Dhjami në zonën e barkut është një problem për shumicën e femrave sot. Por shumë dhjam rrit riskun për shumë probleme shëndetësore si diabet, sëmundje zemre, tension të lartë gjaku, madje dhe disa tipe kanceresh. Dhjami në zonën rreth barkut mund të jetë gjenetike, ose të vijë si pasojë e jetës së pashëndetshme dhe pa ushtrime fizike.

Pjesa më e madhe e dhjamit rreth belit vjen nga konsumi i ushqimeve me shumë kalori dhe atyre të pashëndetshme.

Të jeni aktivë është çelësi i humbjes së dhjamit dhe duhet kombinuar me dietë të shëndetshme me bazë perimesh.

Gjeni një aktivitet që ju pëlqen si ecja, çiklizmi, apo vrapimi.

Një tjetër pjesë e rëndësishme është gjumi. Kur flemë aq sa duhet djegim kalori. Studimet si tek njerëzit ashtu dhe tek kafshët kanë zbuluar se gjumi i pamjaftueshëm çon në shëndoshje. U zbulua se personat që s’flenë mjaftueshëm janë të lodhur ditën e djegin pak kalori. Thuhet se 8 orë gjumë ofron metabolizmin më të mirë. Disa të tjerë pranojnë se stresi është pjesë e rëndësishme që ndikon në mënyrën se si hamë.

Cilat janë ushqimet që luftojnë dhjamin në bark?

Ka raste kur lexojmë materiale në internet mbi ushqimet që luftojnë dhjamin në bark na çon në konfuzion, pasi listat janë të ndryshme. Nuk ekziston ndonjë dietë magjike kundër dhjamit në bark, por kur mbani një dietë të shëndetshme është dhjami i barkut ai që largohet i pari:

Ushqimet e pasura me fibra

Konsumi i 10 gramëve fibra ndihmon për të luftuar dhjamin në zonën rreth mesit, prandaj duhet të konsumoni më shumë bizele, fasule, qiqra etj si dhe shumë fruta e perime me lëkurë, po ashtu edhe tërshërë.Disa ushqime me nivel të lartë fibrash janë superushqime të vërteta.

Ushqimet që përmbajnë proteina

Proteinat ju mbajnë të ngopur për kohë të gjatë e duhet një kohë më e gjatë për t’u tretur. Është llogaritur se për të siguruar 100 kalori nga ushqimet proteinike, trupi përdor 30 kalori (por vetëm 12 kalori për yndyrë dhe 7 për karbohidrate). Kjo është arsyeja pse listat përmbajnë ushqime si kos, mish pa dhjam, vezë dhe peshk ose fasulet, legumet, arroret dhe farat e perime të posaçme. 1 vezë përmban 7 gramë proteinë. 1 gotë quinoa ka 8 gramë proteinë, 5 gramë fibra. Arrat përmbajnë proteina, fibra e yndyra të shëndetshme dhe të gjitha këto janë të shkëlqyera për t’u konsumuar mes vakteve.

Ushqimet që përmbajnë ujë

Zënë hapësirë më të madhe. Shumë fruta dhe perime përmbajnë ujë dhe elementë ushqyes e s’përmbajnë shumë kalori. Kjo është arsyeja pse janë në çdo listë, sidomos shalqiri. Frutat tjera që përmbajnë ujë janë: Qitro, pjepri, portokalli etj. Perimet që kanë përmbajtje të lartë uji janë trangulli, sallata jeshile, selino, kungulli, domatja, lakra etj. Këto lloj frutash përmbajnë jo vetëm ujë por edhe shumë fibra, elemente ushqyese dhe antioksidantë.

Ushqimet e nxehta dhe pikante

Duhet më shumë kohë për t’i konsumuar. Nëse ushqimi është pikant do të konsumoni më pak në sasi, pikantet përmirësojnë metabolizmin.

