Lajmet

Çmimet dhe cilësia e ushqimeve festive në marketet e Kosovës

Published

2 years ago

on

Viti i Ri është një ngjarje që festohet në shumë kultura dhe shtete të ndryshme, dhe shënon kalimin nga një vit në tjetrin sipas kalendarit Gregorian, më 31 dhjetor. Festa zakonisht shoqërohet me aktivitete të ndryshme si fishekzjarre, mbrëmje festive, ahengje, dhe tradita të tjera që variojnë nga një vend në tjetrin.

Festa e Vitit të Ri është gjithashtu një mundësi për t’u takuar me miqtë dhe familjen, për të bërë plane dhe qëllime për vitin që vjen. Njerëzit me raste bëjnë “rezoluta” për të përmirësuar jetën e tyre gjatë vitit të ardhshëm, si p.sh. të përmirësojnë shëndetin, të mësojnë diçka të re, apo të arrijnë qëllime personale dhe profesionale.

Kjo festë është një mundësi për të reflektuar mbi vitin që kaloi dhe për të shprehur dëshira të mira për të ardhmen. Tavolina e Vitit të Ri është një element i rëndësishëm në festimet e fundvitit, sidomos për darkën e natës së Vitit të Ri. Ajo është e mbushur me ushqime të veçanta dhe dekore festive, duke krijuar një atmosferë gëzimi dhe ngrohtësie për të pritur vitin e ri me familjen dhe miqtë.

Por, nëse flasim për shpenzimet që i merr e gjithë përgatitja, sigurisht që shifrat që variojnë janë nga më të ndryshmet.

UBT News ka realizuar një intervistë me Prof. Ass. Dr. Medin Zeqiri, pjesë e stafit akademik në UBT, Fakulteti i Teknologjisë Ushqimore dhe Inxhinierisë së Agrikulturës dhe Mjedisit.

Sa harxhojnë familjet kosovare për ushqimet festive gjatë periudhës së fundvitit dhe cilat janë produktet më të konsumuara? 

Familjet kosovare për festa hargjojnë nga 400-1000€ dhe produktet më të konsumuara janë: mish pule, mish gjedhi, fruta më së shumti ato të sezonit si mandarinat, kivi, mollë, perime sallata të ndryshme, pije alkoolike dhe jo-alkoolike, lëngje, ëmbëlsira, kafe etj.

A janë produktet festive që ofrohen në markete, sidomos ato të importuara, të cilësisë së duhur dhe a përputhen me standardet e sigurisë ushqimore? 

Produktet ushqimore festive që vijnë nga importi i vendeve të Bashkimit Europian janë cilësore dhe në përputhje me standardet ushqimore, ndërsa ato që vijnë nga rajoni ballkanik jo të gjitha janë cilësore dhe në përputhje me këto standarde të BE-së. 

Sa e përballojnë familjet kosovare rritjen e çmimeve të ushqimeve festive në periudhën e festave dhe si ndikon kjo në buxhetin e tyre?

Çmimet e ushqimeve i përballojnë me vështirësi dhe shumica e familjeve janë të diskriminuara në ushqim për disa lloje si: Mishi dhe produktet e mishit të gjedhit, në fruta dhe perime, si dhe lëngje. Kjo ndodh për shkak të buxhetit të ulët, ku familjet orientohen në ushqime me më pak vlerë ushqimore nutritive, shpeshherë edhe të klasëve më të ulta ushqimore. Kurse, buxheti i tyre familjar rëndohet aq shumë sa një pjesë e tyre marrin hua ose edhe mini-kredi bankare për të kaluar këto festa, dhe duhen 4-5 muaj derisa arrijnë të stabilizohen në aspektin financiar.

Çfarë lloj produktesh vendase dhe të importuara preferojnë familjet kosovare për tavolinën e festave të fundvitit dhe si vlerësohet cilësia e këtyre produkteve?

