15 mars 1993

Lajmet kryesore:

Dr.Ibrahim Rugova: Plani paqësor për Kosovën po has në mirëkuptim në bashkësinë ndërkombëtare;

Protestë masive e shqiptarëve në Bon të Gjermanisë;

Kryetari i Federatës të Shkencëtarëve të Amerikës po qëndron në Kosovë;

Xheremin Stone vizitoi Qendrën për Informim të Kosovës;

Policia serbe arrestoi dr.Zekeria Canën;

Shuarja e barnatoreve në Kosovë;

Nazmi Peci u shkarkua nga detyra e kryetarit të Këshillit Qendror për Zvicër për grumbullimin e mjeteve financiare;

Kërkohet që Fabrika e Municionit në Skënderaj të transferohet në Zubin Potok;

Në Pejë vazhdon aksioni policor serb për kërkimin e armëve;

Faik Novobërdaliu u ftua gjashtë herë në bisedë informative;

Kosova – çelës i Ballkanit.

 

Në Istog polici serb vrau romin Bajram Çakaj

Parmbrëmë rreth orës 22, në qendër të Istogut, polici serb, Dragosllav Piskuliq, për shkaqe ende të panjohura, me dy të shtëna nga revolja, vrau Bajram Çakajn (l947), me përkatësi rome nga fshati Potërq i Klinës. Bajrami vdiq rrugës për në spitalin e Pejës. Organet serbe të hetuesisë, dolën në vendin e ngjarjes që në orët e hershme të mëngjesit.

Mirëpo, deri tani, ata nuk dhanë asnjë kumtesë lidhur me rastin.

 

 

15 mars 1994

Lajmet kryesore:

Kryetari Rugova priti delegacionin e Lidhjes së Gazetarëve të Kosovës;

Masmediumet gjermane për tubimin e madh të shqiptarëve në Bon;

Fjala e Hans Shterkenit, kryetar i Komisionit për Punë të Jashtme në Bundestagun Gjerman ;

Telegrame të shumta tubimit protestues të shqiptarëve në Bon;

Shtypi serb për tubimin protestues të shqiptarëve në Bon;

Adem Demaçi po qëndron në Gjermani;

Beogradi tregon qartë se do të pengojë kthimin e shqiptarëve nga Gjermania në Kosovë;

Kryetari i “Bella Ruzhës” paralamëron frontin e jugut;

Në Prishtinë jipen troje falas për serbët.

 

Represioni në Kosovë

Podujevë: – Dje, rreth orës 10, policia serbe nën pretekst të kërkimit të armëve bastisi familjen e Arif Ejupit, kryetar i Nëndegës së LDK-së në Gllamnik të Podujevës. Pas bastisjes policia e mori me vete Arif Ejupin në stacionin e policisë në Podujevë, i cili siç bëhet me dije u rrah brutalisht. Njoftohet se Arif Ejupi më pas u rrah nën pretekst se kinse ai qenka organizator i shtabit të mbrojtjes në regjionin e Podujevës.

Arif Ejupi u lirua me kusht që të lajmërohet sot në stacionin e policisë në orën 13.

Bëhet me dije se vëllait të Arifit, Ahmet Ejupit (1955), i cili punon përkohësisht në Austri, policia serbe ia mori dy vetura, për të cilat dispononte me dokumentacion të rregullt.

Gjithashtu dje rreth orës 10, policia serbe arrestoi, Idriz Hetemin (1965) anëtar i Kryesisë së Nëndegës së LDK-së në Gllamnik të Podujevës. Idriz Hetemi u arrestua nën pretekst të kërkimit të armëve, derisa më 9 mars policia serbe nga babai i Idrizit, Shaqir Hetemi pat konfiskuar një pushkë të vjetër.

Mitrovicë: – Më 12 mars, në orët e hershme të mëngjesit, policia serbe kërkoi në shtëpinë e tij Enver Sh.Brahimin në lagjen “Tavnik” të Mitrovicës, i cili ka dy vjet që gjendet në Gjermani.

Kjo është hera e tretë që policia serbe kërkon Enver Sh.Brahimin për të dërguar me dhunë në ushtrinë serbe.

 

15 mars 1995

Lajmet kryesore:

Kryetari Rugova priti udhëheqjen e Institutit Albanologjik;

Presidenti Berisha priti ministrin Papulas;

“The Guardian” rreth vizitës së Papuliasit në Tiranë;

Kumtesë për opinion e PPK-së;

Simpoziumi shkencor në 30-vjetorin e vdekjes së Nolit;

Grupi i krijueseve dhe veteraneve të arsimit përkujtoi 30-vjetorin e vdekjes së Fan S.Nolit;

Shefi i Komitetit Ndërkombëtar të Kryqit të Kuq vizitoi KMDLNJ në Prishtinë;

Familjes Zajmi dhe ASHA të Kosovës po i arrijnë telegrame ngushëllimi;

Shtypi serb për varrimin e akademik Gazmend Zajmit;

Një serb rrënoi rrethojën e varrezave në Slivovë;

Një polic keqtrajtoi mbi dhjetë shqiptarë në stacion të autobusëve në Mitrovicë;

Në Rahovec një familje shqiptare u nxor me dhunë nga banesa;

Policia ndërhyri në SHF “Sulejman Vokshi” në Broboniq të Mitrovicës;

Arsimtari Shemsi Pllana u dënua me 15 ditë burg;

Policia ndërhyri sërish në SHMT “Marin Beçikemi” në Vushtrri;

1. Pano: Bashkimi shqiptar në mënyrë paqësore;

Mbetet e pasqaruar vdekja e të resë Ilirianë Vuçitërna;

Riorganizohet administrata komunale në Preshevë;

Sipas shtypit serb, policia italiane keqtrajton dhe rrah pasagjerët që shkojnë nga Tivari në Bari;

Komentet e shtypit serb për rezolutën e fundit të OKB;

Gazetat njoftojnë për “hyrjen e disa shqiptarëve” në sistemin serb.

 

 

Dhuna e përditshme në Kosovë

Ferizaj: – Më 10 mars, policia serbe arrestoi Hajrush Bajramin, me pretekst se ai ka falsifikuar pasaporta dhe se denoncimin ndaj tij e ka bërë polici Shaban Bucaliu nga Ferizaj, djalit të të cilit Hajrushi ia kishte falsifikuar një pasaportë, me të cilën ai kishte tentuar të ikte nga shtëpia.

Më 12 mars, policia bastisi shtëpinë e Adem Shabanit nga Ferizaj, nga i cili morën një revole të markës “Parabellum” dhe një karabinë, të cilat ky i mbante me leje. Policia ia lanë ftesën Ademit që të paraqitet në polici.

Më 12 mars, rreth orës 3:00 të mëngjesit, me pretekst të kërkimit të armës, policia bastisi shtëpinë e Sylejman Jasharit (1942) nga fshati Zaskok. Sylejmanit dhe djalit të tij Nuhiut iu lanë thirrjet që të paraqiten dje në QS në Ferizaj.

Prizren: – Më 9 mars në tregun e Malishevës, policia serbe me qëllim të plaçkitjes së devizave, keqtrajtoi rëndë Muhamet Gashin nga Landovica.

 

 

15 mars 1997

Lajmet kryesore:

Shenja të qetësimit të gjendjes në Shqipëri;

Presidenti Berisha deklaroi se nuk ka ndërmend të jap dorëheqje;

Në Shqipëri u sulmuan dy helikopterë ushtarakë amerikanë;

Ish-ministri i mbrojtjes Safet Zhulali iku në Itali;

Koen: Intervenimi i SHBA-ve nuk planifikohet, por edhe nuk mund të përjashtohet;

Nikolas Bërns: Shqipëria duhet të ruhet edhe si shtet edhe si qeveri;

Përfaqësia e Kosovës në Tiranë funksionon normalisht;

Ambasada e Shqipërisë në Beograd nuk është mbyllur!;

Incident i sërishëm në kufirin Maqedoni – Shqipëri;

Një granatë shqiptare e lansuar nga Korça ra në territorin e Greqisë;

Demonstratat në Maqedoni po eskalojnë edhe me incidente;

Në aferën piramidale “TAT” janë involvuar edhe funksionarë të lartë të Maqedonisë;

Gjatë vitit 1996 u vranë 26 gazetarë.

 

 

Dhuna e përditshme në Kosovë

Prishtinë, 15 mars (QIK)

Gjilan: – Më 13 mars, policia serbe kërkoi në shtëpinë e tij, Rahim Hoxhën nga Cërnica. Atij iu la thirrja që të paraqitet po këtë ditë në stacionin e policisë në Gjilan.

1. Hoxha nga inspektori i sigurimit serb, Paviq u pyet për aktualitetin politik, si dhe për disa probleme në kolektivin e shkollës fillore në Cërnicë.

Rahim Hoxha u pyet edhe për djalin e tij Malazog Hoxhën, kryetar i Nëndegës së FR të LDK-së në Cërnicë.

Po këtë ditë në pyetje u mor edhe Ejup Sylejmani, kryetar i Nëndegës IV të FR të LDK-së në Gjilan. Ejup Syelmani u pyet për aktivitetin e Degës së FR të LDK-së në Gjilan, për procedurën e zgjedhjeve, si dhe për çështje të tjera të aktualitetit politik.

Më 9 mars, policia serbe, me pretekst të kërkimit të armëve mori në shtëpinë e tij Emrush Dubovën nga Gjilani. Ai nga ora 8:00 deri në orën 13:00 nga policia serbe është shëtitur nëpër rrugët e Gjilanit, ndërsa më vonë është dërguar në stacionin e policisë në Kamenicë dhe është keqtrajtuar fizikisht.

