Teknologji

Ekipi i UBT-së shpallet fitues në Kampionatin Ballkanik të MOS-it, vazhdon garën në nivel botëror

Published

on

Ekipi i UBT-së, i përbërë nga studentet Elita Hajrizi dhe Vlera Saraqi, si dhe nga Artin Ahmeti, është shpallur fitues nga Certiadria në Kampionatin Ballkanik të Microsoft Office Specialist 2020.

Ata, përmes UBT-së, do të përfaqësojnë Kosovën në Kampionatin Botëror të Microsoft Office Specialist, që është planifikuar të zhvillohet në New York, ShBA, më 29 korrik deri më 1 gusht 2021.

Në këtë garë botërore, kampionët e Kosovës do të demonstrojnë aftësitë e tyre në Microsoft Office, përfshirë Word, Excel dhe PowerPoint, në Adobe, përfshirë Photoshop, Illustrator dhe InDesing.

Me këtë rast, rektori i UBT-së, prof.dr Edmond Hajrizi ka përgëzuar studentët për suksesin e arritur, teksa theksoi se institucioni që ai drejton do të mbështesë të rinjtë për pjesëmarrje aktive në gara të tilla.

“UBT e përfaqëson vazhdimisht Republikën e Kosovës në shumë mekanizma ndërkombëtarë, duke depërtuar edhe atje ku politika nuk ka mundur të depërtojë, kjo përmes shkencës, teknologjisë e inovacionit. Nuk është hera e parë që studentët tanë janë pjesë e fitoreve të mëdha në fusha të ndryshme, duke bërë kështu që studentët tanë të jenë të barabartë me ata ndërkombëtarë”, potencoi Hajrizi.

Fituesit e Kampionatit Ballkanik i ka uruar edhe drejtori i Certiadria, Marko Serafimovski, i cili ka thënë se gara në fjalë u mundëson pjesëmarrësve përvojë të paharruar dhe aftësim profesional.

“Ne jemi veçanërisht krenarë për numrin në rritje të të rinjve që punojnë për të përmirësuar njohuritë e tyre digjitale dhe të kuptojnë se njohuritë digjitale janë të kërkuara dhe mund të sjellin vetëm përfitime. Përveç kësaj, kriza shëndetësore globale vetëm ka theksuar nevojën për të përmirësuar shkrim-leximin digjital, i cili ka qenë qëllimi ynë kryesor që nga fillimi i operacioneve tona. Ne duam t’i përgëzojmë fituesit dhe t’u urojmë atyre fat në Kampionatin Botëror në 2021″, citohet të ketë thënë drejtori Serafimovski.

UBT çdo vit merr pjesë në garën e Microsoft Office Specialist “MOS”, ku fillimisht shpall fituesit në nivel vendi, e më pas i mbështet ata dhe i përgatit për garën në arenën ndërkombëtare.

Teknologji

DB12 S i ri nga Aston Martin, performancë maksimale dhe dizajn unik

Published

on

Aston Martin ka prezantuar modelin e ri DB12 S, i cili i bashkohet linjës së performancës së lartë të markës britanike, përkrah DBX S dhe Vantage S, si pjesë e strategjisë së CEO-s Adrian Hallmark për të ofruar më shumë versione sportive të modeleve ekzistuese.

Modeli DB12 S sjell përmirësime të dukshme në performancë dhe dizajn, duke e bërë edhe më emocionuese përvojën e drejtimit.

Nën kapakun elegant ndodhet motori V8 4.0 litra me dy turbo, i cili tani prodhon 691 kuaj fuqi, duke e bërë makinën të arrijë nga 0 në 100 km/orë për vetëm 3.4 sekonda (3.5 sekonda për versionin Volante). Shpejtësia maksimale arrin 320 km/orë.

Përveç fuqisë së shtuar, DB12 S përfshin frena qeramike karboni standarde, me disqe 16.1 inç përpara dhe 14.2 inç mbrapa, si dhe sistemin e ri të kontrollit të frenimit në kthesa.

Përmirësimet përfshijnë amortizatorët Bilstein DTX, diferencial elektronik të pasmë të avancuar e ngurtësim të shufrave kundër rrotullimit, për një drejtim më të saktë dhe stabilitet të lartë. Në pamje të jashtme, DB12 S dallohet me ndarësin aerodinamik të përparmë me dy elementë, grilat e reja të motorit (me ngjyrë të zezë ose fibra karboni).

Dhe, një spojler të fiksuar të pasmë e katër tuba shkarkimi inox – me mundësi për sistem titaniumi që ofron zë më të fuqishëm dhe peshë më të ulët. Brendësia e makinës kombinon luksin me sportivitetin, duke përfshirë lëkurë premium dhe Alcantara, si dhe një buton metalik rrotullues të kuq në qendër të konsolës – simbol i versionit “S”.

