Lajmet

Drejtësia Sot: Dështimi i rastit të Veteranëve dëshmi e gjendjes së tmerrshme të prokurorisë dhe gjyqësorit

Published

4 years ago

April 23, 2021

Betim Gashi

Drejtësia Sot, me shqetësim të madh ka pranuar sot aktgjykimin e Gjykatës Themelore në Prishtinë i cili liron nga aktakuza të akuzuarit për rastin e njohur si ‘Veteranët’. Të njëjtit sipas aktakuzës së Prokurorisë Speciale të Republikës së Kosovës (PSRK), janë akuzuar se në cilësinë e anëtarëve të Komisionit Qeveritar për Njohjen dhe Verifikimin e Statusit të Dëshmorit të Kombit, Invalidit, Veteranit, Pjesëtarit dhe të Internuarit të Luftës së Ushtrisë Çlirimtare të Kosovës, i kanë njohur statusin e Veteranit Luftëtar, rreth 19.500 personave të cilët nuk i kanë takuar kësaj kategorie. Me këto veprime të kundërligjshme buxhetit të Republikës së Kosovës i kanë shkaktuar dëm në shumë prej 88.769.217.04 euro.

Sipas aktgjykimit të siguruar nga Drejtësia Sot, thuhet se ndër të tjera, PSRK ka dështuar të ndajë veprimet inkriminuese të të akuzuarve të kryera në bashkëveprim, ka dështuar të provojë dashjen, ka dështuar të provoj se, rritja e numrit të veteranëve luftëtarë të jetë e ndërlidhur me veprimet të të akuzuarve, ka dështuar që të provoj se 19.500 aplikuesit, a janë vërtetë përfitues të kundërligjshëm apo jo të njejtit, të gjitha çështje për të cilat Drejtësia Sot kishte reaguar që në fillim të këtij gjykimi.

Sipas analizës së publikuar nga Drejtësia Sot në janar të vitit 2020, aktakuza e ngritur nga PSRK, kishte mangësi të mëdha. E njejta i përfshinte të gjithë të akuzuarit në një pikë të dispozitivit dhe dështonte të shpjegojë veprimet inkriminuese të të pandehurve veç e veç, element ky i domosdoshëm për sqarimin e rolit të secilit të akuzuar në këtë rast. Një veprim i tillë ka rrezikuar qëndrueshmërinë e të gjithë rastit dhe ka dobësuar përfaqësimin e tij pranë gjykatës. Një qasje e tillë nga Prokurori i rastit është qasje jo-profesionale dhe kontribon dukshëm në mohimin e drejtësisë dhe përkrahjen e kriminalitetit në vend.

Në të njejtën kohë, Drejtësia Sot ka raportuar në vazhdimësi edhe për shkeljet e Kodit të Procedurës Penale të kryera nga gjykata duke filluar nga afatet ligjore për caktimin e seancave të shqyrtimit gjyqësor, duke e tejkaluar atë për më shumë se 200 ditë, praktikë kjo që ndikon në zvarritjen e lëndës, në vonimin e drejtësisës dhe në dështimin e luftimit të krimit e korrupsionit në vend. Për më tepër, është raportuar edhe për vendimin e jashtëligjshëm lidhur me refuzimin e kërkesës së PSRK-së për vendosje të masës së përkohshme lidhur me ndalimin e pensioneve ndaj personave të cilët dyshohet se në mënyrë të kundërligjshme e kanë fituar statusin e “Veteranit Luftëtar”.

Ky vendim është vendimi i rradhës i cili është tregues i qartë i sistemit të kalbur të drejtësisë, i cili dështon të ngrisë aktakuza që plotësojne elementet thelbësore të tyre, mbështeten në prova të pakontestueshme dhe mbrohen para gjykatës denjësisht. Për më tepër, është dëshmi direkte që tregon që sistemi, si i tillë që është, punon në të kundërtën e mandatit të tij, ashtuqë rezultati i punës së disa prokurorëve është kundërproduktiv dhe i dëmshëm në pakthim, duke ngritur aktakuza të cilat janë të destinuara për të dështuar e me këtë duke u bërë vet shkaktar për lirimin e të gjithë atyre që dyshohen të kenë abuzuar masivisht me buxhetin e shtetit të Kosovës.

Në situatën konkrete, ka nevojë për një veprim urgjent për të krijuar modalitetet më të mira për një kontroll të integritetit etik, profesionalizmit dhe paanshmërisë së gjyqtarëve dhe prokurorëve që do mund të sanoj këtë gjendje abuzive e cila është bërë normë në vendin tonë. Prandaj, Drejtësia Sot i bën thirrje Ministrisë së Drejtësisë që të vë fokus të veçantë në gjetjen e këtyre modaliteteve, ashtuqë të njejtat, të jenë gjithëpërfshirëse, të thella dhe serioze. Vetëm në këtë mënyrë mund të lirohet sistemi i drejtësisë nga kapja e politikës, interesave individuale e partizane.

Bota

Ish-udhëheqësi i Hezbollah do të varroset të dielën

Published

2 days ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

2 days ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.