Pas keqtrajtimit fizik, Emrush Dubova është hedhur i alivanosur në rrugë.

Mitrovicë: – Më 10 mars, tre policë serbë ishin në shtëpinë e Ali Hasanit në Vinarc dhe kërkuan djemtë e tij Musa dhe Demir Hasanin. Ata u urdhëruan që të paraqiten në polici me pretekst të dorëzimit të një revoleje. Vëllezerit Hasani u liruan me kusht që të paraqiten sërish të nesërmen në polici. Meqë nuk kishte se çka të dorëzojnë, ata janë urdhëruar që të paraqiten edhe më 14 mars, ndërsa bëhet e ditur se policia i ka urdhëruar që të paraqiten në polici edhe më 17 mars të këtij viti.

Gllogoc: – Më 13 mars, policia serbe me pretekst të kërkimit të armëve mori në shtëpinë e tij në fshatin Obri, Hajdin Hysenajn, anëtar i Kryesisë së Degës së LDK-së në Gllogoc. Pasi u mor në pyetje, z. Hysenaj u urdhërua që të paraqitet sërish në polici më 17 mars.

Prizren: – Rexhep Temaj nga Prizreni u kërkua tri herë nga policia serbe. Ai ka kohë që gjendet në Bosnje, ku punon si bukëpjekës.

 

 

15 mars 1998

Edicioni i parë (Ora 11:30):

Këshilli i Përgjithshëm i LDK-së zgjodhi Kryesinë e re të LDK-së;

Grupe policësh kontrollojnë 17 km. rrugë prej Mitrovicës në Klinë të Epërme;

Kisha evangjeliste gjermane dhe RTL ndihmojnë Drenicën;

Lëvizje të forcave serbe në drejtim të Skënderajt.

 

Edicioni i dytë (Ora 14:45):

Manifestime madhështore e mesha në kishat shqiptare në përkujtim të viktimave të terrorit serb në Drenicë;

Konferencë për gazetarë e drejtuesve të Komisionit Republikan të Zgjedhjeve;

Kinkël kërkon forca ndërkombëtare për Kosovën;

1. Solana: Millosheviqi do të jetë i detyruar ta pranojë ndërmjetësimin për Kosovën;

Konferenca e Parisit mbi Kosovën mbahet para 25 marsit;

Mazovjecki: Bota nuk ka nxjerrë mësim nga lufta në Bosnje e Hercegovinë;

Shqipëria kërkon Flotën e Gjashtë;

Me masa kërcënuese politike-ekonomike mbi Beogradin pengohet shpërthimi i luftës në Kosovë;

Hungarezët kundër pjesëmarrjes së tyre në aksionet propagandistike të qeverisë serbe në Kosovë;

Një shoqatë e intelektualëve të Beogradit kërkon hetime për masakrat në Drenicë;

Problemi i Kosovës nuk mund të zgjidhet pa ndërmjetësimin ndërkombëtar;

Persona të panjohur dëmtuan shtëpinë e Asllan Asllanit;

Në Kosovë do të bëhet ekspertiza e masakrës serbe;

Forcat ndërkombëtare duhet të përqendrohen në rajonin e Kosovës;

Persona të maskuar plagosën burrë e grua;

Redaksia e “Botës së re” reagon kundër dhunës së policisë serbe ndaj krijuesve, shitësve e lexuesve të kësaj gazete.

 

Forca të mëdha serbe u vendosën në oborrin e Fabrikës së Municionit në Skënderaj

 

Nga Mitrovica në drejtim të Skënderajt, që nga orë 9 deri pas orës 12 kanë shkuar sot forca të mëdha të policisë serbe, njofton KI i Degës së LDK-së në Mitrovicë.

Në drejtim të Skënderajt kanë shkuar sot 13 autobusë, 1 autoblindë, 6 kamiona, prej tyre dy të ushtrisë serbe, 21 pizgauerë, 1 kombi, 5 xhipa dhe 3 vetura të policisë, të mbushura përplot me policë serbë.

Në drejtim të Skënderajt kanë shkuar pas pak kohësh edhe 4 autobusë, 9 pizgauerë dhe tri vetura të policisë, të cilat kanë ardhur nga drejtimi i Leposaviqit.

Burimet e LDK-së njoftuan në orën 10:00 se grupe policësh po mbanin nën kontroll të rreptë rrugën Mitrovicë – Skënderaj, ndërsa reth mesditës në të dy anët e e rrugës ishin dyfishuar forcat.

Lëvizjet e forcave serbe në drejtim të Skënderajt vazhduan edhe rreth orës 13, kur në këtë drejtim shkoi një kamion me targa të policisë, i cili ishte i mbushur përplot me armë dhe kishte një kanatë anësore të hapur. Kamioni përcillej nga një veturë e tipit landrover me targë të Beogradit.

Gjatë parakalimit nëpër Mitrovicë, policët ua drejtonin armët qytetarëve dhe i provokonin ata.

Një përfaqësues i Degës së LDK-së në Skënderaj tha se autobusët e automjetet e forcave serbe hynë në oborrin e Fabrikës së Municionit në Skënderaj dhe pas pak kohësh dolën të zbrazura dhe shkuan sërish në drejtim të Mitrovicës.

Burime të LDK-së bëjnë me dije se mbrëmë nga ora 18 deri në orën 19, janë dëgjuar të shtëna nga armët artilerike në afërsi të fshatit Morinë të Skënderajt, ku ndodhet aeroporti bujqësor dhe ku është e stacionuar policia serbe.

Druhet se mund të jetë shtirë në drejtim të ndonjë fshati të afërm, ndonëse tash për tash kjo nuk ka mundësi të konfirmohet, për shkak të bllokadës së plotë nga policia serbe dhe pamundësisë së sigurimit të informacionit të plotë.

Pas ekspeditave serbe dhe masakrimit të së paku 80 shqiptarëve, shumica gra, fëmijë e pleq, në Drenicë sot sundon një gjendje frike e ankthi nga rreziku i ndonjë aksioni të ri të forcave serbe.

Dega e LDK-së në Skënderaj i bënë thirrje edhe njëherë bashkësisë ndërkombëtare që të ndërhyjë energjikisht për të parandaluar një masakër të ri të popullsisë shqiptare në Drenicë.

 

 

Edicioni i tretë (Ora 16:40):

Situatë edhe më tej e rëndë në komunën e Klinës;

Partia Demokratike e Turqve kundërshton letrën e disa gazetarëve turq dërguar qeverisë serbe.

 

Edicioni i katërt (Ora 19:00):

Kryetari Rugova priti drejtorin e Qendrës për Studime Ndërkombëtare në Veneci;

Vazhdojnë lëvizjet e forcave serbe në drejtim të Skënderajt;

Llaushë: Ndërrohen forcat që mbajnë të rrethuar fshatin, të shtëna në mëngjes e në mesditë

Dha 3.000 DM për Drenicën;

Policia serbe rrahu disa gjilanas që morën pjesë në homazhin bërë viktimave të Drenicës.

 

 

15 mars 1999

Edicioni i orës 10:00:

Policia serbe vrau 4 anëtarë të familjes Tafaj nga Grejkoci i Suharekës

Katër anëtarë të familjes Tafaj nga Grejkoci i Suharekës, Xhemajl H. Tafaj (42), Ismajl H. Tafaj (35), Rizah I. Tafaj (19) dhe Ibrahim Xh. Tafaj (16), u vranë dje rreth orës 15:00 nga policia serbe në malet midis fshatrave Grejkoc e Mushtisht, njofton KI i Degës së LDK-së në Suharekë.

Ata kishin shkuar në mal për t’u furnizuar me dru, ndërsa njëri nga anëtarët e kësaj familjeje, i cili arriti të shpëtojë, tha se anëtarët e familjes së tij u vranë pa kurrfarë shkaku nga policia serbe.

 

Në Zabllaq të Istogut u gjetën trupat e pajetë të dy burrave;

Vushtrri: Që nga ora 6.30 kanë filluar granatimet me intensitet të madh;

Granatime të fuqishme në drejtim të fshatrave të Llapit;

Vazhdojnë sulmet e forcave serbe drejt fshatit Sferkë të Klinës;

Edicioni i orës 11:00:

 

Rihapet konferenca për Kosovën në Paris;

Forcat serbe po granatojnë disa fshatra të Mitrovicës, Vushtrrisë e Skënderajt;

KMDLNJ: Nga Serbia në Kosovë hyri një konvoj i madh i forcave serbe;

Mitrovicë: Forcat serbe shtien me armë drejt dy banorëve shqiptarë të Vaganicës;

Tregtarët shqiptarë sot do të bëjnë homazh në tregun e Mitrovicës;

Vushtrri: Mësimi ndërpritet deri më 22 mars.

 

Edicioni i orës 13:00:

Delegacioni i Kosovës paralajmëron nënshkrimin e Marrëveshjes;

1. Vedrin: Bisedimet në Paris nuk do të zgjaten si ato në Rambuje;
2. Kuk: “Beogradi do t’i presë pasojat, nëse e kundërshton paqen”;

Ministrat e UE-së ftojnë palët që ta nënshkruajnë marrëveshjen;

Prizren: Afër fshatit Jeshkovë u gjetën edhe dy të vrarë;

Podujevë: Në Metohi u varros Besnik Shabani;

Kërkohet gjak për të plagosurit në Podujevë e Mitrovicë;

Deçan: Të shtëna të forcave serbe në drejtim të fshatrave Ratish e Dashinoc;

Deçan: Në postblokun e policisë në Raushiq policia serbe arrestoi një shqiptar;

Kamenicë: Forca të mëdha serbe janë grumbulluar në oborrin e SHF “F. Noli”;

Afishe të falsifikuara, me shenjën e OSBE-së, u shpërndanë edhe në fshatrat e Deçanit.

