Lajmet

Ekspertët: Rusia në pozitë të vështirë pas ofensivës ukrainase

Ofensiva ukrainase duket se ka lënë Kremlinin dhe Presidentin Vladimir Putin pa një përgjigje adekuate.

Published

on

Kundërofensiva e Ukrainës në pjesën verilindore të vendit duket se e kapi Rusinë në befasi në luftën gati 7 mujore.

Tërheqja e shpejtë dhe kaotike e trupave në rajonin e Kharkivit, në të cilën disa armë dhe municione u lanë pas, ishte një goditje e madhe për imazhin rus. Kjo ishte humbja më e madhe ushtarake në Ukrainë që kur Moska tërhoqi forcat e saj nga zonat afër Kievit pas një përpjekjeje të dështuar për të pushtuar kryeqytetin në fillim të pushtimit.

Ofensiva ukrainase duket se ka lënë Kremlinin dhe Presidentin Vladimir Putin pa një përgjigje adekuate. Kjo ka zemëruar blogerët dhe nacionalistët ushtarakë rusë, madje ka ekspozuar disa përçarje të brendshme politike.

Presidenti rus Vladimir Putin nuk e përmendi gjendjen në Ukrainën verilindore gjatë inaugurimit të një parku kombëtar në Moskë.

Në të vërtetë, kundërofensiva ukrainase duket se e ka vënë Kremlinin në një pozitë të vështirë.

Ministria e Mbrojtjes deklaroi se tërheqja e trupave kishte për qëllim forcimin e pozicioneve ruse në Donbas, një justifikim disi i dobët, duke patur parasysh se zonat e kontrolluara nga Rusia në rajonin e Kharkiv-it siguruan një pikë kyçe të favorshme për operacionet e Moskës në rajonin jugor të Donetskut.

Ministria ruse e mbrojtjes nuk ka ofruar ndonjë hollësi në lidhje me tërheqjen, por ajo publikoi një hartë të dielën që tregon se trupat ruse ishin zmbrapsur përgjatë një rripi të ngushtë toke në kufirin me Rusinë, një pranim në heshtje i përparimit të madh të forcave ukrainase.

Televizioni shtetëror rus dhe media të tjera të kontrolluara nga qeveria ndoqën shembullin, duke mos folur drejtpërdrejt për tërheqjen e trupave ruse.

Një video e publikuar nga ministria ruse e mbrojtjes tregoi një helikopter rus duke sulmuar trupat ukrainase që po përpiqeshin të kalonin lumin Oskil në një pjesë më parë të qetë në rajonin e Kharkivit, një pranim e shkallës së gjerë të sulmit ukrainas.

Shumë njërëz në Rusi fajësojnë armët dhe luftëtarët perëndimor për mungesën e përparimit të ushtrisë ruse në Ukrainë. “Nuk është Ukraina, por e gjithë NATO-ja që po na lufton”, thotë Alexander Kots, një korrespondent lufte për gazetën pro-Kremlinit “Komsomolskaya Pravda”.

Ofensiva e re ukrainase, e cila ka rritur moralin e vendit ndërsa lufta kaloi ditën e 200 të dielën, mund të krijojë kushtet për përparim të mëtejshëm në lindje dhe gjetkë.

Por, ajo gjithashtu mund të shkaktojë një përgjigje edhe më të dhunshme të Moskës, duke çuar në një përshkallëzim të ri dhe të rrezikshëm të luftimeve. Të dielën mbrëma, raketat ruse goditën infrastrukturën ukrainase, duke shkaktuar ndërprerjen e energjisë elektrike në disa rajone.

“Kremlini duket i befasuar dhe nuk ka dalë ende me një plan të shpjeguar këtë në avantazh të Rusisë, kështu që në një masë të madhe mediat po injorojnë lajmet e këqija në pritje të një direktive nga Moska”, thotë Mark Galeotti, profesor në Kolegjin e Londrës, i cili ka specializuar në çështjet ruse të sigurisë.

Sipas tij, situata duket se po del jashtë kontrolllit të Moskës.

Në një pasqyrim të ashpër të tensioneve të brendshme të provokuara nga sukseset e Kievit, udhëheqësi rajonal i Çeçenisë, i mbështetur nga Kremlini, Ramzan Kadyrov, kritikoi hapur Ministrinë Ruse të Mbrojtjes për “gabimet” që bënë të mundshëm përparimin e Ukrainës.

