Kronikë e zezë

Dogana jep detaje për policin e suspenduar, iu gjetën mbi 1 mijë fishekë

Inspektorati Policor ka njoftuar se automjeti ishte duke u vozitur nga një zyrtar policor jashtë detyrës zyrtare.

Published

4 years ago

August 15, 2022

Betim Gashi

Mbrëmë në orët e vona në pikë kalimin kufitar të Vermicës janë kapur mbi 1 mijë copë fishekë të gjuetisë.

Inspektorati Policor ka njoftuar se automjeti ishte duke u vozitur nga një zyrtar policor jashtë detyrës zyrtare.

“Një automjet me targa kosovare dhe i drejtuar nga shtetas i Republikës së Kosovës rreth orës 01:05 ka tentuar që të shmang kontrollën doganore (duke tentuar të ik), mirëpo është urdhëruar që të ndalohet për kontroll doganor. Drejtuesi i mjetit deklaron se nuk posedon asgjë. Mirëpo në bazë të dyshimit të arsyeshëm urdhërohet që mjetin ta drejtoje në vijën e dytë të kontrollit, pas kontrollimit të detajuar së bashku me zyrtarët policor në pjesën e gomës rezervë të kamufluara janë gjetur municion gjuetie. Automjeti është dërguar për skanim në doganën e Shqiperisë, mirëpo pas kontrollimit nuk është gjetur mall tjetër. Sasia e gjetur si në vijim: Municion gjuetie 1074 copë dhe thikë gjuetie pa markë”, thuhet në njoftimin e tyre.

Ndaj të dyshimtit është inicuar rasti për kontrabandim të muncionit. Municioni i gjuetisë është konfiskuar dhe rasti është dorëzuar te Policia e Kosovës.

Related Topics:Policia e Kosoves dogana e Kosoves fisheke

Up Next

Vetura godet për vdekje një fëmijë në Kovragë të Istogut

Don't Miss

Policia për dy javë në rajonin e Prishtinës konfiskoi 38 armë

Kronikë e zezë

Arrestohen dy persona për dhunim në Vushtrri

Published

18 hours ago

February 25, 2026

UBTNews

Dy burra janë arrestuar në Vushtrri nën dyshimin për dhunim, njofton Policia e Kosovës.

Sipas policisë, të dyshuarit dyshohet se kanë dhunuar një grua, e cila është dërguar për trajtim mjekësor.

Pas intervistimit me vendim të prokurorit, të dyshuarit janë dërguar në mbajtje për procedura të mëtejme.

Rasti është raportuar më 24 dhe 25 shkurt 2026

Kronikë e zezë

Dy raste të falsifikimit të parave, policia nis hetimet

Published

18 hours ago

February 25, 2026

UBTNews

Dy raste të dyshuara për falsifikim të parasë janë raportuar në Graçanicë dhe Lipjan, sipas raportit të Policisë se Kosovës.

Në Graçanicë, një zyrtar banke ka njoftuar se një klient ka deponuar rreth 766.50 euro, të cilat dyshohet të jenë të falsifikuara. Monedhat janë sekuestruar dhe rasti është duke u hetuar.

Ndërkaq, në Lipjan, gjithashtu një zyrtar banke ka raportuar se një klient ka deponuar një monedhë prej 500 euro, që dyshohet të jetë e falsifikuar. Monedha është sekuestruar dhe autoritetet po vazhdojnë hetimet.

Kronikë e zezë

Tri raste të dhunës në familje brenda një dite në Kosovë

Published

18 hours ago

February 25, 2026

UBTNews

Tri raste të ndara të dhunës në familje janë raportuar në Gjilan, Pejë dhe Skenderaj, sipas raportit 24-orësh të Policisë se Kosovës.

Në Gjilan, dy vëllezër janë arrestuar pasi, pas një mosmarrëveshjeje, janë përleshur fizikisht mes vete. Gjatë kontrollit policor, tek ta është gjetur dhe sekuestruar një revole me leje. Me vendim të prokurorit, pas intervistimit, të dyshuarit janë dërguar në mbajtje.

Në një rast tjetër në Pejë, është arrestuar një grua e dyshuar se ka ushtruar dhunë psikike dhe ka tentuar ta sulmojë vëllain e saj. Pas intervistimit, me vendim të prokurorit, palët janë liruar dhe rasti ka shkuar në procedurë të rregullt.

Ndërkaq, në Skenderaj është raportuar se një grua ka pësuar dhunë nga i dyshuari burrë, me të cilin kishte bashkëjetuar. Për rastin është njoftuar prokurori dhe hetimet janë në zhvillim.

Rastet janë raportuar më 24 shkurt 2026.

Kronikë e zezë

Vrasje në tentativë në Pejë, arrestohet një i mitur

Published

19 hours ago

February 25, 2026

UBTNews

Një i mitur është arrestuar në Pejë nën dyshimin për veprën penale “vrasje në tentativë”, sipas raportit 24-orësh të Policisë se Kosovës.

Sipas njoftimit, rasti ka ndodhur dje rreth orës 13:10, pas një mosmarrëveshjeje mes dy të miturve. I dyshuari dyshohet se ka therur me thikë viktimën, po ashtu të mitur.

Viktima ka marrë trajtim mjekësor në Spitali i Pejës, ndërsa me vendim të prokurorit, i dyshuari është dërguar në mbajtje për procedura të tjera.