 

Istog: U identifikuan të vrarët që u gjetën në fshatin Zabllaq

 Prishtinë, 15 mars (QIK) – U bë identifikimi i dy trupave pa jetë që u gjetën sot në mëngjes, në Zabllaq të komunës së Istogut. Këta janë Rrahman Morina (35) nga fshati Baicë i komunës së Istogut dhe Shaban (Hajredin) Ramçaj (50) nga Banja e Pejës.

Dëshmitarët okularë kanë pohuar se viktimat i kishin gjysmë të zhveshura këmishët, kurse fytyrat e tyre ishin të përgjakura. Dyshohet se ata janë vrarë nga afërsia.

 

Edicioni i orës 13:00:

Ndërhyrje e forcave serbe në disa fshatra në rrugën Prishtinë-Podujevë;

Në Gjakovë policia serbe arrestoi rreth 20 civilë shqiptarë dhe i dërgoi në drejtim të panjohur;

Civilë të shumtë shqiptarë nga fshatrat e Klinës kanë mësyer drejt komunës së Malishevës;

SHHB “Nëna Tereze”: Gjendje tepër e rëndë e banorëve të fshatrave të Klinës e Malishevës;

PSHDK: Aktet terroriste në Mitrovicë dhe në Podujevë janë bërë me një skenar të caktuar serb;

BSPK: Vendosja e bombave në vendet urbane në Kosovë – veprim i forcave të errëta serbe;

Ambasadat e huaja në Beograd qysh sot duhet të marrin vendimin për evakuimin urgjent;

1. Petriç: Nuk ka nënshkrim të veçantë politik nga ai ushtarak i marrëveshjes;

Sipas shtypit serb mekanizmi me eksploziv ka qenë i vendosur nën një banak.

 

Edicioni i orës 15:30:

 

Rahovec: Dje në Kramovik u gjet trupi i pajetë i një shqiptari

Prishtinë, 15 mars (QIK) – Trupi i pajetë i Zyber Kadri Morinës (55) nga fshati Gexhë i Rahovecit është gjetur dje pasdite në fshatin Kramovik, njofton KI i Degës së LDK-së në Rahovec.

Në njoftim thuhet se për fatin e tij nuk dihej që nga 24 shkurti, kur ai u mor nga policia serbe në stacionin e autobusëve në Prizren.

 

Kryesia e LDK-së dënon aktet terroriste në Mitrovicë dhe Podujevë;

Kryesia e Forumit të Rinisë të LDK-së dënon aktet kriminale të terrorit urban në Kosovë;

Podujevë: Granatime drejt Bradashit – snajperistë në qytet;

Podujevë: I vrari i tretë nga shpërthimet është Sadik Zhegrova nga Llapashtica e Poshtme

Forcat serbe po i granatojnë pesë fshatra të Vushtrrisë;

Vushtrri: Policia serbe plaçkitë e keqtrajton civilë shqiptarë;

Kontroll policor në disa fshatra të Ferizajt;

Prizren: Në Dushanovë policia serbe arrestoi një shqiptar.

 

 

Edicioni i orës 17:00:

Paris: Kryesia e delegacionit shqiptar pajtohet ta nënshkruajë marrëveshjen

 Prishtinë, 15 mars (QIK) – Kryesia e Delegacionit të Kosovës në Konferencën Ndërkombëtare për Kosovën në Paris, doli para gazetarëve diçka pas orës 16.30 dhe deklaroi se është e gatshme ta nënshkruajë tekstin e marrëveshjes për Kosovën të negociuar në fazën e parë të konferencës, në Rambuje, muajin e kaluar.

Marrëveshja pranohet si e plotë, me të dy komponentat, politike dhe zbatuese.

Marrëveshja e Rambujesë për Kosovën parasheh një vetëqeverisje tri-vjeçare, gjatë të cilës do të vendosen institucionet demokratike, duke përfshirë zgjedhjen e Kryetarit, Parlamentit dhe të Qeverisë së Kosovës. Marrëveshja duhet të zbatohet nga misione civile dhe ushtarake ndërkombëtare, ky i dyti i udhëhequr nga NATO-ja.

Po-ja e delegacionit të Kosovës vjen pas pothuaj tri javësh konsultimesh me institucionet politike dhe ushtarake dhe popullin e Kosovës në nivele të ndryshme.

 

Lajmet e tjera: Dr. Ibrahim Rugova: “Tani e presim NATO-n”;

Nuk dihet asgjë për fatin e dy shqiptarëve të arrestuar nga policia serbe në Han të Elezit;

Katër të vrarë gjatë luftimeve të djeshme në Dush.

 

14 mars 1995

Kryetari Rugova priti Elizabet Bonkovski;

Takime të shumta të presidentit Berisha në Kopenhagë;

Mbledhje komemorative në Akademi dhe në Universitet me rastin e vdekjes së Akademik Zajmit;

Akademia e Shkencës të Republikës së Shqipërisë ngushëlloi ASHA të Kosovës;

Familjes Zajmi dhe ASHA të Kosovës vazhdojnë t’i arrijnë telegrame ngushëllimi;

Policia serbe vrau Ejup Kasumin nga Burrniku i Ferizajt;

Ministri i jashtëm grek në Shqipëri;

Dr. Hivzi Islami u takua me Elizabet Bonkovskin;

KMDLNJ i shkruan OSBE-së, Komisariatit për Refugjatë dhe Parlamentit Evropian;

Dhuna e përditshme në Kosovë;

Në Gjilan arritën 150 policë financiarë;

Nasuf Shabani u dënua me 20 ditë burg;

Plaçkitje në tregun e Rahovecit;

Lëvizje të ushtrisë serbe në Gjakovë;

Në Bavari të Gjermanisë u shënua 3-vjetori i vdekjes së Martin Camajt;

Në kufirin serbo-maqedonas u arrestua një kontrabandist nga Kumanova;

Kërkohet Habib Lubovci.

 

Zhur: – Në fshatin Dobrushë, policia serbe nën pretekst të kërkimit të armëve, këto ditë mori në shtëpitë e tyre Selman Gutajn dhe Ismail, Fadil, Shaip e Enver Saramatin. Fadilin e torturuan fizikisht dhe i thanë se duhet të “pjell” një armë për ta dorëzuar. U bastis edhe familja e Ymer Saramatit, kryetar i Nëndegës së LDK-së në fshat, dy djemtë e të cilit Abdullah dhe Naser Saramati u rrahën në polici nën pretekstin se kanë armë.

Prishtinë: – Më 10 mars, në lagjen Kodra e trimave u bastis shtëpia e Sadik Ismajlit, me pretekst të kërkimit të armëve. Ai në polici u mor në pyetje pastaj u lirua.

Më 12 mars, në të njëjtën lagje, u bastis shtëpia e Jusuf Sylejmanit.

Po këtë ditë, policia bastisi edhe shtëpinë e Kadri Sopit. Atij policia i mori mall me vlerë prej 20 mijë markash. Vëllaun e Kadriut, Jusufin, e morën në polici.

Njoftohet se Muhamet Ibrahim Gashi nga Hajvalia, nxënës i SHM Ekonomike “Hoxhë Kadri Prishtina” u ndal nga një partullë e policisë serbe, e cila Muhametit ia mori 25 dinarë, sa i kishte me vete. Policët atij iu kërcënuan se nëse për këtë i tregon dikujt do ta pësojë keq.

Mitrovicë: – Pas ndërhyrjes së policisë në punktin shkollor ku zhvillojnë mësimet nxënësit e SHM të mjekësisë “Xh. Deda”, policia urdhëroi pronarin e shtëpisë Bedri Rrahmanin (41), që të paraqitet në polici më 13 mars. Bedriu u paraqit në polici ditën e caktuar, i cili u keqtrajtua rëndë. Pas katër orë rrahjeje atë e liruan dhe e kërcënuan se nëse lejon mbajtjen e mëtejme të mësimit në shtëpinë e tij, do ta pësojë edhe më keq.

Më 13 mars, gjashtë policë shkuan në shtëpinë e Sahit J.Istrefit, në lagjen ” Ura e gjakut”, nga i cili kërkuan një revole, të cilën ky edhe e dorëzoi.

Istog: – Gjatë muajit shkurt, policia serbe në këtë komunë mori në pyetje 9 persona, ftoi në polici për të dorëzuar armë 38 persona, fizikisht keqtrajtoi 7 persona, ndërhyri ndaj institucioneve katër herë, bastisi tri shtëpi dhe caktoi masën e paraburgimit për një person me pretekst se ka bërë kontrabandë me armë.

Suharekë:– Më 9 mars policia bastisi shtëpinë e Islam Lubovcit,në fshatin Grejçevc, të cilit ia konfiskuan një revole. Të nesërmen, policia bastisi edhe shtëpitë e Halil Lubovcit, të cilit poashtu ia konfiskuan një revole, si dhe atë të Bajrush Lubovcit, të cilin e dërguan në stacionin e policisë në Suharekë.

Më 10 mars policia ia konfiskoi një revole edhe Sejdi Berishës nga fshati Gjinovc i Suharekës.

Skënderaj: – Në njoftimin që e jep Komisioni për Informim i Degës së LDK-së në Skënderaj thuhet se gjatë muajit shkurt, represioni policor në Komunën e Skënderajt ka vazhduar me intensitet të njëjtë. Me pretekst të kërkimit të armëve janë bastisur pesë familje, fizikisht janë maltretuar 15 persona dhe janë marrë 6 armë zjarri. Një person është dënuar me burg, ndërsa pesë të tjerë janë dënuar me gjobë, tre prej të cilëve në Gjykatën Ushtarake të Nishit. Kryetari i Degës së LDK-së, Idriz Rreci është mbajtur pesë ditë në arrest. Në bisedë informative janë marrë shtatë persona, ndërsa janë plaçkitur dy vetë. Policia gjithashtu disa herë ka ndërhyrë edhe në lokalet publike.