Nga produktet vendase preferojnë më shumë: nga mishi, atë të shpezëve, sidomos mishin e pulës, kofshët e pulës, mishin e gjedhit, mishin e peshkut, mishin e therur, djathin, perimet, frutat si: mollë, dardhë, pije freskuese, lëngje, pije alkoolike, verë etj. Nga ushqimet e importuara dominojnë frutat si: portokalli, mandarina dhe bananja, verëra të ndryshme, pije alkoolike etj. Cilësia e këtyre produkteve vlerësohet e kënaqshme.

Si ndikojnë periudhat e shitjeve speciale, si Black Friday, në çmimet e ushqimeve festive dhe si ndikohet ky fenomen në vendimet e konsumatorëve kosovarë?

Black Friday kohëve të fundit në ushqime nuk ka dhënë ndonjë efekt të madh, sepse çmimet e produkteve ushqimore jo vetëm që nuk kanë shënuar rënie, por përkundrazi janë rritur.

Për sa kohë marketet e Kosovës mbajnë produktet me afat skadence dhe si ndikon kjo në besimin e konsumatorëve ndaj produkteve festive?

Shumica e marketeve në Kosovë nuk mbajnë ushqime me afat të skaduar, por në raste të vogla, këtë lloj ushqimi e hasim më shumë në markete të vogla dhe shitore të vogla.

Cilat janë çmimet mesatare për disa produkte të zakonshme festive (mish, pije alkoolike, ëmbëlsira, fruta) në marketet e Kosovës, dhe si ndryshojnë ato nga një market në tjetrin? 

Çmimet mesatare për disa produkte të zakonshme festive në marketet e Kosovës janë si më poshtë: mish viçi varion nga 12-15 €/kg, mish i gjedhit nga kategoritë e tjera dhe atyre të moshuara varion nga 8-10 €/kg, mish i thatë është nga 18-25 €/kg, ndërsa mish i bardhë është 5-6 €/kg. Pijet alkoolike kanë çmime nga 5-20 €/litër, ndërsa vera varion nga 5-25 €/litër. Çmimi i ëmbëlsirave është nga 6-35 €, ndërsa për frutat, çmimet variojnë nga 0.50-6 €/kg, filluar nga molla dhe deri te kivi dhe avokado që arrijnë deri në 8 €/kg.

Si e vlerësoni bashkëpunimin mes institucioneve përgjegjëse për mbikëqyrjen e cilësisë së ushqimeve festive në treg? 

Bashkëpunimin mes institucioneve përgjegjëse e vlerësojmë jo të mjaftueshëm dhe kjo për shkak të numrit të vogël të inspektorëve ushqimor. 

Cilat janë shqetësimet kryesore të konsumatorëve kosovarë lidhur me cilësinë dhe çmimin e ushqimeve festive që ofrohen në treg? 

Shqetësimet e konsumatorëve nga Kosova janë më të larta te çmimi se sa te cilësia kjo shpesh i bënë ata që të jenë të paqasshëm në disa ushqime. 

Për këtë temë opinionin e tij e dha edhe Zyrtari për Informim nga Agjencia e Ushqimit dhe Veterinarisë, Lamir Thaçi i cili u shpreh se të gjitha produktet ushqimore që vendosen në treg për qarkullim dhe janë të destinuara për konsum duhet të plotësojnë kriteret ligjore për siguri. Ushqimi i sigurt nuk ka alternativë. Agjencia e Ushqimit dhe Veterinarisë punon në të gjithë zinxhirin ushqimore, qe produktet finale të cilat dalin ne treg dhe blihen për konsum të jenë të shëndetshme (sigurta).

