Kulturë
E braktisur në jetimore për shkak të albinizmit, tani Xueli Abbing bëhet modele e revistës më të njohur në botë
Kur Xueli ishte foshnje, prindërit e saj e lanë në jetimore, pasiqë në Kinë albinizmi shihet nga disa si “mallkim”.
Gjendja e rrallë gjenetike shkakton mungesë të pigmentit, që ndikon që lëkura dhe flokët të jenë të zbehta dhe jashtëzakonisht të ndjeshme ndaj rrezeve të diellit.
Por dukja ndryshe e ngriti Xueli Abbing në karrierën e saj të modelimit. Tani 16-vjeçare, ajo ka hijeshuar faqet e Vogue dhe kampanjat për dizajnerët më të njohur në botë.
“Stafi në jetimore më vuri emrin Xue Li. Xue do të thotë borë dhe Li do të thotë e bukur. Unë u birësova kur isha tre vjeçe dhe shkova të jetoja me nënën dhe motrën time në Holandë. Nëna ime tha se nuk mund të mendonte për një emër më të përsosur dhe ajo mendoi se duhej të mbaja një referencë për rrënjët e mia kineze”, u shpreh ajo.
Ndërkaq ajo shton se në kohën kur u lind, në Kinë qeveria kishte zbatuar një politikë ku një familje mund të kishte vetëm një fëmijë. Prindërit e saj ndiheshin jashtëzakonisht të pafat kur panë se bija e tyre ishte me albinizëm.
“Disa fëmijë, si unë, u braktisën, të tjerët ishin mbyllur ose nëse shkonin në shkollë flokët e tyre u lyenin me ngjyrë të zezë”, tha Xueli.
Sipas modeles, në disa vende në Afrikë fëmijët si ajo janë cak i sulmeve, ose ju priten gjymtyrët ose vriten. “Mjekët” magjistarë përdorin kockat e tyre për të bërë ilaçe pasiqë besojnë se mund të shërojnë sëmundjen, por sigurisht që kjo nuk është e vërtetë, këto janë mite.
“Jam me fat që vetëm u braktisa”, shtoi ajo.
E gjithë karriera e saj në modelim filloi rastësisht kur nëna e saj e njoftoi me një stiliste biri i së cilës e kishte buzën e çarë dhe ajo vendosi që të krijonte rroba shumë të bukura për të, në mënyrë që njerëzit të mos e shikonin gjithmonë gojën e tij. Fushtata quhej “Papërsosmëri të përsosura” kur Xueli u bë modele që në moshën 11-vjeçare.
Pas kësaj, ajo ishte ftuar në shumë fotosesione si për Brock Elbank në Londër, pastaj agjencia e modelimit Zebedee Talent e mori Xuelin për të përfaqësuar personat me aftësi të kufizuara në industrinë e modës.
Asaj i pëlqen modelimi pasiqë sipas saj, të dukesh ndryshe është një bekim jo një mallkim dhe mundohet të rrisë ndërgjegjësimin rreth albinizmit. Sipas saj, tani njerëzit me aftësi të kufizuara ose dallime po paraqiten më shumë në media dhe kjo është e mrekullueshme – por duhet të jetë normale.
“Modelet me albinizëm shpesh stereotipizohen për të përshkruar engjëj ose fantazma dhe kjo më trishton. Sidomos sepse përjetëson ato besime që rrezikojnë jetën e fëmijëve me albinizëm në vende të tilla si Tanzania dhe Malavi”, përfundoi Xueli./UBTNews
(Arjeta Ibishi, studente në Media dhe Komunikim në UBT)
Botimet DRINI sjellin dy libra të rëndësishëm të gazetarit të njohur Nehat Islami: “Hotel Bejruti” dhe “Kur vjen kamerieri”.
Të dy përbëjnë dëshmi të çmuara të gazetarisë shqiptare dhe reflektimi mbi periudha historike të ndryshme.
“Hotel Bejruti”, në botimin e tij të tretë, ofron raportime autentike nga vendet e krizave në Lindjen e Mesme gjatë viteve ’70 – Libani, Siria, Iraku, Irani dhe Egjipti – dhe përmban një epilog që pasqyron zhvillimet e mëvonshme.
Si korrespondent i gazetës Rilindja, Islami nuk ishte vetëm raportues, por edhe analist i thellë i ngjarjeve, duke sjellë përvojën e Lindjes për lexuesin shqiptar në formë të letërsisë dokumentare.
“Kur vjen kamerieri” përmbledh artikujt e tij të viteve ’90 në gazetën Bujku, në një periudhë të vështirë për shqiptarët e Kosovës. Shkrimet dokumentojnë realitetin politik dhe social, duke lidhur kontekstin vendor me zhvillimet ndërkombëtare dhe ruajtur shpresën kolektive.
Të dy librat e Nehat Islamit ofrojnë një profil të rrallë të gazetarit të ndershëm dhe të përkushtuar, duke qenë burim referimi për studentë, studiues, diplomat dhe çdo qytetar që dëshiron të kuptojë botën përreth tij.
Me këto botime, Botimet DRINI ruajnë trashëgiminë dokumentare, kulturore dhe profesionale të gazetarisë shqiptare. /A.Z/UBT News/
Filharmonia e Kosovës ka bërë të ditur se do të realizojë ciklin e plotë të koncerteve për piano të Ludwig van Beethovenit, në dy mbrëmje të veçanta koncertale që do të mbahen më 5 dhe 7 nëntor 2025, duke filluar nga ora 19:30.
Në këtë ngjarje të veçantë muzikore, pesë pianistë do të interpretojnë secili nga një koncert për piano dhe orkestër të Beethovenit, të shoqëruar nga Orkestra e Filharmonisë së Kosovës nën drejtimin e dirigjentit Peter Valentovič.
Programi është ndarë në dy mbrëmje:
Më 5 nëntor do të interpretohen Koncertet nr. 1, 2 dhe 4,
Më 7 nëntor do të pasojnë Koncertet nr. 3 dhe 5.
Të dy koncertet do të zhvillohen në Pallatin e Rinisë dhe Sportit, Salla e Kuqe, Prishtinë (Palace of Youth and Sports, Red Hall, Prishtina). /A.Z/UBT News/
Lekë Dukagjini “kthehet në shtëpi”, busti i tij vendoset në Shpenadi të Prizrenit
UBT nënshkruan Deklaratën “Brighton Plus Helsinki” për fuqizimin e rolit të gruas në sport
Drafti i Raportit të Progresit për Kosovën: Përparim i kufizuar për shkak të ngërçit politik
YouTube po ju thotë: “Mjaft me Shorts”, po vjen kohëmatësi i ri
Theret me thikë një person në Podujevë
Kina mohon testet bërthamore, i bën thirrje SHBA-ve të mbajë moratoriumin
Si të kuptoni nëse trupi juaj nuk e duron glutenin?
Gjiganti anglez ofron 120 milionë euro për Rafael Leãon
Zvicra do të luajë ndaj Kosovës pa njërin prej lojtarëve kryesor
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën