Lajmet

Dugolli shprehet i habitur: Pse më keni ftuar në Komision Hetimor për Energji?

Sipas tij, pozita e tij në atë kohë si ministër i Tregtisë dhe Industrisë nuk ka të bëjë asgjë me sektorin e energjisë.

Published

on

Ish-ministri i Tregtisë dhe Industrisë, Bujar Dugolli është shprehur i habitur për ftesën për të dëshmuar nga Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022.

Dugolli tha se pozita e tij në atë kohë si ministër i Tregtisë dhe Industrisë nuk ka të bëjë asgjë me sektorin e energjisë.

“Më keni ftuar për sektorin e energjisë, ndërsa unë kam udhëhequr një sektor komplet tjetër. Pra, pse më keni ftuar? Dua ta di se çka lidhet sektori im me energjinë… Kam qenë ministër i Tregtisë dhe Industrisë që s’ka pasur të bëjë asgjë me energjetikën”, tha Dugolli.

Por, kryetari i Komisionit, Hajdar Beqa dha arsyet për ftesën e tij për Dugollin.

“Ne kemi bërë ftesa në bazë të inicimit nga 41 deputetë për periudhën 2006-2022. Në bazë të dokumenteve ju kemi ftuar zotëri Dugolli, të cilat i kemi marrë nga akterët, ka qenë edhe emri i juaj, për arsye se në kohën për të cilën flasim, në bazë të informatave që i kemi ne, keni qenë anëtar i Bordit të AKM-së në cilësinë e ministrit”, tha Beqa.

Megjithatë, ai tha se kontributi i tij në atë kohë si ministër për këtë fushë ka qenë mbështetja e strategjisë për energjinë.

Por, anëtari i Komisionit Armend Muja ka pyetur Dugollin për procesin e privatizimit dhe statusin e privilegjuar me tarifa të energjisë elektrike për kompaninë “Alferon”.

“Më datën 16 mars 2006 është mbajtur mbledhja e qeverisë, dhe është diskutuar çështja e privatizimit të “Alferon” dhe statusi i privilegjuar për energji elektrike dhe në atë mbledhje keni diskutuar edhe ju, po ju citoj: “Është me rëndësi që në kontratën bazë për shitblerje të “Alferon” dihet privatizimi i saj si ka ndodhur, edhe kur është marrë vendimi në AKM ka pasur mbështetje paraprake të Qeverisë së Kosovës”, ky është diskutimi që është bërë. A ju kujtohet kjo bisedë”, pyeti Muja.

Dugolli u përgjigj se “Alferon” i shpallur si konsumator i privilegjuar për tarifa më të lira se amvisëritë, ka pasur arsyetime se në çdo vend favorizohet industria dhe investitorët.

“Ti a po më pyet për privatizim a për energji? Për privatizim e kam sqaruar në një komision tjetër. Nëse doni flas prapë. Tash e kam të qartë, diskutimet që janë bërë në opinion duke përfshirë edhe mediat, e kanë shfaqur këtë problem se si ka mundësi një kompani të furnizohet me energji elektrike kaq lirë në raport me amvisëritë. Për këtë i kam bërë pyetje edhe Shtyllës IV të UNMIK-ut, të cilët kanë qenë përgjegjës lidhur me këtë proces. Është thënë që konsumator i privilegjuar për faktin se kompania ka qenë në gjendje të paguajë para kohe atë vlerën që ka pasur interes KEK-u të merr para. Është thënë po ashtu se askund në botë konsumatorët e amvisërisë dhe industrisë nuk janë të njëjtë dhe çdo vend industria favorizohet me çmime”, tha ai.

Në këtë Komision, sot ka dëshmuar edhe ish-ministri i Energjisë, Ethem Çeku dhe ish-ministri i Financave, Haki Shatri. 

Continue Reading

Lajmet

​Interi përgatit ofertë të përmirësuar për Lookman

Published

on

Interi është gati të dërgojë një ofertë të përmirësuar për yllin e Atalantës, Ademola Lookman, i vlerësuar me 50 milionë euro nga klubi bergamask raporton La Gazzetta dello Sport

Bisedimet midis dy klubeve pritet të vazhdojnë sot, pasi Interi ka arritur tashmë një marrëveshje për kushtet personale me fituesin e fundit afrikan të Topit të Artë.

Sipas burimeve të Gazzetta-s, Interi ka paraqitur një ofertë në formë huazimi me detyrim blerjeje, ndërsa Atalanta këmbëngul për një transferim të përhershëm për shumën e plotë.

Megjithëse raportohet se një marrëveshje mund të arrihet për rreth 45 milionë euro duke përfshirë bonuset, Interi ende nuk ka bërë një ofertë të re konkrete për sulmuesin 27-vjeçar.

Ndërkohë, pavarësisht spekulimeve të mëhershme, nuk ka pasur kontakte të fundit nga Napoli për Lookmanin.