 “Të gjitha veprimet qe AUV ndërmerr në praktikë, janë të rregulluara me ligje dhe të obligueshme për ne si autoritet në mbikëqyrje të zbatimit. Pa marrë parasysh kohen kur ato tregtohen, duke përfshi edhe festat produkti duhet të jetë i sigurt. Kushdo qe vendos në treg për qarkullim produkte të pa sigurta ndëshkohet. Të gjitha ngarkesat me produkte ushqimore, kafshë dhe bimë të cilat importohen ne mënyrë të rregullt i nënshtrohen kontrollit të inspektorëve të Agjencisë se Ushqimit dhe Veterinarisë. Varësisht nga lloji i produktit me kod doganor është e paraparë kontrolli i inspektorit kompetent ( të fushës).”, tha ai.

 “Gjatë kohës se festave rritet qarkullimi i produkteve, në proporcion me ketë shtojmë frekuencën e kontrolleve si autoritet, gjithmonë brenda kapacitetit të inspektorëve qe kemi ne dispozicion. Kur bëhet fjalë për festa të fund vitit, operatoret e biznesit krijojnë produkte qe tregtohen në formë dhurate, ku brenda tyre janë të vendosura njësi të produkteve të ndryshme”, përfundoi ai.

Nga Agjencia e Ushqimit apelohet që konsumatori të ketë kujdes, pas hapjes të shoh datat e skadencës  të secilës njësi, apo secilit produkt qe gjendet brenda dhuratës. Konsumatorët e dinë se ne secilin rast qe hasin dyshime rreth sigurisë se produkteve ushqimore të njoftojnë autoritetin kompetent në ketë rast AUV-në.

“Të festojmë sigurt duke ruajtur shëndetin e qytetarëve”, përfundon Lamir Thaçi.

Nuk ka kuptim të mbarohet kjo temë pa e pyetur një qytetare që përballet pothuajse çdo ditë me çmimet e shtrenjta nëpër marketet vendore.

“Kam qenë këto ditë në disa markete, bashkë me listën e ushqimeve që do të më duhen, sepse kam mysafir për Vitin e Ri. U shokova. Çmimet janë ngritur shumë dhe nuk e di se si do t’ia dalim, sepse kjo është e tepërt. As me 500 euro nuk kompletohemi,” tregon shqetësimin e saj një amvise, e cila shton se: “Nëse deri më parë ka qenë mundësia të kompletohej harxhi me 200-250 euro, kjo gjë tani po e kalon shifrën 500, që do të thotë se është dyfishuar.”

Zonja mendon se tavolina e Vitit të Ri nuk shtrohet nën 500 euro, dhe madje shpreson që në të ardhmen shteti të ketë mirëkuptim, sidomos për ata që nuk kanë pagë mesatare të lartë apo që kanë vetëm një punonjës në familje.

Përfundimisht, festa e Vitit të Ri është një periudhë gëzimi dhe reflektimi, por edhe një mundësi për të rishikuar prioritetet dhe qëllimet personale. Përkundër sfidave ekonomike dhe ngritjes së çmimeve, shumë familje kosovare vazhdojnë të ruajnë traditat e festave, duke u përpjekur të balancojnë shpenzimet me dëshirën për të ofruar një atmosferë të ngrohtë dhe festive për ata që duan.

Si gjithmonë, rëndësia e sigurisë ushqimore dhe cilësisë së produkteve mbetet e pazëvendësueshme për një festë të sigurt dhe të shëndetshme. /UBTNews/

Related Topics:
Continue Reading

Vendi

Rritet numri i viktimave në Poloni, të paktën gjashtë të vrarë nga të shtënat në Krakov

Published

7 hours ago

on

November 7, 2026

By

Numri i viktimave nga të shtënat me armë zjarri në Poloni është rritur sërish.

Të paktën gjashtë persona kanë mbetur të vrarë nga të shtënat në qytetin jugor të Krakovit, ka bërë të ditur administrata rajonale, raporton SkyNews.

Ndërkohë, të paktën 15 persona të tjerë kanë mbetur të plagosur.

Më herët, policia kishte raportuar për të paktën pesë viktima dhe rreth një duzinë të plagosurish, transmeton Ekonomia Online

Ndwrkobw, agjencia Kosovapress ka njoftuar se autori i vrasjes së gjashtë personave sot në qendër të Krakov ishte i veshur me uniformë kamuflazh dhe, sipas portalit polak Wirtualna Polska, ai mbante veshur edhe një jelek antiplumb.

