Lajmet

“Duhet pak më shumë ryshfet”: A do të ndikohet kandidatura e Liz Truss pas audios së zbuluar?

Audio është bërë diku midis viteve 2017-2019 kur ajo ishte Kryesekretare e Thesarit.

Published

on

Favoritja në garë për të pasuar Boris Johnson si kryeministre e ardhshme e Mbretërisë së Bashkuar, Liz Truss, është dëgjuar duke kritikuar produktivitetin dhe kulturën e punëtorëve britanikë, për të cilët ajo thotë se kanë nevojë për “më shumë ryshfet”.

Audio e rrjedhur e Liz Truss, e publikuar në The Guardian, është bërë diku midis viteve 2017-2019 kur ajo ishte Kryesekretare e Thesarit, posti numër dy nën ministrin e financave të Mbretërisë së Bashkuar.

Në regjistrim, ajo dëgjohet gjithashtu duke hedhur poshtë një argument të zakonshëm pro Brexit. Duke komentuar një tendencë në Britani për të “dëshiruar përgjigje të lehta”, ajo vë në dyshim pretendimet e fushatës se mirëqenia e punëtorëve britanikë ishte dëmtuar nga rivalët e BE-së.

“Ne themi se është e gjithë Evropa që po shkakton të gjitha këto probleme, është e gjitha, janë emigrantët që po i shkaktojnë këto probleme, por në fakt, ajo që duhet të ndodhë është, e dini, pak më shumë… pak më shumë ryshfet (ajo qesh). Nuk është një mesazh popullor”.

Ajo poashtu dëgjohet në regjistrim duke komentuar performancën e dobët të punëtorëve britanikë në krahasim me rivalët e huaj.

“Punëtorët britanikë prodhojnë më pak në orë… dhe ky është një kombinim i llojit të aftësive dhe aplikimit”, thotë Truss, duke shtuar se situata është shumë e ndryshme në Londër në krahasim me pjesën tjetër të vendit.

“Në thelb është pjesërisht një lloj mendësie dhe qëndrimi që unë mendoj… është në thelb një kulturë pune. Nëse shkoni në Kinë është krejt ndryshe, mund t’ju siguroj”, vazhdon ajo.

Truss pyet nëse fuqia punëtore e vendit është e përballueshme me sfidën e përmirësimit të produktivitetit.

“Ka një çështje themelore të kulturës britanike të punës”, thotë ajo. “Në thelb, nëse do të jemi një vend më i pasur dhe një vend më i begatë, kjo duhet të ndryshojë, por unë nuk mendoj se njerëzit janë aq të etur për ta ndryshuar atë”.

Ekipi i fushatës së Truss nuk e mohoi vërtetësinë e këtyre deklaratave, por tha se atyre “u mungonte konteksti”.

“Është e nevojshme të rritet produktiviteti, gjë që çon në paga më të mira dhe një cilësi më të mirë jete për punonjësit në të gjithë Mbretërinë e Bashkuar”, tha një burim për AFP.

Komentet e Liz Truss i bëjnë jehonë atyre të bëra në një libër të vitit 2012 që ajo shkroi bashkë, në të cilin britanikët u kritikuan si “përtacitë më të këqij në botë”./UBTNews/

Lajmet

Anulohet seanca e sotme ndaj ish-krerëve të UÇK-së

Published

on

By

Në Dhomat e Specializuara të Kosovës (DhSK) në Hagë, është anuluar seanca e planifikuar për të hënën në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

DhSK-ja nuk i ka bërë të ditura arsyet e anulimit të kësaj seance. Megjithatë, njoftoi se seanca e radhës në këtë rast pritet të mbahet nesër më 30 shator 2025.

Mbrojtja ka filluar me paraqitjen e provave të saj më 15 shtator 2025, ku për tri ditë me radhë u dëgjua ish-ndihmësi i sekretarit amerikan të shtetit, James Rubin, raporton “Betimi për Drejtësi“.

Ndërsa, pas tij u thirr ish-këshilltari ligjor i delegacionit shqiptar në Rambuje, Paul Williams. Kurse, ish-këshilltari politik i komandantit të lartë të NATO-s, Wesley Clark, John Stewart Duncan filloi dëshminë më 22 shtator dhe e mbaroi më 23 shtator 2025./D.B/EO

Continue Reading

Lajmet

Një person sulmohet me mjete të forta në veri të Mitrovicës

Published

on

By

Një person, shtetas kosovar, ka raportuar në Polici se është sulmuar me gurë dhe mjete të forta nga disa persona të panjohur në veri të Mitrovicës.