Modeli DB12 S do të jetë i disponueshëm në variantet kupé dhe kabriolet, me porosi që nisin që tani dhe dorëzime të planifikuara për tremujorin e parë të vitit 2026. Çmimi ende nuk është zbuluar, por pritet të jetë mbi 275 mijë dollarë, duke pasur parasysh që versioni bazë DB12 fillon nga 250 mijë dollarë. /A.Z/UBT News/

Continue Reading

Teknologji

Meta përditëson algoritmin e Facebook për të treguar më shumë Reels

Published

on

Meta njoftoi të martën një përditësim të ri të algoritmit të Facebook, i cili synon të shfaqë më shumë video Reels të personalizuara bazuar në preferencat e përdoruesve.

Ndryshimi përfshin funksione të reja që ofrojnë përdoruesve më shumë kontroll mbi përmbajtjen që shohin, sugjerime kërkimi të mundësuara nga inteligjenca artificiale dhe “flluska” miqsh të rinj që tregojnë postimet e preferuara të miqve.

Përdoruesit mund të zgjedhin opsionin “nuk jam i interesuar” në një Reel ose të raportojnë komente të papërshtatshme, duke ndihmuar algoritmin të përshtatet me preferencat e tyre.

Funksioni “Ruaj” është përditësuar gjithashtu, duke e bërë më të lehtë mbledhjen e Reels dhe postimeve të preferuara në një vend.

Ky përditësim vjen pas ankesave të përdoruesve për përmbajtje mashtruese, bezdisëse ose video të gjeneruara nga AI me cilësi të ulët. Meta ka investuar në këtë drejtim, duke lansuar edhe burimin video “Vibes”, i cili ofron përmbajtje të gjeneruar nga AI.

Sipas kompanisë, përdoruesit do të shohin 50% më shumë Reels të ngarkuara në të njëjtën ditë, duke favorizuar përmbajtjen më të freskët.

Sugjerimet e reja të kërkimit i ndihmojnë përdoruesit të zbulojnë më shumë video të ngjashme me interesat e tyre, flluskat e miqësisë do t’u lejojnë përdoruesve të shohin cilat video kanë pëlqyer miqtë e tyre dhe të hapin mesazhe private me një trokitje. /A.Z/UBT News/

Continue Reading

Teknologji

Amazon investon 1 miliard euro në Belgjikë për të përmirësuar dërgesat brenda ditës

Published

on

Gjigandi amerikan i teknologjisë, Amazon, ka njoftuar planet për të investuar një miliard euro në Belgjikë gjatë periudhës 2025–2027, raportoi të mërkurën gazeta L’Echo.

Kompania synon të zhvillojë infrastrukturën lokale dhe të forcojë partneritetet me operatorin belg të postës Bpost dhe me kompanitë e vogla dhe të mesme në vend.

Qëllimi kryesor është të përmirësojë zinxhirët e furnizimit në Belgjikë, duke mundësuar dërgesa brenda ditës për klientët.

Aktualisht, Amazon punëson rreth 400 persona në Belgjikë dhe ka investuar afërsisht 800 milionë euro gjatë 10 viteve të fundit në vend. /A.Z/UBT News/

 

 

Continue Reading

Teknologji

OpenAI ndërmerr masa kundër keqpërdorimit të ChatGPT

Published

on

OpenAI njoftoi të martën se ka mbyllur disa llogari të ChatGPT-së që dyshohet se kishin lidhje me entitete qeveritare kineze.

Në raportin e fundit mbi kërcënimet publike, kompania tha se disa përdorues kishin kërkuar nga chatbot-i që të përshkruante mënyra për “dëgjimin” e mediave sociale dhe metoda të tjera monitorimi veprime që shkelin politikat e saj të sigurisë kombëtare.

Raporti i firmës me seli në San Francisko thekson shqetësime në lidhje me rreziqet e mundshme të keqpërdorimit të inteligjencës artificiale gjeneruese, në një kohë kur rivaliteti mes SHBA-së dhe Kinës për kontrollin e zhvillimit dhe rregullimit të teknologjisë po rritet.

OpenAI bëri të ditur gjithashtu se ka pezulluar disa llogari në gjuhën kineze që përdornin ChatGPT për të ndihmuar fushata “phishing” dhe krijim të “malware”-eve, si dhe për të hulumtuar mënyra automatizimi përmes modelit DeepSeek të Kinës.

Kompania tha po ashtu se ka ndërprerë llogaritë e lidhura me grupe të dyshuara kriminale rusishtfolëse, të cilat po përpiqeshin të përdornin chatbot-in për zhvillimin e softuerëve të dëmshëm.

OpenAI, e cila aktualisht ka mbi 800 milionë përdorues aktivë çdo javë, është bërë startup-i më i vlefshëm në botë me një vlerësim prej 500 miliardë dollarësh, pas një shitjeje të fundit dytësore të aksioneve. /A.Z/UBT News/

Continue Reading

Të kërkuara