Sport

Duka për ndeshjen Serbi – Shqipëri: Qëllimi është vetëm sportiv

Published

5 months ago

on

Kombëtarja shqiptare po përgatitet për njërën nga ndeshjet më të rëndësishme të eliminatoreve të Kupës së Botës 2026, atë ndaj Serbisë, që do të zhvillohet më 11 tetor në Leskovac.

Në një intervistë për Top Channel, presidenti i Federatës Shqiptare të Futbollit, Armand Duka, foli për emocionet që shoqërojnë këtë përballje, rëndësinë e saj për ecurinë e kuqezinjve dhe besimin që ka te grupi i lojtarëve dhe stafi teknik i drejtuar nga Silvinjo.

“Nuk ka asnjë ndeshje të ekipit kombëtar që nuk ka emocion maksimal, por kur bëhet fjalë që je në prag të realizimit të një objektivi apo që je në luftë për pikë, gjërat bëhen edhe emocionale. Ndeshja ndaj Serbisë, për arsye që ne na jep një shans për të shkuar në play off, është shumë e rëndësishme. Të gjitha gjërat e tjera, as unë dhe as lojtarët nuk duam t’i kemi në memorie, qëllimi ynë është sportiv,” tha Duka.

I pyetur nëse kjo sfidë mund të jetë përcaktuese për të ardhmen e trajnerit Silvinjo, presidenti i FSHF-së u shpreh:

“Nuk është e vërtetë që ne kemi vendosur nëse do të fitojë apo jo në këtë ndeshje Sylvinho do të vendosë fatet e tij. Ajo që ne kemi thënë është që nëse do të kualifikohemi, nuk ka asnjë motiv që të diskutojmë për të cënuar apo ndryshuar stafin. Nëse ne nuk do të kualifikohemi, padyshim që do të ketë diskutime, qoftë nga ne, qoftë nga stafi i tij apo ai vetë. Kështu që nuk është kjo ndeshja që do të vendosë nëse Sylvinho do të jetë apo jo më tej.”

Duka e sheh përballjen në Leskovac si një ndeshje të hapur, ku Shqipëria mund të marrë rezultat pozitiv:

“Fitorja do të na bënte më të sigurt për të arritur objektivin e play off-it, ndërsa barazimi na mban në lojë. Por ne hyjmë në fushë për tre pikët dhe jemi të ndërgjegjshëm që janë shumë të vështira për t’u marrë. Askush nuk mund të mendojë se ne jemi favoritë. Unë mendoj që kjo është një ndeshje e hapur dhe ne i kemi mundësitë për të marrë 3 pikë.”

Sa i përket zhvendosjes së ndeshjes nga Beogradi në Leskovac, Duka nuk e sheh këtë si faktor që mund të ndikojë:

“Nuk shoh as avantazh të madh dhe as disavantazh të madh në spostimin e vendit ku do të zhvillohet ndeshja. E rëndësishme është që të jetë një fushë shumë e mirë, ku mund të shprehen lojtarët me kushte të mira dhe kaq.”

Në fund, kreu i FSHF-së theksoi se pavarësisht vështirësive, ka besim të plotë te grupi kuqezi:

“Fitorja do të na bënte vërtet që të kemi një hap më të sigurt drejt play off-it të Botërorit, por edhe barazimi na mban në lojë. E vështirë është, por kam ndjesi pozitive pa dashur ta ekzagjeroj. Kam besim te grupi dhe fryma e grupit që ne kemi. Ne nuk kemi kualitete të jashtëzakonshme, por kemi kualitet dhe grup më të mirë se Serbia, kështu që kam vërtet ndjesi të mira.”/D.B/KP

Related Topics:
Continue Reading

Sport

Nga fusha në zyra, Cristiano Ronaldo bëhet aksionar i Almerías

Published

11 hours ago

on

February 26, 2026

By

Cristiano Ronaldo ka blerë zyrtarisht 25% të aksioneve të UD Almería, duke hedhur një hap të rëndësishëm drejt pronësisë në futboll.