Ushqimet që ngrenë nivelin e metabolizmit

Këtu bëjnë pjesë çaji jeshil pasi ka përbërës kimik EGCG që nxit rrëzimin e kilogramëve të tepërt. Piperi i kuq përmban kimikate që njihet për metabolizmin. Capsaicina rrit nxehtësinë e brendshme të trupit dhe për këtë kërkohe nivel i lartë energjie. Disa studime sugjerojnë se uthulla ndihmon në reduktimin e yndyrës në trup. Mund të ekzistojnë shumë ushqime tjera për heqjen e dhjamit rreth belit, duhet të dini që s’ka ndonjë mrekulli për këtë gjë, thjesht ndryshimit në stilin e jetës dhe ushtrimet ju ndihmojnë dhe të evitoni këto 8 ushqime. /UBT News/

Si çaji edhe kafja zënë një vend të rëndësishëm në dietën ushqimore të gjithsecilit. Por, cila është më e shëndetshme?

Ja disa fakte për të dyja:

Çaji – I pasur me antioksidantë. Njërëzit që e pinë kanë rrezik më të vogël për t’u prekur nga sëmundjet e zemrës, çaji është i njohur për ndikimin pozitiv në shëndetin e trurit. Një studim, ka gjetur se njerëzit që pinin më shumë se dy gota çaji të gjelbër në ditë kishin mundësi më të ulët për të humbur kujtesën në moshë të re, në krahasim me njerëzit që pinin më pak se tre gota çaji në javë.

Pirja është i lidhur me anti­plakjen, qelizat e personave që pinë çaj rregullisht, kanë moshë mëtë re biologjike, krahasuar me ata që nuk pinë.

Kafeja – Ata që pinë 3­5 filxhanë kafe në ditë, kanë më pak gjasa të vdesin para kohe krahasuar me ata që pinë pak. Kafja është burim i pasur me antioksidantë, konsumi i rregullt i saj ka qenë i lidhur me mbrojtjen kundër diabetit tip 2, parkinsonit dhe disa lloje të kancerit.

Substancat natyrore që ndodhen në kafe pa filtër (që do të thotë e zierë a ekspres) ndikojnë në rritjen e nivelit të kolesterolit në gjak. Dëmet që sjell kafja janë të lidhura me kafeinën, e cila është më e lartë se në çaj.

Nëse keni tension të lartë, duhet të kufizoni konsumimin e kafeinës pasi mund të keni probleme me presionin e gjakut, dy ose më shumë filxhanë kafe në ditë rrisin rrezikun e sëmundjeve të zemrës. /UBT News/

Përveç duhanit një ves tjetër i dëmshëm është edhe alkooli. Ky ves është shkaktar i një vargu të gjerë sëmundjesh, duke filluar që nga aparati tretës, mëlçia, pankreasi e deri në dëmtime të pakthyeshme të sistemit nervor qendror.

Në mëlçi, alkooli i konsumuar, shkakton dëmtime të qelizave hap-atike, dëmtim që rritet në kohë duke u varur nga doza e konsumuar përditë dhe nga veçoritë fiziologjike të individit.

Sasia e rrezikshme alkoolit është ajo prej 20-40 gramë alkooli etilik, përdorimi 100-150 gramë alkool në ditë, çon brenda një periudhe 10-vjeçare në cerozë. Për shkak të fiziologjisë, femrat dëmtohen shumë me shpejt se meshkujt për të njëjtën sasi alkooli të konsumuar.

Njerëzit që pinë prej vitesh alkool, që nuk ndiejnë gjë, një ditë gjenden para një fakti të hidhur. Mëlçia ka marrë fund duke u kthyer në mëlçi cerotike ose kanë shqetësime të lehta që nuk ia vënë veshin, por bëjnë puthjen e parë me vdekjen. Edhe pankreasi pëson dëmtime nga alkooli.

Përdorimi zgjatur i alkoolit e dëmton në mënyrë kronike pankreasin deri në atë shkallë sa nuk arrin të sekretojë sasinë e duhur të enzimave për të kryer procesin e tretjes së ushqimeve. Konsumimi i 20-50 gramë alkool etilik (100 ml raki) në ditë është i aftë të dëmtojë, ndërsa pirja e 100 gramë alkooli etilik apo 2 litra birrë, për një periudhë 6-12 vjet jep në mënyrë të sigurt dëmtime të pankreasit.

