Edhe me një lloj spreji mund ta hiqni ngjyrën nga thonjtë, me llakun e flokëve. Mirëpo, në të njëjtin çast pas spërkatjes duhet të reagoni, sepse llaku shumë shpejt thahet dhe forcohet.

Procedura është e njëjtë si edhe me dezodorantin, mirëpo këtë herë përdorni peshqirë, letër tualeti apo fasoleta të njomura në vend të pambukut, sepse llaku është i ngjitshëm, andaj më vështirë do t’i hiqni mbetjet e pambukut nga thonjtë. /UBT News/

Kafeja është e pasur me antioksidantë si polifenolët, që ndihmojnë në luftimin e radikaleve të lira që shkaktojnë plakjen e parakohshme të lëkurës. Konsumimi i kafesë ose aplikimi ndihmon në mbrojtjen e qelizave të lëkurës nga dëmtimi oksidativ. Kafeina ka efekt në reduktimin e inflamacionit dhe qetësimin e lëkurës së irrituar, duke i dhënë një pamje të freskët dhe të ndritshme.

Kafeja dhe parandalimi i dëmtimeve nga dielli – Një nga përfitimet më të mëdha është mbrojtja që ofron ndaj dëmtimeve nga dielli. Antioksidantët në kafe ndihmojnë në forcimin e lëkurës kundër dëmtimeve të shkaktuara nga rrezet UV, që shkaktojnë njolla, plakje dhe rritje të rrezikut për kancerin e lëkurës.

Eksfolianti natyral me kafe për lëkurë të shëndetshme – Kafeja është eksfoliant i shkëlqyer natyral. Kokrrat e bluara përdoren për të hequr qelizat e vdekura të lëkurës dhe përmirësuar qarkullimin e gjakut, duke dhënë shkëlqim natyral. Aplikimi në lëkurë ndihmon në stimulimin e qarkullimit e rigjenerimin e qelizave, duke e bërë lëkurën të duket e freskët. Shumë produkte për kujdesin e lëkurës ofrojnë maska skrabe me bazë kafeje që janë të njohura për këtë efekt.

Kafeina dhe reduktimi i rratheve të zi – E njohur për aftësinë për të reduktuar rrathet e zinj dhe ënjtjen poshtë syve. Kafeina ngushton enët e gjakut, gjë që ndihmon në zvogëlimin e ënjtjes dhe zbutjen e zonës poshtë syve. Përdorimi i kremrave ose maskave për sytë që përmbajnë kafeinë është mënyrë efektive për të zbutur lodhjen e dukshme dhe për të ndihmuar që lëkura përreth syve të duket më e freskët dhe më e qetë.

Kafeja dhe shëndeti i flokëve – Përveç përfitimeve për lëkurën, kafeja ndikon pozitivisht dhe në shëndetin e flokëve. Ndihmon në stimulimin e folikulave të flokëve, duke përmirësuar qarkullimin e gjakut në skalp dhe përmirësuar rritjen e flokëve. Një larje e butë me kafe të ftohtë është mënyrë e shkëlqyer për të ndihmuar rritjen e flokëve të fortë dhe të shëndetshëm.

Kafeja mund të ndihmojë  në balancimin e yndyrës së skalpit, duke ulur yndyrimin e tepërt të flokëve. Për individët me flokë të yndyrshëm, aplikimi i një skrabi në skalp largon papastërtitë. Ky trajtim natyral ndihmon në mbajtjen e flokëve të pastër për një kohë më të gjatë e përmirëson shëndetin e skalpit.

Antioksidantët dhe mbrojtja nga dëmtimet e mjedisit për flokët Njësoj si për lëkurën, antioksidantët në kafe mbrojnë flokët nga dëmtimet mjedisore, si ndotja dhe rrezet UV, që dëmtojnë flokët dhe t’i bëjnë të duken të thatë dhe pa jetë.

Produkte për kujdesin e flokëve që përmbajnë ekstrakte kafeje ndihmojnë në mbajtjen e flokëve të shëndetshëm me shkëlqim. Kafeja është më tepër se një pije që të zgjon. Me përbërësit e saj të pasur me antioksidantë dhe efektet stimulative, kafeja ofron përfitime të mëdha për kujdesin e lëkurës dhe flokëve.

Duke përfshirë kafenë në rutinën tuaj të bukurisë, qoftë përmes produkteve të kujdesit apo maskave natyrale, mund të  përmirësoni cilësinë e lëkurës dhe shëndetin e flokëve tuaj në mënyrë natyrale dhe efektive./UBTNews/

Bazuar në karakteristikat e njerzëve, ekzistojnë dy lloje të personalitetit, introvert dhe ekstrovert. Kur një person është i rezervuar dhe nuk hapet lehtë, ai thuhet se është një introvert.

Kurse, kur një person është shoqëror, bisedues dhe bën miq shpejt, atëherë tipi i tij është ekstrovert, por këto nuk janë karakteristikat e vetme midis dy grupeve.

“Të gjithë jemi të njëjtë, por të ndryshëm” është një thënie e vjetër, që do të thotë se ne të gjithë kemi të njëjtën natyrë njerëzore, trup, mendje, mendime, ndjenja, e megjithatë çdo individ është unik në mënyrën e vet. Thuhet se “Askush nuk është njësoj”, pasi mënyra e të menduarit, ndjenjës dhe veprimit është e ndryshme nga njerëzit e tjerë, që përfaqëson personalitetin tonë.