Klubi spanjoll aktualisht renditet i treti në LaLiga 2 dhe synon rikthimin në elitën e futbollit spanjoll. Me përfshirjen e Ronaldos në projekt, ambiciet për ngjitje në La Liga pritet të forcohen edhe më shumë.

“Ishte një ambicie për kohë të gjatë për të kontribuar në futboll përtej fushës. Jam i lumtur që bëhem pronar në UD Almería, duke blerë 25 për qind të aksioneve”, ka deklaruar portugezi.

“Almería është një klub me bazë të fortë dhe me potencial të madh për t’u rritur. Mezi pres të punoj me ekipin drejtues për ta përkrahur klubin në fazën tjetër të zhvillimit”, ka shtuar Ronaldo.

Continue Reading

Sport

46 sportistë përfitojnë nga “Shpresat Olimpike 2026”

Published

13 hours ago

on

February 26, 2026

By

Bordi Ekzekutiv i Komiteti Olimpik i Kosovës (KOK) ka miratuar listën e propozuar nga Komisioni i Sportit për programin e bursave “Shpresat Olimpike 2026”.

Në kuadër të këtij programi do të përfitojnë 46 sportistë nga 19 sporte të ndryshme olimpike. Secili prej tyre do të mbështetet me bursë mujore në vlerë prej 150 euro gjatë gjithë vitit 2026.

Mbështetja totale vjetore për këtë program arrin në 82,800 euro, duke synuar zhvillimin dhe përkrahjen e talenteve të reja në sportin kosovar.

Continue Reading

Sport

Përcaktohen 16 ekipet e fazës së 1/8 në Ligën e Kampionëve

Published

19 hours ago

on

February 26, 2026

By

Janë konfirmuar 16 skuadrat që do të garojnë në raundin e 16-të të Liga e Kampionëve e UEFA-s, fazë që shënon hyrjen në etapën vendimtare të garës.

Nga faza e grupeve u kualifikuan drejtpërdrejt: Arsenal, Bayern Munich, Liverpool, Tottenham Hotspur, Barcelona, Chelsea, Sporting CP dhe Manchester City.

Përmes fazës play-off biletën e siguruan: Atlético Madrid, Bayer Leverkusen, Bodø/Glimt, Newcastle United, Atalanta, Real Madrid, Paris Saint-Germain dhe Galatasaray.

Shorti i raundit të 16-të do të hidhet të premten në selinë e UEFA-s në Nyon, ku do të përcaktohen përballjet dhe rruga drejt çerekfinaleve.

Continue Reading

Sport

Natë e zjarrtë në Ligën e Kampionëve, përshëndetet Juventusi

Published

19 hours ago

on

February 26, 2026

By

Në kualifikimet për 1/8 e finales së Ligës së Kampionëve, mbrëmë u zhvilluan katër takime shumë interesante. Dhe epilogu final i tyre ishte i tillë. Italianët e Juventusit, me gjithë përpjekjet serioze, nuk ia dolën. U mposhtën nga turqit e Galatasarajit në kohën shtesë.

Edona Zhegrova bëri një paraqitje të mirë, por as kjo nuk ndihmoi. Edhe ai shpërdoroi një rast shumë të mirë, që mund të ndërronte kahun e lojës.

Rezultatet:

Atalanta-Borusia Dortmund 4:1. Gjermanëve nuk u kreu punë fitorja 2:0 në ndeshjen e parë, pasi rezultati final mbeti 4:3.

Juventus-Galatasaraj 3:2. Italianët fituan, madje gjithë pjesëlojën e dytë luajtën me një lojtar më pak. Por, turqit kishin fituar javën e kaluar 5:2, për ta dhënë rezultatin final 5:7.

Paris Saint Germain-Monaco 2:2. Francezët e të dy ekipeve dje luajtën baras, por Parisi në ndeshjen e parë kishte fituar 3:2, ndaj me rezultat final 5:4 shkojnë tutje.

Real Madrid-Benfica 2:1. Spanjollët fituan të dy ndeshje me diferencë minimale prej një goli (ndeshja e parë 1:0), për të shkuar tutje me rezultatin final 3:1.

 

Continue Reading

Të kërkuara