Konsumimi për një kohë të shkurtër i sasisë së madhe rrezikon për pankretit akut që çon deri në rrezikimin e jetës. Alkooli shkakton gjendjen e të dehurit, që sistemi nervor qendror s’arrin të kontrollojë veprimet e vullnetshme, apo të pavullnetshme të personit në fjalë.

Dëmi më i madh vjen nga përdorimi afatgjatë. Për çdo 1 litër alkool, vdesin 1000-2000 qeliza, të pari kthyeshme të trurit. Përdoruesit kronikë të alkoolit, me kohë e çojnë personin drejt demencës (skizofreni, marrëzi), degjenerimit mendor etj.

Pra, alkooli dëmton pa përjashtim të gjitha organet e trurit. /UBT News/

Kollitjet janë simptomat më të shpeshta të sëmundjeve fëmijërore e kanë një zë të keq nganjëherë, por ato nuk janë simptoma të ndonjë gjendje serioze.

Kollitja është një refleks, që ndihmon pastrimin e rrugëve të frymëmarrjes në fyt e gjoks. Për shkak të kollitjes fëmija duhet të paraqitet te mjeku e duke njohur llojet e ndryshme të tyre ju ndihmojnë t’i kontrolloni e të dini kur t’i drejtoheni mjekut.

Llojet dhe domethëniet e kollitjeve

Kollitja “ulërimë” Është pasojë e inflamacioneve ose ënjtjeve në rrugët e sipërme të frymëmarrjes. Shkaktohet nga inflamacionet e laringut e trakesë, që shkaktohen nga alergjitë, ndryshimet në temperaturë gjatë natës, apo mund të jetë edhe si pasojë e ndonjë infeksioni viral.

Kolla e mirë

Është emër, që i referohet pertussisit, infeksion i traktit respirator i shkaktuar nga bakterja Bordetella Pertussis. Sëmundja karakterizohet me kollitje që përfundojnë me britma kur fëmija merr frymë. Simptomat tjera: Shkuarje të hunëve, teshtitjet, kollë të butë dhe ethe.

Kolla me gulçitje

Kur kolla shoqërohet me zë gulçimës kur fëmija nxjerr frymën, është shenjë e inflamimit të rrugëve të poshtme të frymëmarrjes. Ekziston mundësia, që rrugët e poshtme të jenë të bllokuara nga ndonjë trup i huaj ose mukus nga ndonjë infeksion respirator.

Kollitja gjatë natës

Shumica e kollitjeve përkeqësohen natën për shkak se sekreti nga hunda e sinuset kalon në fyt duke ngacmuar refleksin e kollitjes përderisa fëmija është i shtrirë. Astma shkakton kollitje sepse rrugët e frymëmarrjes janë më të ndjeshme dhe më të ngacmueshme gjatë natës.

Kollitja gjatë ditës

Alergjitë, astma e ftohja respiratore janë shkaktarët e zakonshëm të kollitjes. Ajri i ftohtë i përkeqëson këto kollitje, që zhduken kur fëmija është në gjumë ose duke pushuar. Keni kujdes nga ftohësit e ajrit, kafshët shtëpiake ose duhani të mos e shkaktojnë kollitjen e fëmijës suaj.

Kolla me vjellje

Fëmijët kollin aq shumë saqë nxisin refleksin e vjelljes. Shpesh kjo nuk paraqet shenjë alarmi nëse vjellja nuk vazhdon. Nëse fëmija ka kollë nga ftohja ose astma, mund të ketë mukus i cili shkon në lukth e shkakton mundim.

Kolla me ethe

Nëse fëmija ka kollë, temperaturë mesatare dhe rrjedhje nga hundët, ekzistojnë mundësitë të jetë ftohur. Kollitja me temperaturë 39 gradë ose më lartë nënkupton se fëmija është i prekur nga pneumonia, sidomos nëse është i plogët e merr frymë shpesh.

Kolla e vazhdueshme

Kollitjet e shkaktuara nga ftohjet zgjasin me javë, veçanërisht nëse fëmija ftohet shpesh. Astma, alergjitë ose ndonjë infeksion kronik në sinuse ose rrugët e frymëmarrjes, mund të jenë përgjegjës për këto kollitje që zgjasin. Nëse kolla zgjat tre javë, dërgojeni fëmijën te mjeku. /UBT News/