Kritikat nga zoti Kadyrov, i cili ka dërguar njësitë çeçene për të luftuar në Ukrainë dhe vazhdimisht ka bërë thirrje për veprime më agresive, kanë zbuluar përçarjet e reja mbi rrjedhën e luftimeve në Ukrainë.

Në anën tjetër, politikani liberal Boris Nadezhdin paralajmëroi në kanalin “NTV” se Rusia nuk do të jetë në gjendje të mposht Ukrainën dhe bëri thirrje për negociata.

Komentet e zotit Nadezhdin duket se pasqyrojnë dyshimet në rritje në disa qarqe të zyrtarëve rusë për të ardhmen e operacionit ushtarak në Ukrainë dhe mund të jenë pjesë e përpjekjeve për të nxitur ndryshime të mundshme të politikave.

Ofensiva ukrainase dhe dështimi i Kremlinit për të dalë me një përgjigje të shpejtë ka zemëruar nacionalistët rusë dhe blogerët ushtarakë, të cilët kritikuan Ministrinë ruse e Mbrojtjes për mungesë të aftësisë për të parashikuar dhe penguar kundërofensivën.

Ukraina ka bërë një mobilizim të gjerë me synimin për të arritur krijimin e një ushtrie aktive me 1 milion luftëtarë. Rusia ka vazhduar të mbështetet në një kontigjent të kufizuar vullnetarësh, nga frika se një mobilizim masiv mund të nxisë pakënaqësi më të gjerë dhe të shkaktojë paqëndrueshmëri politike.

Rusia nuk është shprehur mbi numrin e trupave të saj të përfshira në luftë, por bazuar në vlerësimet e vendeve perëndimore, në fillim të luftës Kremlini kishte planifikuar dislokimin e mbi 200,000 ushtarëve rusë në Ukrainë. Zyrtarët perëndimorë thonë se rekrutimi i vullnetarëve të rinj dhe përdorimi i kontraktorëve ushtarakë privatë nuk arritën të kompensonin humbjet e mëdha në betejë.

Ndonëse Moska nuk i ka raportuar humbjet e veta që nga marsi, kur tha se 1,351 ushtarë rusë ishin vrarë në muajin e parë të luftës, vendet perëndimore vlerësojnë se mbi 25,000 ushtarë rusë janë vrarë në Ukrainë dhe mbi 80 mijë ushtarë të tjerë janë plagosur, kapur ose kanë dezertuar./VOA/

Lajmet

​Portieri 42 vjeçar kthehet për kualifikueset e Botërorit

Published

on

Portieri me përvojë Craig Gordon është rikthyer në kombëtaren e Skocisë për ndeshjet kualifikuese të Kupës së Botës kundër Greqisë dhe Bjellorusisë.

Gardiani 42-vjeçar nuk ka luajtur që nga maji dhe ende nuk është paraqitur me Hearts këtë sezon, por tashmë është rikuperuar plotësisht nga një dëmtim në qafë. Gordon, i cili ka 81 ndeshje me kombëtaren, zëvendëson shokun e tij të ekipit, Zander Clark.

Ndërkohë, mbrojtësi i Derby County, Max Johnston, dhe qendërmbrojtësi i Blackburn Rovers, Dominic Hyam, janë lënë jashtë listës. Po ashtu nuk është përfshirë as sulmuesi i formës së mirë i Hearts, Lawrence Shankland, i cili ka shënuar shtatë gola këtë sezon, si dhe Tommy Conway i Middlesbrough.

Skocia ka grumbulluar katër pikë në dy ndeshjet e para të grupit, pas barazimit 0-0 në Danimarkë dhe fitores 2-0 kundër Bjellorusisë. Greqia viziton Hampden Park më 9 tetor, ndërsa tre ditë më vonë Bjellorusia do të përballet me skocezët në Glasgow.

