Lajmet nga UBT
Ekspertë të drejtësisë trajtuan tema të ndryshme në kuadër të ditëve Akademisë Verore të Juridikut
Në Parkun Shkencor Inovativ të UBT-së në Lipjan, u mbajt diskutimi i fundit i Akademisë Verore të Juridikut, në kuadër të ditëve të Global UBT Fest 2023, ku si paneliste ishin: ministrja e Drejtësisë në Kosovë, Albulena Haxhiu, Prof. Asst. Dr. Egzone Osmanaj dhe Prof. Asst. Dr. Jorida Xhafaj.
Në kuadër të këtij diskutimi, studentët dhe pjesëmarrësit e tjerë të Akademisë Verore të Juridikut kishin mundësi të flisnin me ministren e Drejtësisë rreth të drejtave të pronës dhe trashëgimisë së grave.
Ministrja e Drejtësisë, Albulena Haxhiu, diskutoi për përpjekjet dhe politikat e qeverisë në garantimin e barazisë dhe drejtësisë gjinore në fushën e pronësisë dhe trashëgimisë.
Me numër të madh të të interesuarve, Akademia Verore e Juridikut trajtoi edhe temat si në vijim:
- “Kodifikimi i ligjit civil në Kosovë me fokus në regjimin e pronës së përbashkët të bashkëshortëve”, Prof. Asst. Dr. Jorida Xhafaj;
- “Roli i noterit gjatë nënshkrimit dhe zbatimit të kontratave”, Prof. asist. dr. iur. Bashkim Preteni;
- “Format e viktimave në shoqërinë bashkëkohore – Viktimat e dhunës në familje”, Prof. Asoc. Dr. Ahmet Maloku;
- “Gjykata Evropiane e të Drejtave të Njeriut dhe të drejtat e njeriut në Ballkanin Perëndimor”, Prof. Dr. Abdulla Azizi;
- “Mekanizmat ligjorë për mbrojtjen e të drejtave të njeriut në Kosovë”, Dr. sc. Xhavit Shala;
- “Gjykata Ndërkombëtare e Drejtësisë: Procesi i rasteve në ish-Jugosllavi dhe rastet aktuale në Gjykatën Speciale”, Prof. Dr. Hajredin Kuçi;
- “Roli i kriminalistikës në luftën kundër kriminalitetit në Kosovë – Ligjet e BE-së mbi Barazinë Gjinore”, Dr. sc. Elmi Kelmendi, Prof. Asst. Dr. Jehona Lushaku;
- “Seminar: Kontratat Komerciale”, Prof. Asst. Dr. Njomeza Zenjullahu;
- “Bashkëjetesa midis dy bashkëshortëve: Evolucioni dhe disa analiza krahasuese në kontekstin e miratimit të Kodi Civil të Kosovës”.
Aktualitet
Profesori i UBT-së, Hamëz Rama, ligjëroi në Hardh Talk në kuadër të Hardh Fest në Rahovec
Në kuadër të Festivalit tradicional “Hardh Fest”, që është kthyer në një ndër ngjarjet e rëndësishme kulturore në vend, u mbajt aktiviteti Hardh Talk, ku këtë vit ligjwroi profesori i UBT-së, Prof. Ass. Dr. Hamëz Rama.
Ligjërata e tij, me temën “A mund të jetë vera pasaporta e re për zhvillimin ekonomik dhe imazhin ndërkombëtar të Kosovës?”, ngjalli interesim të madh tek publiku i pranishëm. Rama theksoi se vera, dhe në veçanti ajo e Rahovecit, mund të shërbejë si një element identitar dhe si një instrument i fuqishëm ekonomik, duke promovuar vendin në tregjet ndërkombëtare.
Në këtë aktivitet mori pjesë edhe Rektori i UBT-së, Prof. Dr. Edmond Hajrizi. Ngjarja, e cila u zhvillua në ambientet tradicionale të Bodrumit të Vjetër në Rahovec, mblodhi së bashku ekspertë të industrisë, akademikë dhe përfaqësues institucionesh, duke hapur një debat të gjerë mbi rolin e industrisë së verës në zhvillimin ekonomik dhe turizmin në Kosovë.
Aktualitet
UBT sjell modelin e suksesshëm austriak të arsimit në turizëm: Dy diploma për studentët e Kosovës dhe rajonit
Turizmi është një sektor kyç për zhvillimin ekonomik dhe të qëndrueshëm të Kosovës, që kërkon profesionistë të përgatitur sipas praktikave më të mira ndërkombëtare. Për ta bërë këtë të mundur, UBT ka nënshkruar një marrëveshje për Diplomë të Dyfishtë (Double Degree) me IMC Krems – University of Applied Sciences në Austri, një nga modelet më të suksesshme evropiane në arsimin për turizëm.
Në bazë të kësaj marrëveshjeje, studentët e Turizmit në UBT do të studiojnë dy vite në Kosovë dhe vitin e fundit në Austri, duke u pajisur me dy diploma universitare – një nga UBT dhe një nga IMC Krems.
Marrëveshja u nënshkrua nga Presidenti i UBT-së, Prof. Dr. Edmond Hajrizi, në Austri, ku ai u prit nga themeluesi dhe kryetari i bordit mbikëqyrës të IMC Krems, Heinz Boyer, drejtori ekzekutiv Udo Brändle, si dhe nga Iris Waringer, drejtuese e Marrëdhënieve Ndërkombëtare, dhe Chen Yang, përgjegjës për projektet ndërkombëtare.
“Ky bashkëpunim është dëshmi e orientimit ndërkombëtar të UBT-së dhe përkushtimit tonë për t’u ofruar studentëve mundësi unike që e rrisin cilësinë e studimeve dhe hapin dyert e karrierës ndërkombëtare”, tha Rektori Hajrizi.
Ky program Double Degree do të shndërrohet në një nga shtyllat kryesore të zhvillimit të turizmit në Kosovë, duke përgatitur gjenerata të reja profesionistësh që do të kontribuojnë në promovimin e vendit si destinacion turistik dhe në rritjen e standardeve të industrisë së mikpritjes.
Austria konsiderohet si një ndër modelet më të suksesshme në fushën e arsimit profesional për turizëm dhe hotelieri, duke ofruar një sistem shkollimi të avancuar dhe të orientuar drejt praktikës.
Aktualitet
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
A është kosi i kulluar më i shëndetshëm se kosi i zakonshëm?
Revolucion në teknologji, telefoni më i hollë i lakuar deri më sot
Dasma e Selena Gomez, zbulohet lista e të ftuarve
Eminem i kërkoi ndjesë publike të ëmës për këngën e dikurshme fyese – nuk e interpreton më
Maqedonci në paradën kroate për 30 vjetorin e operacionit “Stuhia”: Kosova dhe Kroacia kontribojnë për paqe në rajon
Transportonte marihuanë drejt Kosovës, kërkohet paraburgim për shtetasin e Shqipërisë
Arrestohet një person i dënuar për posedim të paautorizuar të armëve dhe narkotikëve
Njoftim për prindërit nga Lugina e Preshevës, Maqedonia e Veriut, Shqipëria dhe vendet tjera të banuara me shqiptarë
Bayrou niset t’ia dorëzojë dorëheqjen Macronit
-
Aktualitet2 weeks agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months agoProfesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months agoBSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT2 months agoUBT shpall konkurs për pranimin e studentëve të rinj për vitin akademik 2025/26