Ish-specialisti i policisë kundër terrorizmit Kuba Jaloszyński beson se pajisjet dhe armët e tij tregojnë se ai po përgatitej për sulm. Deri më tani, policia nuk ka konfirmuar veçmas se ai mbante veshur një jelek antiplumb balistik.

Zëdhënësja e policisë së Krakow, Katarzyna Cislo, konfirmoi për TVN24 se disa armë zjarri dhe municione të tjera u gjetën në veturën e sulmuesit.

Mediat polake raportojnë gjithashtu se vetura është ekzaminuar nga ekspertët e policisë për eksplozivë. Ende nuk është njoftuar saktësisht se çfarë arme ishte, sa u gjetën ose si e siguroi sulmuesi atë.

Sulmi ndodhi sot rreth orës 3 pasdite në qendrën historike të Krakov. Një burrë e drejtoi veturën e tij në sheshin kryesor të qytetit, Rynek Główny, dhe filloi të qëllonte kalimtarët. Ndërsa udhëtonte nëpër qytet, ai qëlloi gjithashtu në një tramvaj të transportit publik, duke thyer dritaren e kabinës së shoferit.

Policia qëlloi dhe plagosi sulmuesin gjatë ndërhyrjes, pas së cilës ai u arrestua dhe u dërgua në spital, ku thuhet se është në gjendje kritike. Dy oficerë policie u plagosën gjithashtu në shkëmbimin e zjarrit. Njëri prej tyre pësoi tri plagë me armë zjarri dhe është në gjendje kritike.

Policia konfirmoi se sulmuesi është shtetas polak dhe mohoi thashethemet se një polic u vra dhe se një sulmues i dytë është në kërkim. Identiteti i të dyshuarit nuk është publikuar ende zyrtarisht. Mediat polake raportojnë se ai është një burrë i moshës 25-vjeç. Policia ende nuk e ka përcaktuar motivin e sulmit.

Continue Reading

Lajmet

Ditari: Lajmet kryesore që shënuan datën 7 nëntor 1992-1998?

Published

17 hours ago

on

November 7, 2026

By

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1992-1998.

7 nëntor 1992

Katër të vrarë e shumë të plagosur nga policia maqedonase

Bilanci tragjik i ndërhyrjes së policisë maqedonase në lagjen e banuar me shqiptarë Bit Bazar të Shkupit, është së paku dy persona të vrarë e me dhjetëra të plagosur.

Shërbimi për Informim i Partisë për Prosperitet Demokratik na njoftoi se dje pasdite, rreth orës l6, policia maqedonase ndërhyri kundër qytetarëve shqiptarë në Bit Pazar, që është qendër tregtare e shqiptarëve. Me këtë rast, policia maqedonase rrahu brutalisht një fëmijë, rreth 14 vjeç.

Ky veprim shkaktoi indinjatë, dhe pastaj reagime të shqiptarëve. Në mesin e qytetarëve të tubuar në Bit Pazar, u përhapën fjalë se fëmiu shqiptar kishte vdekur në spital. Duket se kjo u bë me qëllim që të rritet zemërimi i qytetarëve shqiptarë, të cilët kërkonin informata të sakta për gjendjen e fëmiut të rrahur dhe sqarime nga autoritetet maqedonase.

Ndërkohë, rreth orës 20, pa kurrfarë paralajmërimi policia maqedonase e cila kishte vënë gjendje të plotë shtetrrethimi në këtë lagje të banuar kryesisht me shqiptarë, ndërhyri egërsisht, duke përdorur bomba lotsjellësi, shkopinj gome, e, edhe armët e zjarrit. Sipas disa mjeteve të informimit, policia kishte për qëllim shpërndarjen e masës së madhe në grupe të vogla. Siç informojnë zyrtarët e Partisë për Prosperitet Demokratik, nga të shtënat e policisë u vra Safet Sejfullahu, 25 vjeçar. Mjetet e informimit pohojnë se janë vrarë dy persona. Me dhjetëra janë të plagosur nga armët e zjarrit, ose të lënduar nga intervenimi brutal i policisë. Mbi 85 qytetarë shqiptarë janë arrestuar mbrëmë dhe po mbahen ende në polici. Bëhet me dije se janë demoluar vetura e lokale të shumta në këtë lagje.