Vushtrri: – Dje rreth orës 10:00, policia serbe nën pretekst të kërkimit të armëve, bastisi shtëpinë e Kasum Kasumit në Vushtrri. Policia keqtrajtoi Kasum Kasumin në shtëpinë e tij dhe e urdhëruan që të paraqitet sot në stacionin e policisë në Vushtrri.

Rahovec: – Ditëve të fundit policia serbe në Rahovec, nën pretekst të kërkimit të armëve rrahu rëndë Zenel A.Morinën nga Vërnjaku i Rahovecit, i cili bëhet me dije se nga keqtrajtimi brutal, disa ditë ishte i shtrirë në spitalin e Gjakovës. Edhe pas daljes së Zenel A.Morinës nga spitali, njoftohet se nga ai sërish kërkohen armë.

 

 

14 mars 1997

Konferencë me gazetarë e kryetarit të Republikës së Kosovës dr. Ibrahim Rugova;

Parlamenti Evropian miratoi Rezolutën për Kosovën;

Deklaratë e Hans van Mierlos për çështjen e Kosovës;

Presidenti i Shqipërisë kërkoi ndihmë ushtarake nga Bashkimi Evropian;

Franc Vranicki takohet sot me përfaqësues të Qeverisë;

Qeveria shqiptare punon pandërprerë;

U dogj edhe rruga muze në Shkodër;

SHBA-të filluan evakuimin e qytetarëve të tyre nga Shqipëria;

Nikolas Bërns: Barra për stabilitetin e vendit u mbetet vetë shqiptarëve;

Engël kundër kaosit në Shqipëri;

Delegacioni i KKSHA-së u takua me Eliot Engëlin e Rudolf Perinën;

Thirrje e Këshillit Kombëtar Shqiptar Amerikan;

Nga Shqipëria po largohen edhe priftërinjtë;

Beogradi mbylli kufirin me Shqipërinë;

Maqedonia e mbylli kufirin me Shqipërinë;

Shtypi botëror për ngjarjet në Shqipëri;

U lirua Fatos Nano;

Shtim i shqetësimit në Gjakovë;

Tetë studentëve iu morën pasaportat në vendkalimin e Vërmicës;

Kryetari Rugova priti parlamentarët gjermanë;

Treshja e OSBE-së vizitoi Partinë Parlamentare të Kosovës;

Tri fshatra dhe dy lagje të Mitrovicës u shkyçën nga rrjeti i ujësjellësit;

Familjeve të minatorëve iu dhanë 5 mijë DM ndihma;

Avokati serb akuzon regjimin për tortura kundër shqiptarëve;

Parlamenti i Maqedonisë filloi mbledhjen e jashtëzakonshme;

Plaçkitje në tregun e Hanit të Elezit;

Mitrovicë: U mor në polici për armë.

 

 

Situatë dramatike në Shqipëri

Kaosi po sundon edhe në kryetytetin e Shqipërisë në Tiranë. Gjatë natës që shkoi kanë humbur jetën së paku dhjetë dhe janë plagosur mbi 100 veta. Nëpër rrugë shihen persona civilë të armatosur, por jo policë të uniformaur dhe ushtarë. Turmat e pokontrolluara njerëzish kanë sulmuar objekte ushtarake dhe depo mallërash duke marrë armë e ushqime.

Ndërkohë, mëngjesi i ditës së sotme është paksa më i qetë. Jeta në kryeqytet dalngadalë, po hyn në rrjedhën e saj normale. Që në orët e para të ditës, fermerë privatë nga Peza, Vaqari, Sauku, Laknasi, Kashari e komunat tjera përreth, filluan të mbushin tregun me qumësht, bulmet, perime e zarzavate të stinës. Po ashtu të shumtë janë dhe tregtarët kryeqytetas që kanë hapur njësitë e tyre dhe tregtojnë artikujt e përditshëm ushqimorë. Më shumë tensioni vazhdon të ndjehet sidomos në njësitë tregtare për bukë. Ashtu si dje dhe sot, artikujt më të kërkuar janë mielli, orizi, sheqeri, por ka dhe mjaft blerës që duan edhe mallra të tjerë ushqimorë, pohon një nga biznesmenët e vegjël kryeqytetas.

Mbrëmë natën, ndërsa qeveria e Pajtimit Kombëtar i vazhdonte pa ndërprerje mbledhjet e saj për njohjen dhe stabilizimin e situatës, nga organet e pushtetit lokal, të partive politike dhe përfaqësues të shquar të shkencës dhe jetës politiko shoqërore iu bë thirrje banorëve të kryeqytetit për mospërdorim armësh, ruajtjen e rendit dhe qetësisë. Bëhet e ditur se 200 vullnetarë kryeqytetas krijuan një njësi të posaçme për ruajtjen e rendit dhe qetësisë publike. Sipas njoftimeve nga spitalet e Tiranës gjatë ditës së djeshme ka patur disa raste plagosjeje të njerëzve, sidomos ndërmjet adoleshentëve nga pakujdesitë në përdorimin e armëve të zjarrit. Në afërsi të parlamentit dhe në rrugët kryesore të kryeqytetit janë parë duke manovruar njësi tankesh.

Ndërsa dje turma njerëzish sulmuan disa njësi ushtarake përreth Tiranës, rrëmbyen armatime e municione, si dhe hapën një burg me të dënuar ordinerë në periferi të qytetit dhe plaçkitën disa depo ushqimore.

Një ushtarak deklaroi se janë grabitur shtatë depo të Brigadës së aviacionit luftarak, ndërsa vetëm nga njëra prej atyre depove që gjendet në Fushë-Krujë, janë rrëmbyer më shumë se 10.000 armë të lehta. Kryengritësit në Tiranë kanë deklaruar se duan të armatosen, ngase këtë po e bëjnë edhe kryengritësit në Jug. Persona civilë të armatosur iu drejtuan dje aeroportit të Tiranës dhe filluan të grabisin.

Në mëngjesin e ditës së sotme, jeta në kryeqytetin e vendit po rrjedh zakonshëm. Njerëz të shumtë, të rinj e të reja, janë bërë tashmë frekuentues të zakonshëm në kafenetë e baret e kryeqytetit, thuhet në një njoftim të ATSH-së.

Ndërkaq, në Shkodër njoftohet për dhjetë të vdekur dhe mbi 100 të plagosur. Njoftohet se janë plaçkitur e pastaj janë djegur ndërtesat e Komesariatit të policisë, e gjyqit, e bankës, si dhe fabrika e prodhimit të makaronave dhe ajo e birrës të kompanisë “Vefa-hollding”.

Situatë e ngjashme ishte edhe në Malësinë e Madhe dh në Koplik.

Në Gjirokastër ka filluar të funksionojë komesariati i policisë, dhe pika kufitare e Kakavisë.

Edhe në Sarandë, Tepelenë e Përmet, dje nuk u shënuan incidente.

 

 

14 mars 1998

 Edicioni i parë (Ora 13:30): 

Kryetari Rugova priti një delegacion të Asamblesë Parlamentare të Këshillit të Evropës;

Kosova temë qendrore e Konferencës së Bashkimit Evropian në Edinburg;

Xhejms Rubin: SHBA-të shqyrtojnë të gjitha rrugët diplomatike dhe ushtarake për Kosovën;

SHBA i dha 1 milion dollarë Gjykatës së Hagës për të hetuar krimet në Kosovë;

NATO përgatitet seriozisht për të ndërhyrë në Kosovë;

Snajperistët serbë vranë Ali Rr. Lutanin nga Turiçeci;

Policia vrau sot në Runikë Muhamet Miftarin;

Një ekip ekspertësh amerikanë do të vijnë në Drenicë për të bërë autopsinë e të vrarëve

Llausha mbahet ende e rrethuar;

Nuk ka shenja të zbutjes së masave të shtetrrethimit;

OKB emëroi një të dërguar special për të drejtat e njeriut në ish-Jugosllavi;

Bashkimet kombëtare të studentëve në Evropë dënojnë terrorin, vrasjet dhe gjenocidin në Kosovë;

Mitrovicë: Lëvizje të policisë dhe keqtrajtime të qytetarëve;

Protestë e studentëve në Tiranë;

Rreth 50 refugjatë kosovarë në Kukës;

Bon: Kthimi i refugjatëve shqiptarë është papërgjegjësi;

Gjilan: Merren në pyetje aktivistët e LDK-së;

Dihet identiteti i vozitësit që shkeli protestuesit më 2 mars në Prishtinë;

BI e Kosovës kritikon organizimin e shkuarjes në haxh;

Rreth 20 ekipe gazetareske turke presin në Shkup për shkak të vizave;

Regjimi serb pengon punonjësit e ndihmave humanitare të shkojnë në Drenicë;

Një grua e paidentifikuar dhe një fëmijë u varrosën dje në varrezat e Prishtinës.

 

 

Nën gërmadhat e shtëpive në Prekaz mund të kenë vdekur të plagosurit

Burimet e LDK-së në Skënderaj dhe në fshatrat për rreth Prekazit të Ulët shfaqin frikën se në gërmadhat e disa shtëpive që po mbahen të rrethuara nga forcat serbe në këtë fshat të kenë vdekur deri më tash të plagosurit gjatë sulmit masakrues të forcave serbe në dhjetë ditët e kaluara.

