Lajmet nga UBT
Ekspertja Blerinda Idrizi zhvilloi një diskutim me studentët e UBT-së, në shënim të 16 Ditëve të Aktivizmit Kundër Dhunës me Bazë Gjinore
Në këtë aktivitet u fol për aktivizmin qytetar kundër dhunës me bazë gjinore.
Në shënim të 16 Ditëve të Aktivizmit Kundër Dhunës me Bazë Gjinore, në Parkun Shkencor Inovativ të UBT-së, në Lipjan, u zhvillua një diskutim i hapur me eksperten e politikave publike dhe gjinore, Blerinda Idrizi, ku u fol për aktivizmin qytetar kundër dhunës me bazë gjinore.
“Aktivizmi nuk duhet të mungojë dhe nuk prek pavarësinë e gjyqësorit e as të drejtësisë nëse kërkojmë llogari. Në një shoqëri demokratike kërkohet llogari, që nga familja e deri te institucionet e larta. Shoqëritë që humbasin kërkesën e llogarisë dhe transparencës, eskalojnë në dhunë”, është shprehur Idrizi.
Duke konsideruar se Kosova qëndron institucionalisht më mirë se vendet e Ballkanit dhe vendet e tjera, ajo tha se mekanizmat të cilat janë në kuadër të institucioneve janë gjetje e mirë e Kosovës në drejtim të barazisë gjinore.
“Kosova ka mekanizma gjinorë, si; komisioni parlamentar për të drejtat e njeriut dhe barazisë gjinore, ka agjencinë për barazi gjinore, ka avokatin e popullit që merret vetëm me çështjet e barazisë gjinore dhe është një gjetje shumë e dobishme dhe efektive. Në çdo komunë dhe ministri keni zyrtaren për barazi gjinore. Këto janë pikat e forta të Kosovës, që vendet e tjera nuk i kanë”, ka thënë Idrizi.
Ajo theksoi se politikat publike dhe hartimi i tyre duhet të ndryshojnë në Kosovë, meqenëse vlerësoi se institucionet çalojnë në këtë pjesë dhe është një nga sfidat më të mëdha në praktikë.
“Kosova çalon në ndarjen e burimeve për çështjet e barazisë gjinore dhe kundër dhunës ndaj gruas, dhe kjo ka të bëjë me politikat dhe hartimin e tyre, me mënyrën se si merren vendimet. Kjo është një nga sfidat më të mëdha si politikë hartues, por edhe si politikë zbatuese. Kemi ende nevojë për ndërgjegjësim për dhunën në baza gjinore dhe për dhunën ndaj gruas, sepse është një çështje që ndodh përditë. Ky duhet të jetë një edukim i përditshëm”, potencoi ajo.
Blerinda Idrizi është eksperte e politikave publike dhe gjinore dhe zhvillim ndërkombëtar me afro 30 vite eksperiencë në kontekstin e zhvillimit ndërkombëtar. Blerinda ka filluar karrierën e saj në fushën e ndihmës për zhvillim dhe emergjenca humanitare dhe në fillimet e karrierës së saj ka punuar për organizata si International Red Cross Federation, OXFAM, Catholic Relief Services, e më pas për Agjenci të Kombeve të Bashkuara si UNDP, UNWomen, dhe UNHabitat.
Aktualitet
Profesori i UBT-së, Hamëz Rama, ligjëroi në Hardh Talk në kuadër të Hardh Fest në Rahovec
Në kuadër të Festivalit tradicional “Hardh Fest”, që është kthyer në një ndër ngjarjet e rëndësishme kulturore në vend, u mbajt aktiviteti Hardh Talk, ku këtë vit ligjwroi profesori i UBT-së, Prof. Ass. Dr. Hamëz Rama.
Ligjërata e tij, me temën “A mund të jetë vera pasaporta e re për zhvillimin ekonomik dhe imazhin ndërkombëtar të Kosovës?”, ngjalli interesim të madh tek publiku i pranishëm. Rama theksoi se vera, dhe në veçanti ajo e Rahovecit, mund të shërbejë si një element identitar dhe si një instrument i fuqishëm ekonomik, duke promovuar vendin në tregjet ndërkombëtare.
