Sport
Edhe dy sportistë ukrainas në mbrojtje të vendit të tyre
Ata janë regjistruar për të mbrojtur vendin e tyre.
Tenisti ukrainas, Sergiy Stakhovsky, thotë se shpreson që nuk do t’i duhet të përdorë armën që i është dhënë pasi u nënshkrua për të mbrojtur kombin e tij ndaj pushtimit rus.
Boksieri Vasiliy Lomachenko, një kampion në tre pesha, është një tjetër yll sporti që iu bashkua forcave rezervë të Ukrainës dhe është fotografuar me pushkë. Raportohet se edhe kampioni i boksit në pesha të rënda, Oleksandr Usyk, është regjistruar.
Stakhovsky tha: “Unë di të përdorë armën. Nëse do të më duhet, do ta bëjë”.
36-vjeçari u tërhoq nga tenisi pas Australian Open në janar dhe është kthyer në Kiev për ta mbrojtur kombin e tij.
Kampioni në fuqi i peshave të rënda Usyk, i cili mundi britanikun Anthony Joshua në muajin shtator, është larguar nga baza e tij në Londër për t’u kthyer në Ukrainë. Fotografitë në Instagram nga një llogari e paverifikuar e Federatës së Boksit të Ukrainës pretendojnë se 35-vjeçari është duke mbajtur një armë.
Lomachenko, 34-vjeçar, u shfaq i veshur me uniformë ushtarake me një pushkë mbi shpatullën e tij në një postim në faqen e tij në Facebook.
Burrave nga mosha 18 deri në 60-vjeçare u është kërkuar nga qeveria ukrainase të qëndrojnë në vend dhe të luftojnë pasi duket se do të ngadalësojnë sulmet e Rusisë.
“Shpresoj shumë se nuk do të më duhet të përdorë armën”, tha Stakhovsky, ish-numri 31 i botës, i njohur për mposhtjen e Roger Federer në Wimbledon në vitin 2013. Stakhovsky ka lënë gruan e tij, Anfisa dhe fëmijët në shtëpinë e tyre në Hungari, duke thënë se ky është një vendim i tmerrshëm që e ndërmori. Ai thotë se Anfisa u ka thënë fëmijëve të tyre se ka shkuar në një turne tjetër tenisi.
“Unë ende nuk jam i sigurt se si e kam bërë këtë. E di që është jashtëzakonisht e vështirë për gruan time. Fëmijët e mi nuk e dinë që unë jam këtu. Ata nuk e kuptojnë luftën, janë shumë të vegjël për të kuptuar se çfarë po ndodhë”, tha ai./UBTNews/
Sezoni 2025/26 në Superligën e Kosovës në futboll do të fillojë këtë fundjavë.
Katër ndeshje të dielën dhe një të hënën do të zhvillohen në kuadër të javës së parë.
Dukagjini do të jetë nikoqir i Prishtinës, Malisheva e pret Prishtinën e Re që debuton në Superligë, ndërsa Llapi do të udhëtojë për t’u ndeshur me Drenicën e inkuadruar në elitë këtë sezon.
Drita do ta nis mbrojtjen e titullit në udhëtim, ku përballet me Ferizajn, kurse Gjilani do të jetë nikoqir i nënkampionit, Ballkanit.
Të gjitha ndeshjet nisin nga ora 16:30.
Futbollisti i Kombëtares së Zvicrës, Andi Zeqiri është duke kërkuar një klub të ri gjatë merkatos së verës.
Ashtu raporton edhe gazeta e famshme “helvetike”, Blick, me lojtarin shqiptar që tashmë i ka treguar edhe klubit Genk KRC që dëshiron largimin.
26-vjeçari ishte afër marrëveshjes me Borussia Monchengladbach, por duket se ka dështuar dhe tashmë janë hapur dyert për të biseduar me skuadra të reja.
Skuadra belge kërkon 3 milionë euro për shërbimet e sulmuesit shqiptar.
Zeqiri sezonin e kaluar ishte i huazuar te skuadra tjetër në Belgjikë, Standard Liege.
Milani ka bërë zyrtare nënshkrimin me mbrojtësin e djathtë zviceran, Zachary Athekame, nga skuadra e Young Boys.
Lojtari 20-vjeçar ka nënshkruar një kontratë pesëvjeçare, e cila do ta mbajë në “San Siro” deri në vitin 2030.
Ish-mbrojtësi i Xamax do të mbajë fanellën me numrin 24 te “Rossonerët”. Sipas raportimeve, Milani ka paguar një tarifë prej 10 milionë eurosh për kartonin e tij, ndërsa Young Boys kanë ruajtur një klauzolë prej 10 për qind për çdo shitje të ardhshme.
Athekame është lojtar i gjithanshëm në krahun e djathtë, i aftë të luajë si mbrojtës i krahut, por edhe më përpara në mesfushë.
Ka 10 paraqitje me përfaqësuesen U21 të Zvicrës. Gjatë sezonit 2024/2025 me Young Boys, Athekame zhvilloi 30 ndeshje në kampionat, ku regjistroi dy asiste dhe luajti mbi 1700 minuta. Ai ishte pjesë kyçe e skuadrës në Ligën e Kampionëve, duke luajtur në të gjitha tetë ndeshjet e fazës së grupeve.
Para se të kalonte te Young Boys, 20-vjeçari ka luajtur për Xamax dhe është formuar në akademinë e Bejune.
Transferimi i tij te Milani shihet si një hap i madh në karrierën e tij.
Do të luajë Lady Gaga si Ophelia në ‘Wednesday’? E reja që fsheh të vërteta të errëta
Genesis e shet G90 për më pak se 1000 euro, por nuk mund ta ngasësh
Pse duhet ta filloni ditën me rrush?
Moti sot: Diell dhe me vranësira të shpërndara
Sa ka ndryshuar pas 25 vitesh lokacioni ku u xhirua seriali ikonik “Teletubbies”?
Një shegë në ditë kundër infeksioneve të veshkave
Sezoni i ri në Superligë nis në fundjavë, ndeshje mjaft interesante na presin
Qendra Kinematografike e Kosovës emëron Këshillin e ri Profesional
Ndalohet nga policia, prishen pushimet e Leonardo DiCaprios në Ibiza
-
Lajmet nga UBT2 months agoUBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months agoUBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months agoUBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months agoUBT organizoi Akademi Përkujtimore në nder të Prof. Dr. Naser Kamberit