar një përvojë teatrale të pasur me humor, emocione dhe reflektime mbi miqësinë, perceptimin e artit dhe marrëdhëniet njerëzore.
Kjo shfaqje me aktorët: Ard Islami, Ylber Bardhi e Butrint Lumi paraqet miqësinë që përplaset kur arti sfidon çdo perceptim, dhe a mund të mbijetosh në një botë ku vlerat janë të ndryshme.
Përndryshe, adhuruesit e teatrit u argëtuan me shfaqjen në skenën e Teatrit të Tetovës. /A.Z/UBT News/
Sonte, në Muzeun e Mitrovicës, nga ora 19:00, publiku do të ketë mundësinë të shijojë një performancë të veçantë me “Orchestra of Campania”, nën drejtimin e dirigjentit të njohur italian, Leonardo Quadrini.
Koncerti, i organizuar nga Akademia Ndërkombëtare e Pianos në Ballkan, do të sjellë në skenë soprano Federica D’Antonino, mezzo-soprano Orsolla Russo, tenor Giuseppe Maiorano dhe bass Giuseppe Montanaro, të cilët do të interpretojnë veprat e kompozitorit austriak Sigismond Thalberg, një nga pianistët më virtuozë të shekullit të 19-të.
Ky aktivitet zhvillohet në kuadër të Mitrovica Piano Fest dhe përkrahet nga Drejtoria për Kulturë, Rini dhe Sport në Mitrovicë, duke ofruar një mbrëmje muzikore të paharrueshme për të gjithë adhuruesit e muzikës klasike. /A.Z/UBT News/
Kino Armata vazhdon programin e saj retrospektiv “Netët e Filmit Shqiptar”, duke sjellë për publikun një nga kryeveprat e kinemasë shqiptare – “Koncert në vitin 1936” të regjisorit Saimir Kumbaro.
Filmi do të shfaqet më 8 tetor, në orën 20:00, në versionin e restauruar dhe me titra në gjuhën angleze.
Historia rrëfen udhëtimin e dy artisteve të reja – një këngëtare dhe një pianiste nga Tirana drejt qyteteve të provincës për të dhënë koncerte.
Gjatë rrugëtimit përballen me mikpritjen e njerëzve të thjeshtë, por edhe me pengesa nga autoritetet lokale, të cilët përpiqen të kontrollojnë artin sipas logjikës burokratike dhe konservatore.
Konflikti arrin kulmin në qytetin e Lushnjës, ku autoritetet tentojnë të ndalojnë koncertin, duke imponuar pushtetin e tyre mbi artistët.
Regjisori Saimir Kumbaro, një nga emrat më të rëndësishëm të kinemasë shqiptare, afirmoi veten pikërisht me këtë film të vitit 1978, që mbetet një vepër ikonike e artit shqiptar.
Me një karrierë që përfshin mbi 90 dokumentarë, Kumbaro ka lënë gjurmë të pashlyeshme në historinë e kinemasë në vend.
Cikli i filmave organizohet në bashkëpunim me Ambasadën e Republikës së Shqipërisë në Kosovë dhe Arkivin Qendror Shtetëror të Filmit, duke sjellë për publikun kosovar prodhime të rëndësishme të viteve ’70–’90. /A.Z/UBT News/
Elon Musk kritikon Wikipedia-n dhe njofton Grokipedia
Zhytësi rus thyen rekordin botëror, 126 metra pa frymë
Halloween në Netflix! Top 5 filma horror që duhet të shikoni
Rekordi i Chris Waddle mund të thyhet nga Granit Xhaka
Si të trajtoni një ndrydhje të kyçit të këmbës?
Vajzat e Emily Blunt nuk e marrin seriozisht famën e saj
Në UBT Ferizaj u organizua sesioni informues për bursën prestigjioze Chevening Scholarship
Syzet inteligjente, prioriteti i ri i Apple
Po e rrezikoni shëndetin, zgjatuesit nuk e përballojnë fuqinë e këtyre pajisjeve!
-
Lajmet nga UBT1 month agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni2 months agoBSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months agoProfesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Vendi4 weeks agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën