Kosova e nis me barazim ndaj Moldavisë edicionin e ri të Ligës së Kombeve

Published

6 years ago

September 3, 2020

Kosova ka marrë vetëm një pikë në përballjen e parë të edicionit të dytë të Ligës së Kombeve, duke barazuar 1-1 me Moldavinë

Ndeshja që u zhvillua në Parma të Italisë, solli një gol në 45 minutat e parë dhe ishin moldavët që kaluan në epërsi.

Takimi filloi mjaftë mirë për ‘Dardanët’, që rrezikuan portën e Moldavisë qysh në minutën e katërt, ku nga një harkim i Benjamin Kolollit, nuk përfitoi Amir Rrahmani që i iku topi.

Sulmet e Përfaqësueses tonë vazhduan me Milot Rashicën, Valon Berishën e Kolollin, mirëpo goditjet e tyre nuk ishin precize.

Ishte minuta e 19-të kur Moldavia kaloi në epërsi me anë të Ion Nicolaescut e që ishte vetëm tentimi i dytë për ta.

Kosova tentoi të këndellet nga ky gol i pësuar, duke shtuar presionin edhe më shumë ndaj portës moldave.

Deri në fund të pjesës së parë, tanët kishin edhe disa shanse të mira, mirëpo sërish u mungoi konkretizimi.

Pjesa e dytë kishte një ritëm edhe më të lartë nga tanët, që kërkonin ta shënonin golin e barazimit.

Bersant Celina u inkuadrua në minutën e 60-të në lojë së bashku me Florent Hadërgjonajn dhe loja disi filloi të ngjallej.

Pas vetëm katër minutash inkuadrimi, Celina gjuajti në drejtim të portës moldave, mirëpo ishte e plogësht.

Një rast tejet i mirë ishte për Milot Rashicën (65’), duke bërë një goditje të fuqishme, derisa portieri moldav Coselev e largoi me vështirësi.

Momenti më i rëndësishëm për tanët erdhi në minutën e 71-të, atëherë kur Benjamin Kololli pranoi një asistim nga Valon Berisha, për të shënuar një gol të bukur.

Kosova në minutat e mbetur kërkoi fitoren, mirëpo edhe pse e shtuam presionin, ishim të pafat nga gjuajtjet e njëpasnjëshme të djelmoshave tanë.

Foto: FlashScore/Prsc

Ndeshja përfundoi 1-1, derisa gjendja në Ligën C të Grupit 3, ‘Dardanët’ janë lider me një pikë, aq sa kanë Greqia, Sllovenia dhe Moldavia.

Kujtojmë se me 6 shtator do të jemi nikoqir të grekëve në stadiumin ‘Fadil Vokrri’. /Telegrafi/

Premier League, La Liga dhe Bundesliga sjellin ndeshje të zjarrta

Published

22 hours ago

April 24, 2026

UBTNews

Fundjava sjell një agjendë të ngjeshur me ndeshje interesante në ligat kryesore evropiane, ku vëmendja do të jetë te përballjet në Premier League, La Liga dhe Bundesliga.

Të shtunën, në Premier League, dita hapet me ndeshjen mes Fulham FC dhe Aston Villa FC në orën 13:30. Në orën 16:00 zhvillohen disa takime njëkohësisht: Liverpool FC përballet me Crystal Palace FC, West Ham United FC pret Everton FC, ndërsa Wolverhampton Wanderers FC luan ndaj Tottenham Hotspur FC. Në mbrëmje, nga ora 18:30, spikat derbi mes Arsenal FC dhe Newcastle United FC.

Në La Liga, po të shtunën, Deportivo Alavés përballet me RCD Mallorca në orën 14:00, ndërsa në 16:15 Getafe CF luan ndaj FC Barcelona. Në mbrëmje, Valencia CF ndeshet me Girona FC në 18:30, ndërsa në 21:00 zhvillohet dueli mes Atlético Madrid dhe Athletic Club.

Nga Bundesliga, të shtunën në 15:30 1. FSV Mainz 05 pret FC Bayern Munich, ndërsa në 18:30 Hamburger SV përballet me TSG Hoffenheim.

Të dielën, në La Liga, programi nis me Rayo Vallecano ndaj Real Sociedad në orën 14:00. Në 16:15 luhet sfida Real Oviedo – Elche CF, ndërsa në 18:30 CA Osasuna pret Sevilla FC. Dita mbyllet me ndeshjen Villarreal CF – Celta Vigo në orën 21:00.

Në Bundesliga, të dielën në 15:30 VfB Stuttgart përballet me Werder Bremen, ndërsa në 17:30 Borussia Dortmund luan ndaj SC Freiburg.

Fundjava premton spektakël dhe përballje interesante në tri nga ligat më të forta evropiane.

Sport

Drilon Hajrizi shkëlqen, udhëheq Trepçën drejt fitores ndaj Pejës

Published

23 hours ago

April 24, 2026

UBTNews

Basketbollisti Drilon Hajrizi është shpallur MVP i publikut pas paraqitjes së tij vendimtare në fitoren e KB Trepça ndaj KB Peja në ndeshjen e parë.

Hajrizi ishte një nga lojtarët kyç të takimit, duke kontribuar me 17 pikë dhe 6 kërcime, ndërsa u dallua edhe për saktësinë në gjuajtjet për tri pikë, ku realizoi 3 nga 4 tentime.

Me performancën e tij, ai luajti rol të rëndësishëm në momentet vendimtare të ndeshjes, duke ndihmuar Trepçën të sigurojë fitoren e parë në këtë përballje.

Sport

UEFA dënon Prestiannin me gjashtë ndeshje për sjellje homofobike

Published

23 hours ago

April 24, 2026

UBTNews

Futbollisti i SL Benfica, Gianluca Prestianni, është dënuar me gjashtë ndeshje pezullim nga UEFA për sjellje homofobike gjatë një ndeshjeje të Ligës së Kampionëve.

Incidenti kishte ndodhur në përballjen ndaj Real Madrid, në kuadër të plejofit të fazës nokaut në muajin shkurt. Ndeshja e zhvilluar në stadiumin Estádio da Luz ishte ndërprerë për rreth 10 minuta pas akuzave të bëra nga Vinícius Júnior.

Fillimisht, sulmuesi brazilian kishte pretenduar për fyerje raciste, ndërsa Prestianni i kishte mohuar këto akuza, duke thënë se situata ishte keqkuptuar.

Megjithatë, sipas mesfushorit të Real Madridit, Aurélien Tchouaméni, lojtari i Benficas kishte pranuar se komentet e tij kishin qenë me natyrë homofobike.

Pas shqyrtimit të rastit, UEFA ka vendosur ta ndëshkojë Prestiannin me gjashtë ndeshje pezullim, duke theksuar qëndrimin e saj kundër çdo forme diskriminimi në futboll.

Sport

E ardhmja e Zhegrovës te Juventusi në pikëpyetje pas paraqitjeve jo bindëse

Published

23 hours ago

April 24, 2026

UBTNews

E ardhmja e Edon Zhegrova te Juventus është vënë në pikëpyetje, pasi paraqitjet e tij nuk kanë qenë në nivelin e pritur, raporton Calciomercato.

Sipas këtij burimi, drejtuesit e klubit po shqyrtojnë opsionet për të shmangur një humbje financiare, ndërsa ndeshja ndaj Bologna FC 1909 konsiderohet si një moment kyç. Zhegrova, i aktivizuar në minutën e 72-të në vend të Francisco Conceição, nuk arriti të bindë, duke humbur disa topa dhe duke marrë vendime të nxituara në fazën ofensive.

Raportohet se këto veprime nuk i kanë pëlqyer trajnerit Luciano Spalletti, pasi rrezikuan balancën e skuadrës dhe i dhanë mundësi kundërshtarit për kundërsulme.

Sezoni i tij deri tani ka qenë i kufizuar, me 22 paraqitje dhe vetëm 465 minuta në total, një mesatare prej rreth 21 minutash për ndeshje, çka tregon rolin e tij jo të qëndrueshëm në ekip.

Megjithatë, Zhegrova synon të ndryshojë këtë situatë. Sipas burimeve pranë lojtarit, ai u ka kërkuar agjentëve të mos nxitojnë me oferta, pasi dëshiron të fitojë më shumë minuta dhe të dëshmojë vlerën e tij te Juventusi.

Nga ana financiare, klubi torinez e kishte transferuar nga LOSC Lille për rreth 14.3 milionë euro, me bonuse që mund ta çojnë shumën deri në 18 milionë euro. Për të shmangur humbje, Juventusi duhet ta shesë për të paktën 11.4 milionë euro.

Drejtuesit nuk dyshojnë në cilësitë teknike të Zhegrovës, por shqetësimet lidhen me vendimmarrjen e tij në fushë dhe reagimin në momente kyçe.

Vendimi përfundimtar për të ardhmen e tij pritet në fund të sezonit, ndërsa çdo paraqitje e mbetur do të jetë vendimtare për qëndrimin e tij në Torino.