Introvertët janë të rezervuar nga natyra, pasi janë të preokupuar nga mendimet dhe ndjenjat. Ata kanë nevojë për shumë hapësirë ​​personale, këta njerëz ndjehen rehat dhe më energjikë kur janë vetëm. Ata preferojnë aktivitete të vetmuara ndaj bashkëveprimit shoqëror i cili përfshin leximin, shkrimin, dëgjimin e muzikës etj. Introvertët i kushtojnë më shumë rëndësi botës së brendshme, sesa asaj të jashtmes.

Shumë njerëz besojnë se introvertët janë të vetmuar, apo kanë ankth ose probleme të ndryshme, por kjo sështë aspak e vërtetë. Introvertët nuk janë aspak të vetmuar, por ata thjesht ndihen më mirë kur janë me pak njerëz, ose kur ndodhen në shtëpinë e tyre.

Ata kanë pak miq, por kjo ndodh sepse nuk e durojnë sipërfaqsinë, dhe miqësitë duhet ti kenë rrënjët e thella. Ata janë dëgjues të mirë, dhe gjejnë zgjidhje dhe problemeve më të vështira, por ata nuk janë aq praktikë, dhe nuk janë aq të lirshëm në njohjet e reja.

Përkufizimi i ekstrovertit

Extrovert i referohet një lloj sjelljeje njerëzore, në të cilën personi pëlqen të rrethohet e ashkëveprojë me njerëzit. Ata janë social dhe të hapur, vetë identiteti i një ekstroverti është se ata gëzojnë bashkëveprimin njerëzor. Ekstrovertë, përqendrohet në realitete praktike sesa në ndjenja dhe mendime të brendshme, kështu që mërziten në vetmi. Një ekstrovert nuk rri vetëm, pasi ndjen se energjia konsumohet. Nuk është i rezervuar, dhe nuk i pëlqen privatësia aq shumë.

Prandaj, kanë tendencë të jenë më sociale, praktike, joformale dhe entuziaste. Atësitë e tyre të komunikimit janë të shkëlqyera. Individët që posedojnë këtë lloj personaliteti gëzojnë tubime sociale dhe u pëlqen të bëhen qendra e tërheqjes së vëmendjes. /UBT News/

Debatet pas debateve shqetësojnë shumë prindër në mbarë botën se kur duhet t’u japin fëmijëve një telefon të mençur ndërkohë që provat kërkimore po shtohen se përdorimi i “telefonëve inteligjentë” mund të ketë efekte negative në shëndetin mendor të tyre.

Një studim i Sapien Labs i botuar vitin e kaluar, që përdori të dhëna nga 27,969 18-24-vjeçarë në 41 vende , tregoi se shëndeti mendor i të rinjve ishte më i keq sa më herët që merrnin smartfonin e tyre të parë. Sipas studimit, rreth 74% e vajzave që morën smartfonin e tyre të parë në moshën gjashtë vjeç thanë se ndiheshin të trishtuara ose të stresuara . Kjo përqindje ka rënë në 52% për ata që kanë marrë smartfonin e parë në moshën 15-vjeçare.

Mes djemve, 42% e atyre që morën telefon në moshën 6-vjeçare përjetuan trishtim ose stres , që ra në 36% për ata që morën smartphone në moshën 18-vjeçare.

Siç raporton rrjeti amerikan CNBC , telefonat inteligjentë janë bërë një pjesë thelbësore e jetës së përditshme në një botë gjithnjë e më në internet dhe shumë prindër duan t’u japin fëmijëve pajisje që ata të gjurmojnë vendndodhjen e tyre dhe të qëndrojnë në kontakt kur dalin nga shtëpia.

Pra, sa herët është më e sigurta për shëndetin e fëmijëve?

Zach Rausch, një studiues në Stern School of Business të Universitetit të Nju Jorkut, tha se është veçanërisht e rëndësishme që telefonat të mbahen larg fëmijëve para adoleshencës . Sipas tij, përdorimi i smartfonëve të shtyhet deri në moshën 14 vjeç dhe rrjetet sociale deri në 16 vjeç dhe do të zbatohej për të gjitha nivelet e arsimit deri në shkollën e mesme, ndalimi i celularëve në shkollë .

Shkolla e mesme është çelësi

Moshat e rekomanduara 14 vjeç për telefonat inteligjentë e 16 vjeç për mediat sociale janë të rëndësishme për dy arsye kryesore:

Adoleshenca e hershme karakterizohet nga pasiguria

Ndjeshmëria e tepruar, të cilat e vështirësojnë këtë periudhë.

Në moshën 12-13 vjeç, vërehet shkalla e lartë e bullizmit, kështu që vonimi i përdorimit të smartfonit parandalon intensifikimin e mëtejshëm të problemit. Kufijtë e moshës janë tregues dhe karakterizohen nga studiuesit, për të përjashtuar fenomenin që gjithnjë e më shumë fëmijë 6 apo 10 vjeç të kenë smartfonin e tyre. /UBT News/