Grupi i Kontaktit e BE-ja, si edhe shumë asociacione ndërkombëtare kanë kërkuar nga Serbia që të heqë rrethimin e fshatrave dhe që të lejojë hyrjen e veprimtarëve humanitarë në Skënderaj e rrethinë, sidomos në Prekaz të Ulët. Mirëpo, Serbia nuk i ka përfillë fare këto kërkesa.

 

Shumë familje kërkojnë të afërmit e vet

Familje të shumta, sidomos nga Prekazi i Ulët kërkojnë njoftime për anëtarët e familjeve të tyre, për të cilët nuk dihet a janë vrarë, apo janë gjallë.

Disa familje të vendosura në Gllogoc dhe në Mitrovicë kërkojnë për çdo ditë informacione për të afërmit e vet.

 

 

Edicioni i dytë (Ora 16:00):

 Dyshohet se janë djegë tetë anëtarë të familjes së Sadik Jasharit

Dyshohet se tetë banorë të lagjes Jasharaj të Prekazit të Ulët mund të jenë djegë në shtëpinë e tyre të qëlluar nga forcat serbe më 5 mars.

Komisioni për Informim i Degës së LDK-së në Vushtrri njofton se më 5 mars, në përpjekje për t’u mbrojtur nga sulmi serb, në bodrumin e shtëpisë së tyre ishin strehuar tetë anëtarët e familjes së Sadik Hysen Jasharit: Sadiku, Hafija, Hamdiu (30 vjeç), Elfija, Remzia (nuse shtatzënë), një vajzë dyvjeçare, Ramizi (20 vjeç) dhe Fatimja (22-vjeçare).

Një i afërm i tyre nga fshati Likoshan, i cili që nga 5 marsi është interesuar për këtë familje, sot kishte marrë një leje në policinë serbe në Mitrovicë për të shkuar në lagjen Jashari në Prekaz.

I shoqëruar nga komandanti i policisë, ai shkoi në këtë lagje dhe pa se nga bodrumi i shtëpisë ku ishin strehuar anëtarët e familjes së Sadik Jasharit, po dilte ende tym dhe vinte një erë që supozohet të ketë qenë e trupave të djegur të anëtarëve të familjes së Sadik Jasharit.

Përkundër insistimit të ketij të afërmi të familjes Jashari, policia nuk e lejoi atë që t’i afrohet bodrumit, për të vërtetuar nëse tetë anëtarët e familjes së Sadik Jasharit ishin djegë apo ia kishin dalë të largoheshin.

 

Është dëshmuar përcaktimi i udhëheqjes së Kosovës për politikë paqësore;

Qytetarët e Beogradit përkrahin aksionet policore në Kosovë;

Qeveria serbe përsërit ftesën për dialog;

Për shkak të Kosovës, Beogradit i kërcënohen sanksione edhe më të ashpra;

Arriti në Kosovë një delegacion e Federatës Ndërkombëtare të Kryqit të Kuq;

Politika amerikane lidhur me ngjarjet e fundit në Kosovë;

Kosova në shtypin botëror;

Disa banorë të Kopiliqit e Açarevës janë vendosur në shkollën e Tushillës;

Grupi Ndërkombëtar për Kriza (ICG) ka ftuar dje NATO-n që të intervenojë në Kosovë;

J.Rojter: Shkëputja e Kosovës shpie drejt stabilizimit;

Reagimet histerike të Papoviqit dhe të Igiqit kundër shqiptarëve dhe Perëndimit;

Në Fushë Kosovë u themelua Këshilli Komunal i Ndihmave Emergjente;

Obiliq: Bashkëshortët Haziri u morën në arrest pas bastisjes së shtëpisë së tyre;

Dy familje nga Llausha u strehuan në Krasaliq të Vushtrrisë;

Lidhja e Gruas Shqiptare kërkon mbrojtje për fëmijët dhe femrat në Kosovë;

Perishiq: Ata që në vend të politikës janë shërbyer me polici nuk janë të gatshëm për dialog .

 

Edicioni i tretë (Ora 20:00):

Subjektet politike të Skënderajt u bëjnë apel njerëzve që të kthehen në vatrat e veta;

Në kishat e Kosovës mbahet meshë e përshpirtshme për viktimat e terrorit serb në Drenicë;

Të hënën gratë e Kosovës nisen prej Prishtinës me nga një bukë drejt Drenicës;

Austria kërkon masa të shpejta e efikase ndaj Beogradit;

Gelbardi vjen javën e ardhshme në Prishtinë;

Nano bisedoi me Gelbardin për Kosovën;

Diplomacia ndërkombëtare nuk duhet të presë që të bindet Millosheviqi;

Mbledhja e Kryesisë dhe e Këshillit Koordinues të PSHDK-së;

Disa turq “eminentë” të hënën duan të bisedojnë me qeverinë serbe në Prishtinë?!

 

 

14 mars 1999

Klinë: Forcat serbe po granatojnë disa fshatratë rajonit të Sferkës;

Granatohen fshatrat e Vushtrrisë;

Podujevë: Gjatë natës u granatuan disa fshatra;

Persona të panjohur vranë një shqiptar në Potërç të Epërm të Klinës;

Tre të vrarë e 26 të plagosur nga shpërthimet e djeshme në Podujevë;

Mitrovicë: Pesë të vrarë e mbi 30 të plagosur;

OSBE: Në sulmet terroriste në Podujevë dhe Mitrovicë u vranë 6 e u plagosën 58 veta;

Mediat serbe spekulojnë me numrin e të vrarëve në shpërthimet e djeshme në Podujevë e Mitrovicë.

 

Ora  13:00:

Xh.Mustafa: Regjimi i Beogradit terrorin masiv po e përdor për të ndikuar në rrjedhën e negociatave për Kosovën;

Kryesia e LDK-së në Podujevë kërkon mbrojtje për popullsinë shqiptare;

35 të plagosur nga shpërthime e djeshme në Podujevë;

Forcat serbe po djegin shtëpitë në lagjen Kosumi në Stanoc të Epërm të Vushtrrisë;

Të shtëna gjatë natës në Fushë Kosovë, Graboc e Bellaqec;

Gjilan: Serbët sërish uniformohen;

Përforcohet kufiri Kosovë-Maqedoni;

Persona të armatosur plaçkitën një familje shqiptare.

 

Ora  15:00:

Dy pjesëtarë të UÇK-së vdiqën nga plagët e marra nga granatimet e djeshme në Galicë;

Kaçanik: Në Ivajë u gjet i vdekur Xhemil Mulaku;

Vushtrri: Dy të plagosur gjatë granatimeve të djeshme;

Mitrovicë: 5 të vdekur dhe 66 të plagosur në shpërthimin e djeshëm;

Forcat serbe granatuan gjatë natës fshatrat Vaganicë e Verrnicë të Mitrovicës;

Ndërpritet mësimi në shkollat e Mitrovicës;

Kryesia e Degës së LDK-së në Mitrovicë e dënon shpërthimin e djeshëm si akt terrorist.

 

Ora  17:00:

Njoftohen emrat e 6 të vrarëve më 10 mars në Jeshkovë të Prizrenit;

Në Ferizaj sot u bë varrimi i Xhemsedin Sumës (1966) nga Hani i Elezit;

Rahovec: Lëvizje të forcave serbe dhe detonime të mëdha në drejtim të fshatrave të Malishevës;

Afër Vushtrrisë – dy ushtarakë serbë të vdekur e tre të plagosur.

13 mars 1993

Vizitë e suksesshme e kryetarit Rugova në Itali;

Nga konferenca për gazetarë e kryetarit Rugova në Tiranë;

“Borba”: Kolombo dhe Papa pritën Rugovën;

Varrimi i Berit Bakerit bëhet të mërkurën;

Inspektorët serbë interesohen për sjelljet e policisë serbe!;

Në Deçan u arrestua një veprimtar;

Dy të arrestuar në Istog;

Represion i shtuar edhe në komunën e Malishevës;

Gjermania përgatitet të marrë pjesë në aksionet e OKB-së;

Qosiqi vazhdon traditën e gënjeshtrave serbe rreth Kosovës;

 

13 mars 1995

Deklarata e kujtime të personaliteve të Kosovës me rastin e vdekjes së Akademik Gazmend Zajmi;

Të dhëna biografike për Akademik Gazmend Zajmin;

Varrimi i të ndjerit Gazmend Zajmi bëhet nesër në varrezat e Prishtinës;

Në fund të marsit organizohet një demostratë e shqiptarëve në Uashington;

Tubim protestues i shqiptarëve në Bruksel;

Edhe një stërvitje ushtarake shqiptaro – amerikane;

Kosova edhe çështje ndërkombëtare;

Komente serbe për qëndrimet e SHBA-ve ndaj Kosovës dhe dr. Rugovës;

Dhuna e përditshme në Kosovë;

Lëvizje të ushtrisë serbe në Korishë të Prizrenit;

Policia ndërhyri në dy punkte shkollore në Mitrovicë;

Policia ndërpreu mësimin edhe në Vushtrri;

Në Shtedim të Podujevës u rrah nëna në prani të fëmijës;

Policia financiare serbe u largua me bagazhe të mbushura;

Policia kërcënon me likuidim gazetarin Çerkin Ibishi.

 

Propaganda serbe vazhdimisht në fillimet e saj

Komentet e gazetës serbe “Veçernje novosti” për qëndrimet rreth Kosovës e politikës shqiptare të kryetarit amerikan Bill Klinton të shprehura në letrën e tij dërguar kongresistëve Molinari e Engël tërheqin vëmendjen për disa shkaqe.

Komentet janë shumë të vonuara, por në stilin e propogandës serbe se qëllimi arsyeton mjetin, letrën e kryetarit amerikan Bill Klinton gazeta serbe e sheh si një dëshmi të politikës amerikane antiserbe dhe proshqiptare.

Duke dashur që edhe SHBA-të t’i fajësojë për destabilizimin e rajonit dhe të gjendjes në Kosovë, gazeta përsërit praktikisht vlerësimet e udhëheqësve politikë e shtetërorë serb se gjendjen në Kosovë mund ta destabilizojnë vetëm faktorë të jashtëm.

Në këtë rast, sipas gazetës, në Kosovë dhe në rajon gjendjen po e destabilizojnë SHBA-të, të cilat, janë të gatshme të luftojnë për “interesat e veta në Ballkan deri në shqiptarin e fundit”.

Të kujtojmë me këtë rast vlerësime të fjalëpërffjalshëm të para gjashtë viteve në propagandën serbe: Sllovenia është e gatshme të luftojë në Kosovë deri në shqiptarin e fundit; ose :Kroacia është e gatshme të luftojë në Kosovë deri në shqiptarin e fundit!

Sipas këtyre konstrukteve, shtetet e apostrofuara nuk përkrahin në Kosovë të drejtat e shqiptarëve e as Kosovën, por interesat e tyre në Kosovë.

Këto konstrukte, atëherë u arsyetonin dhe u paraprinin aksioneve të drejtëpërdrejta kundër shqiptarëve e Kosovës dhe pasoheshin me fushata propagandistike kundër Sllovenisë e Kroacisë.

Nuk janë vetëm këto cilësime dëshmi se propoganda serbe gjendet vazhdimisht në fillimet e saj.

Duke komentuar letrën e presidentit Klinton, gazeta serbe citon burimet shqiptare jasht Kosovës, si “Illyria”, “Rilindja” dhe Agjencinë Telegrafike Shqiptare, por ajo kurrësesi nuk citon burimet e mjetet e informimit në Kosovë.

Në këtë mënyrë regjimi serb përpiqet të injorojë forcën dhe legjitimitetin e politikës shqiptare në Kosovë. Në funksion të taktikës së saj të përçarjes, propaganda serbe luan lojën e gjoja afirmimit të një lloj politike shqiptare të egzilizmit dhe të gjoja institucioneve e asociacioneve të caktuara, por gjithësesi jasht Kosovës.

 

13 mars 1997

Kryetari Rugova priti trojkën e OSBE-së;

Kryeministri e vlerëson Shqipërinë në prag të luftës civile;

SHBA i bëjnë thirrje shqiptarëve që të mbështesim qeverinë e re;

1. Bërns shpreh shqetësimin për zgjerimin e rebelimit në veri;

Përpjekje për normalizimin e jetës në Berat;

U plaçkitën depotë e armatimeve në Elbasan;

U shpërthyen depotë e armëve në Korçë;

U mbyll aeroporti i Rinasit;

Për mospërhapjen e konfliktit në vendet fqinje;

OSBE‑ja propozon dërgimin e ekspertëve në Tiranë;

KE paralajmëron katastrofën në rast të dështimit të marrëveshjes;

Korparmata e dytë e Maqedonisë në gjendje gatishmërie;

Ligji për Informim i Serbisë, implikimet për Kosovën;

Deklaratë e sekretarit të KMDLNJ-së rreth tryezës së paralajmëruar në Brezovicë;

Kushtetuta e Maqedonisë nuk e pengon arsimimin sipëror në gjuhën shqipe;

Një inspektor serb ndërhyri në lokalet e SHF “E. Berisha” në Llashticë.

Dhuna e përditshme në Kosovë

 

Prishtinë, 13 mars (QIK)

Shtime: – Sot, në stacionin e policisë serbe në Ferizaj, inspektorët e sigurimit serb morën në pyetje Mehdi Sadriun nga Davidovci.

Ditëve të fundit, dy herë u mor në pyetje Nazmi Ibali, anëtar i Kryesisë së Degës së LDK-së në Shtime. Ai u pyet rreth aktivitetit të tij politik dhe të Degës së LDK-së në Shtime.

Po ashtu ditëve të fundit, me pretekst të kërkimit të armëve, u mor në pyetje edhe Fadil Ferati nga Pjetërshtica.

Gjilan: – Më 6 mars, në të ashtuquajturën bisedë informative në stacionin e policisë serbe në Gjilan u mor Adem Isufi, veprimtar i LDK-së nga Kravarica e Gjilanit. Ai u mor në pyetje rreth tri orë dhe u pyet për aktivitetin e LDK-së në Kravari dhe për Nëndegën e LDK-së në Cërnicë etj.

 

13 mars 1998

 Edicioni i parë (Ora 12:00)

Konferencë me gazetarë e Kryetarit të Republikës së Kosovës dr. Ibrahim Rugova;

Përfaqësuesit e LDK-së me Komitetin ad hoc të Këshillit të Evropës;

Rezolutë e UE-së për Kosovën;

Komuniteti shqiptaro-amerikan kërkon ndërhyrje të menjëhershme ndërkombëtare në Kosovë;

Një delegacion i shqiptarëve nga Melburni u takua me zyrtarë të lartë të Australisë;

Malajzia dënon dhunën në Kosovë; Ua vranë tre anëtarë të familjes e tash i keqtrajtojnë;

Policia fotografon dhomat e mësimit në shkollën e Shipolit; Në Junik e Pomozetin u grumbulluan ndihma për Drenicën; Lagja e Xanajve u plaçkit e u demolua tërësisht; Hani i Elezit: Dhunë e provokime të shtuara të forcave ushtarako-policore; Veprimtarët e LDK-së në Lipjan u morën sërish në polici; Sugjerime kundër hapjes së “korridorit human”; Parlamenti i Maqedonisë nuk përkrahu një projektdeklaratë për Kosovën; Shqiptarët në Australi ndihmojnë Kosovën; Me popullin e Kosovës solidarizohen edhe refugjatët boshnjakë e qytetarët norvegjezë.

 

Edicioni i dytë (ora 14:30):

Klintoni nuk përjashon intervenimin ushtarak ndaj Beogradit;

Departamenti Amerikan i Shtetit: Policia serbe bën spastrim etnik në Kosovë;

Ollbrajt sërish për Kosovën;

Xhejms Rubin: Ofertë e mjerë për dialog e regjimit serb;

Dëshmia e Robert Gelbardit në Kongresin Amerikan;

1. Gelbard: “Veprimet skandaloze dhe të pamoralshme të Beogradit kërkojnë përgjegje të fuqishme dhe unike”;

“La stampa”: Gelbard, për autonominë e Kosovës brenda Jugosllavisë, por jo edhe brenda Serbisë;

Rezolutë për Kosovën në Kongresin amerikan;

Parlamenti Evropian dënoi aksionet brutale të forcave serbe dhe kërkoi dërgimin e forcave preventive në Kosovë;

Robinson kërkon lejimin e hulumtimeve të vrasjeve të fundit në Kosovë;

Gjakovë: Të shtëna pas mesnatës në Lugbunar, plagoset Ukë Nikaj (72);

Helikopteri ushtarak vrojton të ikurit nga Drenica;

Janosh Bugajski: Kosova të vihet nën protektoratin e NATO-s;

Pengjet mbahen nën mbikëqyrje të tmerrshme;

U themelua Këshilli Republikan për Ndihma të Ngutshme.

 

Edicioni i tretë (Ora 16:30):

Kryetari Rugova priti Nikollas Hillin;

Mbledhje e Këshilltarit për Arsim me kryetarët e këshillave të arsimit;

Mitrovicë: Lëvizje të forcave serbe në drejtim të Skënderajt e të Prishtinës;

U keqtrajtua në aeroportin e Prishtinës;

 

13 mars 1999

Ora 10:00:

Vushtrri: Forcat serbe po granatojnë fshatrat: Balinc, Liqej e Oshlan;

Mitrovicë: Forcat serbe po granatojnë Vaganicën dhe Verrnicën;

Mitrovicë: Isa Qerkinaj u dënua me 10 vjet burg;

 

Ora 13:30:

Shpërthim i fuqishëm në qendër të Podujevës – druhet për pasoja të rënda;

Snajperistët serbë shtinë drejt disa shqiptarëve dje pasdite në Podujevë;

Granatohen fshatra të Mitrovicës, Vushtrrisë dhe Skënderajt;

Vushtrri: Digjen shtëpitë shqiptare në Mihaliq e Druar;

Viti: Ushtarët serbë vendosen ne Debëllde – banorët ikin nga fshati;

Forcat serbe shtinë në tre nxënës nga Bubaveci;

Nga morgu i Prishtinës u tërhoq trupi i një shqiptari të vrarë në Pustenik të Kaçanikut;

Kaçanik: Nga tri fshatra u zhvendosën mbi 3 mijë banorë;

Prishtinë: Një nxënës u zhduk pa gjurmë;

Koncentrim i madh i forcave serbe në Obiliq e rrethinë.

 

Ora 14:00:

Edhe një shpërthim në Podujevë – dhjetëra të plagosur, druhet për së paku dy të vrarë

 

Vetëm dhjetë minuta pas shpërthimit në tregun e Podujevës, në orën 13.20 një mjet i fuqishëm eksploziv shpërtheu edhe në afërsi të postës së këtij qyteti.

Dega e LDK-së në Podujevë njofton se masa shpërthyese, e cila ishte e vendosur në një kontejner bërllogu afër një kiosku gazetash, eksplodoi fuqishëm, duke plagosur, sipas njoftimeve të para, së paku dhjetë qytetarë.

Ky burim thekson se nga shpërthimi në tregun e Podujevës, sipas njoftimeve të deritashme, ka dhjetëra të plagosur, ndërsa burime të pakonfirmuara kanë thënë se dy veta janë vrarë.

Të plagosurit janë bartur në drejtim të Shtëpisë së Shëndetit në Podujevë, ndërsa në drejtim të Prishtinës kanë ardhur me shpejtësi të mëdha autoambulancat që kanë bartur të plagosurit në gjendje më të rëndë.

Deri tash nuk ka mundësi të sigurohen informata më të plota rreth bilancit të viktimave. Tregu i qytetit, kun ndodhi shpërthimi i parë, është bllokuar nga forcat policore.

Ndërkohë, një burim nga Podujeva konfirmoi se nga shpërthimi janë plagosur rëndë Shukrije Berisha (30) dhe Jusuf Jusufi nga Dumnica.

Në vendet ku kanë ndodhur shpërthimet kanë dalë pjesëtarë të Misionit Verifikues të OSBE-së të cilët po u japin ndihmë të plagosurve.

Selia e OSBE-së Prishtinë, deri në orën 14 ka pasur njoftim për pesë të plagosur nga shpërthimi i parë që ndodhi në orën 13.10 në tregun e Podujevës.

 

 

Ora 14:30:

Shpërthim i fuqishëm në tregun e Mitrovicës;

Podujevë: Së paku 5 të vdekur nga shpërthimet e sotme;

1. Thaçi: Përgjigja përfundimtare për dokumentin e Rambujesë është një vendim historik për popullin e Kosovës;
2. Uoker: Mbi 90 për qind e popullatës së Kosovës do t’i mirëpresë trupat e NATO-s;

Ivanov: Millosheviqi refuzoi trupat e NATO-s;

Petriç: Në Paris do të bëhet fjalë për implementimin e marrëveshjes;

Komunikatë e UPS të UP-së;

Janovski: Kosovën e ka përfshirë një terror i tmerrshëm serb;

UNCEF: Fëmijët dhe gratë viktimë e terrorit brutal serb;

KMDLNJ: Dënimi i gazetës “Kosova Sot” – vazhdim i dhunës ndaj shqiptarëve;

Përfaqësuesit e OSBE-së vizituan PLK-në;

Një delegacion i Kryesisë së Degës së LDK-së në Fushë Kosovë u prit në OSBE-në në Prishtinë;

1. Klark paralajmëroi Millosheviqin për sulme të mundshme ajrore;

Në Ferizaj u varrosën dy ushtarë të UÇK-së;

Gjendja në Deçan vazhdon të jetë e rëndë.

 

Ora 15:30:

Druhet për së paku 5 ose 6 të vrarë nga shpërthimi në tregun e Mitrovicës;

Ende pa të dhëna të plota për pasojat e shpërthimeve në Podujevë;

Forca të shumta ushtarake serbe në Han të Elezit;

Vazhdojnë granatimet në fshatrat rrëzë Qiqavicës;

Komiteti politik i Asamblesë Parlamentare të KE zhvilloi një debat për statusin e ardhshëm të Kosovës;

Konferencë për gazetarë e drejtuesve të tri gazetave shgiptare të cilat regjimi serb i dënoi me masa drakonike;

Deklaratë e përbashkët e redaksive “Kosova sot”, “Rilindja” dhe “Gazeta e re shqiptare” rreth masave serbe kundër tyre.

 

Ora 17:00:

Delegacioni i Kosovës sot pasdite u nis për Paris;

Forcat serbe granatuan disa fshatra të Podujevës;

Forcat serbe granatojnë e mitralojnë vendin e quajtur Blinishtë të Sllatinës;

PNDSH kërkon nga delegacioni i Kosovës që më 15 mars në Paris të nënshkruajë Marrëveshjen e Rambujesë.

12 mars 1993

Konferencë e rregullt e LDK-së për gazetarë;

Delegacioni suedez për çështje të emigracionit në Kosovë;

AFP: Rugova dënon “spastrimin e heshtur etnik” në Kosovë;

Kamioni me ndihma humanitare pret në doganën e Prishtinës;

Kumtesë e Këshillit për Mbrojtjen e të Drejtave dhe Lirive të Njeriut;

Në Dobelldeh të Vitisë lëvizje ushtarake;

Bastisje edhe në Mitrovicë;

Në Gjakovë vazhdojnë ftesat për armë;

Përkundër kërcënimeve mësimi u mbajt në Suharekë.

 

Masa të vazhdueshme për kolonizimin e Kosovës

 Mbështetur në Programin e Kuvendit të Serbisë për kolonizimin e Kosovës, i cili u miratua më 1990, për serbët dhe malazezët u hap rruga për të marrë falë kredi, troje, banesa, tokë, mal dhe paisje bujqësore. Madje filloi edhe ndërtimi i kolonive, që do të jenë një lloj tipi i kibuceve izraelite.

Kështu, në Skënderaj që ka 50 mijë banorë, dhe që para tri vjetësh kishte 1.100 serbë dhe malazias, tashti me tërë punët në komuna që udhëheqin serbët. Autoritet lokale të instaluara nga Serbia në këtë komunë, gazetës serbe “Jedinsvo” i deklaruan se nga 174 serbë e malazezë që ishin para tri vjetëve në Skënderaj, tash në këtë qytezë jetojnë e punojnë trefish më shumë serbë e malazias. Prej tyre, 41 veta u janë siguruar vendet punës dhe banesat. Ata janë vendosur në vendet e punës ku më parë punonin shqiptarët dhe të cilët u larguan me dhunë nga vendet e tyre të punës. Kuvendi i Serbisë ka miratuar edhe një vendim për të ndihmuar ndërtimin e 30 banesave të reja për serbë dhe malazezë në këtë komunë. Është duke u zhvilluar edhe porcedura për ndërtimin e tri vendbanimeve serbe në Skënderaj, Tomisllav dhe Morinë. Serbëve në këto vendbanime do t’u sigurohet edhe tokë e punueshme.

 

12 mars 1994

 Policia serbe rrethoi dhe bastisi 22 familje në Cerajë të Leposaviqit

Dje, rreth orës 6 të mëngjesit, një ekspeditë e policisë serbe e përbërë prej afro 100 vetash, nën pretekst të kërkimit të armëve dhe arrestimit të disa të rinjëve, të cilët gjatë viteve 1991-92, kishin ikur nga ish-armata jugosllave, bastisën 22 familje shqiptare në fshatin Cerajë të komunës së Leposaviqit, njofton Komisioni për Informim i Degës së LDK-së në Mitrovicë.

Bastisjet dhe arrestimet e policisë serbe zgjatën deri në orën 12.30, me ç’rast ekspedita e policisë serbe bastisi familjet e Abdyl e Beqir Abdylit, Zenel, Hajrë e Xhevat Hajrës, Jetish, Xhafer e Nazif Halilit, Mahmut Ibrahimit, Shaban Azemit, Faik e Abit Mustafës, Demir e Hazir Aliut, Jetullah e Brahim Miftarit, Abaz Elezit, Afrim e Muharrem Ademit,si dhe familjet e Sinan, Behram e Ramadan Rrahmanit.

Njoftohet se policia serbe arrestoi arsimtarin Beqir Abdylin, ndërsa rrahën brutalisht të rinjtë Feriz Aliun (16), Besim Abdylin (16) dhe Driton Abdylin (16), ndërsa ftesa për t’u lajmëruar sot në organet e policisë në Mitrovicë iu lanë Abdyl Abdylit (58) dhe Latif Aliut (23).

Policët gjatë bastisjes kërkonin për t’i dërguar me dhunë në ushtrinë serbe të rinjtë Muhamet Ademin (19), Faruk Abdylin (21), Nexhat Abdylin (21), Hajriz Aliun (21), dhe Safet Hajrën (18).

Gjatë bastisjes ekspedita e policisë serbe ua konfiskoi armët për të cilat dispononin leje këtyre personave, Behram e Sinan Rrahmanit, Muharrem Ademit, Abaz Elezit, Shyqri Miftarit, Mahmut Ibrahimit, dhe Beqir Abdylit, ndërkaq njoftohet se dy revole për të cilat nuk dispononin leje iu morën Beqir Abdylit dhe Demir Aliut.

Kësaj ekspedite të madhe të policisë serbe i printe komandanti i stacionit të policisë në Leposaviq, Lubisha Qosiç.

Në fund të bastisjes, e cila përfundoi në orën 12.30, policët serbë u kërcënuan se derisa vet fshatarët nuk i dorëzojnë të rinjtë, Muhamet Ademin, Faruk e Nexhat Abdylin, Hajriz Aliun dhe Safet Hajrën, do të kthehen sërish dhe do të vazhdojnë me bastisje e keqtrajtime.

