Lajmet nga UBT

Ekspertë dhe folës të shumtë karakterizuan fillimin e Akademisë Ndërkombëtare Verore të Stomatologjisë

Hapjen e kësaj akademie e bëri prodekanja për shkencë, Prof. Dr. Nexhmije Ajeti.

Published

on

Akademia Ndërkombëtare Verore e Fakultetit Stomatologji në UBT, në kuadër të “Global UBT Fest 2022” edicionin e sivjetshëm e nisi me ligjërata nga ekspertë shëndetësorë nga vendi dhe bota.

Hapjen e kësaj akademie e bëri prodekanja për shkencë, Prof. Dr. Nexhmije Ajeti, teksa u shtjelluan tema të ndryshme nga stomatologjia preventive, ku kishte ligjërues të shumtë, si: Prof. Dr. Agim Begzati, Rina Demjaha, neurologe dhe PhD kandidat në Universitetin e Grazit, Rina Prokshi, specialiste e Pedodoncisë dhe PhD kandidate në Universitetin e Shkupit, Mirlinda Sopi, PhD, si dhe Fidaim Gashi, stomatolog nga Finlanda.

Në kuadër të kësaj akademie u ligjëruan edhe tema rreth kirurgjisë orale dhe maxillofaciale dhe endolovers, ku kishte folës të shumtë, si: doktor Genc Zenunaj, i cili punon dhe vepron në Holandë si anëtar i “TRIAdontics Dental Academy” në Amsterdam, profesori Sinan Rusinovci, Besart Konditrolli, specialist i endodoncionit, si dhe Getoar Hoxha endolover dhe specializant i kirurgjisë orale.

Kjo akademi u karakterizua edhe me pjesëmarrjen e profesorëve dhe doktorëve, si: Migjen Demjaha, Genc Qilerxhiu, Mimoza Selmani, Pasionare Xharra – Budima, Donjeta Millaku, me të cilët u organizua një diskutim i hapur rreth ortopedisë së nofullave.

Njashtu, në kuadër të akademisë u organizua edhe një diskutim virtual me ekspertë të shumtë të fushës së stomatologjisë, si: Valon Sadiku, psikolog klinik i fëmijëve, Dafina Doberdoli nga Universiteti Indiana në ShBA, Prof. Dr. Heikki Tala nga Finlanda, Budima Pejkovska PHD pranë Universitetit Cyriland Methodius në Shkup të Maqedonisë së Veriut, si dhe prezantues nga fusha e industrisë nga Finlanda, gjegjësisht Kompania e Promocionit të Shëndetit Oral ” DENTVIEË”.

Këtë edicion e karakterizuan një numër i madh i pjesëmarrësve, të cilët ishin të interesuar për të përfituar dhe përforcuar njohuritë e tyre rreth fushës, por edhe pjesëmarrja aktive e studentëve: Nart Ajeti, Hana Berisha, Aulona Shala, Diona Panxhaj, Ferdije Brahimi, Zlata Koçan si dhe Arda Pagarizi, të cilët prezantuan hulumtimet e tyre.

Lajmet nga UBT

UBT International Smart Schools tani edhe në Prizren: Promovohen drejtimet për mjekësi në ditën e Testit të Arritshmërisë

Published

on

By

Në një nga ditët më të rëndësishme për semimaturantët në mbarë vendin, ditën e  Testit të Arritshmërisë, stafi i UBT International Smart Schools ka qenë i pranishëm në qytetin e Prizrenit së bashku me nxënësit për të promovuar ofertën arsimore.
UBT ka ndarë materiale informuese, duke ofruar detaje mbi mundësitë që ofron kjo shkollë për të gjithë të rinjtë që dëshirojnë të ndjekin një karrierë në fushën e mjekësisë.
Me një infrastrukturë moderne dhe metodologji të avancuar të mësimdhënies, UBT International Smart Schools ofron dy drejtime në Shkollën e Mesme të Mjekësisë:
Bashkëpunëtor Profesional i Infermierisë
Teknik i Laboratorit Mjekësor
Këto drejtime janë të dizajnuara për të përgatitur të rinjtë për një karrierë të sigurtë në shëndetësi, me fokus për praktikë të drejtpërdrejtë në institucionet shëndetësore dhe zhvillimin profesional  të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.
Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

