Zëvendësdrejtori i Përgjithshëm i Policisë së Kosovës, Fehmi Hoti, së bashku me stafin e lartë menaxhues, kanë pritur në takim zyrtar ministrin e Punëve të Brendshme, Xhelal Sveçla dhe ministren e Drejtësisë, Albulena Haxhiu.

Në njoftim thuhet se fokusi i vizitës së ministrave, përveç tjerash, ishte te Drejtoria për Hetimin e Krimeve të Luftës, për të parë nga afër punën, angazhimin dhe përkushtimin e kësaj drejtorie në hetimin e krimeve të kryera gjatë luftës dhe sjelljen para organeve të drejtësisë së personave të dyshuar të cilët kanë kryer krime e gjenocid në Kosovë.

“Duke folur për drejtësi për viktimat dhe shoqërinë lidhur me krimet e luftës përfshirë dhunën seksuale, të përdorur si armë lufte në Kosovë, u vlerësua se duhet shtuar edhe më tej angazhimi i përbashkët i hetimit, arrestimit dhe procedimit penal të të gjitha rasteve të krimeve të luftës tek organet e drejtësisë”, njofton Policia e Kosovës.

Në takimin e përbashkët me stafin e lartë menaxhues, pjesë e të cilit ishin edhe stafi i Drejtorisë për Hetimin e Krimeve të Luftës, u ritheksua zotimi për të mos reshtur së hetuari e kërkuari drejtësi për krimet e luftës, si dhe u ofrua mbështetje e plotë ndaj Policisë së Kosovës, e në veçanti ndaj kësaj drejtorie mjaft të rëndësishme.

Ish-presidenti amerikan, Donald Trump është rikthyer në Capitol Hill për t’u takuar me republikanët, në atë që konsiderohet vizita e parë që nga trazirat e mbështetësve të tij në Kongres tri vjet më parë.

Kandidati republikan në zgjedhjet presidenciale të nëntorit dha një mesazh uniteti, duke premtuar se do të “zgjidhte” çdo dallim të vazhdueshëm brenda partisë. Gjatë asaj dite, ish-presidenti u takua me asociacionin e 200 drejtuesve të korporatave.

Nancy Pelosi, ish-kryetarja e Dhomës Demokratike, tha në një deklaratë se Trump është “nxitësi i një kryengritjeje… duke u kthyer në skenën e krimit”.

Vizita vjen dy javë pas dënimit penal të Trumpit për falsifikimin e të dhënave të biznesit në procesin gjyqësor ndaj tish për para në New York./UBTNews/

Britania vendos sanksione të reja ndaj Rusisë. Ky veprim erdhi si reagim ndaj luftës që kjo e fundit po vazhdon ndaj Ukrainës. Sanksionet synojnë të godasin institucionet financiare të Rusisë, industrinë e prodhimit ushtarak dhe flotën ushtarako-detare ruse.

Qeveria britanike beson se sanksionet kanë ndikim të drejtpërdrejtë në financimin e luftës në Ukrainë. Vendosja e sanksioneve është marrë në kordinim me SHBA-në. Sanksionet e para nga vendet perëndimore ndaj Rusisë kanë filluar që në shkurt të vitit 2022, me fillimin e luftës në Ukrainë.

Deri më tani, sanksionet e kanë privuar Rusinë nga  një një buxhet prej 400 miliardë dollarësh.

Mbretëria e Bashkuar ka sanksionuar mbi 2000 individë dhe subjekte të Rusisë. Në to përfshihen 29 banka që përbëjnë mbi 90 për qind të sektorit bankar rus dhe mbi 130 oligarkë që kishin një vlerë neto të kombinuar rreth 180 miliardë dollarë në kohën e pushtimit.

Paketa e re godet dhe një ndër institucionet më të rëndësishme financiare të Rusisë siç është bursa e Moskës, një veprim i bërë më herët nga SHBA./UBTNews/

Komisioni për Shëndetësi dhe Mirëqenie Sociale të premten shënoi 99 vite nga themelimi i Institutit Kombëtar të Shëndetit Publik dhe degëve regjionale me ç’rast në tryezën e mbajtur u diskutuan të arriturat dhe sfidat.

Kryetarja e Komisionit, Fatmire Kollçaku – Mullhaxha, tha se sot është dita e të gjithë përfaqësuesve të IKShKP-së dhe MSh-së.

Zëvendësministrja e Ministrisë së Shëndetësisë, Dafina Gexha, tha se Instituti është  përballë me sfida të kohës, sfida të cilat përgjatë historisë kanë nxjerrë kuadro të shquara.

“Ky moment është historik për të gjithë që kanë punuar e kontribuar për këtë institucion. Teksa reflektojmë per vitin e kaluar ne shohim ndikimin e Institutit për përparimin e shëndetit. Sfidat me të cilat përballemi sot janë komplekse, ne sot reflektojmë mbi arritjet”, tha ajo.

Naser Ramadani, Drejtori i Institutit Kombëtar të Shëndetit Publik, tha se sot është një moment solemn, IKShKP-ja mund të konsiderohet si pikë e shndritshme marrë parasysh të arriturat. IKShKP-ja, do vazhdojë të kujdeset për shëndetin e popullatës për një mjedis të shëndoshë e popullatë.

“Po shënojmë 99 vite që shënon adresimin e problemeve shëndetësore. Ne duhet të kuptojmë rrethanat e vështira në të cilat ka kaluar popullata e Kosovës dhe përpjekjet e mëdha.  Për gjithë këto vite IKShKP-ja ka zbatuar me sukses duke pas vazhdimisht mbështetjen e Ministrisë së Shëndetësisë”, tha ai.

Profesori, Isuf Dedushaj, bëri një rezyme prej kur ka nis punën IKShKP-ja.

“1925 kam folur me Rockfeller në Kosovë nuk ka pas asnjë mjek shqiptar. 1986 kam përfunduar mjekësinë në Universitetin e Vlorës. Presidenti Rugova na ka dekoruar në përvjetorin e 65-të, shpresoj se të dekorohen edhe në 100-vjetorin”, tha ai ndër tjera.

Prezent ishin edhe përfaqësues nga Organizata amerikane WHO, ndaj të cilëve u bë një falënderim për kontributin e dhënë.