Ndërkaq, sot RadioShkupi, në emisionet e veta informative në gjuhën maqedonase, duke u mbështetur në informatat zyrtare, njofton se gjatë mbrëmë në Bit Pazar, janë vrarë dy shqiptarë, një grua maqedonase dhe një person i paidentifikuar ende.

Informata të hollësishme për këtë intervenim të policisë kundër popullësisë shqiptare nuk dhanë as organet zyrtare të Maqedonisë, e as partitë politike shqiptare në Maqedoni, ose degët e tyre në Shkup.

Gjatë natës të gjitha lidhjet telefonike me Shkupin ishin të bllokuara.

Kryetari i Partisë për Prosperitet Demokratik, Nevzat Halili, i deklaroi Qendrës për Informim se tërë kjo që ndodhi në orët e pasditës dhe të mbrëmjes në Bit Pazar ishte një skenar për destabilizimin e gjendjes në Maqedoni, përkatësisht në territoret ku jetojnë shqiptarët.Me këtë akt, policia maqedonase deshi të provokonte pakënaqësinë e grumbulluar për shkak të gjendjes së rëndë politike, ekonomike, kulturore në mesin e popullatës shqiptare. Ne do të insistojmë, tha ai më tutje, që e vërteta për tërë ngjarjen të dalë në shesh dhe që shkaktarët të mirren në përgjegjësi. Ai theksoi se momentalisht situata nuk është dramatike si mbrëmë. Veprimtarët e kësaj partie janë në kontakt me qytetarët shqiptarë dhe po bëjnë përpjekje që të ndërprerjnë daljen e situatës nga kontrolli. Gjendja e të plagosurve dhe e të lënduarëve nuk është në rrezik. Z. Halili shpreson se do të lirohen së shpejti të arrestuarit.

Nga burime të ndryshme, sidomos nga qytetarët shqiptarë që udhëtuan mbrëmë e sot nga Shkupi për në Kosovë, mirret vesh se policia maqedonase po bën një kontroll shumë të rreptë, sidomos në Shkup.

Brenda ditës së sotme pritet që me vlerësime e qëndrime zyrtare të dalin partitë politike shqiptare dhe organet maqedonase.

Qeveria e Maqedonisë, në të cilën shqiptarët kanë pesë ministra, dhe përfaqësuesit e popullit shqiptar në Maqedoni, që përbën rreth 40% të popullsisë, deri më tash nuk kanë arritur marrëveshje për rregullimin e shtetit maqedon dhe statusin e shqiptarëve. Në janar të vitit l992 shqiptarët organizuan një referendum, në të cilin u deklaruan par autonomi politikoterritoriale. Në bisedimet e drejtëpërdrejta me autoritetet maqedonase, si edhe në bisedimet që janë bërë me ndërmjetësimin e përfaqësuesve të Konferencës së Hagës e të Gjenevës, përfaqësuesit e shqiptarëve kanë kërkuar për shqiptarët statusin e kombit shtetformues. Mirëpo, deri më tash këto kërkesa nuk janë përfillur dhe bisedimet nuk kanë dhënë rezultat. Incidenti i djeshëm mund t’ i rëndojë këto marrëdhënie.

 

7 nëntor 1994

Represioni gjatë nëntë muajve në Istog

Gjatë nëntë muajve të kaluar në komunën e Istogut u bastisën 77 familje, u bënë pesë intervenime në institucionet legale, u morën në pyetje 96 shqiptarë, u shënuan dy raste plaçkitjeje ndërsa katër personave u janë marrë pasaportat.

