Sport
E ardhmja e Mancinit: Një rikthim në stolin e Azzurri-t?
Pas largimit të tij nga drejtimi i kombëtares së Arabisë Saudite, Roberto Mancini ka komentuar zërat që flasin për një rikthim të mundshëm në stolin e kombëtares italiane. Këto spekulime janë intensifikuar pas prishjes së kontratës së tij me federatën saudite, e cila supozohej të kishte përfshirë një shumë të madhe për kompensim.
Në një intervistë me korrespondentin e programit “Striscia la Notizia”, Mancini e mohoi kategorikisht se kompensimi i tij do të arrinte shifra të tilla si 50 milionë euro, të cilat ishin përmendur në disa media. “Më vjen keq. Muajt e fundit kemi bërë një punë të mirë, por ndonjëherë rezultatet nuk vijnë dhe ka pasur pakënaqësi nga të dyja palët,” tha ai, duke theksuar se pretendimet për shuma të mëdha ishin thjesht “gënjeshtra”.
Megjithatë, në mënyrë të papritur, Mancini nuk përjashtoi një rikthim në stolin e kombëtares italiane, duke theksuar se “nuk i dihet kurrë në jetë.” Ai e përshkroi ekipin italian si “ekipi më i rëndësishëm në Itali” dhe përmendi sukseset e tij të mëparshme, përfshirë rekordet e arritura si 37 ndeshje pa humbje.
Roberto Mancini u emërua trajner i kombëtares saudite në gusht 2023 dhe e udhëhoqi atë për 14 muaj, gjatë të cilave arriti të sigurojë vetëm 9 fitore në 21 ndeshje zyrtare. Kjo periudhë e tij me Arabinë Saudite përfundoi me tensione, dhe tani, pas kthimit të tij në qendër të vëmendjes, shumë tifozë dhe ekspertë sportivë po spekulojnë mbi mundësinë e një rikthimi në krye të kombëtares italiane, që e udhëhoqi me sukses në fitimin e Euro 2020.
Mancini ka lënë të kuptohet se çdo gjë është e mundur në futboll, dhe thirrjet për të rikthyer atë në Itali mund të nisin një kapitull të ri në karrierën e tij si trajner./UBTNews/
Federata e Futbollit të Kosovës ka nisur procedurë disiplinore kundër klubit të futbollit ‘Liria’ për ndeshjen kundër Vëllaznimit në Ligën e Parë ku pas përfundimit të ndeshjes tifozët vendas hynë në fushë dhe sulmuan lojtarët e skuadrës mysafire.
“Pas shënimit të golit të vendasve në minutën e 47-të tifozët vendas hedhin fishekzjarre në fushë duke ndërprerë ndeshjen për disa minuta si dhe pas përfundimit të ndeshjes, disa tifozë të FC “ Liria” kalojnë rrethojat dhe hyjnë në fushë për të festuar fitoren, mirëpo disa prej tyre sulmojnë lojtarët dhe stafin teknik të mysafirëve. Si pasojë dy lojtarë të KF “Vllaznimi” kanë pësuar lëndime. Vlen të përmendet se tifozët vendas prej fushës gjuajnë me mjete të forta tifozët mysafirë të cilët ishin në tribuna. Sipas raportit të personave zyrtar dhe xhirimit televiziv në ndeshjen Liria-Vëllaznimi”, thuhet në njoftimin e FFK-së.
Mediat në Gjermani po raportojnë se tre persona janë plagosur të mërkurën pranë gjykatës së Bielefeldit në Gjermani, ku po zhvillohej seanca gjyqësore lidhur me vrasjen e boksierit kosovar Besar Nimani në vitin 2024.
Ngjarja ndodhi pas përfundimit të seancës kur të shtënat u dëgjuan në afërsi të ndërtesës së gjykatës.
Mediat gjermane raportojnë se mes të plagosurve janë dy të afërm të të akuzuarit për vrasjen e boksierit, Huseyin Akkurt dhe se tashmë njëri nga personat e dyshuar për sulmin është arrestuar.
Huseyin Akkurt akuzohet për vrasjen e Besar Nimanit. Ai u arrestua në Bruksel në qershor të vitit 2024 dhe dyshohet se ka bashkëpunuar me Aymand Daëoud Kirit, 33 vjeç, i cili është ende në arrati. Të dyshuarit kishin qëlluar 16 herë në drejtim të boksierit, i cili humbi jetën në vendin e ngjarjes.
Mesjava sjell duelet e javës së 21-të të ProCredit Superligës, që është shtyrë për shkak se palestrat ishin të zëna për Zgjedhjet në Kosovë.
Golden Eagle Ylli dhe Proton Cable Prizreni përballen në një duel mjaft interesant, por edhe shumë të rëndësishëm. Therandasit janë në vendin e gjashtë me tetë fitore e 12 humbje, derisa prizrenasit në vendin e tetë me pesë fitore e 15 humbje. Fitorja është shumë e rëndësishme për të dy skuadrat, duke bërë që të presim një sfidë mjaft interesante.
Dy skuadrat me traditë në basketbollin e Kosovës, Peja dhe Bashkimi përballen po ashtu në një takim mjaft interesant. Pejanët janë në vendin e pestë me dhjetë fitore e dhjetë humbje, kurse prizrenasit në vendin e dytë me 14 fitore e gjashtë humbje.
Dueli i vetëm i së enjtes ndërmjet Borës dhe Trepçës. Prishtinasit janë në vendin e shtatë me gjashtë fitore e 14 humbje, kurse mitrovicasit kanë 14 fitore e gjashtë humbje.
ProCredit Superliga-Java 21
E mërkurë
19:00 Golden Eagle Ylli – Proton Cable Prizreni
19:00 Peja – Bashkimi
E enjte
19:00 Bora – Trepça
FFK merr vendim për ndeshjen Liria-Vëllaznimi
Nis numërimi i votave të diasporës
Profesorët e UBT-së publikojnë studimin shkencor mbi ndikimin e titujve të gazetave në Ballkanin Perëndimor
Plagosen tre persona gjatë seancës gjyqësore për vrasjen e boksierit Besar Nimani
120 euro në vit për person – Prishtina cakton çmimin e biletës vjetore të udhëtimit për korporatat dhe ndërmarrjet lokale
Koalicioni PDAK – LPB pretendon se Partia e Ashkalinjëve për Integrim ka orkestruar votat e diasporës
Dogana gjen barna të kontrabanduara në Pejë
Lavrov kundërshton presidentin Trump për trupa paqeruajtëse evropiane në Ukrainë
Vuçiq do të arrijë në Banja Llukë sonte me ftesë të Dodik
-
Magazinë2 months agoKy mendohet se është djali 20 vjeçar i Parashqevi Simaku, Luke Nohfe
-
Bota1 month agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month agoFluturimet e dëbimit kanë filluar, thotë Shtëpia e Bardhë
-
Bota1 month agoShtëpia e Bardhë: Armëpushimi në Liban do të zgjatet deri më 18 shkurt