Kronikë e zezë

“Do të ju hakmerrem”, qytetari që i kanosi policët në Mitrovicë dënohet me 2 mijë euro

Published

4 years ago

on

Gjykata Themelore në Mitrovicë, të martën e ka dënuar me katër muaj burgim, të akuzuarin për kanosje e fyerje të policëve, A.T.

Por, ky dënim me burgim me pëlqimin e të akuzuarit do t’i zëvendësohet me gjobë në lartësi prej 2 mijë euro.

Gjykatësja Lidija Vuqeroviq deklaroi se i akuzuari T., gjithashtu është i obliguar të paguajë shpenzimet procedurale dhe atë 30 euro për paushallin gjyqësore dhe 30 euro në emër të fondit për viktimat e krimit, raporton “Betimi për Drejtësi”.

Gjykatësja Vuqeroviq, ka thënë se palët kanë të drejtë në ankesë brenda afatit ligjor.

Aktakuza e ngritur më 23 gusht 2021, nga Prokuroria Themelore në Mitrovicë, ngarkon A.T se më 16 gusht të këtij viti, në rrugën “Driton Deliu” në Mitrovicë në mënyrë serioze i kishte kanosur me fjalë personat zyrtar në lidhje me punën e tyre dhe atë policët F.U, B.F dhe G.A

Siç thuhet në aktakuzë, në afërsi të diskotekës, pasi që e kishte ndalë automjetin e policisë në të cilën kishin qenë policët, të cilët kishin ardhur t’i ndihmojnë kolegët e tyre të cilët ishin në një intervenim në një diskotekë, pas një diskutimi të shkurtë me ta i kishte thënë atyre “të gjithë ju policët jeni m….. i njëjtë”, “zgjidheni këtë ose unë do të dalë tani me kallashnikov edhe ju vras të gjithëve”, duke aluduar në personelin e diskotekës, e pasi kishte qenë e qartë se kishin qenë nën ndikimin e alkoolit.

Gjithnjë sipas aktakuzës, për shkak të frikës se ka mundur t’i shkaktojë diçka të keqe dikujt në diskotekë është arrestuar nga ana e policisë dhe gjatë rrugës për në stacionin policor tërë kohën në automjet i kishte fyer policët e lartcekur, duke i sharë dhe i kanosur seriozisht me fjalët “nuk do të ju lë me kaq, do të ju kthej, do të ju hakmerrem”, që tek të njëjtit kishte shkaktuar frikë me fjalët e tij i kishin përjetuar si kanosje serioze.

Më këtë, T. po akuzohet se ka kryer veprën penale “kanosja”, nga neni 181, par.3, lidhur me par.1 të Kodit Penal, vepër kjo e dënueshme me burgim prej gjashtë muaj deri në pesë vjet.

Related Topics:
Continue Reading

Lajmet

Mbi 2 mijë e 400 gjoba trafiku shqiptohen nga Policia e Kosovës në 24 orët e fundit

Published

2 days ago

on

October 31, 2025

By

Policia e Kosovës ka njoftuar se kanë shqiptuar 2412 gjoba për kundërvajtësit e trafikut brenda 24 orëve të fundit.

Gjithashtu, janë raportuar 34 aksidente trafiku me dëme materiale, dhe 18 aksidente trafiku kanë përfunduar me të lënduar.

Policia e Kosovës ka arrestuar 20 persona, 16 janë dërguar në mbajtje, kurse 1 person është në vuajtje të dënimit./S.K/PK/

Continue Reading

Lajmet

Arrestohet një serb në Prishtinë, kishte urdhërarrest ndërkombëtar

Published

2 days ago

on

October 31, 2025

By

Një shtetas serb është arrestuar dje në Prishtinë rreth orës 16:00 ka njoftuar Policia e Kosovës, i njëjti kishte edhe urdhër arrest aktiv.

Me vendim të prokurorit i dyshuari është dërguar në mbajtje.