Trajneri Steve Clarke ka rikthyer edhe Anthony Ralston pas mungesës së tij, ndërsa Angus Gunn dhe Liam Kelly kompletojnë listën e portierëve, pavarësisht se kanë pak minuta me klubet e tyre./S.K/KP/

 

Continue Reading

Aktualitet

Publikohet punimi i profesorëve të UBT-së rreth efekteve të stërvitjes së strukturuar në futboll në revistën ndërkombëtare Human Movement

Published

on

Punimi shkencor i profesorëve të UBT-së, të Fakultetit Shkencat e Sportit dhe të Lëvizjes, me titull: “The effects of strength and conditioning programs on soccer players’ performance across a single season divided into two phases”, është publikuar në revistën ndërkombëtare Human Movement (ISSN 1899-1955).

Studimi, i realizuar nga profesorët: Milaim Berisha, Abedin Bahtiri dhe Agron Thaqi nga UBT, në bashkëpunim me Monèm Jemni nga Fakulteti i Edukimit Fizik në Ningbo, në Kinë, analizon ndikimin e programeve të forcës dhe kondicionit në performancën e futbollistëve profesionistë gjatë një sezoni të plotë futbollistik, i ndarë në dy faza përgatitore dhe dy faza garuese.

Rezultatet kryesore

Faza e parë përgatitore pati efektin më të madh në qëndrueshmërinë specifike, me rritje të dukshme në Yo-Yo Recovery Level 1 dhe VO₂max, kryesisht për shkak të niveleve fillestare më të ulëta. Faza e dytë, megjithëse efektive, solli rritje më të vogël për shkak të gjëndjes iniciale ne ketë fazë. Gjatë fazës së parë garuese u pa përmirësim i lehtë dhe mirëmbajtje e performancës; në të dytën mbizotëroi stabilizimi, me rënie të lehta.

Analiza e përbërjes trupore tregon se rritja e yndyrës është në kundershtim me qëndrueshmërinë, ndërsa uji trupor lidhet pozitivisht me të; masa muskulore, në mungesë të kondicionit kardiovaskular adekuat, korrelon negativisht me qëndrueshmërinë.

Yndyra viscerale shfaqi lidhje të dobët dhe jo domethënëse statistikisht. U vu re edhe një mospërputhje e pjeshshme midis Yo-Yo RL1 dhe VO₂max në fazat e mëvonshme, ndonëse VO₂max derivohet nga distancat e Yo-Yo. Kjo për shkak të fazave të pushimit që përmban testi. megjithatë, Yo-Yo RL1 mbetet një mjet praktik, ekonomik dhe efikas për vlerësimin e VO₂max dhe i ndjeshëm ndaj ndryshimeve në përsëritje të ushtrimeve intensive.

Në thelb, studimi nënvizon rëndësinë e stërvitjes së strukturuar në fazën përgatitore, rikuperimit aktiv për ruajtjen e performancës gjatë periudhave të ndeshjeve dhe menaxhimit të kujdesshëm të përbërjes trupore, sidomos kur testimi laboratorik nuk është i mundur.

Continue Reading

Lajmet

​Ndryshohet lokacioni, derbi Prishtina-Ballkani luhet në Hajvali

Published

on

Ndeshja ndërmjet FC Prishtinës dhe FC Ballkanit, e vlefshme për javën e 8-të në Superligën e Kosovës, do të zhvillohet këtë të shtunë, më 4 tetor, me fillim nga ora 15:00, në Kampin Nacional në Hajvali.

Siç ka bërë të ditur klubi nga kryeqyteti, ky ndryshim i lokacionit vjen për shkak të nevojës për mirëmbajtje dhe përpunim të fushës në stadiumin “Fadil Vokrri”, në kuadër të përgatitjeve për ndeshjen e ardhshme të Kombëtares së Kosovës.

Përballja mes Prishtinës dhe Ballkanit konsiderohet si takimi kryesor i javës së 8-të, në Albi Mall Superligën e Kosovës./S.K/KP/

 

Continue Reading

Lajmet

Kushtetuesja vendos për ankesën e Listës Serbe, Kuvendi s’është konstituuar

Published

on

By

Gjykata Kushtetuese ka vendosur për ankesën e Listës Serbe, për cka ka konstatuar se Kuvendi nuk është konstituuar në pajtim me përcaktimet e paragrafit 1 të nenit 66.

