Sport

Dybala thotë se e kishte urryer Ronaldon kur ishte fëmijë

Kjo për shkak të prejardhjes së tij argjentinase.

Published

on

Paulo Dybala i kishte thënë Cristiano Ronaldos se ai e kishte urryer atë sa kishte qenë fëmijë, gjatë kohës kur dyshja ishin bashkëlojtarë te Juventusi, për shkak të prejardhjes së tij argjentinase.

Dybala dhe Ronaldo kaluan tre sezone së bashku para se superylli portugez të bënte një rikthim dramatik te Manchester United në verën e vitit 2021, ku asokohe arritën ta fitojnë titullin e Serie A dy herë.

Por, të luash përkrah njërit nga futbollistët më të mirë të gjitha kohërave ishte ende një ndjesi e çuditshme për Dybalan, besnikëria e të cilit në këtë debat është qartësisht në favor të heroit të tij kombëtar, Lionel Messit.

Duke folur për “DAZN”, Dybala zbuloi se i kishte treguar Ronaldos se sa shumë e kishte urryer atë kur argjentinasi ishte fëmijë.

“Ishin tre vite të mira me Cristianon, skuadra ishte e fortë dhe ai na dha neve diçka më shumë. Rivaliteti mes tij dhe Lionel Messit është i theksuar shumë në Argjentinë, dhe si fëmijë, sigurisht, unë mbaja gjithmonë anën e Messit”, tha Dybala.

“Një herë ishim në aeroplan duke shkuar për të luajtur një lojë, unë isha mbrapa ndërsa ai ishte ulur më para meje. Dikur ai erdhi të fliste me mua për futboll dhe gjëra të tjera. Ne biseduam për jetët tona në përgjithësi kështu që unë i thash atij ‘Në thelb të urreja si fëmijë’. Qeshëm së bashku. Ne gjithmonë kemi pasur një marrëdhënie të mirë, biseda të mira”, shtoi më tej Dybala.

Ndërsa Ronaldo ndau rrugët me Juventusin në vitin 2021, Dybala e bëri të njëjtën gjë një vit më vonë, duke u larguar drejt kryeqytetit italian dhe skuadrës së Jose Mourinhos, AS Romas.

Pavarësisht disa problemeve me lëndime, 29 vjeçari e ka vendosur vetën si lojtar kyç të Romës, duke kontribuar në 25 gola në 34 ndeshje këtë sezon, dhe duke ndihmuar “Giallorossët” drejt gjysmëfinales së Ligës së Evropës.

Sport

Marcus Rashford ‘nuk dëshiron’ të luajë sërish nën drejtimin e Ruben Amorimit

Published

on

Sipas BBC, Marcus Rashford nuk pritet të luajë përsëri për Manchester United, ndërsa Ruben Amorim mbetet në krye. 

27-vjeçari, aktualisht i huazuar në Aston Villa , ka rizbuluar formën me katër gola që nga transferimi i tij në shkurt – duke përfshirë një në humbjen e fundit 2-1 ndaj Manchester City.

Megjithatë, pavarësisht se ka kontratë me Man United deri në vitin 2028, marrëdhënia e Rashford me Amorim duket e tensionuar.

Edhe pse Rashford besohet të jetë i hapur për një rikthim në “Old Trafford”, ai nuk dëshiron të luajë nën drejtimin e Ruben Amorim.

Amorim e përjashtoi Rashfordin nga skuadra në dhjetor dhe nuk e ka përzgjedhur atë në skuadrën e ndeshjes, përveçse e emëroi atë një zëvendësues të papërdorur në humbjen ndaj Newcastle.

Continue Reading

Sport

Mbrëmje vendimtare në “Fadil Vokrri”: Prishtina në kërkim të biletës për finalen e Kupës së Kosovës

Published

on

Emocione të mëdha priten sonte në kryeqytet, ku Prishtina do të përballet me Dritën në ndeshjen e kthimit të gjysmëfinales së Kupës së Kosovës.

Dueli zhvillohet në stadiumin “Fadil Vokrri” dhe nis në orën 20:00 – një përballje që pritet të vendosë se cila skuadër do ta shohë veten në finalen e madhe.

Të përzgjedhurit e Arsim Thaqit vijnë me një epërsi të lehtë, por të vlefshme, falë fitores minimale 0:1 në ndeshjen e parë në Gjilan.

Heroi i asaj sfide ishte Ardian Muja, i cili realizoi golin e vetëm të takimit në minutën e 6-të, duke i dhënë Prishtinës avantazhin e parë drejt trofeut.

Tani, me mbështetjen e publikut vendas dhe me një këmbë në finalen e ëndërruar, bardhekaltrit do të kërkojnë të mbyllin llogaritë me Dritën dhe të shkruajnë një tjetër faqe suksesi në këtë sezon.

Do të jetë një natë që premton tension, spektakël dhe ndoshta – një vend në histori.

Continue Reading

Sport

Thomas Muller refuzoi ofertën e klubit të Serie A

Published

on

Fiorentina thuhet se ka bërë një përpjekje për të nënshkruar me Thomas Muller si lojtar i lirë në fund të sezonit, por që sulmuesi i Bayern Munichut ka refuzuar propozimin e tyre.

35-vjeçari së fundmi është bërë i disponueshëm në treg pasi klubi i tij njoftoi se nuk do të rinovonte kontratën e tij, që do të thotë se qëndrimi i tij 17-sezonal në Allianz Arena do të përfundojë.

Duke pasur parasysh klasin e përvojën fituese, Muller pritet të tërheqë interes nga shumë klube evropiane, duket se Fiorentina lëvizi shpejt për të provuar dhe siguruar shërbimet e tij.

Gazetari i Sport Bild, Christian Falk konfirmoi se Viola i kishte ofruar Mullerit një lëvizje në Stadio Artemio Franchi në fund të sezonit, ai gjithashtu shtoi se lojtari nuk është ‘i interesuar’ për t’iu bashkuar Serie A.

Muller kohët e fundit shënoi në ndeshjen e parë çerekfinale të Ligës së Kampionëve kundër Interit në Allianz Arena, megjithëse barazimi i tij i përkohshëm u ndoq shpejt nga goli fitues i Davide Frattesit, i cili përfundimisht çoi në fitoren e përgjithshme 4-3 të Nerazzurrëve pas ndeshjes së kthimit në San Siro.

Continue Reading

Sport

Kosova U16 fiton ndaj Andorrës

Published

on

Përfaqësuesja U16 e Kosovës në futboll e ka fituar edhe ndeshjen e dytë në kuadër të turneut zhvillimor të UEFA-s, që po mbahet në Tiranë.

Kosova U16 të martën fitoi ndaj Andorrës me rezultatin 2:1. “Dardanët” e rinj ditë më parë e mposhtën San Marinon me rezultat shumë të thellë, 7:0.

Unejs Mustafa i realizoi dy golat për fitoren e Kosovës U16. Mustafa golin e parë e shënoi në minutën e 41-të kurse golin e dytë e realizoi në minutën e 48-të.

Ndërkohë golin e vetëm për Andorrën e realizoi Oëen Soriano në minutën e 90-të.

Të përzgjedhurit e selektorit, Mehmed Kurda, ndeshjen e fundit në kuadër të turneut zhvillimor e zhvillojnë të premten ndaj Shqipërisë.

 

Continue Reading

Të kërkuara