Në raportin periodik të Komisionit për Informim të Degës së LDK-së në Istog thuhet se janë maltretuar 54 persona, 10 të tjerë janë mbajtur në stacionet e policisë deri në 3 ditë, procedura për ndëshkim është inicuar kundër 7 personave, 71 janë rrahur, 2 shqiptarë janë dënuar, ndërsa jtanë kthyer 13 refugjatë.

 

7 nëntor 1995 

Në qendër të Prishtinës u dogjën disa lokale

Dje në qendër të Prishtinës në një ndërtesë dykatëshe shpërtheu një zjarr, i cili u lokalizua pas tri orëve, por stihia e zjarrit dogji tri lokalet e një ndërmarrjeje private. Pas intervenimit të zjarrfikësve u pengua përhapja e zjarrit, i cili kishte përfshirë edhe lokalet e tjera përdhese dhe katin e sipërm të ndërtesës, ku banojnë familje. Sipas njoftimeve të shtypit serb, zjarri shpërtheu për shkak të instalimeve të dobëta të rrymës.

 

 7 nëntor 1996

Dhuna e përditshme në Kosovë

Viti: – Dje, rreth orës 6:00 të mëngjesit, policia serbe ia la thirrjen Musa Misinit, anëtar i Kryesisë së Degës së LDK-së në Viti që të paraqitet në stacionin e policisë serbe në Viti.

  1. Misini u paraqit në polici, kur për rreth gjashtë orë u mor në pyetje për aktivitetin e tij politik.

Kamenicë: – Më 4 nëntor, policia serbe me pretekst të dorëzimit të armëve, thirri Muharrem Avdylin (66) nga Kromenata, i cili edhe u keqtrajtua fizikisht. Ai u urdhërua që të paraqitet sërish dje në polici, ndërsa bëhet e ditur se nga keqtrajtimi fizik i është lënduar syri.

 

7 nëntor 1997

Mitrovicë: Policia mori në pyetje dhe plaçkiti një të ri shqiptar

Dje, rreth orës 12:00 në afërsi të tregut të pemëve në Mitrovicë, policia serbe mori Berat R. Rrahmanin (18) nga Mitrovica, i cili u dërgua në stacionin e policisë serbe në Mitrovicë, njofton KI i Degës së LDK-së në Mitrovicë.

Njoftohet se Berat Rrahmani merret me shitjen e cigareve dhe ai gjatë një ore sa u mbajt në polici, u pyet se kush ka armë në lagjen e tij në “Tavnik”, ndërsa policët edhe i plaçkitën cigare në vlerë prej 320 dinarësh.

Sot, nga ora 8:00 deri në orën 12:00, policia serbe në afërsi të tregut të pemëve në Mitrovicë, legjitimuan dhjetëra të rinj shqiptarë.

 

7 nëntor 1998

Njoftohen emrat e 5 shqiptarëve të vrarë dje në Opterushë të Rahovecit

Nënkëshilli i KMDLNJ-së në Prizren bëti sot të ditur emrat e pesë të rinjve shqiptarë, të vrarë dje nga forcat serbe në Opterushë të Rahovecit.

Të vrarit janë Xhelal Hajda (31) e Selajdin Mullaabazi (30) nga Rahoveci, Bektesh Halili nga Gllavatini i Vushtrrisë, Hamdi Hajrizi nga Strofci i po kësaj komune dhe Nezir Ymeri nga Jezerci i Ferizajt, të gjithë pjesëtarë të UÇK-së. 

Foto: Shkupi

Continue Reading

Vendi

Ekspertja e Hollywood-it ligjëron para studentëve të studimeve të sigurisë në UBT

Published

1 day ago

on

November 6, 2026

By

Fakulteti i Studimeve të Sigurisë në UBT ka organizuar një ligjëratë tematike me një eksperte të industrisë së filmit në Hollywood, producente dhe skenariste, e njohur për kontributin e saj në realizimin e serialit të suksesshëm kriminal Mindhunter.

