Sport

E konfirmon agjenti, mbrojtësi i Kombëtares shqiptare do të transferohet në Serie A

Published

6 years ago

on

Mediat kroate shkruajnë sot pothuajse në kor se stoperi i Hajdukut dhe i ekipit kombëtar të Shqipërisë, Ardian Ismajli, do ta vazhdojë karrierën e tij në Serie A, konkretisht te debutuesit e Spezia.

Ky lajm konfirmohet nga agjenti i lojtarit, Erkan Sulejmani.

Hajduku pritet të marrë kompensim prej 3 milionë eurosh, me Ismajlin që do të nënshkruajë një kontratë për 4 sezone, në të cilët do të fitojë një total prej 4.2 milionë eurosh.

“Po, është e vërtetë. Pas tri ditë bisedash vendosëm që Ardiani të shkonte te Spezia. Ne, gjithashtu, negociuam me Benevento, por Spezia na bindi me ofertën e saj. Kemi arritur një marrëveshje edhe me Hajdukun”, tha Sulejmani.

23-vjeçari duhet të shkojë në Itali për ekzaminimet mjekësore, pas angazhimeve me përfaqësuesen e Shqipërisë, e udhëhequr nga Edoardo Rey, raporton telesport.

Mbrojtësi nga Kosova do të mungojë sonte ndaj Bjellorusisë, për shkak se është i dëmtuar, por ka shpresa të luajë më 7 shtator ndaj Lituanisë në Tiranë, në kuadrin e Ligës së Kombeve. Ismajli është anëtar i Hajdukut që nga shkurti i vitit 2016, kur mbërriti nga 2 Korriku i Kosovës. Ai ka luajtur 93 ndeshje me këtë klub kroat dhe ka shënuar 2 gola.

Fillimisht përfaqësoi Kosovën, kryesisht deri tek U-21, më pas pranoi ftesën e Shqipërisë, ku u bë titular i fanellës kuqezi, të cilën e ka veshur në 11 ndeshje, deri tani.

Spezia e fitoi promovimin në Serie A përmes “play-off”-it, ku rezultoi më e mirë se Frosinone në finale. Kjo është hera e parë në 114 vjet, që klubi në fjalë do të luajë në kategorinë më të lartë të futbollit italian.

Related Topics:
Continue Reading

Vendi

Akil Gjakova mbyll garën pa medalje në Abu Dhabi

Published

5 hours ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

Vendi

Laura Fazliu fiton të bronztën në Grand Slam

Published

6 hours ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Vendi

Laura Fazliu kalon në gjysmëfinale të Grand Slam-it në Abu Dhabi

Published

8 hours ago

on

October 30, 2026

By

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/

Continue Reading

Lajmet

Akil Gjakova mposht nënkampionin e botës

Published

9 hours ago

on

October 30, 2026

By

Akil Gjakova ka shënuar fitore në Grand Slamin në Abu Dabi.

Ai në xhiron e tretë e mposhti bartësin e parë dhe nënkampionin në fuqi të botës, Makhmadbek Makhmadbekovin.

Ndaj tij dominoi prej fillimit, ndërsa fitoi me “Ippon” të bukur në kohën shtesë.

Është kjo fitorja më e madhe e Akilit në vitin e fundit. Ai po garon në kategorinë deri 73 kilogramë, dhe po duket në ditë të mirë. /D.L/

Continue Reading

Të kërkuara