 

Lajmet e tjera:

Ushtria serbe u kërcënohet 300 të rinjve shqiptarë për rekrutim;

Forcimi i pozicionit ndërkombëtar të Kosovës dhe dr. Rugovës përcillet me nervozizëm;

Represioni i policisë serbe në Kosovë;

Reagimet serbe për refugjatët shqiptarë në Gjermani;

 

 

12 mars 1997

Lajmet kryesore:

Bashkim Fino – kryeministër i Shqipërisë;

Ka mosmarrëveshje vetëm për ministrin e brendshëm;

Kuvendi miratoi ligjin për amnistinë;

SHBA mirëpritën caktimin e kryeministrit të ri shqiptar;

Franca, Belgjika dhe Britania e Madhe të shqetësuara për gjendjen në Shqipëri;

Mierlo për rrezikun e përhapjes së konflikteve në Kosovë;

Deklaratë e ASHA të Kosovës për ngjarjet në Shqipëri;

Mark Almond për strategjinë e fshehtë të PS në Shqipëri;

The Sunday Telegraph: Mediat përkrahin komunistët në Shqipëri;

Deklaratë e përbashkët e “11 përfaqësuesve të kryengritësve të armatosur” në Gjirokastër;

Situatë e rrezikshme në veri të Shqipërisë;

Situatë dramatike në Shqipëri;

Tri projektrezoluta për Kosovën në Parlamentin Evropian;

Adem Demaçi priti diplomatët rusë;

Në Brezovicë prej 21 e deri më 23 mars mbahet një takim shqiptaro-serb;

Tre civilë sulmuan një të ri shqiptar;

Persona të maskuar keqtrajtuan një qytetar nga Stagova e Kaçanikut;

Në Lagjen e Spitalit u vunë mbishkrimet serbe të rrugëve;

Në Martinaj policia malaziase bastisi familjen Balidemaj;

Në Gjakovës u shpërndanë mbi 500 thirrje për rekrutim në ushtrinë serbe;

Dhuna e përditshme në Kosovë;

Dr. Ferid Muhiq i detyruar të heshtë ngase në Shkup kërcënohet me linç publik.

 

 

12 mars 1998

Edicioni i parë (ora 13:00):

Kryetari Rugova caktoi Komisionin Republikan të zgjedhjeve parlamentare e presidenciale;

Shiraku kërkon nga Jelcini që të bëjë presion mbi Beogradin;

Bashkimi Evropian kërcënon me ndërhyrje ushtarake;

Kuk: Në Kosovë u masakrua popullata civile;

Prodi foli për Kosovën;

Gelbarti ia dorëzoi Milosheviqit fotografitë e të masakruarve shqiptarë;

Primakovi në Beograd dhe në Prishtinë;

OSBE vendosi të bëjë hetime për të vrarët në Kosovë;

Debat për Kosovën në Parlamentin e Turqisë;

Pakistani dënon gjenocidin në Kosovë;

Pesë pjesëtarë të KKN-së largohen nga Kosova;

Institucionet e Republikës së Kosovës kërkojnë ndihmë nga Senatori Robert Dol;

Forca të mëdha të policisë në Prekaz të Ulët;

Rrëfime të atyre që ia dolën të shpëtojnë nga masakra serbe në Prekaz;

Llausha mbahet ende në gjendje rrethimi;

Kush po hedh bomba në lokalet e shqiptarëve në Pejë;

Situatë e rëndë në fshatrat e Dushkajës së Gjakovës;

Vushtrri: Policia konfiskon miellin nga firmat shqiptare;

Helikopterë e aeroplanë fluturojnë shpesh drejt Drenicës;

Interesim i madh i shqiptarëve në Maqedoni për të ndihmuar drenicasit;

Drejtues të LDK-së pritën drejtues të PL të Sanxhakut, Partisë së Koalicionit e PAD-it.

 

Edicioni i dytë (ora 15:30):

Xh. Mustafa: Ofertat e Beogradit për dialog janë joserioze;

“Dojçe vele” : Shqiptarët e Kosovës nuk mund të ulen në të njëjtën tryezë me vrasësit;

Asnjë shqiptarë nuk iu përgjigj kuaziofertës serbe për bisedime;

UP dhe UPS shprehin pakënaqësi me vendimet e Grupit të Kontaktit;

Xhejms Folli: Refuzimi i dialogut nga pala serbe – thelb i jostabilitetit në Kosovë;

Bashkimi Evropian ka një instrument të efektshëm për zgjidhjen e krizës në Kosovë;

Rumania përcjell nga afër zhvillimet në Kosovë;

Lëvizja të vazhdueshme të forcave serbë në relacionin Mitrovicë-Skënderaj dhe anasjelltas;

Në Tërrnavc policia ka plaçkitur shtëpitë e shqiptarëve;

Brojë: Dje pasdite u liruan 110 veta që mbaheshin peng nga policia;

Broja, Kopiliqi, Turiqeci dhe Vojnika vazhdojnë të mbahen në shënjestër të policisë;

KKK: Nga vartat e tyre janë larguar 13.925 veta;

Kontroll i rreptë i qytetarëve në Shipol të Mitrovicës;

Sipas gazetës së Beogradit “Politika”, Armend Dacin e ka vrarë UÇK!;

Deçan: Dy veprimtarë të LDK-së u morën në pyetje dhe u kërcënuan;

Represion i shtuar në Istog.

 

Edicioni i tretë (ora 19:00):

Klintoni viziton pesë muaj më herët Kinën për shkak të Irakut dhe Kosovës;

Parlamenti Evropian kërkon krijimin e forcës ndërkombëtare për ndërhyrje preventive në Kosovë;

Oferta serbe për dialog cilësohet si ofertë cinike;

Gllogoc: Gjendja vazhdon të jetë e rëndë dhe pa kurrfarë përmirësimi;

Policia ndalon e keqtrajton qytetarët;

KMDLNJ: A ka kamp përqendrimi në Drenicë?;

Dejvid Oven: Kurrë nuk ka qenë momenti më i mirë se tash për zgjidhjen e çështjes së Kosovës;

Në Gjakovë u arrestuan dy veprimtarë të LDK-së;

U arrestua sekretari i Degës së LDK-së në Lipjan;

Prizren: Represion i formave të ndryshme;

Prizren: Për Drenicën u grumbulluan deri tash 35.000 DM;

Në vend të haxhillëkut, dha për Drenicën 3.000 DM.

 

 

12 mars 1999

Ora 11:00:

Vushtrri: Granatime drejt Mihaliqit – mbrëmë u dogjën 7 shtëpi shqiptare në Stanoc;

Vazhdon granatimi i disa fshatrave të Mitrovicë e të Vushtrrisë;

Në rrugën Mitrovicë-Stantërg u gjet një person i vrarë;

Granatohen fshatrat e Llapit;

Në fshatin Besi e Lebanë janë stacionuar forca të mëdha policore serbe;

 

Ora 13:30:

Vazhdojnë të granatohen fshatrat e Vushtrrisë;

Kaçanik: Shpërthime në fshatrat Dubravë, Biçec e Kovaçec;

Mitrovicë: Lëvizje të forcave serbe – arrestime e keqtrajtime të qytetarëve;

Mitrovicë: Lutfi Voca u dënua me 12 vjet burg;

Zhvendosen banorët e fshatrave Stanofc i Epërm e Stanofc i Poshtëm të Vushtrrisë.

 

Ora 14:30:

Konferencë për gazetarë e Kryetarit të Republikës së Kosovës, Ibrahim Rugova;

Kryetari Rugova priti anëtarët e Këshillit të Nderit 2 Korriku 1990;

LDK: Trupat serbe po sulmojën fshatrat të gjitha anët e kufirit të Kosovës;

Dhoma e Përfaqësuesve e Kongresit Amerikan votoi për dërgimin e trupave amerikane në Kosovë;

Bill Klinton: “SHBA-të kanë interesa të mëdha për t’i dhënë fund konflikt mes serbëve dhe shqiptarëve në Kosovë”;

Parlamenti Evropian miratoi një rezolutë për Kosovën;

Grupi i Kontaktit takohet të dielën në Paris;

Hashim Thaçi në mbledhjen e Shtabit të Përgjithshëm të UÇK-së;

Deklaratë e dr. Bujar Bukoshit;

1. Kosumi: “Kosova del nga korniza serbe dhe jugosllave”;

Në morgun e spitalit të Gjakovës edhe një shqiptar i vrarë;

Përfaqësuesit e OSBE-së sollën trupat pa jetë të dy shqiptarëve të vrarë në komunën e Kaçanikut;

Në Dubravë kanë mbetur të bllokuar 200 shqiptarë;

Prezencë e shtuar e forcave serbe në Hant të Elezit e rrethinë;

Pejë: Dy shqiptarë u dënuan me 8 vjet e gjysëm burg;

Klinë: Policia keqtrajtoi tre nxënës shqiptarë;

Varrimi i Enver Fekës bëhet nesër, më 13 mars, në Lummadh të Vushtrrisë;

Organet serbe mgritën aktpadi kundër tri gazetave shqipe;

1. Gilman: Bisedimet Hollbruk – Millosheviq ishin të pasuksesshme;
2. Petriç: “Situata në Kosovë është e rrezikshme”;
3. Dinstbir: “Ushtria ‘jugosllave’ spastron brezin kufitar”;

Mbështetet nënshkrimi i marrëveshjes së përkohshme për Kosovën;

Zëdhënësi i socialistëve serbë thotë se Marrëveshje e re i plotëson vetëm kërkesat e ekipit negociator shqiptar;

Beogradi refuzoi të pranojë delegacionin e këshillave të politikës së jashtme të disa vendeve ballkanike;

Paramilitarët serbë të fshatit Prilluzhë sulmuan verifikuesit e OSBE-së;

Përfaqësuesit e tri konfesioneve fetare të Kosovës takohen në Vjenë.

 

 

Ora 16:30:

Dihet për 4 të vrarë dhe në fshatrat e Vërrinit – dyshohet edhe për tre të vrarë të tjerë;

Mitrovicë: I vrari që u gjet sot në mëngjes është Kadri H. Kadriu;

Në Balinc të Vushtrrisë dje është vrarë një pjesëtar i UÇK-së;

Nënkryetari i Kuvendit priti një delegacion të Këshillit të Nderit “2 Korriku”;

Dy ushtarë serbë të plagosur u dërguan në spitalin e Mitrovicës;

Civilët serbë shtinë me armë drejt një shqiptari;

Ferizaj: Forcat serbe janë pozicionuar në Gërlicë.