Ligjërata u zhvillua në kuadër të lëndës Kriminologji, nën udhëheqjen e profesorit Arian Kadriu, ku studentët patën mundësinë të ndërthurin njohuritë akademike me perspektivën praktike të analizës së krimit dhe profilizimit kriminal.

Gjatë këtij aktiviteti, studentët prezantuan projektet e tyre grupore me temën “To Create a Monster”, përmes të cilave krijuan profile të vrasësve serialë, duke analizuar karakteristikat e tyre psikologjike dhe sjellore, motivet, arsyet dhe rrethanat që ndikojnë në formimin e personaliteteve kriminale.

Projektet u prezantuan para ekspertes, e cila ndau vlerësime dhe komente profesionale, duke u ofruar studentëve një perspektivë nga përvoja e saj në trajtimin e personazheve dhe ngjarjeve kriminale përmes skenaristikës dhe produksionit filmik.

Ky aktivitet përfaqëson një mundësi të veçantë për studentët e Fakultetit të Studimeve të Sigurisë në UBT që të zgjerojnë njohuritë e tyre përtej teorisë, të zhvillojnë aftësitë analitike dhe të kuptojnë më thellë mënyrën se si krimi, motivet dhe sjelljet kriminale trajtohen edhe në industrinë ndërkombëtare të filmit dhe televizionit.

 

 

Continue Reading

Vendi

Ngrihet aktakuzë ndaj dy personave në Prizren, synonin marrjen e pasurisë prej 1 milion eurosh

Published

2 days ago

on

November 6, 2026

By

Prokuroria Themelore në Prizren, Departamenti i Krimeve të Rënda, ka ngritur aktakuzë ndaj të pandehurit E.K. për veprat penale “Fajdeja” dhe “Detyrimi”, si dhe ndaj të pandehurit A.K., i cili akuzohet për fajde në bashkëkryerje.

Sipas aktakuzës, nga viti 2021 e tutje, i pandehuri E.K. ka shfrytëzuar gjendjen e rëndë financiare të viktimës B.Ç., duke i dhënë para me kamata dukshëm jo proporcionale. Përmes kësaj skeme, vetëm në emër të kamatave, i pandehuri ka përfituar mbi 400,000 euro nga viktima.

Për më tepër, E.K. e ka detyruar viktimën të paguajë kamatat dhe të mos e denoncojë rastin në polici përmes kanosjeve serioze me vrasje ndaj tij dhe familjes së tij, duke i shkaktuar frikë dhe pasiguri të vazhdueshme.

Në pamundësi për të shlyer borxhin, në këtë marrëdhënie është përfshirë edhe viktima e dytë B.B., nga i cili të pandehurit E.K. dhe A.K. kanë kërkuar shumën prej 550,000 eurosh shkak të grumbullimit të kamatave.

Përpjekja për marrjen e pronave: I pandehuri i ka kërkuar viktimës t’i kalojë në pronësi lokale afariste dhe një shtëpi me vlerë prej rreth 1 milion eurosh për mbulimin e kamatave.

Arrestimi nga Policia: Më 11 mars 2026, gjatë kohës kur të pandehurit po shoqëronin viktimën te përmbaruesi privat dhe noteri për kalimin e pronave, Policia e Kosovës ka ndërhyrë përmes masave të veçanta hetimore dhe i ka arrestuar ata në vendngjarje.

Lidhur me rastin, Prokuroria ka zgjeruar hetimet edhe për “Pastrim të parave”, ka ngrirë disa patundshmëri, si dhe ka propozuar konfiskimin e parave të gatshme, dy automjeteve dhe dokumenteve noteriale. Prokurori i çështjes i ka kërkuar gjykatës shpalljen fajtore të të pandehurve dhe dënimin e tyre sipas ligjit. /E.A/

 

Continue Reading

Të kërkuara