Në vendim, Gjykata ka urdhëruar që seanca Konstituive e Kuvendit të përfundojë brenda afatit të përcaktuar me paragrafin 1 të nenit 66 [Zgjedhja dhe Mandati] të Kushtetutës së Republikës së Kosovës dhe sipas Aktgjykimit të Gjykatës në rastet KO193/25 dhe KO196/25, përkatësisht brenda afatit të mbetur prej 12 (dymbëdhjetë) ditëve nga hyrja në fuqi e këtij Aktgjykimi

Më poshtë sjellim vendimin e plotë:

 

Gjykata Kushtetuese e Republikës së Kosovës, më 30 shtator 2025 vendosi përkitazi me kërkesën KO265/25, në lidhje me vlerësimin e kushtetutshmërisë së “Procesverbaleve të seancave të Kuvendit të Kosovës”, si dhe vendimeve të nxjerra në kuadër të Seancës Konstituive më 26 dhe 28 gusht 2025, të parashtruar nga Igor Simic dhe 9 (nëntë) deputetë të tjerë të Kuvendit të Republikës së Kosovës, bazuar në paragrafin 5 të nenit 113 [Jurisdiksioni dhe Palët e Autorizuara] të Kushtetutës së Republikës së Kosovës.

https://gjk-ks.org/notifications/details/3350?title=Njoftim+p%C3%ABr+vendim+n%C3%AB+rastin+KO265/25

Gjykata, njëzëri, ka vendosur:

  1. TË DEKLAROJË, kërkesën të pranueshme;
  2. TË KONSTATOJË, që Seanca Konstituive e Kuvendit, e filluar me 15 prill 2025 nuk ka përfunduar si rezultat i moszgjedhjes së nënkryetarit të Kuvendit nga radhët e deputetëve të komunitetit Serb, dhe Kuvendi nuk është konstituuar në pajtim me përcaktimet e paragrafit 1 të nenit 66 [Zgjedhja dhe Mandati] dhe paragrafët 1 dhe 4 të nenit 67 [Zgjedhja e Kryetarit dhe Nënkryetarëve] të Kushtetutës së Republikës së Kosovës;
  3. TË URDHËROJË, që Seanca Konstituive e Kuvendit të përfundojë brenda afatit të përcaktuar me paragrafin 1 të nenit 66 [Zgjedhja dhe Mandati] të Kushtetutës së Republikës së Kosovës dhe sipas Aktgjykimit të Gjykatës në rastet KO193/25 dhe KO196/25, përkatësisht brenda afatit të mbetur prej 12 (dymbëdhjetë) ditëve nga hyrja në fuqi e këtij Aktgjykimi;
  4. TË URDHËROJË, të gjithë deputetët e zgjedhur të Kuvendit të Republikës së Kosovës, që në pajtim me nenin 4 [Forma e Qeverisjes dhe Ndarja e Pushtetit], nenin 7 [Vlerat], paragrafin 4 të nenit 67 [Zgjedhja e Kryetarit dhe Nënkryetarëve]  dhe nenin 74 [Ushtrimi i Funksionit] të Kushtetutës së Republikës së Kosovës, që gjatë procedurës së zgjedhjes së nënkryetarit të Kuvendit të Republikës së Kosovës nga radhët e deputetëve të komunitetit Serb, të ushtrojnë funksionin e tyre kushtetues në interesin më të mirë të Republikës së Kosovës dhe në pajtim me Kushtetutën dhe Rregulloren e Kuvendit;
  5. TË VAZHDOJË, masën e përkohshme, e cila ka hyrë në fuqi nga data 5  shtator 2025, deri në hyrjen në fuqi të këtij Aktgjykimi;
  6. T’UA KUMTOJË këtë Aktgjykim palëve;
  7. TA PUBLIKOJË këtë Aktgjykim në Gazetën Zyrtare të Republikës së Kosovës, në pajtim me paragrafin 4 të nenit 20 (Vendimet) të Ligjit Nr. 03/L-121 për Gjykatën Kushtetuese të Republikës së Kosovës;
  8. TË KONSTATOJË që ky Aktgjykim hyn në fuqi në ditën e publikimit nga Gjykata Kushtetuese e Republikës së Kosovës dhe njoftimit të palëve, përveç pikës V të dispozitivit, e cila hyn në fuqi menjëherë.

Continue Reading

Të kërkuara