Në këtë aktivitet mori pjesë edhe Rektori i UBT-së, Prof. Dr. Edmond Hajrizi. Ngjarja, e cila u zhvillua në ambientet tradicionale të Bodrumit të Vjetër në Rahovec, mblodhi së bashku ekspertë të industrisë, akademikë dhe përfaqësues institucionesh, duke hapur një debat të gjerë mbi rolin e industrisë së verës në zhvillimin ekonomik dhe turizmin në Kosovë.
Aktualitet
UBT sjell modelin e suksesshëm austriak të arsimit në turizëm: Dy diploma për studentët e Kosovës dhe rajonit
Turizmi është një sektor kyç për zhvillimin ekonomik dhe të qëndrueshëm të Kosovës, që kërkon profesionistë të përgatitur sipas praktikave më të mira ndërkombëtare. Për ta bërë këtë të mundur, UBT ka nënshkruar një marrëveshje për Diplomë të Dyfishtë (Double Degree) me IMC Krems – University of Applied Sciences në Austri, një nga modelet më të suksesshme evropiane në arsimin për turizëm.
Në bazë të kësaj marrëveshjeje, studentët e Turizmit në UBT do të studiojnë dy vite në Kosovë dhe vitin e fundit në Austri, duke u pajisur me dy diploma universitare – një nga UBT dhe një nga IMC Krems.
Marrëveshja u nënshkrua nga Presidenti i UBT-së, Prof. Dr. Edmond Hajrizi, në Austri, ku ai u prit nga themeluesi dhe kryetari i bordit mbikëqyrës të IMC Krems, Heinz Boyer, drejtori ekzekutiv Udo Brändle, si dhe nga Iris Waringer, drejtuese e Marrëdhënieve Ndërkombëtare, dhe Chen Yang, përgjegjës për projektet ndërkombëtare.
“Ky bashkëpunim është dëshmi e orientimit ndërkombëtar të UBT-së dhe përkushtimit tonë për t’u ofruar studentëve mundësi unike që e rrisin cilësinë e studimeve dhe hapin dyert e karrierës ndërkombëtare”, tha Rektori Hajrizi.
Ky program Double Degree do të shndërrohet në një nga shtyllat kryesore të zhvillimit të turizmit në Kosovë, duke përgatitur gjenerata të reja profesionistësh që do të kontribuojnë në promovimin e vendit si destinacion turistik dhe në rritjen e standardeve të industrisë së mikpritjes.
Austria konsiderohet si një ndër modelet më të suksesshme në fushën e arsimit profesional për turizëm dhe hotelieri, duke ofruar një sistem shkollimi të avancuar dhe të orientuar drejt praktikës.
Aktualitet
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
A është kosi i kulluar më i shëndetshëm se kosi i zakonshëm?
Revolucion në teknologji, telefoni më i hollë i lakuar deri më sot
Dasma e Selena Gomez, zbulohet lista e të ftuarve
Eminem i kërkoi ndjesë publike të ëmës për këngën e dikurshme fyese – nuk e interpreton më
Maqedonci në paradën kroate për 30 vjetorin e operacionit “Stuhia”: Kosova dhe Kroacia kontribojnë për paqe në rajon
Transportonte marihuanë drejt Kosovës, kërkohet paraburgim për shtetasin e Shqipërisë
Arrestohet një person i dënuar për posedim të paautorizuar të armëve dhe narkotikëve
Njoftim për prindërit nga Lugina e Preshevës, Maqedonia e Veriut, Shqipëria dhe vendet tjera të banuara me shqiptarë
Bayrou niset t’ia dorëzojë dorëheqjen Macronit
-
Aktualitet2 weeks agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months agoProfesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months agoBSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT2 months agoUBT shpall konkurs për pranimin e studentëve të rinj për vitin akademik 2025/26