URDHËRARREST NDËRKOMBËTAR

“Prishtinë / 30.10.2025 – 16:00. Është arrestuar i dyshuari mashkull shtetas serb pasi që i njëjti kishte urdhër arrest. Me vendim të prokurorit i dyshuari është dërguar në mbajtje”, thuhet në raportin e Policisë së Kosovës./S.K/KP/

Continue Reading

Lajmet

Arrestohet një person i dyshuar për vjedhje të rëndë në Ferizaj

Published

2 days ago

on

October 31, 2025

By

Policia në Ferizaj ka njoftuar se dje më 30.10.2025 rreth orës 22:00 ka pranuar një informacion për një rast të vjedhjes së rëndë në rrugën “Mustafë Xhigolli”.

Sipas njoftimit pas daljes në vendngjarje nga ekzaminimet e para është dyshuar se personi/na të panjohur kanë depërtuar në shtëpinë e viktimës përmes thyerjes së xhamit të dritares së pasme, duke vjedhur stoli ari në vlerë rreth 10.000 euro, si dhe pajisjen DVR të kamerave të sigurisë.

“Gjatë zhvillimit të hetimeve, njësia hetimore ka identifikuar një automjet të dyshuar të tipit Audi A4, ngjyrë hiri, që drejtohej nga A. Xh.( 25 vjeç) .Gjatë kontrollit në automjet janë gjetur mjete të dyshimta, përfshirë një shpues elektrik dhe një palë këpucë, të cilat përputhen me gjurmët e lëna dhe pamjet nga kamerat e sigurisë nga kryesi i veprës”, thuhet në njoftim.

I dyshuari ka tentuar të largohet, por pas një ndjekjeje është arrestuar nga hetuesit policorë.

Me urdhër të prokurorit të rastit, i dyshuari është ndaluar për 48 orë, ndërsa automjeti është sekuestruar për procedura të mëtejshme hetimore./S.K/PK/

Continue Reading

Lajmet

Dogana: 250 kg kanabis u zunë bazuar në informacionet e AKI-së

Published

3 days ago

on

October 30, 2025

By

Një operacion i bazuar mbi inteligjencën e siguruar nga Agjencia e Kosovës për Inteligjencë, i ndërmarrë nga Dogana e Kosovës dhe Policia e Kosoves ka rezultuar me zbulimin dhe konfiskimin e rreth 250 kilogramëve të substancës narkotike të llojit kanabis, të fshehur me kujdes në një automjet transportues.

“Operacioni është realizuar gjatë orëve të pasdites, kur njësia e Antikontrabandës e Doganës ka ndalur për kontroll një kamion që po lëvizte në drejtim të Prishtinës në autostradën ‘Ibrahim Rugova’”, ka njoftuar Dogana e Kosovës.

Dogana njofton se gjatë inspektimit janë përdorur pajisjet e dhuruara nga Ambasada e Shteteve të Bashkuara të Amerikës (ShBA).

“Pas një inspektimi të detajuar, dhe duke përdorur pajisjet profesionale të dhuruara nga Ambasada e Shteteve të Bashkuara të Amerikës, zyrtarët doganorë kanë arritur të demontojnë panelet e fshehura të automjetit, ku ishin vendosur substancat narkotike. Në vendngjarje kanë dalur edhe njësia antidrogë e Policisë së Kosovës dhe Prokurorja kompetente. Personi përgjegjës është arrestuar nga Policia e Kosovës, ndërsa procedurat ligjore janë në zhvillim”, thuhet mes të tjerash në komunikatën për medie.

Dogana e Kosovës ka vënë theksin tek kontributi që AKI ka dhënë.

“Dogana e Kosovës vlerëson lartë kontributin dhe bashkëpunimin e Agjencisë së Kosovës për Inteligjencë në këtë rast, dhe thekson përkushtimin e saj për të vazhduar koordinimin e ngushtë me të gjitha institucionet në vend. Ky operacion paraqet një tjetër dëshmi të vendosmërisë së institucioneve tona për të luftuar kontrabandën dhe trafikimin e substancave të ndaluara, duke mbrojtur sigurinë e qytetarëve dhe integritetin ekonomik të Republikës së Kosovës”, thuhet në komunikatë./S.K/EO/

Continue Reading

Të kërkuara