Aktualitet

Dokumenti amerikan tregon që varianti Delta përhapet shumë më lehtë

Published

5 years ago

July 30, 2021

UBT news

Sipas një dokumenti të brendshëm nga Qendrat Amerikane për Kontrollin dhe Parandalimin e Sëmundjeve, varianti i koronavirusit DELTA që po shfaqet në SHBA po shkakton sëmundje më të rënda dhe po përhapet shumë lehtë.

Në bazë të dokumentit njerëzit plotësisht të vaksinuar mund të përhapin variantin DELTA më të njëjtin ritëm si njerëzit e pavaksinuar, raporton CNN, transmeton Klankosova.tv.

Nëse njerëzit e vaksinuar infektohet me këtë variant kanë po aq virus në trupin e tyre sesa njerëzit e pavaksinuar. Kjo do të thotë që ata kanë gjasa që të infektojnë dikë tjetër sa njerëzit e pavaksinuar.

SHBA mesatarisht ka pasur më shumë se 61 mijë raste të reja ditore gjatë javës së fundit.

Që nga e mërkura, rastet janë rritur në të gjithë vendin. Presidenti Joe Biden ka njoftuar se administrata e tij ka marrë disa rregulla të reja duke kërkuar që të vaksinohen sa më shumë amerikanë dhe që të gjithë punonjësit federalë të dëshmojnë se janë vaksinuar kundër COVID-19, transmeton Klankosova.tv.

Vendi

Inspektorati Qendror i Punës ndalon punimet në 12 vendpunishte në pesë komuna

Published

15 minutes ago

August 21, 2026

UBTNews

Inspektorati Qendror i Punës (IQP) ka ndërprerë punimet në 12 vendpunishte në komunat Skenderaj, Mitrovicë, Vushtrri, Prizren dhe Ferizaj, pas kontrolleve të kryera për zbatimin e legjislacionit të punës dhe sigurisë në punë.

Gjatë inspektimeve, zyrtarët konstatuan shkelje të rënda ligjore që vinin në rrezik të drejtpërdrejtë jetën dhe shëndetin e punëtorëve. Për këtë arsye, punimet janë bllokuar deri në eliminimin e plotë të parregullsive dhe plotësimin e standardeve të sigurisë.

Sipas njoftimit, ky aksion synon parandalimin e aksidenteve në punë, ndërsa rifillimi i punimeve do të lejohet vetëm pas verifikimit të ri nga inspektorët. Inspektorati paralajmëroi se kontrollet do të vazhdojnë me intensitet të lartë në të gjithë vendin./E.A/

Lajmet

Plagoset një grua nga plumbi qorr në Lipjan, dërgohet në QKUK

Published

45 minutes ago

August 21, 2026

UBTNews

Një grua është plagosur nga një plumb qorr mbrëmjen e së enjtes në Lipjan.

Sipas raportit 24-orësh të Policisë së Kosovës, ngjarja ka ndodhur rreth orës 21:00, ku e dëmtuara është qëlluar në trup.

Për shkak të lëndimeve të marra, ajo është dërguar menjëherë për tretman mjekësor në Qendrën Klinike Universitare të Kosovës (QKUK).

Policia e ka cilësuar rastin si “Shkaktim i rrezikut të përgjithshëm” dhe po punon për zbardhjen e plotë të ngjarjes. /E.A/

Vendi

Të shtëna me armë para një lokali në Prishtinë

Published

50 minutes ago

August 21, 2026

UBTNews

Policia e Kosovës ka nisur hetimet për një rast të përdorimit të armës, i cili ka ndodhur mesnatën e së enjtes në Prishtinë.

Sipas raportit 24-orësh të policisë, një grua ka njoftuar se një burrë i panjohur ka shtënë tre herë me armë zjarri në ajër përballë lokalit të saj dhe më pas është larguar me shpejtësi.

Njësitet policore kanë dalë në vendngjarje, ku kanë gjetur dhe sekuestruar tri gëzhoja. Rasti po hetohet nga organet e rendit./E.A/

Lajmet

Arrestohet një person në Lipjan: Mashtroi një familje me bileta aeroplani

Published

59 minutes ago

August 21, 2026

UBTNews

Policia e Kosovës ka arrestuar një person në Lipjan, i cili dyshohet për veprën penale “Mashtrimi i konsumatorëve”.

Sipas raportit 24-orësh të policisë, i arrestuari i kishte marrë një shumë parash një familjeje, duke u premtuar rrejshëm se do t’u siguronte bileta udhëtimi me aeroplan.

Pas intervistimit, me vendim të prokurorit kujdestar, i dyshuari është dërguar në mbajtje për procedua të mëtejshme ligjore./E.A/