Burime të afërta me situatën konfirmojnë për Football Italia se interesimi i fundit i Napolit daton që nga qershori, dhe nuk ka pasur zhvillime të reja që atëherë. Lookman, i cili shkëlqeu sezonin e kaluar me fanellën e Atalantës dhe u shpall Lojtari Afrikan i Vitit, shihet si një përforcim kyç nga zikaltrit në merkato.

Continue Reading

Lajmet

Kurti u bën thirrje qytetarëve të mos udhëtojnë përmes Serbisë

Published

on

By

Kryeministri në detyrë i Kosovës, Albin Kurti, në një konferencë për media u bëri thirrje qytetarëve të Kosovës që të shmangin udhëtimet përmes Serbisë, duke paralajmëruar për ndalime arbitrare nga autoritetet serbe. 

Ka indikacione për ndalime të pajustifikuara. Prandaj i ftojmë qytetarët për maturi dhe të mos kalojnë nëpër territorin e Serbisë,” tha Kurti.

Ai u shpreh i shqetësuar për veprimet e fundit të autoriteteve serbe dhe kërkoi nga Bashkimi Evropian një reagim të qartë ndaj, siç i quajti ai, kërcënimeve të presidentit serb Aleksandar Vuçiq.

Sipas Kurtit, Beogradi po dëshmon mungesë të vullnetit për normalizimin e marrëdhënieve me Kosovën.

E ftojmë BE-në të reagojë qartë ndaj kërcënimeve të Vuçiqit. Serbia po dëshmon se jo vetëm që nuk është e interesuar në normalizim, por përkundrazi, po intensifikon sjelljet kërcënuese,” shtoi ai.

Kurti theksoi se përballë një klime të tillë të pasigurisë, qytetarët e Kosovës duhet të tregojnë maturi dhe kujdes maksimal në lidhje me udhëtimet e tyre drejt apo përmes Serbisë.

Continue Reading

Aktualitet

Kurti për takimin me Limajn: Kam bërë një ofertë konkrete

Published

on

Kryeministri në detyrë Albin Kurti, para mediave dha disa detaje për takimin me kryetarin e Nismës Socialdemokrate Fatmir Limaj për mundësitë e bashkëqeverisjes mes dy partive.

Në konferencë për media, Kurti tha se ka bërë një ofertë konkrete për Nismën që gjithçka të mbyllet sa ma shpejt dhe sa më mirë.

“Me Limajn kemi zhvilluar një takim. Unë si kryetar i partisë fituese, kam shprehur jo vetëm interesim, por edhe gatishmëri për të bashkëqeverisur me Nismën dhe në përputhje me këtë unë kam bërë edhe një ofertë konkrete për Nismën që gjithçka të mbyllet sa ma shpejt dhe sa më mirë. Kur këto bisedime të mbyllën me rezultatin final mund të flasim për të”, tha Kurti.

Deri tani të gjitha përpjekjet për formimin e institucioneve të reja kanë dështuar për shkak të mungesës së konsensusit mes partive politike.

Continue Reading

Lajmet

Kurti reagon ndaj Vuçiqit: Deklaratat e tij janë kërcënuese dhe destabilizuese

Published

on

By

Kryeministri i Kosovës, Albin Kurti, ka reaguar pas deklaratave të presidentit serb, Aleksandar Vuçiq, në lidhje me arrestimin e Igor Popoviqit, i cili u ndalua për shkak të deklaratave ku e cilësonte Ushtrinë Çlirimtare të Kosovës (UÇK) si “organizatë terroriste”.

Në deklaratë për media, Kurti theksoi se Kosova është shtet demokratik dhe ligjor, ku sundimi i ligjit zbatohet në mënyrë të barabartë për të gjithë, pa dallim etnie, pozite apo përkatësie politike.

Kosova është demokratike dhe ligjore me pushtete të ndara, institucione të konsoliduara dhe zbatim të barabartë të ligjit. Sundimi i ligjit nuk diskriminon sipas etnisë apo ndikimit politik,” tha Kurti.

Ai shtoi se rasti i Igor Popoviq, i cili është arrestuar për veprën penale të nxitjes së përçarjes apo mosdurimit etnik, po trajtohet nga institucionet e drejtësisë me profesionalizëm dhe në përputhje me standardet e të drejtave të njeriut.

Duke komentuar deklaratat e Vuçiqit të bëra më 20 korrik, Kurti i cilësoi ato si “kërcënuese, destabilizuese dhe të papranueshme”, duke theksuar se ato nuk janë thjesht qëndrime individuale, por përfaqësojnë politikë shtetërore të Beogradit.

Beogradi zyrtar tregon se nuk e mbështet drejtësinë, paqen dhe stabilitetin, por nxit tensione dhe përhap gjuhën e urrejtjes. Duke sulmuar vlerën më të shenjtë të shqiptarëve, që është UÇK-ja, ata provokojnë dhe nxisin përplasje,” shtoi Kurti.

Kryeministri përfundoi duke theksuar se deklaratat e tilla përbëjnë kërcënim serioz për paqen dhe sigurinë në rajonin e Ballkanit.

Continue Reading

Të kërkuara