Rasti ka ndodhur të dielën më 28 shtator, rreth orës 13:00.

Sipas raportit 24-orësh të Policisë së Kosovës, viktima ka pësuar lëndime trupore dhe i njëjti më pas ka pranuar tretman mjekësor.

Lidhur me rastin është njoftuar prokurori./D.B/KP

Continue Reading

Botë

Shkon në katër numri i të vrarëve në sulmin në Michigan në SHBA

Published

on

Të paktën katër persona kanë humbur jetën dhe tetë të tjerë janë plagosur pasi një person i armatosur përplasi automjetin e tij në një kishë në Miçigan, hapi zjarr dhe më pas i vuri flakën ndërtesës.

Zyrtarët thanë se sulmi në Kishën e Jezu Krishtit të Shenjtorëve të Ditëve të Mëvonshme në Grand Blanc, një qytet rreth 100 km në veriperëndim të Detroit, ndodhi gjatë shërbesës të së dielës ku ishin të pranishëm qindra besimtarë, shkruan BBC.

I dyshuari, i identifikuar si Thomas Jacob Sanford, 40-vjeçar, nga Burton, Michigan, u qëllua për vdekje nga policia në parkimin e kishës.

Autoritetet po e hetojnë incidentin si një akt dhune të qëllimshme, por ende nuk dihet motivi.

Detajet e viktimave dhe hetimit

Shefi i Policisë së Grand Blanc Toënship, William Renye, tha në një konferencë për shtyp se dy viktima vdiqën nga plagët e armës së zjarrit dhe më vonë ai shtoi se dy persona të tjerë u gjetën të vdekur. Sipas policisë disa ende figurojnë të zhdukur, pa specifikuar numrin e saktë.

Megjithatë, Policia njoftoi se reagoi menjëherë në vendngjarje dhe u përplas me të dyshuarin me armë zjarri./S.K/KP/BBC/

Continue Reading

Botë

​Biserko: Ka indicie që Rusia të ketë marrë pjesë në rastin e Banjskës, Serbia është vegël e saj

Published

on

Udhëheqësja e Komitetit të Helsinkit për të Drejtat e Njeriut në Beograd, Sonja Biserko, ka theksuar se tash e shumë vite ekziston bashkëpunimi i thellë në mes të shërbimit sekret rus dhe atij serb. Sipas Biserkos, këtë bashkëpunim e ka bërë më specifik Aleksandar Vulini derisa ishte ministër i Punëve të Brendshme në Serbi.

“Prandaj, kjo çka ndodhi me arrestimet rreth Moldavisë qëndron edhe pse kemi deri tani vetëm informacione nga mediet, sepse pushteti në Beograd nuk deklarohet rreth kësaj. Nuk është rastësi që në këtë situatë, Rusia po tenton fort që të pamundësojë realizimin e Moldavisë pro-evropiane dhe ta orientojë atë kah Kremlini”, theksoi Biserko.

Ajo më tej u shpreh se ka indice që Rusia të ketë marrë pjesë edhe në agresionin në Banjskë më 24 shtator të vitit 2023 kur u vra rreshteri Afrim Bunjaku.

“Edhe sulmi në Banjskë në Kosovë para dy viteve, ka indice që Rusia ka marrë pjesë në të. Asgjë nuk është vërtetuar deri tani, por këto janë disa informacione që flasin për atë se Rusia është e kyçur shumë thellë në Serbi. Pikë së pari, në shërbimet e spiunëve, Kishën Ortodokse Serbe dhe disa grupime tjera”, shtoi ajo.

“Rusia e sheh atë Vuçiqin si dikë që e ka partner të besuar. Rusë kanë bazë të besueshme në Serbi, kështu që kjo është diçka që po ndodh dhe ka ndodhur edhe më përpara në Serbi”, tha ajo.

Grupi prej rreth 50 personave të armatorsur në Banjskë që udhëhiqej nga kryeterroristi, Milan Radoiçiq, i sanksionuar nga Shtetet e Bashkuara të Amerikës, me veshje ushtarake ishin të vendosur në Manastirin e Banjskës e përreth tij./S.K/KP/

Continue Reading

Të kërkuara