Continue Reading

Lajmet nga UBT

UBT International Smart Schools tani edhe në Gjilan me dy programe në mjekësi

Published

on

By

UBT International Smart Schools sjellë në Gjilan dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor. Kjo është mundësia ideale për nxënësit që duan të ndjekin një profesion të sigurt në fushën e shëndetësisë.

Me pajisje moderne dhe mësim me metoda bashkëkohore, shkolla ofron përgatitje të plotë praktike dhe teorike për profesionistët e ardhshëm të mjekësisë.

Programe të ofruara:
Bashkëpunëtor Profesional i Infermierisë
Teknik i Laboratorit Mjekësor

Nxënësit do të kenë mundësi të praktikojnë në institucione shëndetësore dhe të mësojnë nga profesionistë me përvojë, duke u përgatitur për sfidat e tregut të punës në sektorin e shëndetësisë.

Mos e humb shansin të bëhesh pjesë e kësaj rrugë të sigurt profesionale. Regjistrohu tani — vendet janë të kufizuara!

REGJISTROHU ONLINE

Continue Reading

Lajmet nga UBT

Tani edhe në Prizren: UBT International Smart Schools me dy drejtime të mjekësisë

Published

on

By

UBT International Smart Schools zgjeron ofertën arsimore dhe edukative me dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor, duke i ofruar nxënësve të Prizrenit mundësinë për të ndjekur një karrierë të sigurtë në fushën e mjekësisë.

Me një infrastrukturë moderne dhe metodologji të avancuar të mësimdhënies, shkolla sjell mundësi të shumta për të rinjtë që duan të specializohen në profesionet mjekësore.

Nxënësit tani mund të zgjedhin mes dy programeve kryesore:Bashkëpunëtor Profesional i Infermierisë
Teknik i Laboratorit Mjekësor

Këto drejtime janë të fokusuar në inovacion, praktikë të drejtpërdrejtë në institucione shëndetësore dhe zhvillimin profesional të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.

Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

REGJISTROHU ONLINE

Continue Reading

Lajmet nga UBT

UBT forcon bashkëpunimin ndërkombëtar me një nga universitetet më prestigjioze në Greqi – University of Thessaly

Published

on

By

Në kuadër të angazhimeve të vazhdueshme për të ndërtuar ura bashkëpunimi me institucione të rëndësishme akademike në Evropë, UBT ka nënshkruar një marrëveshje me University of Thessaly në Greqi, një universitet me reputacion të lartë ndërkombëtar në fushën e kërkimit dhe inovacionit.

Kjo marrëveshje vendos bazat për një partneritet të thellë akademik dhe shkencor, duke përfshirë: shkëmbimin e studentëve, mobilitetin e stafit akademik, zhvillimin e përbashkët të projekteve kërkimore, mentorimin e përbashkët të disertacioneve doktorale, si dhe organizimin e praktikave profesionale dhe trajnimeve për studentët afër përfundimit të studimeve.

Një nga pikat më të rëndësishme të këtij bashkëpunimi është mundësia për zhvillimin e programeve të përbashkëta ndërkombëtare të studimit, duke i ofruar studentëve një avantazh të qartë në skenën globale të arsimit dhe punësimit.

Me këtë marrëveshje, UBT thellon angazhimin e tij për ndërkombëtarizimin e arsimit të lartë dhe afirmon pozicionin e tij si një aktor aktiv në rrjetet evropiane të bashkëpunimit akademik dhe shkencor.

Continue Reading

Të kërkuara